بسم الله الرحمن الرحيم
السلام عليكم ورحمة الله وبركاته
حبايب قلبي انا موضوعي للمدخنين لاني انا منهم
والله انه بلوه كبييييره
حاولت ابطل ماقدرت مو سالفة ادمان والا اقولكم واكذب عليكم
اني اصدع اذا مادخنت ههههههههه
هذا كلام فاضي السالفه ومافيها تعتبر شهوه للملعونه (السيجاره)

بس ياعزيزي المدخن يوم كذا تكون رايق سوي شاهي وولعلك سيجاره واجلس فكر شوي فيه
(لو تشوف رئتيك الحين كيف بيكون شكلها؟!)
(لو تشوف قلبك وشرايينك كيف بيكون شكلها ووش لونها؟!)
المشكله انه مكتوب عليه تحذير بس احنا عالم (همج) مانفهم بالطيب مع انه ربي ميزنا عن باقي الكائنات (بالعقل)
تصدقون امس جلست افكر واكلم نفسي وسالت نفسي سوال قلت: (ياولد احسب كم ريال صرفت فالزفت هذا للحين؟!)
ولقيت ان المبلغ مو بسيط والله يعني الدخان طايح عليا بخساره هههههههههههه مايكفي انه بيدمر صحتي كمان ادفع فلوس؟!
زي اللي يشتري موته بيده هههههههههه
مااقول الا الله يخارجنا منه بس
تكفوووووووون طلبتكم ادعوا لكل المدخنين (طلبتكم)
واللي عنده حل والا شي نجهله يفيدنا
انا عارف ان العزيمه اول شي بس صدقوني بنستفيد من كلامكم
والله مشكله
وتصدقون لو قلتلكم اني اكتب هالموضوع والسيجاره بيدي
الله يخارجنا
لاتنسوني من دعواتكم
ولاتحرموني من ردودكم



ودمتم بخالص الود
<========< اخوكم والله لاتقصروا معاه

منتديات مدرسة المشاغبين - منتديات الفسحة العامة