انا اعلنت التمرد!

ليت كثر الهم يطلق لي السراح
وليت فرح الناس يمتد لسنين
مادريت اني انا.. مسكّـــــن جراح..؟؟
يطلبون الجرح،، وهو عندي سجين؟!!

*******************

والغريب ان جراحي
من غلاها..
لااعلنت وقت الرحيل..
قلبي يتصدى ويرفض!

" ياجراح.. ماانتو بضيوف..
انتو اهل البيت صرتوا..
كان لنا قدر ومكانه..
لاتخلونا وتغيبو..
وان حداكم وقتكم..
او تناثرتو.. وضعتو..
لاتخلونا.. نبيكم!
نترجى اقرب زياره
نحتريكم..
شوقنا.. ينده عليكم"

ياعجب يادنيتي..!!
حتى قلبي مل مني؟!!!
قلبي اللي من عرفته
مارأف بالحال مره!
قلبي اللي من سكنّــي..
وهو يعاند،، ويتجرا..

لين خلاني عنيده،، ومو عنيده،،
لين خلاني شديده،، واضعف من الضعف نفسه!
لين خلاني اتعذر،، واتكبر،،

يكفي ياقلبي خلاص..
انا اعلنت التمرد
انا بعصي هالاوامر
حتى لو صرت متشرد..!!

متشرد..؟؟

متشرد؟؟؟؟

كن هالكلمه غريبه..
مفجعه بجد،، ومريبه،،!!
الكرامه لها حدود
لا... مايصير اتشرد..

قلبي.. قررت اتخلص من عناك واستريح
قلبي.. ببيعك وبشري،، راحة البال الجريح

لاتترجاني،، ببيعك،،
بارخص الاثمان ابيعك
لا.. وبعلنها عيوبك..
قبل اغش من يشتريك:

اول عيوبك:
خيانه،،
عشقك لجرحي القديم
اللي كل ماجيت ابنساه
ترجع تقهويه فيني..

ثاني عيوبك.. ياغالي:
قلب طيب..
حيل طيب..
طيبتك عيت تخونك
تظهر بطيبتك بونك
تظهر فنونك.. جنونك
طيبتك تمحي الكرامه
طيبتك.. اسباب جرحي!

عيبك الثالث ياقلبي...........

ولا.. تدري؟؟؟؟؟؟

علمتني دنيتي.. معنى التسامح..
وان قديمك.. هو نديمك،، لو هو جامح..
وان جروحك أصدق وأوفى حبيب..
وان حزنك مهما طول بك.. يطيب..
وان دمعك..
لو صرخ ماشي بدربه..
محرق ٍ وجنات وجهك،،
تعرف انه:

مالك الا.. وجهك المحروق من فيض الغضب،،
ومالك الا.. دمعك المسكوب من نظرة عتب،،
ومالك الا.. حزنك المكتوب بالوان التعب،،
ومالك الا.. ((قلبك المسكين)).. لجرحك يبنتحب..!!!