« مـ«ـوطـ«ـن « الغربـ «ـه «




وصل رگب الرحيل لموطن الغربـه ودار اجنــاب..

بعد طول الطريــق اللي تمادى واتعب ارگابــي..

ضحگ وجه المدينه بالمحاجر والوجيه اغــراب ..

وانا عابرسبيــل وضحگتي مابينت نابــي..

وقفت انظر على شط المدينه..والجروح اسراب..

ولعنت أم الحنين وسالت الدمعه على اهدابــي..

هنا گنت الغريب .. بلا حبيب.. ولا وطن.. واقــراب..

حزين وماقدرت اجمع شتاتي..واحسب حسابــي..

حدانــي للسهر جرح سجني بين ناب و نــاب..

وترگني بين صمت الذگريات بصفحة گتابــي..

حبيبي واغلا جرح ذگرته وانفتح له بــاب ..

وانا لو ماتذگرتك وانت ناسي..ويش يبقى بــي..؟

صحى هم الفراق اللي فتح للذگريات ابــواب..

وغفيت وماصحيت إلا وطيفگ يطرق أبوابــي..

ذگرت أول لقــا فيه اجتمعنــا بالغرام أحبــاب..

أليــن آخر لقــا منه افترقنــا..وآخر اتعابــي..

فداگ الجرح يا وجه ترگني للملام وغــاب..

بقى له في حياتي طعنتين وجرح ما طابــي..

أنا اللي گنت أضيع بنظرتگ شوق و وله واعجــاب..

واضيـق بغيبتگ وتضيـق بي دنيــاي وثيابــي..

حبيبي وانت ماتسوى ملام ولا أنت قد عتــاب..

تفداگ الملامه..والعتاب..وشرهة ذيابــي..

خطاي اني تماديت بغلاگ..وماحسبت حســاب..

أحسب ان الوفا طبع البشر واحبابي..احبابــي..

وعزاي اني ردعت القلب عن باقي غلاگ وتــاب..

وصحى في داخلــي طفل غرير وشايب اعرابــي..

حبيبي للصبر بال طويــل والجروح اسبــاب..

وانا مارحت ادور للجرح..اعذار..واسبابــي..

حبيبي يوم شفت الزمان برجعتگ گــذاب ..

ترگتگ للتجافي والغرور..بزحمة اصحابــي..

رحلت وقلت اسافر عنگ..واجزيگ الغياب غيــاب..

واببعد واستريح من السهر واريح اعصابــي..

هجرت أرض الجروح ابغى عن تراب الجروح تــراب..

عساي انســاگ ..وانسى رجعتگ .. والجرح ..وترابــي ..

طلع صبح الفراق بموطن الغربــه ودار اجنــاب..

ولعنت أم الحنيــن وسالت الدمعه على اهدابــي..

‏_‏ _ _ _

صح لسان شاعرها

‏_‏ _ _ _


..تحياتــي..