 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-09-2008
| ||||
| ||||
 آه يــــــــــــــــــــــــــــا مزنــه السلام عليكم ورحمة الله وبركاته هذي رساله لـ خليلتي مزنه واقول لها اين انتي ايتها السبهه لو تعملين كم أحبك حب ماحبة قيس لليلاءُ .. ولا عنترة لعبلة مداخله(والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة ) آهـ يا مزنه تذكرين يومنا على جال الغدير ومغطسة رجلينتس وتطلع شهبا عقب الطين .. تذكرين يوم كنا في بيت عماني الشعبي وكنتي لابسة قميص اصفر محبب من كثر الغسيل وشفاف غصب .. وجيتيني وقلتي ياعـأإلـى قلت لك يالبية احسبك تبين تقولين لي كلمة حلوه ولا تبين تبوسيني في هالقايلة اخرتها صرتي تبيني احك ضهرتس تذكرين مزنه يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي العب يوم جلستي خمس ساعات على المرتبة.. ونزلتي الى المرتبة منعفطة تذكرين ايام ماكنت اجي وأطق عليكم الباب وردت علي امك انحشت من الخوف .. لانها دايم تطردني من بيتكم تراني كنت اجي علشانتس مهوب عشان أخوانتس هالشيون اللي مايدرون وينها معه تذكرين يوم كنا نلعب كل ظهرية بعد المدرسة وانتي لابسة المريول الكحلي .. وأنا طاق الفنيلة العلاقي ومطلع عضلاتي ..  يوم تشوفينن اباطي مافيها شعر وتقولين ليه مهيب مثل اباط ابوي فيها شعر  في هذيك اللحظة حسيت انتس نظجتي ياعمري وبديت ابكي من الفرح مثل بكاء طفل عجوز.  تذكرين يوم كنا نلعب بالسطح بوبي وانقعد نتخمخم وانتي تحسبينها برائة اطفال ..  لا تراني وقح وانتي سبهه ماتدرين وش السالفه  تذكرين يوم تلقيني منبطح(ن) بالحوش وقاعد احارش النمل .. وتقولين لعبني امزاكي وش عشاكي مريقيقة ولا كبدة حاشي .. يوم شقلتس وطقت عروقي وجاني مشع بظهري من سبتس .. تراني الحين امشي على جنبك كله من امزاكي ذاك اليوم  تذكرين يوم كنا نجمع قفول الطبلون حقت العمارة اللي جنبنا ونقعد نلعب فيها كانها كاميرا .. وانتي تدفدفينن تقولين لا لا تطلع وجهي  تذكرين يوم أكشخ قدامك ذاك اليوم وأحط السحلي داخل افمي يقالك فتوة ويعض لساني وتطقني اللتغه عقبها ليومك صرت انظق الراء هاء تذكرين يامزنه يوم كنا نرن جرس بيتكم وننحاش نتوزا بالمستودع حق بيتنا بغيت اقولك بس وش هالدلاخه ندخل البيت ونصك الباب وأنتهت المشكلة وشوله المستودع  مزنه تذكرين يومنا في المستودع كنت دايم اطيح طاقيتي وأنتي تدنقين تجيبينها ياعمري وانتي سبهه ماتدرين تذكرين يوم ترسلينن للبقالة عقب ماكبرتي  وصرتي تلبسينن برقع وتقولين جبلي بسكوت ديمه وعصير طمام الساعه 4 الفجر يوم رجعت للبيت ويلعن ثواي أبوي أيام حلوة مرينا فيها يامزنه ماتنسي .. مزنه اه مازلت الى هذا اليوم وأنا مغرم بك وبمفاتنك .. صدقيني لو بغيتي اشرطة مزعل فرحان وعيسى الاحسائي كلها مستعد اعطيتس اياها .. بس ارجعي من غرناطه وتعالي لمرتعتس الأساسي مازال في مخليتي لك ياعزيزتي طعوس من الذكريات .. لايسعها لا ورقة ولا مرسم  ومازلت امتلك من الذكريات ذالك المنديل اللذي تبقى منه كثبانتس  اليابسه .. وسعابيلتس المالحه <<< يع قرفنيتذكرين يوم نروح لملاهي الخيمة ويودينا أخوتس على الجمس الأزرق وناطلنا بآخر المرتبه ومع طول الطريق من المعذر الين حي الورود نمت ونسيتوني ورا وأنتي نزلتي وخليتيني لحالي يالزلابة والعرق يصبصب ماقمت الا يوم الجمعه تذكرين يوم يجون بنات خالتك من الديرة وتتنيفشين عندهم يقالك انك بنت الرياض اللي مابعدها احد اللي في وقتنا الحالي طاقة اللثام والكحل ماخذ لفة كاملة على راسها والشدو مختلط مع نص عينها . ويسئلونتس وين تدرسين فيه قلتي لهم ادرس بالشيراتون . ماتدرين أن الشيراتون مدرسة عيال اصلا كم تمنيت اني اصير زي رشدي اباظه ولا عبدالحليم حافظ واعيش زيهم لاكن لاحياة لمن تنادي .. اه اه يامزنه اين انتي الان اني ابحث عنتس في كل زباله وحوض ددسن وكل سطح يمكن اشوفتس مع الحمام متربيه اه اه يامزنه وآنا يامزنه مازلت على وعدي لك بالزواج العرفي مكتوب على مقفى كرتون منديل الملحق ... وشهر العسل اسبوع في جيان .. رحلتي ... ورحل كل الحب معتس ورحل ذالك الحب العذري الطفولي القذر اني لازلت ابحث عنتس ايهتا السبهه ... ملطووووووووووش كود تشوفه مزنه هع هع
_________________ قاهرتهم .. بس بــ طيبي حتى عدوي لو نخاني لبيته هلاليه .. وذا كافيني . اعشق كيان الزعيم واتغنابه |
|
#2
07-09-2008
| ||||
| ||||
 رد: آه يــــــــــــــــــــــــــــا مزنــه يسلموووووووووووووووووووووووو |
|
#3
07-09-2008
| ||||
| ||||
| رد: آه يــــــــــــــــــــــــــــا مزنــه تقبلي مروري |
|
#4
07-09-2008
| ||||
| ||||
| رد: آه يــــــــــــــــــــــــــــا مزنــه ioioioioioio الله سلمك تشكراتي على المرور لااعدمناك
_________________ قاهرتهم .. بس بــ طيبي حتى عدوي لو نخاني لبيته هلاليه .. وذا كافيني . اعشق كيان الزعيم واتغنابه |
|
#5
07-09-2008
| ||||
| ||||
| رد: آه يــــــــــــــــــــــــــــا مزنــه مملوح باشا تشكرااتي على المرور لاا عدمناك
_________________ قاهرتهم .. بس بــ طيبي حتى عدوي لو نخاني لبيته هلاليه .. وذا كافيني . اعشق كيان الزعيم واتغنابه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
