بعـد العرس بشهـور طويلة ..
وعلى شاطىء بحر الخـليج ..
يلسوا أحلـى ثنائي مع بعض ..
♥ خالد و منوة ♥
خالد برومانسية : منوتـي ..!
منوة ابتسمت له بحب : هلا ..
خالد : ممم بسألج سؤال ! ..
منوة طالعته باستغراب : سؤال بس ؟؟ انته اسأل مليون سؤال ولا يهمك ..
خالد : حبيبتي .. دفترج الذهبي ..
منوة تغيرت تعابير ويهها : شبلاه ؟ ..
خالد : عطيني اياه بقـراه ..
منوة : بس اول شي اوعدني انك ما تضحك ع اللي كتبته ..
خالد : فالج طيب غناتي ما طلبتي ..
عطته منوة الدفتر بابتسامة حلوة .. وهو بدوره بدى يتصفحه ..
قرى خالد آخر مذكرات منوة ..
خالد باستنكـار : لأنني خـادمة ؟
منوة ابتسمت : مب حلـو ؟؟
خالد : الا رووعة .. بس نسيتي شي مهم ..
منوة : شوو ؟؟
خالد : ظهري قلمج واكتبي ..
منوة زخت قلمها بكوميدية : شو اكتب ؟؟
خالد حنى نفسه لها وجثى ع ركبتيه بحيث انه كان مجابلنها :
" لأنني خادمة تزوجني من أحب،، ولأنني خادمة فإنني حامل الآن وأنتظر مولودي بعد 4 أشهـر ،، ولأنني كنت خادمة فمصير هذا الدفتر النسيان،، لأن مذكرات كهذه لا يمكن أن تعود من جديد "
بعد ما خلصت منوة من الكتابة : بس ؟؟
خالد : عطيني الدفتر ..
منوة بحيرة : يعني لازم نفره ؟؟
خالد : مب أي شخص ممكن يتحمل صدمة سالفة شرات هاي .. صح حبيبتي ؟؟
منوة هزت راسها بإيجاب : خـلاص .. سو اللي تبـاه ..
.
.
مسك خالد الدفتر بإيديـه ورفعهم ..
وفر الدفتر لأبعد نقطة قدر يجوفهـا في البحـر ..
هالمرة خلاص .. سر منوة اندفن مع باقي مذكراتها ..
بدون ما يكون في احتمال انها تنكشف ولا تنفضح ..
منوة تمر بتجربة أمومة الحين .. وصعب على الطفل اللي بيي عقب انه يكتشف انه امه كانت مجرد "خدامة" !.
خالد ومنوة عصفت في حياتهم شتى العواصف ..
وأبرقت دنياهم بعد ليالي حارة خالية من أي نسمة هـوا ..
ما نقول مثل البعض انهم عاشوا في العسل ..
انما هم كأي زوجين .. وأبوين ..
تحكم عليهم الظروف انهم يختلفون ..
منوة تستحمل عصبية خالد ،، وخالد يستحمل طيش منوة ..
المهم ان كل شخص فيهم كبر فـ عين الثاني لمزاياه بغض النظر عن عيوبه .. لأن الحب شرات ما يقولون أعمى ^^ ..
.
.
روضة وأحمد ،، اقتدوا بمنوة وخالد على الرغم من مشاكلهم المتراكمة ..
وصغر عقل روضة .. وغيرة أحمد الكبيرة ..
إلا أن المسيرة تتواصل عسب يبقون لبعض ،، عنـــاد في كل اللي تكهنوا في مصير هالزواج .. واللي هو الفشـل .. ! ..
.
.
عذبة وحميد كانوا أحلى مثال ينضرب في الحب بعد الزواج،، ولا توقف للعطاء ..
.
.
أم خالد وبوخالد هم الشيبة والعيوز ،، اللي بعد كل هالعمر وصلوا لمرحلة المناقر والضرايب على شي ما يسوى، بس على الرغم من كل ها فالعشـرة أبد ما تهون ^^ ..
.
.
بس باقي الشخصيات اللي أدوا أدوار ثانوية في القصـة ؟؟
أكيـد ما ننسـاهم أبـداً ..
محمد / سيف / مزون / ريم / شهد / عمر / روز / زوبا / كوماري ..
ونشهـد على دورهم في إحداث متغيرات في القصة ^^ ..
.
.
بعد كل هالأيام اللي مــرت ..
وبعد كل الأفكار اللي انحطت وما تنفذت ..
خلصت القصة .. بحمد الله تعالى ..
12- سبتمبر-2007 م

/
\
/
\
نهاية لأنــني خــادمـة

يالله ياحلوين بكذا انهيت تنزيلها وابغى اشوف ردودكم عشان اتحمس انزل وحده ثانيه
على العموم انا محتاره ايش انزل روايه بعدها عشان كذا ابغى اخيركم بين
( فارس أحلامي ,, قمر خالد ,, من بين الناس حبيته ,, ياعيونه يكفيني عذاب )
اللي تختاروها راح انزلها اوكي
أختكم
شمــ أنثى ــوخ

يسلموووووو عل القصه الروعه لدرجه اني خلصتها في يوم واحد من كثرت الأحداث الشيقه وإذا كان عل الروايات اتوقع اللي تختاريونه اكيد حلو زي القصه
على كل حال يسلموووووووووووووو

_________________
&استغفر الله عدد مايكون وعدد ماسيكون&
&وعدد مابين السموات والأرض وعددمافي الكون&
& دعواتكم لي وللمسلمين &
& بالتوفيق في الدنيا واللأخره&

فراشه1994
شكرا لمرورك
انا حبيت اخذ رايكم في الروايه اللي راح انزلها انشاء الله
على العموم انا حنزل لكم رواية فارس أحلامي وانشاء الله تعجبكم
أختك
شمـــ أنثى ــوخ

واااااااااااااااااااااااو القصه مــررررررره جوناااااااااااااااااان يعطيكـي ألـــف ألــــــف عــافيه

_________________
[fot1]
[glint]
هلا والله ومليون غلا تو مانور المنتدى
[/glint][/fot1]