قصيدة الألفيه

ألـفٍ اولـف بيوتـن طـاب مبنـاهـا
مدام هي مـن هجوسـي زان معناهـا
احب بالشعر اسلـي خاطـرن ضايـق
لاصرت اردد بيـوت الشعـر واقراهـا
والبا بحاكـي بشعـري حبـي الفايـت
قصة عشق مـا أظـن القلـب ينساهـا
بعد رحل من عشقتـه غـاب ماشفتـه
رحل بعـد مـا حياتـي كـان يزهاهـا
والتـا تـوارى حبيبـي بعـد مـازارى
كما نجومـن حجبهـا الغيـم واخفاهـا
تَغيّبت سافـرت مـن عقـب ماكانـت
في وسط نجـد العذيـه عُقـر سُكناهـا
والثـا ثلاتـة سنيـنٍ مـدة الغيـبـة
ثلاثـة اعـوام اراقــب واتحـرّاهـا
ثلاثة اعـوام امنّـي نفسـي ابشوفـه
والعين حلـو الكـرى ماعـاد ينصاهـا
والجا جفـاه الزمـان اليـوم ماجانـي
ماهـو تَغَلـي لأن الظـرف يقـواهـا
جنيـت فرقـا وخلـي جانيـن فـرقـا
فارقتهـا فارقتـنـي بـعـد لُقيـاهـا
والحا حشا مـا نسيتـه لـو تباطيتـه
قلبي وفـا ياعـرب ياكيـف ابنساهـا
حاولت انسّي فؤادي بـس مـا فـادي
دقـات قلبـي تـجـدد دوم ذكـراهـا
والخـا خسـاره ماعـاد ادلّ انـا داره
يومه رحل من صحاري نجـد واقراهـا
خطير حالي لاشفـت الـدار مهجـوره
اخاف تفضحني عينـي ابكثـرة ابكاهـا
والـدال دالـوب عشقـي ياعـرب دارا
امسيت ابشوق الغلا واصبحت ابفرقاهـا
دكّ الفـراق الـفـؤاد وزاد غربـالـي
مالوم عيننـن تبـل الكـم مـن ماهـا
والذال ذبلـت ورود العشـق وازهـوره
من يوم غيبت حبيبي محـدن اسقاهـا
ذَبْلَتْ وجفّت وشانـت عقبهـا صـارت
اورود وازهور حزنـن غـاب حُسناهـا
والـرا رحيلـه مريـرٍ كنّـه الحنظـل
مرن علـى كبـدي اليومـه تمطواهـا
راحـت وقفّـت وانـا بـروح واقفّـي
اعيش فـي دنيتـي واتعيـش دنياهـا
والزاي زحمه حياتـي بـس وحدانـي
ما شوف غيره عيونـي حبـه اعماهـا
زيـارة ابغـى ازوره ميـر مـا دلــه
لو نعـرف اوطـان داره كـان زرناهـا
والسيـن سكّـرت انـا دفاتـر ايامـه
ماهـوب نسيـان ماغـيـر اتنـاسـاه
سجّيت رجلـي علـى دربـن يسلينـي
كـود الخـلا للجـروح اليـوم يبراهـا
والشين شرّفـت راس النايـف العالـي
وغنيـت ببيـات امحمـد قـد تغنّاهـا
شلت بالصوت يامعـدّي طـرب حـوّل
خـلّ المراقيـب لمـعـذّب ويرقـاهـا
والصـاد صكّـات بقعـا كنّهـا جتنـي
ياكنّهـا ناويتـنـي مــن ضحـايـاه
صويب كنّي بسهمـن عقـب مـادارت
حربن شنيعة بعد مـا اقفـت رحاياهـا
والضاد ضاع الفرح ماعـاد انـا ليبـه
ياكـنّ الاحـزان قـهـوة واتقـواهـا
ضنانـي الشـوق واتعبنـي وبهذلنـي
فرقـا ودمعـات حزنـن ذي جنيناهـا
والطا طراتي مُناتـي شوفـت الغالـي
وانعيد لحظـات حلـوة قـد قضيناهـا
طنين صوت الحنيـن ابداخلـي طنّـي
طنـطٍ وطنـطٍ حياتـي يـوم عنّـاهـا
والظاد ظرفـن يفـرق غالـي وغالـي
يحزن قلـوب العـرب بالبعـد يبلاهـا
ظروفـن اتفـرق العشـاق تحزنـهـم
ماقسـى ظروفـن تفرقنـا يامقسـاهـا
والعين عشرة وسبعه ما مضى من حرف
سبعة عشر حرف حنّـا قـد سردناهـا
عقبهـا مابقـى مـن حـرف ابحكيبـه
عن حالي اليوم يـا وشهـي مزاياهـا
الغين غازينـي هـمّ الطيـب سرّانـي
وغيري رجالـن مثـل هالهـمّ سرّاهـا
غديت مابيـن هـمّ وبيـن هوجاسـن
رجلي بهـمّ المراجـل صـار ممشاهـا
والفـا فقـارى الكرامـة مانماشيـهـم
ما حـب رفقـة جماعـه ذي حلاياهـا
في خوّة اهل الكرامة صرت انا ساعـي
ناسن عزيـزة وعـز النفـس أغناهـا
والقاف قيفان شعـري نـاوي اختمهـا
بالنصـح ياكـود بالنصـح اتحلواهـا
قصيـدةٍ فالبدايـة قـصـة العـاشـق
نختمهـا بالنصـح يومنّـا نظمنـاهـا
الكـاف كــل النمـايـم لاتصدّقـهـا
اسفهـا لاجتـك كـنّ محـدنّ توحّاهـا
كب النميمة ومـن هـو جـاك ناقلهـا
نمّـام نفسـه تشـيـل ارداه بـرداهـا
واللام ليّاك تاخـذ شـور مـن جاهـل
ما فـاد نفسـه يـوم ابجهلـه تبّلاهـا
لا صرت ناوي تشاور اسئـل امجـرب
عـاش الغرابـيـل يومـنّـه تلقّـاهـا
والميم ماكل من يضحك معـك صـادق
والناس محـدنّ تـرا يكشـف نواياهـا
مـا يكشـف النيـة ألا ربنـا العالـي
ولا النوايـا جميـع النـاس تخفـاهـا
والنون ناسـن تقفّـي عنـك مغـرورة
احشـم كرامـتـك لـيّـاك اتـوّلاهـا
ناسن تْحسبَ المراجل بشـت وعقالـي
نوبٍ يميـن المراجـل نـوب يسراهـا
والها هبيلن فضيـخ القلـب وشلكبـه
عن خوّة الصنف هـذا نفسـك انهاهـا
هاذي ترا ها وصاتـي يـوم وصيتـك
أخذ النصيحه لاصـرت اليـوم تبغاهـا
والـوا وصايـه نهايـه بعـد مبدانـا
قصـة عشـق فالبدايـة قـد ذكرناهـا
وزنت قيفان شعـري واللحـن حزنـي
نظمتهـا يـوم عينـي رشّـت امياهـا
واليا يوم القاف قـرّب يحكـم اغلاقـه
سَرَدْ حروف الهجا مـن ألفهـا إلياهـا
يوم المُعنّا نقـا شعـره مـن الهاجـس
ستـه وخمسيـن بيـتٍ هـو تنقواهـا

أخـوكـم/%$المرعب$%