 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
02-14-2005
| |||
| |||
 تعالي شوفوا اول موضوع ملطوش؟؟؟؟ بسم الله الرحمن الرحيم هذا اول موضوع لي معاكم لااااا وبعد ملطووووووووش المهم الموضوع هذا راح يواجه عقبات اولها رده فعل البنات بس الحمد لله بريت ذمتي يعني مو انا اللي قايلته هذي وحده جالسه تهذي وتقول في مذكراتها الحريم كما هو معروف يجيبون الحموضه......بس موكلهم ( يعنى انا لأأ) واللى يقول اني ضد الشباب ودايم أعلق وأحش فيهم .. اقوله معصى انا حقانيه .. كلن اعطيه حقه واقول اللى لنا واللى علينا والدليل موضوعى اليوم محشات فى الحريم ....( ياويلى منهم) انا اعترف ان فيهم بنات ينحطون على الجرح يبرا واللى ياخذها ياسعده ياهناه...وفيه بنات ...اللهم عافنا... غثات صدق....وسامجات.....لو ينحطون على الجرح يزيد التهاب ..لا وممكن يتطور الى غرغرينا .. ويحتاج العضو للبتر هنـــا راح نتنـاول بعض حركات الزوجات المحترمات ...اللى يسوونها فى ازواجهم قليلين الحيله استلموا.. " اذا زوجتك بعد نقاش طويل فى امر ما .. قالت لك سو اللى تبغا معناتها .. تحملك المسؤؤليه مباشره والنتائج المترتبه .. على قرارك !! عاد اذا جت النتائج مرضيه .. بتسكت....لانها (جت على ماتمنى) << عرضه هاذى ... ولو جت النتائج عكسيه ...(هيهيهى) عاد جهز نفسك للمحاسبه واللوم على قرارك اللى اتخذته غصب عنها .. وانك ماتسمع كلامها زى الرجاجيل مايسمعون كلام حريمهم وانك ماتثق فى تفكيرها وماتحبها.... وانت مسكين .. محشور بس قاعد تحلف ...وتبرر....وفى الاخير...بتقول لها....ياحياتى.. المره الثانيه ...سطرينى ....ان خالفت لك شور...( والله تنرحـم ) " " الحريم ماياخذون راى ازواجهم فى اى شى عادة .. لكن لو فاجئتك فى يوم وقالت لك .. ابسوى كذا وش رايك ياقلبى؟؟ فهى ماتشاورك عشان سواد عيونك .. (( تعقب )) << هي تبعــا ً .. بس عشانها متاكده ان تصرفك بيصير فى صالحها....وهى بتستغل هالفرصه عشان توهمك ان القرار قرارك ....وتحس انك رجال البيت " " اذا طبت عليك فى يوم وانت مروق وتشرب الشاهى ( اللى مسويته الخدامه بعد) وقالت لك : احنا محتاجين نتكلم مع بعض ..(..ياويلك ياسواد ليلك)... الحريم يموتون فى شى اسمه النكد للنكد.... المهم .....اهى اذا قالت لك كذا...اعرف انها من زمان مانكدت عليك ومشتاقه تمارس هواية التذمر والشكوى ...اللى هى الهوايه المحببه عند اكثر الحريم ... عاد انت اثبت ....وجهز ترتيباتك الزوجيه ....لانك لازم بالاخير تطلع الغلطان وتراضيها.... " " اذا شديتو مع بعض ....وجيت تراضيها وقالت لك اصلا مانى زعلانه ...تاكد انها تطبخ من الزعل ... بس تبى توريك انك ماتهمها....وتاكد فى هالحاله ان البنت ميته فيك .. " " اذا صحتك من سابع نومه الساعه 3 الفجر....وقالت لك .. عمرى .. اصحى سامعه صوت غريب...انا خايفه صدقنى مافيه صوت ولاشى.....بس هى مافيها نوم ...عاد انت وشوله تنام وهى صاحيه ياعييييييب الشوم عليــك " " الحرمه من زود التغلى اللى يزلغ الكبد ...ساعات تسالك سؤال ماله داعى....تجيك وانت تبى تقيل الظهر... وتقمز جنبك فى السرير ...وتدخل وجهها فى خشتك وتقول: حياتى صدق انت تحبنى ولا لا؟؟؟ انت عشان تبى السلامه وبتقول ...ايه اموت فيك.... عاد هى مايسكتها هالجواب بتقولك ....وش دليلك ؟.... انت ساعات تعصب على ....وساعات ....تقل ادبك على...وتضرب العيال وتروح الاستراحه كل ليله....وهى من هاذا كله ماتبى بربره ....تبى دليل مادى....ودايما الدليل على غلاوتها عندك .....مادى وغالى مرهق للميزانيه .. " " واذا كنت محضر نفسك لسهره حلوه معها ...ومرتب الحكيات الحلوين.(..لزوم الاعده)....عاد هى بتستغل روقانك ....وقالك بتتدلع عليك( دلع سعوديات ) ... انت معاد تحبنى زى اول !!!! ... فتاكد انك مزعلها.. ومسوى اشياء مخليها شايله فى قلبها عليك .. وكن على اتم الاستعداد لسماع اللى مايعجبك...وكن جاهز لادوات التعذيب الحريميه ...من دموع واهات وزفرات وتحسر على بختها اللى رماها معك .. وعدم تقديرك لجمالها .. وعقلها وكم اللى خطبوها قبلك بس حظها هو اللى طيحها معك.... انت لو تبى الليله تعدى على خير ...راضيها...وفهمها انها غلطانه ....وانك تموت فيها.... وجب لها من بكره هديه غاااليه.... وان انسدت نفسك عــاااد ....اقلب على الجهه الثانيه ...ودقها نومه اصرف لك " " واذا كانت معزومه وبتزبط نفسها وتلبس ....بتقولك ...ابجهز بعد اشوى...( خراطه) اجلس ياحياتى عند التلفزيون ليمن اخلص .... انصحك تراها بتطول ....لا تتهور وتروح كل شوى تطل عليها بوجهك فى الغرفه وتقول: هاه ماخلصتى....تاخرنا....احذر لانها بتصيح بوجهك: لا تربكنى واحوس مكياجى عمى.... انطق الين اخلص ....انت استنى وش وراك ... يعنى.مجلس الوزراء ماهو منعقد الا بك يا حسره.... !!!! يالفشيـــلة يعنى الافضل الحفاظ على ماء وجهك ....والانتظار فى ادب وسكينه وهدوء الين تخلص ربة الصون والعفاف....ولا بتجيك علبة الشدو على جبهتك .... " " الحريم من سماجتهم ...دايما يحطو نفسهم مع مقارنه بالام ...( ماعندهم سالفه) وكلهم كذا بس البنت تتزوج الولد تبيه يفضلها على امه ....وبجد هذا غلط ... << يالمثاليـة انتي المهم الحرمه من ذولى .. تطبخ لك حبة رز ماصخه وايدام بطاطس ....وشطه ( بعد ماهى مسويتها).... وتجى بكل قواية وجه وتقول : هاه من احلى طبخى ولا طبخ امك...؟؟ سؤال محرج ....بس عشان راسك مايعورك ...قل الاطبخك ...مافى مقارنه .... نفسك غيرفى الطبخ ....اهى عاد بتفق الكشره من الوناسه ....معليش بعض الكذب يدفع بعض البلاوى " " بعض الحريم من لقافتهم وصغر عقولهن تنط على الرجال وهو يهوجس ...( ومن حقه يهوجس) بس هى تبى تسيطر حتى على تفكيره .. وتقول له : وش تفكر فيه ؟؟ ولو قال الضعيف ...ابد ولا شى...بترد بصوت مثل الرعد الا قاعد تهوجس منتب يمى....وبيدخل فى متاهات الحريم البايخه...الافضل لك عزيزى اذا المدام فاجئتك بهالسؤال انك ترد بشكل الى خالى من التفكير: فيك ياعمرى....وممكن تكمل الكذبه بسرد اوصافها اللى منعم بها الله عليك وعليها( والله العذاب) ... " " اذا سالتك الحرمه فى ليلة دافئه ..( هاذا السؤال اكيد بتسالك اياه) قد حبيت قبلى .. هاااااه جينا للسؤال المعضله.... فالحريم غريبات ....مايحبو اللى ماله تجارب ...( الخام ) لانه بيصير قروى...وما يعرف فى فن التعامل ...والحب ... او يمكن تقول محدن بغاه وطاح بكبدى << نعنبو ذا التفكير ياعالم ولا يحبو اللعاب ...لانه يمكن مايتوب عن طبعه .. عاد انت صر على اتم الاستعداد للرد بدبلوماسيه ...فقل لهامثلا: تجاربى ماهى كثيره ياعمرى.... لانى بصراحه حاط فى بالى نموذج للبنت ما لقيته فى اىبنت عرفتها....ولكن من فضل ربى على انه رزقنى بك ...انتى فعلا فتاة احلامى....وشف الكشره وين بتوصل " " اذا طلعت معاها السوق تشترون فستان لها .. بتقعد تفرفر فيك من محل لمحل ...ولانتو لاقين مقاسها وبتلقط لك ذاك الفستان من على المانيكان...وتقول : شف يهبل صح ....اااخذه؟؟؟.. احرااااج...بس ولايهمك .. أنـــا بطلعك من الاحراج ....انت قلها ...لا فستانك الاحمر اللى عندك احلى منه ....بتخليه وهى راضيه وبتستمر فى عملية التنقيب عن فستان ... ولكن اصحى تقول لها ...مايصلح لك يبى وحده نحيفه .... لانها.. بتلتفت مثل الضبعه عليك وتقول: عاد من زينك ...يا رامى عياش ...دب وسمين وقصيرواسمر... احمد ربك اللى صابره وساكته ( والله من التحطيم)... منقوووووول ولا تتضايقون يا بنات المنتدى تشااااااااو  |
|
#2
02-16-2005
| ||||
| ||||
| مشاركة: تعالي شوفوا اول موضوع ملطوش؟؟؟؟ هههههههههههههه غريبه ما اشوف رد التماسيح المفروض تنهال عليك عبارات الشكر والتقدير على هيك نصاااايح خخخخخخخ يسلموووو والله يالوافيه والمره الجايه ابي اشوف موضوع عن غثاثت التماسيح اللي الله مكثرها ههههههههههه تقبلي تحيااتي
_________________ والله احبك وأعشقك وأطلب رضـاك وأموووت لو طول عليـه غيابـك ماهـو بـس ابيـك ولا اتمـنـاك يابن الحلال اهواك وأعشق ترابـك ليا فقدتـك عـارفن ويـن بلقاك في قلبي اللي مابرا مـن صوابـك وليا اشتكى من قسوة الارض ماطـاك تلقاني اقرب بالغـلا مـن ثيابـك انـا وقلبـي كلنـا مـن فـدايـاك والحزن وجروح الغـرام وعذابـك |
|
#3
02-16-2005
| ||||
| ||||
| مشاركة: تعالي شوفوا اول موضوع ملطوش؟؟؟؟ ههههههههههههههههههههههه تسلمين على الموضوع وزي ماقلتي ياظما وين التماسيح غريبه العاده هم يترززون في كل مكان وخاصه لا لقو لهم موضوع ضد البنوتات الحلواااااااااات ههههههههههههههه
_________________ مشكووور ابو سعود على هيك توقيع   |
|
#4
02-19-2005
| |||
| |||
| مشاركة: تعالي شوفوا اول موضوع ملطوش؟؟؟؟ ضمى الوجدان مشكورة يا قلبي على المرور الكريم ولك المثل من الحب والتقدير تحيااااااااااااااتي |
|
#5
02-19-2005
| |||
| |||
| مشاركة: تعالي شوفوا اول موضوع ملطوش؟؟؟؟ هلا وغلا بالحايره ويسلم لي هالتعقيب الجميل اما عن التماسيح مدري يمكن عندهم بيات شتوي ومو حابين يطلعون لك مني كل الحب تحيااااااااااتي |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| النقاب ... فريضة...ام سنة..ام تطوع ؟؟؟؟؟؟؟؟؟؟؟ | عبدالله كساب | المنتدى الاسلامى | 20 | 03-31-2009 09:38 PM |
| نســــــــاء ذكرت اسمائهم في القـــــــران!! | الرويال | المنتدى الاسلامى | 3 | 11-28-2007 07:17 PM |
| لماذاتمتنع الفتيات من لبس الحجاب ؟؟؟ | المشرف التربوي | المنتدى الاسلامى | 4 | 11-27-2007 10:04 PM |
| كيف تعرف الحديث الصحيح من المكذوب ؟؟؟؟ ارجو التثبيت للأهمية | علي = the king | المنتدى الاسلامى | 3 | 11-23-2007 04:31 AM |
| ألفاظ قرآنية (الجهاد - القتال - الحرب - النفر) | اميرة المشاعر | المنتدى الاسلامى | 2 | 11-16-2007 08:19 PM |
-الدورات
التدريبية بجامعة نجران-
العرض العادي
