بالبداية أعتذر إني تأخرت في طرح الموضوع، مع إنه كان له فترة مجمد.

وهذا لسبب معين وهو وإني أكتب الموضوع..مزكوم، حرارتي 39،كحة.. "إنفلونزا النعام مدري الدجاج"

فإنتظرت لين تحسنت حالتي وراجعت الموضوع أكثر من مرة....
حاولت إني أغير في أسلوب الطرح وأحط نوع من التنويع.
أرجوا إنه ينال على رضاكم،،،، وترى إرضاء الناس غاية لا توصل.


عنوان هذه الحلقة
عـــــــــــــــــــبـــــــــــــــــــــــــــــ ـــــــ،ـ،ـ،ــــــــــــــــــــــــــــــــــــــ ـــــــي


في تلك الليلة


طبعا مثل ما تعرفون، عبسي مصدوم عند ثلاجة اللحوم اللي كانت طازجة، من قبل صلاة المغرب....

التميمي" مع إنه يداوم 24 ساعة" انتهى دوامة في تمام الساعة 11:33 ليلا.

بس تورطوا في صبة الخرسانة اللي من نهاية العصر إلى هذي الحزة وليس لها حراك.

بالأخير طلع القرار الحاسم،

أربطوا كراعة في واير واسحبوه في جيب، كأنكم تبون تقلعون أثلة.

عبسي ما فاق من صدمتة إلا وجبهته صادمة في لمبة من لبمات المواقف.

راح لبيتهم يسحب رجوله. سارح بالعقل فكره.

طبعا بصفته ما يشيل أبدا المفتاح، دخل البيت عن طريق طريقة الكماندوز،،، نط السور، وهذا جزء من تدريبه اليومي
دخل البيت اللي عندهم مليان حريم ومعازيم ومرورا في الصالة. على الدرج، على غرفة النوم، على الدرج مره ثانية، على المطبخ، وعلى باب المطبخ،للقراج، وأخذ أقرب سيارة من الباب ودق سلف ومشى.

طبعا لا تسألوا عن الأحداث وش صار في وسط البيت،،، ترى عبسي ما يدري عن اللي صار.
ولكن فيما نقل من مصادر غير موثوقة" الخبر عن بزر، والبزر ذا دائما نصاب"
إن تكسر قزاز البيت من الصراخ اللي صار.

ـــــــــــــــــــــــــــــــــــــــــــ

رحـــــــــلــــــــة مــــــع الـــمـــاضـــي.
وطعنات في جسد بلا روح

الجو ممطر،،، الدنيا ضلام،،، كان سراج منور الجلسة،،، وصوت موج البحر أعذب أبيات وقصايد،،، وكانوا في بلكونة شاليه.
عبسي: أقدر أسألك سؤال؟؟؟!!!
بنت مزيونة: لحضة سكوت.
البنت المزيونة: عبسي."بجدية"
يا عيون عبسي
البنت المزيونة: أسأل.
أو خلاص ولا شيء.....
البنت المزيونة: عبسي ليه مستحي!!!
تعرفيني، أنا من النوع الخجول.
البنت: صحيح، أنت حتى تستحي من ظلك، ماشاء الله عيني عليك باردة، بس قل لي وش عندك.
ريــــم، كم لنا نعرف بعض!!!
ريم"البنت المزيونة": 4سنوات،6شهور،17يوم،9ساعات،،،تناظر ساعتها،،، وخمس وأربعين دقيقة.
ماشاء الله حالة الواجب.
ريم: هي هي هي هي هي هي.
عبسي: هاهاهاهاهاهااهاهاهاها.
بس تصدقين،،،
جالس هنا معك
أسمع قطرات المطر
أبتسم بس لأشوف إبتسامتك
هذي اللحظات
اللي أشكر ربي إنه خلقني
هذي اللحظات
بتذكرها طول حياتي
لقيت كل شيء إنتظرته
ولا أقدر إني أطلب أكثر من كذا
أحدق في عيونك
وأشوف كل شيء أحتاجة
هو كل شيء فيك
هو كل شيء لي
هذي اللحظات
أعرف فيها إن الجنة موجودة
ما أقدر إني أطلب أكثر من إننا مع بعض
ما أقدر أطلب أكثر من نظرة عيونك
كل دعوة صارت مستجابة
وكل حلم صار حقيقة
ولا أكدر إني أطلب أكثر من الحب...
مقاطعه في الكلام
ريم: الــــــــــحـــــــــــــب!!!!!!.
قامت ريم وراحت تركض في المطر....
عبسي إنصدم، بس أنا عاقل، ما أقدر أحكم لين أشوف قصتها، يمكن هذا حياء.
لأني أول مرة أقول لها أحبك... صحيح حنا نحب بعض، وأنا أعرف إحساسها دون ما تصرح فيه...
ريم،ريـــــــــــــم،ريـــــــــــــــــــــــــــ ــــــــــــــم، تعالي، تعالي، تعالي....
ليه إحساسي غريب، أحس إني مستحيل أشوفها بعد اليوم...
وهذي آخر مرة شاف فيها ريم...
وهي تختفي بين ضباب المطر...

بعدها في يومين: وصلت رسالة،،، ما عليها ريحة عطر، في ظرف لونه أبيض يائس..الورق حتى مو مخطط!!!
لكن الخط ما عليه غبار"خط ريم"،،، الحبر جديد،،، مخلوط في ملوحة دموع....

أنا آسفة يا حبيبي.
ما كنت أتمنى ننتهي كذا.
كنت طول الليل ساكتة أحاول أفاتحك الموضوع
ومو قادرة أتصور حالك وأتوقع إن حالي يكون أسوأ منك.
ولكن بحاول أبسط الكلمات
مصنع أبوي على حافة الإفلاس...
والسبب في صفقة مع شاب حجازي...
الولد قرر إنه يتنازل عن المطالبات،،، ويعتبره مهر بالنسبة لي...
لو ما وافقت،،، أبوي بينتهي أمره بين القضبان...
حسبي الله على الظالم...
وأقول لك
أحبك وأحبك وأحبك لين ما أفقد ريح الهوا.
آسفة،،، بعد ما تقرى هذي الرسالة....فأنا مع زوجي في شهر العسل بجنيف
.
.
.
التوقيع....ريم
ــــــــــــــــــــــــــــــــــــــــــــ

أول مرة أحس في خيبة الأمل.
لكن...
أذبحه، أقتله......
بس الحق يقال... أنا الغلطان.... المفروض.... بس المفروض خلاف الواقع وحنا عيال اليوم...
أنا أعرف وش لازم أسوي.


وصلت رسالة جوال إلى ريم تقول: إفتحي بريدك الإلكتروني. "طبعا الرسالة من عبسي"

فتحت بريدها الإلكتروني
هاه هذا إيميل من عبسي....
يا ترى وش عنده.... ماني ناقصة جروح....

هاه الإيميل فاضي...
لا هذي كلمة في خط صغير جدا...
وتحتها رابط.....

"الإيميل"

الوداع

((لازم تسمعونها))
ــــــــــــــــــــــــــــــــــــــــــــــــــ
ما صار لعبسي وريم يفوق الوصف والخيال...
وكل الإثنين لازم يخضعون للقدر اللي المكتوب...
بعدها كل واحد ما يدري كيف الدنيا بلعت رفيقه...
لكن هذا اللي صار مع عبسي
رجع من البحرين للرياض....
لملم بعض أغراضه... راح وسحب ملفه الدراسي.... وأخذ جواز السفر وأختفى لمدة ثلاث سنوات
،،،،،

لقطات في بحر مخيلة عبسي...

ريم: يا عبسي متى تجوز عن حركاتك هي هي هي هي هي هي هي هي هي هي
عبسي: هاهاهاهاهاهاهاهاهاهاهاهاهااااا
ريم: بس بجد كيف أقنعت أبوك إنك تشتري سيارة.
عبسي: تعرفيني أنا موقعي بالنسبة لأبوي... ما يرد لي طلب أبدا...أنا المدلل بين أخواني... أصغر واحد فيهم... أذكاهم وأفضل هم تعليم...يكفي فقط إني طالب كلية طب...ما يقدر يرد لي طلب...
ريم: الله يهنيكم في بعض...ويزود حبكم لبعض.
عبسي: آمين
ــــــــــــــــ
اتصال على جوال عبسي من ريم: أحسن الله عزاك...الله يغمد أبوك مساكن الرحمة.
عبسي: الله يجزاك خير...يومه ومكتوب له.....
ريم: عبسي، لازم أشوفك اليوم.... عارفة إنك ما نمت أمس كله...وأنا توني أعرف...
عبسي: بعدين نتفاهم...وراعيه حق وواجب.
ـــــــــــــــــ
عبسي: بكم درزن السراويل....أبي لي ثلاثة....
البياع: عبسي أنت زبوننا،ما نقدر نقول لك أنت حدد السعر.
ريم: يالله عطينا خصم كويس، عشان عيوني....
البياع: خلاص لعيون الآنسة، هذا أفضل سعر أقدر أعطيك إياه وأطلع منه في ربح.
((عبسي كان يلبس السراول...بس أخر مره شراها كان مع ريم،وبعدها ما قدر يشتري))
ــــــــــــــــ
ريم: عبــــــــــــــــــــسي، جبت لك هدية عيد ميلادك
عبسي: الله، أنا لي هدية...هاتيها.
ريم: شوي شوي طيب،،،أي يدي،،، طيب لا تاكل يدي كلها،،هي هي هي هي هي هي هي.
عبسي يفتح الهدية....
ــــــــــــــ
ريم: ألف ألف ألف مبروووووووووك على نجاحك في تقدير إمتياز الترم هذا يا دكتور عبسي...
ــــــــــــــ
ريم: دير بالك من نفسك..
ــــــــــــ
ريم: مع السلامة أمي تنتظرني، لازم أمشي الحين.
ــــــــــ
ريم: بنسافر أنا وأهلي رحلة الإجازة المعتادة....بس مو قادرة على فراقك ولا نص ساعة..
.
.
.
وفجأة


صوت جاي من اليسار، لو سمحت الرخصة والإستمارة
عبسي: الرخصة والإستمارة!!!!!!
العسكري: إيه لو سمحت
عبسي: طيب طيب سم آمر... تفضل.
العسكري: تفضل... ممكن إنك تمشي، بس لو سمحت.
عبسي: سم آمر؟؟
العسكري: لو سمحت ركز على الطريق، وإترك عنك التفكير، السيارات حديد ونار...
عبسي: بس هي اللي.... قاطعة العسكري في الكلام
ما أبي أعرف، لكن ما أبي أشوف جثة في ريعان الشباب..
طيب طيب أنت تامر أمر ومشكور على النصيحة.
العسكري: تفضل الله يستر عليك، ويهون عليك مصيبتك
(أفلقووووووووووني تفتيش بالسعودية يقول لك نفس الكلام ذا، إذا ما صكوك في سبع مخالفات يكون خير)

يوووووووه وين وصلت أنا،،، تفتيش المطار!!!!!!!! يالله وش نسوي خلنا نوصل المخيم نغير شوي جو.


وفي المخيم
بروح أطلق رجولي شوي وأمشي أتحسس الرمل في أقدامي
وراح عبسي لين حس إنه تعب، وكان فوق راس طعس... يناظر القمر
عدنان... ليه؟؟ إيش فيه متميز عني، أنا أحسن منه، إيش هي شايفة فيه مو فيني، تقول إني مو جاد.....

هل أنا فعلا غير جاد!!!!!! هل أنا فعلا فاشل في حياتي!!!!! مو مشكلة إن عدنان أفضل مني...

ولكن يكون هو ناجح وأنا فاشل.... صحيح إني وقفت دراسة وما بقى لي إلا فصل دراسي واحد على التخرج...

صحيح... ليه أنا وقفت دراسة؟؟؟

وصحيح... ليه أنا لحد الحين جالس بالبيت،،، صحيح إن الحال ميسور وأكثر من ميسور ولله الحمد...

بس فعلا... حياتي مالها هدف أو معنى....

أقوم وأنام وأقوم وأنام

لو إختفيت هل بيفتقدوني

أتوقع لا...

لو فجأة قالوا عبسي مات...

صحيح أمي بتحزن وشوي من أهلي...

بس أنا مالي أي قيمة، لا أحرك ساكن، ولا أوقف متحرك.

يعني وجودي زي عدمي...

وش ذا اللي مسوي شوشرة...

وش ذا اللي يقطع حبل أفكاري...

آهاه... هذا الجوال ينور...

صح أثري ناسيه على صامت من بعد صلاة العصر...

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤ 56 مكالمة لم يرد عليها...

من اللي يتصل الحين...

هلا...
هلا عدنان....
معليش أشوفك كسرت الجوال من المكالمات، بس ناسيه على صامت...
أنا وين؟؟؟
ليه وش تبي فيني؟؟؟
عاد ما يسأل عني إلا أنت، أشوفك صاير أمي!!!!!!!
خفت علي؟؟؟،،، والله عاد ماني ولد صغيرعشان تخاف علي..
لا ماني عند صديقي
أنا في المخيم
وش موديني المخيم؟؟ والله رحت أشم هوا...
تصدق جتني فكرة.... ليه ما يصير العيد في المخيم؟؟؟؟
تفكر في الموضوع؟؟؟ أنا قررت وأنت لازم تنفذ.
خلاص أنا ماني جاي للرياض...
أعزم كل من تقدر تعزمه...
خلاص بعد صلاة العيد تعالوا
إيه أعزم كل أحد تعرفه
يالله مع السلامة.
ـــــــــــــــــــ
ما أدري ليه وقع كلماته علي قوي...
من جد كنت محتاج أحد جنبي يواسيني
صحيح إنه ما يعرف عن حالي
بس كذا أحسن عشان يكون كلامه أصدق ولا أقول إنه ينافق
آه يا عدنان... ما تدري كيف وقع كلماتك وش سوت في خاطري
،،،
غمض عيونه عبسي وهو يناظر القمر....
وراح في سبات عميق...

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه