وضــــــاع الـحـلـــــم يـا أبــنـــــي (تفاعلاً مع حمله لاللمنقول)

بـرازيـلـي مـمـلـوح · #1 (**permalink**) 07-11-2008, 12:10 AM

.................................................. ......................................

تضامنناً مع الأنتفاضه قررت انتفض زيي زي اي عضو انتفض
وجايب معي سطل مليان حصى <<<<فاهم الأنتفاضة غلـط

بعد ماشفت المواضيع او بالأحرى السواليف تنهمر في هذا القسم من المنتدى قلت ياعسل ورى ماتذب لك سالفه مثلهم .

فقررت اقولكم سالفة اليوم اللي تخرجت فيه من الثانويه <<<بما انه اتعس يوم مر علي

الزبـــــــــــده :

/
\
/
/
\
/
\
/
\
/
\
/
\
/
\
/
\

رجعت ذاك اليوم من المدرسه وانا توني جايب الشهاده
(شهاده الثانويه العامه _علمي_ )وبنسبه 73%
وعلى قوله المريخي :

طـــــــاير من الفـــرحه طـــــاير <<<تصدقون اذا قلت ان هذا الشطر من الشعر يوصف شعوري هذاك اليوم .

المهم دخلت البيت وانا مبسوووووط وادخل غرفتي وافسخ ثوبي وشماغي اللي قلبوا الوانهم من طقه الشمس .

واروح لصاله لأزف الخبر لأهلي :

يماااااااااااااااااااااااااااااااااااااااااااااااا ااااااااااااه

يباااااااااااااااااااااااااااااااااااااااااااااااا ااااااااااااااااه

نجحححححححححححححححححححححححححححححححححححححححححححححححح ت

وينطلق ذاك الصوت من اخر البيت خلى الأثاث يتحرك من مكانه :
اقووووووووووووووول ورى ماتاكل تبن وتسد فمك .

والله وانا اللي اكل تبن واسد فمي واروح للملحق .
واجلس على على ذيك الكنبه اللي كنها صبه واذا جاء الواحد يجلس عليها يجلس بشويش عشان ماينشل .

وامسك الريموت حق التلفزيون<<<<تلفزيون هديه خالتي لأمي يوم اعرست على ابوي (من 23سنه)

واشغله ويطلع لي المذيع حق الاخبار يكحكح ويقولي:ثاني مره اذا بغيت تشغل التلفزيون اضغط الزر الاحمر بشويش عشان مايطير الغبار علينا

واعصب عليه واجلس افتح واسكر في التلفزيون قالي: احسن احرقه عشان معاد تقدر تشوفه مره ثانيه.

واقوله احسن اصلاً كل مافتحت التلفزيون تطلع لي انت عنبو بليسك كل المذيعين اللي في جيلك ماتوا وتحللوا وصاروا نفط وانت الى الحين ماسك الأوراق وفي كل مره تقول نفس الاخبار بعدين بالله عليك هذا شكل مذيع لابس لي فنيله علاقي واحنا في عام 2008م.
وتوه بيتكلم واغير القناه واحط على قناه فيها اثنين يسولفون وبينهم باب فجأه انفتح ذا الباب وطلع لي المذيع ابو فنيله علاقيه واهو معصب يقول: ثاني مره لاتغير القناه وانا اكلمك يا........<<مشفر

قلت شكلي بشيل التلفزيون واغطسه في البانيو عشان تموت ونفتك منك ومن فنيلتك.

وبينما انا اقلب في صفحات التلفاز غطست شوي <<<غطست=نمت

وفجأه يجي ذاك الصوت اللي خلى البيت في زلزال كل شي قام يتحرك انا طحت من فوق الكنبه الميبسه ويدخل علي ابوي واهو معصب ويزاعق:
منهو الكلب اللي ناسي الدينمو شغال ومخلي المويه تصبصب في الشارع؟؟؟؟

وانتهز الفرصه عشان اوري ابوي الشهاده بس الظاهر الغضب اعماه .
على طول سحبني مع فنيلتي وقال: انت اللي ناسي الدينمو ??.
قلت لا والله مهوب انا . قال: اجل منهو . قلت : اكيد مصيعب.

(مصيعب=مصعب اخوي) .

واهو يتكلم حطيت الشهاده بين عيونه واقوله :يبه اخيراً تخرجت من الثانوي .

وبكل سخريه يرد علي : مبسوط انت وجهك .من عرفتك وانت في ذا الثانويه حتى الطلاب الجدد اللي يجون يحسبونك تمثال منحوت في المدرسه.

واقوله: والله انك يابوي عيار انت تدري ان كل المدرسين حاقدين علي عشاني اجادلهم في العلم ومثلك عارف لاحياء في العلم. قالي:وانت من متى في وجهك حياء وانت تطل على الجيران <<<<<فضحنا الله يفضحه.

واحنا نتناقش دخل علينا مصيعب ببطلونه الجنز وشعره المنفش على شكل دائري ويقول بكل بدلع : هاي دادي . هاي برذر.

ويمسكه ابوي ويقوله: خير انشالله مار من عند ناس واقفين عند مخبز يوم انك تسلم وتمشي وبعدين وراك مسوي بشعرك كذا طالع كنك منطاد .قاله اخوي: يبه هاذي الموضه
قال ابوي : الموضه انك تخلي شعرك اكبر من وجهك ؟.من بكره تحلقه. قاله:انشالله.
قام ابوي ضحك ضحكه قويه وقاله انت من جدك بتحلقه اصلاً وين بتلقى حلاق يحلق ذا الشعر كله انت يالله تتعاقد مع مشتل وعساه يخلصه في شهر .

الـمـــهــــــــــم .
واسمع بوري سياره عليان عند الباب واطلع له.
واقوله: ياعليان ورى ماتغير بوري موترك لأني ماافرق بينه وبين صوت الفرامل.

المهم اتفقنا انا وصديق عمري عليان اننا نروح نقدم .

ونروح نقدم في جامعه الملك سعود وجامعه الأمام والكليه التقنيه <<<<ماخلينا شي .

حتى اننا قدمنا في كليه الملك فيصل الجويه .

وتظهر النتايج ولا كأني سويت شي .
صديقي عليان تم قبوله في الكليه التقنيه في قسم البيئه . لا هو وجهه بعد رايح لهم يقول مابي ذا القسم . قالوا تبي ولا اطلع وسكر الباب وراك .

واجلس انا ابكي وابكي وابكي وبعد البكاء ببكي وبعد البكاء ببكي <<<<<<اخلص

تسكرت في وجههي كل الأبواب خصوصاً ان باب القبول في كل الجامعات والكليات والمعاهد والمدارس تسكر . يعني خلااااااااااااص (وضاع الحلم ياأبني)

وعشت باقي ايامي عاطل باطل نوم وحكحكه ذا الراس حتى ان القمل اللي في راسي طلع لي رئيسهم يقول ياخي وش وراك خلنا نجلس في راسك .

بصراحه احرجني بأسلوبه قلت تدري جت عليكم انتوا يعني. اجلسوا .

وقلت يامحيميد ورى ماتروح تشوف لك وظيفه تصبرك على ذا السنه اللي ضاعت من عمرك .

واروح لأحدى الشركات المشجعه للسعوده .
وادخل على مدير شؤون الموظفين واقوله : ماعندكم وظايف ؟؟.
رد علي بكل سخريه وبرود : جبت معك كيس عشان تاخذ الوظايف فيه.

<<<<ينكت هو وجه قسم بالله رفع ظغطي بغيت امسك الطفايه اللي على مكتبه وصكها في جبهته عشان معاد يتعودها .

تقـول مافيه انسـان غيري في هالكون...حطمـت في همي انا كـل الأرقـام

الـحـزن فــي عيـني لـه سنـين مدفـون...تـحقـق الأحـزان وتـخيـب الأحـــلام

اصـحـاب انـا والـهـم واحبـاب ونمــون...لاماهي صداقه يوم ذي عشره اعوام

الــهم سجــاني وانـا فـيــه مـسـجــون...ان قـام حظـي طـاح وان طـاح ماقـام

وراحت سنه من عمري عاطل باطل والسنه الثانيه لقيت وظيفه تمشي الحال .

وعلى قوله الشاعر:

اشوف اليوم مثل الأمس ... وباكر الله اعلم به

وآسف جداً على الأطاله .

تــحــــــــــــــــــــــــــياتـي :برازيلي مملوح .

mz3εl · #2 (**permalink**) 07-11-2008, 01:01 AM

هههههههههههههه
نسبتي زي نسبتك

اقتباس:

ياعليان ورى ماتغير بوري موترك لأني ماافرق بينه وبين صوت الفرامل.

هههههههه ماظن يتغير البوري

مشكور برازيلي مملوح ع هيك القصه الروعه

المتالقة2010 · #3 (**permalink**) 07-11-2008, 01:03 AM

ههههههههههههههههه صدق من قال
شر البليه مايضحك
والله يعيننا ويعينكم ياارب
ويسلمووو عالقصه مرررره رووعه يسلمووو

ملامح مجهول · #4 (**permalink**) 07-11-2008, 01:07 AM

حبيبي مثلك تعال نبكي سوى هههههههههههه

ترى المخده عندى xxxl بالمقاس الكبير ولا يفوتك الملحق قلبته

مقهى كمبيوتر و بلايستسشن وفريره وما انسى بلياردو

وش اسوي بدوووووووووووون شغل ما فيه الا العب واريح على بالي

هههههههههههههههههههههههههههههههههههههههههههههه

مثل ما قالت المتألقه شر البليه ما يضحك

تحيااااااااااااااااتي

بـرازيـلـي مـمـلـوح · #5 (**permalink**) 07-11-2008, 01:18 AM

عبدالعزيز

المتألقه 2010

ملامح مجهول

مشكورييييين على مروركم.

ملامح مجهول افتح باب بيتكم بجيك

استضافة مواقع	معنى كلمة	رسائل مسجات vshzg ls[hj	دردشة شات ]v]am ahj	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

وضــــــاع الـحـلـــــم يـا أبــنـــــي (تفاعلاً مع حمله لاللمنقول)

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه