حياة مربط من ابو كلب هع ـآ

كما تعودنا دائما في البدايه السلام هع ـآ
السلام عليكم ورحمه الله وبركاته

تحية طيبة للحلوين والشينين يسوقونها لين نخلص من السالفه ونعلمهم بعدين (تماسيح / وسحالي )





المهم... وانا جالس كد شعري بعد ما حلقت >> قولولي نعيما هع ـآ
الا تذكرت لي شغلة كنا منذ مبطي نسويها يوم كنا عيال نعمه <<<< حطوا تحت كلمة عيال نعمه من الخطوط الحمر لين تملون >>> قصده عيال فقر...

شلون نسوي العسكريم منذو مبطي؟؟ (العسكريم = ايس كريم)


هذا الله يسلمكم حنا يا عيال التجار، تدرون الفلوس ما ندري وين نحطها، وحفاظا على صحتنا، ومن مبدا تشجيع الصناعة الوطنية <<<<<<<< تراني مو نصاب بس اكذب عليكم واهلس من الطفش >>>>> ما كان يحصل الريال الا بعد التحقيق وكتابه الخلاصه والراااي ورفعه للجهات المختصه ( الوالد الله يحفظه)

كنا نسوي العسكريم بانفسنا...

وكانت خلطة سرية (ابن امه هالايام يسويها مثلنا)<<<<<<<< اه ثم اه
الا ليت الزمان يعود يوماً لا اقوم افحط برجولي تفحيط لا وبعد حافي وفي الظهر
هههههههههههههههههههههههههههههههههههههههههههههههههه


نعود لحديثنا... >> قسم سامج

عاد كانت هالخلطة لازم يكون عندك الاتي :

1- كاس حديد (ما نعرف هالكاس الا في شهر رمضان)
2- قليل من السكر

4- شربيت (فيمتو) >>>>>>> اللي لونه احمر او تانج برتقال يازينه زيناااااهـ<<< والله نفسي طقت فيه
5- فريزر (يبرد في ساعة)


وتبدا عملية تضبيط العسكريم... تحط لك شوي من السكر >> باسلوب ثاني = تضع قليلا من السكر
في كاس الحديد وبعدين تحط لك شوي من الماء وتجلس تحرك السكر والمويه حتى يذوب السكر فالماء وبعدين تجيب الشراب (الفيمتو) او ( البرتقال) وتحط لك شوي وتجلس تحرك بالملعقه وبعدين تزيد الماء حتى يوصل راس الكاس >> انتبه لا يندج الماء ويجي على يدك يوسخها
بعدين تحط الملعقه في الوسط وتمسك الكاس المليان وتحطه في الفريزر وبعد ساعة تعال شف وش صاير؟

طبعا اللي داخل الكاس بيكون مجمد... >> ثلج

على طول ارفع اسفل الكاس وانكبه وحاول يطلع الفيمتو-البرتقال الجامد والمعلقة في وسطه...وهنا تكون العملية ناجحه مية في المية....


وما بقى عليك الا تبدا في عملية اللحس
وراح تدعون لي

انا بصراحه لو الاقي كاسه ابو حديد كان سويته بس اوعدكم اسويه بعد رمضااان لين يجي رمضان الله يشرفه ونشتري اكواب حديد واخبي لي واحد عشان اتذكر زمان اول


وبالهناء والشفاء

هاه وش رايكم بالله فيني

<<<<<<<< سامج مع مرتبة الشرف من طفش القايله





ما يستفاد من القصة :

1- قديمك نديمك ومالك الا الاول حتى لو كبرت وصرت متخرج من الثانويه وتدرس الجامعه ومعاك سيارة <<< مدري وش تبي هالفائدة.
2- العسكريم مفيد للصحة وخاصة انه يكبر الشفايف >> مجرب شخصي هع ـآ
3- الدقة القديمة كنت اسمع بها العجز يقولونه خاصة اذا كان الذهب رخيص هع ـآ
4- ما فيها شي اذا كنت سامج وما تعرف تكتب مواضيع ساخره فيمكن يوم من الايام تنجح، فهيفاء وهبي ماهيب اطيب منا >>>>>>> وراك ما تنهي الموضوع




آسف جدا ع الاطاله والسماجه

بس كما تعودنا دائما في نهاية مواضيعي
ابغى بوسه من كل عضو ههههههههههههههه
امزح امزح بس ابي اشوف ردود يلا عشان اكتب كمان من عندي
وما اجيب منقول هع ـآ