السلام عليكم ورحمة الله وبركاته



راح اقول لكم بعض المواقف واعطونني رايكم


1 -فى الشميسي بالرياض

رحت يوم تعبان ودخلت الطواري قلت ابي الدكتور قالوا عنده حاله انتظرت قالوا وش عندك قلت الموت تعبان انتظرت مزلبيني ولا اعطوني وجه احاول فيهم وانا اشوف الموت قدام عيوني ( ماعمندي فلوس اروح مستشفى خاص ) انتظرت شوي تذكرت واحد من العيال شغال في الاستقبال وادق عليه سلام يفلان قال هلا صوتك متغير قلت انا في الشميسي وتعبان ولا دخلوني كلم لي احد تعرفه قال من في الاستقبال قلت فيه شخص كذا وكذا شكله ( ما قريت اسمه على البطاقه ) قال قوله انا من طرف فلان ولا راح يقصر ... واروح واقول انا من طرف فلان ابي ادخل قال ابشر وفلان عزيز وغالي اخدمه بعيوني دقايق وانا داخل على الدكتور ويعطيني ابره ومهديات وواقف معاي والرجال تارك الاستقبال وجالس معاي الما خلص الدكتور وارتحت تقريباً ساعه مغذيات وابر وبعدها الحمد لله طلعت .
لو ما اعرف الرجال وش كان بيصير فيني ووش حالت غيري .

2 - شركة الاتصالات السعوديه

رحت بقدم على خط هاتف ثابت قالوا تعال بعد شهر المقسم اللي انت عليه ما عليه امكانيه قلت بركب خط دي اس ال قالوا مافيه حتى الاسقاط ما فيه ... انتظرت ومن يوم في يوم ... واكلم الشباب اللي اعرفهم بعد ما راجعت بعد شهر وقالوا مافيه امكانيه ومنيه ومنيه حصلنا واحد في اشتراكان طريق خريص اليوم الثاني كان راكب خط التليفون .. ما اعرف وشلون جت الامكانيه ؟؟ يحليلنا بس

3 - بنك الرياض - السليمانيه

رحت لخدمات العملاء قلت بطاقة الصراف انتهت وابي الاصدار الجديد قالوا على صندوق البريد دورت ما حصلته رجعت قلت مافيه ابي بطاقه اصدار جديده وشولن امشي بدون صرافه .. قالوا قدم طلب .. قدمت ورجعت بعد خمسه ايام مثل ما طلبوا مني قالوا انت قدمت طلب اصدار لازم تقدم طلب الغاء البطاقه القديمه وبعدين طلب بطاقه جديده وصلحتها ورجعت بعد خمسه ايام قالوا فيه مشكله بالاصدار من الاداره انتظر يومين بس .. قلت يحليلكم وش بنكي بنك الرياض وانتم ما عندكم السالفه .. رحت ورجعت بعد يومين قالوا اطلع للمدير وكلمه .. رحت وتهاوشت مع المدير قال ثلاثه ايام اعتبر الموضوع شخصي قلت طيب .. بعد ثلاثه ايام رجعت قالوا كل شي تمام قلت والبطاقه قالوا ارسلناها على صندوق البريد ياهووووووووووووه وش صندوق البريد نرجع لنفس السالفه الاوله قالوا هذي مشكلة الاداره وغلطتهم والا المفروض تجي على الفرع هنا والموضوع هذا له اسبوعين وباقي ما وصلت البطاقه وكل ما كلمتهم قالوا البريد وش تبينا نسوي للحكومه نشكيهم قلت لا مرمطوني ولا تكلمون الحكومه .. وما زالت المعاناه ( خساره ما اعرف احد في بنك الرياض )


4- مستشفى قوى الامن

يوم جاني واحد من الزملاء قال فيه موعد للعايله في مستشفى قوى الامن واعطوني الموعد بعد 6 اشهر وفيه موعد ثاني للاسنان بعد سنه تكفى شوف لي حل قلت ابشر ... رحت وكلمت واحد من الزملاء في المستشفى قال جيب لي اوراق المواعيد ورقم الملف جبتها له اعطني الموعد بعد ثلاثه ايام والموعد الثاني للاسنان بعد اسبوع ..

5 مرور شرق الرياض

واحد من الزملاء صار له حادث اتصل علي وقال انا بالتوقيف لازم كفاله جيت بكفله قالوا لا لازم كفاله حضوريه غراميه مصدقه من الغرفه التجاريه من مؤسسه يمين يسار الحادث بسيط كسرت اسطب تقول عجوز مكسوره سنتها قالوا مافيه .. ادور يمين يسار واكلم واحد يكلم الضابط المستلم شوي ويطلعون خويي قالوا بس جيب كفاله علشان ما يصير ملاحظه بكره اذا امكن قلت ابشر بس الحين الساعه 12 بالليل مافيه غرفه تجاريه .
كان الرجال بيخيس بالتوقيف حر ولا مكيفات ولا اكل زين .

6 - جامعة الملك عبدالعزيز بجده

اخوي يبي يدخل دراسه انتساب تخصص ادارة اعمال .. قدم ماقبلوه وبعد ما انتهى التسجيل جبنا ورقه من ................ اليوم الثاني كتبوا عليها تحقيق رغبته والحاق.......... بزملائه


7 - شركة الكهرباء السعوديه

جيت اراجع عندهم في معامله قالوا الموضف في اجازه قلت من ينوب عنه قالوا مافيه هذا الموضف من 20 سنه وهو مافيه الا هو والمشكله ما تصدقون والله العظيم هندي ... وعندنا نسعود محلات الخظار والذهب ونسينا الامكان المهمه تعرفت على شخص من كثر التردد وخلص موضوعي معقوله يالربع اللي يصير ..

8- مستشفى التخصصي

كان احد الزملاء يراجع علشان ولده مريض صرطان >> تكتب كذا هههه
جا يدخله الولد وضعه الصحي زفت يبي يسوي له عمليه قالوا خذ موعد اي موعد وولدي بيموت كان وقتها الرجال بيشق ثوبه وكان يقول افكر اطلع اخذ رشاش وادخله بالقوه ماعلي انسجن اموت ولا اشوف ولدي يموت قدامي وعمره 4 سنوات ونصف اللي منومين لعمليات تجميل
المهم وقتها كان فيه ممرضه من دوله اربيه تقول روح قدم شكوى لحقق الانسان
لانها عارفه ان الللي يصير مهزله
يومين وتوفي الابن الذي يبلغ من العمر 4 سنوات بسبب عدم وجود سرير
لاحول ولا قوة الا بالله

منتديات مدرسة المشاغبين - منتديات الفسحة العامة