تفاعلي الثاني مع حملة لا للمنقول >> تأليف قصص خيالية

صباح المساء على كل الأعضاء

أرحب بكم كل اباكم وانا مسكت غلط الا اني أألف قصة من نسج الخيال

في البداية في يوم كويس في الصباح الباكري وعندما نسمع صوت خرير العصافير ونباح الخراف
وصياح الحمير ، ونحس وكأننا في عالم جميل ،،
حبيت انا تكون هذة البداية والله يستر من النهاية ....

في احد الأيام كن امشي انا وياصديقي مستر ضب وكنا نتمشى مع سوى المهم وانا كان حجمي صغير نفس حجم الضب
المهم بعد ماخلصنا من الذبيحة الي ذبحها لنا خوينا مستر ضب في جحر ابوة قالي وش رايك نروح نشتري بيبسي من البقالة القريبة
قلت اوك بس بنمر الصرافة اول عشاني انا مامعي كاش قال لا معليك بقالتنا عندها شبكة السعودية قلت احلى وأحلى ونروح للبقالة
وحنا بالطريق ونناضر الا وهايلكس glx جنوط نيكل جالس يخمس وينطل وعلى البيبان قلت جاك الموت ياتارك الصلاة قال لا معليك
انا أعرف أتصرف المهم والرجال يطلع من جيبه علبتين قلت وش ذا يابو ضب قال هذا البور حقي قلت ماشالله المهم ويجي أبو الشباب
ويركب الأولى برجلة اليسار والثانية برجلة اليمين ويطلع جهاز من جيبة الثاني جهاز كنود >> جهاز إتصال >> ويدق على أخوياهـ
من ضب 558 الى العمليات حول ،، من العمليات الى ضب 558 أرسل ،، هناك عملية مطاردة أكرر عملية مطاردة ،، ضب 558 حدد موقعك
،، انا قاعد الحين عند البقالة حقت الضب كومار >> حتى عمالهم يسمونهم كمار خخخ
،، حاول المرواغة حتى تأتيك فرقة الطوارئ ،، المهم ويدعس مستر قالي شف وش بسوي بهم

<< ننتقل الى الهايلكس السابق الذكر >>
داخل الغمارة >> دحيم السواق
>> أبو عفريتة المعزز
في الصندوق >> أبو شوزن >> نسبة الى الشوزن الي معة >> خخخ
>> أبو مسحات >> نسبة الى جدة السابع طعش
المهم يقول أبو عفريتة : يادحيم شف الضب الحقوة
قال دحيم : أنا أوريك بة
ويحط الموتر بنمرة ويدعس لة وينط أبو مسحات بالتندهـ >> الي فوق الغمارة -_*
وينطلون ويفحطون وخوينا مستر ضب قاعد يتفتف فاقع الكنداسة
ويسحبهم ..
ويجية أتصال من العمليات الفرقة وصلت يا ضب 558 حدد موقعك
قال انتم خلوكم عند مصلى العيد انا جايكم الحين جهزو الكمين وأنا جايكم
المهم وينطبهم الين عند المسجد ويطيحون بالكمين .
وينزلو الشلة السابقة الذكر
يا أبوعفريتة شف وش سويت بنا أنت وضبك يالمقرود الله يقرد عدوك

وأنا الين الحين قاعد أدور بقالةى أبي ببسي

المهم ويتركهم خوينا مستر ضب ويجيني ونروح سوى الى البقالة ونلقاها مسكرة للصلاة >> لا تعليق
ونجلس نسولف الين أذان العشاء قال يالله بنروح لماك نشتري عشاء قلت والله ماتقصر بس اليوم جمعة وتعرف بكرى مدرسة وغثاء ولازم اسير كبير
قال أوك بس عرفت البيت لا تنسانا وكرر الزيارة قلت انشالله يامستر ضب

وأنتهت قصتي مع الضبان ::

.: للمعلومية هذي القصة من تأليفي ولا أسمح لأي أحد كان أن ينسبها لنفسة مسموح النقل بس بكتابة منقول من منتديات مدرسة المشاغبين :.

.: هذي القصة تفاعلاً للأنتفاضة لا للمنقول :.
ودمتم سالمين
محيميد الحبيب