تفاعلاً مع حملة لا للمنقول أهديكم هذا الموضوع >> لا يفوتك

بسم الله الرحمن الرحيم



في البداية امسي عليكم بالخير من حضور ولجنة ومستمعين >> ناصر الفراعنة

والله تفاعلاً مع حملة لا للمنقول تحت شعار >>> لا للمنقول

حبيت اني اطلق العنان لكيبوردي واترككم مع مكتوبي وليس منقولي خخخ

في ذات يوم من الأيام في مدينتنا العزيزة وفي حينا الكويس >> خخخ >> وفي حارتنا الزينة وفي شارعنا النظيف وأمام منزلنا العامر
كانت محور هذة القصة ..
المهم ياطويلين العمر قلت لأخوي ابي أسوق هو يحسبني امزح قال سقها قلت ابيك تعلمني السواقة ولا يكثر .
المهم هو أعجبتة الفكرة وقال يالله بنروح للمخطط المهم بديت انا بالسواقة اول شي قلت لة وش لون امشي قال ارفع رجلك عن الكلتش بشويش وادعس بنزين بشويش
قلت اوك المهم وكلما دعست طفت السيارة >>عليمي المهم وكل شوي على هذي الحالة وانواع القربعة والطقاق والهوشات وانا ما أدري وش السالفة طلعة ادعس الكلتش وفرامل خخخ
وعلمني وش الي ادعس بالضبط وكل شي وسارت المشكلة مب في البداية المشكلة كيف أوقف السيارة خخخ قالي أخوي يالله وقف السيارة المهم وادعس على الفرامل دعسة وحدة حسيت ان رجلي طلعة على المكينة
خخخ واناظر اخوي ناشب بالقزازة الي قدام وانواع الطقطقة وقعدة اسبوع على هذي الحالة في يوم الجمعة قالي اخوي يالله ابيك توديني للمسجد قلت ايش قال يالله قلت اوك ماعندك مشكلة
وأشغل وهذ بدايتها تطفى علي السيارة عند الباب طع طع >> هذى صوت الطراق
قاعد امشي على طريق خريص 20 ك غشامة
ويالله بييييييييييب طااااااااط فووووو >> كل من مر من جمبي ضرب بوري ولا شطف ولا قام يحد
ويمر من جمبي جمس جديد شكلة غريب واقعد اناضرة واسحب على السيارة قرقب واصدم بالرصيف وكفين على الطاير ويمسكني مع اذني تبي تموتني انت انتبة للسيارات
المهم وصلنا للمسجد عاد تعرفون المسجد يوم الجمعة النظام فية زفت كل واحد يوقف في اي مكان وفية كامري وفورد موقفين بالخط يعني يمديني امر بس الغشامة تلعب دور واحك الكامري مع الباب يوم شفت اني حكيتها وأوخر عنها وأحك الفورد >> مقرود
وافقع وأروح اوقف وننزل نصلي صلينا يوم طلعنا من المسجد السيارة موقفينها في الشمس يعني الله يعين .... >> مشفر
وأركب السيارة وماهمني اهم شي اني اسوق لو تحتي جمر وأشغل وابي الف والدركسون حاااااار مرة وطع في جدار البقالة خخخ
واشكل وأنواع التقبيع والتحكيك .
وبعدهـ سرت أطلع بالحالي وبحذر وخوف وأمشي ورى التريلات عشان محد يقربني خخخخ
والحين والحمد لله تم اعطائي الترخيص للسواقة وصرت اكوس واحد بأخواني بالسواقهـ وبكل فخر

أهم النقاط الرئيسية بالموضوع :
1- لا تعلم أخوك السواقة لو انة يموت .
2- وإذا خلاص بتعلمة السواقة لا تعلمة على سيارة ملك علمة على أجار >> علم نفسك .
3- لا تناظر يمين ولا يسار ناضر قدام وانت تسوق .
4- هذى الموضوع تحت شعار لا للمنقول
5- هذا الموضوع بمناسبة اليوم الوطني للمرور الجوي بالدفاع الوطني تحت شعار يكفي ... >> خخخخ
6- خلاص تكفي خمس...

ودمتم سالمين

محيميد الحبيب