 |
|
|
||||||
 |
 |
 |
 |
 |
 |
|
|
 |
|
قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــــــ
 |
|
|
أدوات الموضوع | انواع عرض الموضوع |
07-13-2008, 06:07 AM
|
||||
|
||||
|
قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــــــ
هذه رواااايه رائعه اتمنى تعجبكم واشوف ردودكم لك قبل ماتقروا اي جزء تأكدو من رقمه لان جالسه تحصل لي لخبطه وانا انزل وكل جزء يسبق اللي قبله وهكذا >>>>>>> ’_’ رجل عشق من النساء واحدة وعشقنه النساء جميعاً...؟!!! للكاتبة/صمتي سبب وحدتي بنا على طلب الغاليه : هوى الريان هذا انا ارجع لكم بروايه جديده ولكن هي الاقرب لنفسي ربما لان اكثر احداثها من الواقع اتمنى منكم ان تبحرو مع بطلنا في بحر ذكرياته وانا سوف اكون ربان المركبه ولان اتاخر عليكم كما عاهدتوني في تنزيل الاجزاء وحكايتنا المره هذي عن (( شخص عشق وعٌشق اعجب تمنى وكم شخص في هذه الدنيا تمنى وعشق لكن المهم ان يظفر المحب بمن حب قلبه........ ولكن لاننسى........انت تريد وانا اريد والله يفعل مايريد)) مقولات قيلت عن الحب الحب الحقيقي...يبقى دائماً والى اللابد. لايعتريه تغيير سواء منحه المرء كل شي او انكرعليه كل شئ... ((جوهان ولفجانج)) جنون الحب!! من اعظم نعم السماء.. ((افلاطون)) الحب... هو شريان الحياة ((لويس كارول)) ان الحب هو اقوى قوة على الارض ((نلسون روكلفر)) ومن المقولات عن المحب المحب...لايريد سوى شيئاً واحداً: الخير للمحبوب. فالحب في حد ذاته مكافأه. وأي شئ اخر غير ذالك فهو لا يشغل البال ((توماس ميرتون)) المحب... معماري صبور يجعل من خلال بنائه الا مفهوم مفهوماً. ((اوجدن ناش)) تعددت الاقاويل عن الحب والمحب ولانشعر بملل اذا كان الكلام في الحب ويبقى الحب الحقيقي هو الوحيد الذي لايتغير ع مر السنوات حتى لو طال غياب المحبوب للابد احم احم اعرف طولت عليكم اخليكم مع الروايه وهي الروايه الثانيه بعد طال سكوتي ومالصمتي مطاليب اللي لاقت اعجابكم بفضل الله واتمنى ان روايتي هذي تعجبكم... اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية 
التعديل الأخير تم بواسطة شمــــ أنثى ــوخ ; 07-13-2008 الساعة 06:44 AM. 
|
|
07-13-2008, 06:09 AM
|
||||
|
||||
|
رد: قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــ
الجزء الاول
الساعه 8 و6 دقيقه و58 ثانيه بعد ماطلعت من المسجد القريب من بيتها ووقفت بسيارتي كلعاده على مسافه بعيده نوع ما من باب بيتها(( يمكن اشوفها او اشوف من شافها)) مر على فراقنا 6 سنوات واحس بالم فراقها كنه امس افتقدها بالحيل هي تزوجت وانجبت بنت نسخه منها نفس العيون الزجاجيه اللامعه الوسيعه والنظرات الخجوله نفس الابتسامه وبياض البشره وكل يوم اوقف عند باب الروضه اللي تروح لها وابوسها وهي اذا شافتني تجيني تركض لحضني وامسح على شعرها واقول (( تدرين ان انتي مفروض تكونين بنتي لكن اقدار ونصيب)) وتبتسم على انها ماتدري انا وش اتكلم عنه اعطيها أي شي سنكيز او عصير وتفرح فيه واوعدها اني اجيها بكرى وتقول بقول لماما عمو ياسر يسلم عليك وابتسم لها وكعادة انتظر زوجها يدخل البيت يترنح تاثير السم اللي يشربه كذا مره اتهجم عليه ويكون عقابي السجن واطلع بكفاله او يتنازل واخر مره اتصلت فيني بنت خالتي وقالت بصريح العباره (( ابتعد عن حياتي انا ماشكيت هذا مهما كان ابو بنتي)) وقفلت بوجهي ماتركتني احكي لها اشواقي ماتركتني ابرر لها موقفني واقول اني مقدر اشوفها تتعذب واوقف مكتف ايديني وماتركتني اقول اني ليومك وانتي كل شي بحياتي آآآآآه يابدريه ياليتك تحبيني نفس حبي لك او حتى ربعه من 6 سنوات قاطعت جدتي اللي زهقت من مسؤليه بنت بنتها وزوجتها وحرقت قلبي لاني وقتها ادرس بالجامعه واذا تزوجتها اكيد بنعيش معها لحد ما اقدر اتوظف واصرف عليها وعلي ونستقيل ببيت اللي طبعا بعد 4 او5 سنوات بيكون جاهز فلعبت لعبتها وقررت انها تروح معي للحج ولما رجعت تفاجاءة بزواج حبيبتي ..... ايه زوجتها وماقالت لي اتفقت مع ابو بدريه انه يزوجها ولد جيرانا وبدريه ماكانت تعرف مخططهم وامي اسكتت مغلوبه على امرها امها ولا تبغى تعصاها خدعتني جدتي ايه خدعتي ولليوم ما اقدر اناظر في وجهها لاني كل ماشفتها اندم اني امنت لها او بلصح للمراءه ((مهما بلغ ذكاء الرجل لايستطيع على دهاء مراءه)) زوجت بدريه اليتيمه؟؟!!........ ابوها متزوج وعنده عيال وامها متوفيه لو كانت امها عايشه ماكان هذا حالها انا نفسها...!! الا اني رجال وهي بنت والبنت مهما بلغت قوتها في النهاية ضعيفه انا كنت مع امي عايشين مع جدتي اللي كان عندها ولد واحد وبنتين امي وخالتي اللي توفت الله يرحمها لما عرفت بزواج بدريه جن جنوني وصرت ابكي واصارخ أيــــه ابكي بكيت مثل البنات!! حلمي وحبيبتي اللي كنت لها الاخو اللي تشكي له والام اللي تحن عليها والاب اللي يلبي طلباتها واغلى شي بحياتي من بعد امي..... تزوجت 3 ايام وانا في عداد الميتين وعيوني مفتوحه وتدمع وساكت ما اشوف الا امي اللي تقرء علي وتمسحني بزيت مقرئ وجدتي ما اسمع منها الا قولها: هي بنت وبدالها الف بنت وانت صغير على الزواج....؟!! " ذاك الوقت ما اقدر اتكلم لاني كنت تعبان او للاصح حزين ولا اعرف السبب وامي تقول الله يسامحك يمه شوفي وين وصليته وتقول بين دموعها الله يسامحك يمه ولدي بيموت يمه مالي الا هو"" وتروح جدتي تاركه امي بحزنها على ولدها الوحيد وتاركتني بصدمتي والالامي 3 ايام وانا في كل يوم احتضر...... لحد ما دخلت بدريه بطلتها الحلوه بصوتها الحنون ولمستها الشافيه وطاحت عند راسي وهي منهاره تبكي تكفى يا ياسر لاتعذبني اكثر من ما انا متعذبه واخذت الزيت من امي وصارت تمسح على شعري وجبيني واحسها المويه تطفي نار قلبي ناظرتها وعيوني تدمع: بدريه!! بدريه وهي تشهق من البكاء ومتجاهله وجود امي اللي منهاره مثلها: ياعيون بدريه : انتي اصبحتي لغيري وضربت صدري ضربه قهر وقلت آآآآآآآآآآآآآآآآآآآآآآه بدريه:يا ياسر انت رجال وتقدر تتحمل اجل انا وش اقول اللي انغصبت على زواجه ما ابغاها وانهارت تبكي وراحت للحضن اللي ياما بكت عليه واحن عليها حضن امي وصارت تبكي وتقول يمه جدتي ضيعتني وضيعت ياسر قمت من على السرير بتعب: يمه جهزي اغراضك ماعاد لي قعده بهالبيت وانتي امي انا ملزوم بك امي :ياسر صل على النبي وين نروح يمه وانت تدرس وانا ماعندي الا راتب ابوك التقاعد ويالله يالله يكفي احتياجاتنا : انا رجال يمه ولاتخافين انتظرك بسياره يمه اخذي كل اغارضك امي: ياسر : اذا تبغين امك اقعدي معها وانا من اليوم ماراح تشوفون وجهي بدريه: فراقنا مهو نهاية العالم ناظرتها بعتب: وش تقولين يا بدريه في هلكم يوم غسل مخك نايف خلاص نسيتني وحبيتي نايف انتم يالحريم مالكم امان مسحت دموعها وراحت تركض بيتها ركبت سيارتي ورغم محاولات خالي ان اجلس معهم لاحد اتخرج اما جدتي كنها كانت تنتظر هاللحظه تمت بغرفتها لحد ماطلعنا من البيت ركبت امي: هاه ياسر وين بنروح سكتت وركزت على الطريق وقفت عند عماره سكنيه امي منصدمه: بنسكن مع المقيمين هنا؟!! تنهدت: احسن من العيشه مع وحده ماكلفت نفسها انها تحاول تردني عن قراري اللي من سابع المستحيلات ارجع عنه.. امي: تعوذ من ابليس ياوليدي وخلنا نرجع لحد ماتتوظف ونطلع : خلاص يمه طلعت ومستحيل ارجع وانتي كلها كم يوم وبأجر لنا بيت لحد ماتتحسن الامور وايكون عندي واشتري بيت امي: وشلون تتحسن لايكون ناوي تفصل من الجامعه : لا يا يمه بدرس وبشتغل مثل هالناس امي وهي تبكي: منت قد هالتعب يمه ضربت صدري: قدها وقدوووووود انا رجال عمري 23 سنه نزلت امي رغم انها ما حبت المكان مرت الايام ورحت ((لعمي سالم اخو ابوي الصغير)) وقلت له يدور لي وظيفه وبحكم اني ماعندي شهاده قال لقيت لك وظيفة امين مخازن باحد شركات البترول لاحد ما اتخرج وراتبها كويس وكان دوامي 9 ساعات من 6 الى 3 الفجر كنت اخاف على امي واتصل عليها وقت دوامي 5 الى 6 مرات بعد ما أجرت بيت وصارتجلس فيه لحالها لانها رافضه الخادمه خايفه علي منها ^_^ القرد بعين امه غزال وقتها ماكنت انام الا 6 ساعات واروح للكليه لحد مامرت سنه وتخرجت وطبعا ترقيت في عملي بفضل الله ثم بفضل عمي سالم واشتغلت بالاسهم الاسلاميه وقدرت اشتري البيت اللي ساكنين فيه لان امي حبت جارتها ذيك الايام ماكان طيف بدريه يفارقني لكن كرامتي فوق كل شي برغم حبها اللي ساكن في كل مكان فيني ما كنت ارضى امي تجيب لي طاري أي احد من عائلتها واذا كانو بالبيت اروح لصحابي لحد مايروحون واحيانا اضطر انام برى البيت اذا نامت ام امي(جدتي) خلاص كل شي بينها انتهى بعد ماغدرت فيني لحد اليوم اللي دخلت البيت راجع من العمل وكانت الساعه 6 المغرب لقيت امي فرحانه حبيتها على راسها:خير يمه فرحيني معك قالت الخبر اللي زلزل الارض من تحتي وحسيته سكين انغرزت بقلبي:بدريه جابت بنت اليوم الفجر يلا يمه وصلني لها بالمستشفى عطيت امي ظهري راح لغرفتي ابدل ملابس العمل وحاط ايدي على قلبي: تامرين امر تجهزي لحد ما اتروش والبس سكرت الباب وانا احس اني انتهيت رن جوالي وحطيت القهر فيه رميته من غير مادري من متصل على الجدار لاحد ما صار في كل مكان جزء منه تروشت ولبست ثوب اسود وشماغ تعطرت ناظرت وجهي السكسوكه امس مزبطها وقلت بقلبي وانا اناظر شكلي بالمرايه (( شوفي يابدريه اللي خسرتيه)) طلعت لقيت امي لابسه عبايتها : تاخرت عليك امي: لا واشرت على كيس شيله فيه عشاء خل اوديه لها من امس ماكلت شي وامها مهي عايشه ولاحد يهتم الا في بنته شلت الكيس وناظرت امي: هذا انتي اهتميتي فيها وهي مهي بنتك امي: بنت اختي الوحيده والله العالم انها مثل بنتي : طول عمرك حنونه وطيبه اسكتت ركبت معي وصلتها لحد المستشفى قبل تنزل: اذا خلصتي اتصلي فيني امي: منت نازل تسلم على بنت خالتك اللي طالعه من موت : لا يمه مواعد واحد من الشباب بيزعل اذا ماجيته وسلمي عليها وتحمدي لها بالسلامه نزلت امي وانا وقبل امشي واحد ضرب النافذه نزلت : خالي؟!!! حضني خالي: وينك وانا ابوك سنه ماشفتك : مشاغل ياخالي خالي: الا قول انك ماتبي تشوفنا طلال ولد خالي عمره 14 سنه: هلا ياسر وينك يارجال ما نشوفك بنت خالي من ورى خالي: شخبارك ياسر ابتسمت: هلا ساره ابشرك بخير ساره: وربي مشتاقين لك :تشتاق لك العافيه خالي:خلاص بكرى غداءك عندنا :اسمح لي والله مداوم ولا اطلع الا 6 خالي: خلاص عشاك : لا والله مشغول ساره: قول انك ماتبغى تشوف جدتي وخلاص خالي: سااااااااااااره : لاتسكتها ماقالت الا الصدق خالي: هذي جدتك : اللي سوته فيني تسويه جده بحفيدها ساره: وهي صادقه بدريه بدالها الف بنت ناظرتها بحده: لاتتكلمين عن شي ماتعرفينه ناظرت خالي: استاذن مواعد واحد طلال: وعشاك :بكرى بمرك وباخذك معي وبعشيك برى اذا سمح خالي ساره: اعزمنا كلنا ولا بس العزيمه لطلال طلال طلع جواله: عطني رقمك خاف تشرد من العزيمه بكرى :هههههههههه وتذكرت يوووووووووووه جوالي منكسر خلاص بمر محل واخذ واحد طلال: تهرب تهرب من العزيمه : والله اني رميته بالجدار وانكسر عطيته رقمي واستاذنت ركبت السياره وساره ونظرات ساره ماغابت عن بالي مشيت بشوارع الرياض بليا هدف وقفت سيارتي عند محل جوال واخذت لي جهاز ورحت للبيت خذيت شريحتي حتى صاحبي استاذنت منه لان مالي مزاج اقابله وقفت عند مقهى وجلست طلبت شيشه وقهوه وناظرت المباره رن جوالي وكانت امي : مرحبا امي: وينك ياياسر :قريب هاه خلصتي امي: ايه تعال خذني : طيب 10 دقايق والقاك برى امي: في امان الله : في حفظ الله ركبت سيارتي ولقيت امي واقفه وتكلم زوج بدريه ضربت لها هرن وجات وهي تدف وحده بكرسي متحرك وفي حجرها بزر عرفت انها بدريه بعد ماقربت وقفت بدريه ركبتها امي ورى وركبت امي قدام وبحجر امي بنت بدريه ما قدر اوصف احساسي وحبيبتي راكبه معي بعد فراق عام ناظرت عيونها المرهقه بالمرايه: الحمد الله على السلامه بدريه بصوت متعب: الله يسلمك حسيت انها ماتبغى عيونها تجي بعيوني انتهبت لامي:بكرى مر مكتب استقدام الخدم واخذ خادمه كبيره بالسن : وش اللي خلا خالتي قماشه(( الفنانه حياة الفهد في دور من ادوارها)) تتنازل عن قرارها وتخلي ولدها وحيدها يجيب وحده غريبه تعيش معهم في البيت امي: ليه فرحان كذا هذي لبنتي بدريه وراتبها علي بعد ناظرت بدريه بالمرايه: لا ياخالتي لاتعبين نفسك ماني بحاجتها امي: بدريه الله العاالم اني اعدك مثل ياسر : افااااا يمه وصرت بنت بعد امي: خل عنك المزح اللي ماله داعي انا اقصد غلاك : يمه عطيني عيني طايحه جنبك امي: وينها :ههههههههههههههه اقصد فشلتني وطيحتي وجهي بدريه ضحكت بتعب حتى لو انها مهي ضحكتها اللي تعودت عليها الا انها هزتني اااااااه يابدريه احبك وربي امي: مر على صيدليه : ليش يمه جوعان ابغى اوصل للبيت امي بجديه: مر على الصيدليه بنت بدريه ماعندها حليب ولا غيارات : خلاص لاتزعلين بمرها دقايق ووصلت امي لعند الصيدليه امي: منت بنازل : لا بنتظرك هنا امي حسيت انها تضايقت حطت بنت بدريه بحجري ونزلت فتحت درج السياره وصرت ادور على شريط متاكد انه عندي شغلت قصيده ناصر القحطاني حبيبي بدريه: ياسر ياحلو ياسر من فمها ياعيون ياسر ياروح وانفاس ياسر : نعم بدريه: قفل المسجل : ابشري قفلته ورفعت بنتها وصرت اناظرها صغيره مره وغير انها مسكره عيونها احس حب هالبنت يمشي بعروقي احبها والله احبها يمكن من غلاة امها بدريه: تعبت منها عطني اياها اشيلها : لا تعبك راحــه وسكتت حسيت بدريه تضايقت وش اسوي هذا شعوري انا قدام بدريه ضعيف حتى لما كنا صغار كانت تنزلني من سيكلي وتركب فيه ولا كنت اقولها لا كانت تشاركني حتى مصروفي مقدر كانت تنام على ايد امي وانا انام بعيد عنها ولا كنت اغار منها بدريه حبيبتي قبل البس شماغي انتبهت لامي وهي تقول: هاه ياياسر وش تنتظر وصلنا للبيت ناظرتها وانا اقول وش في سيارتي نورت فجاءه اثاريك ركبتي امي: لايكثر : طيب يا ام ياسر هذي ثاني مره تفشليني اليوم وانا ساكت لك شغلت السياره وصلتها للبيت وانا ما تكلمت مهو لاني زعلان على امي لا عشان احسسها بالذنب اول ما وصلنا للبيت امي: انزل يمه عشان اعشيك : ما ابغى شي بروح للاستراحه امي: توك تقول انك جوعان : لا خلاص شبعت من تفشيلاتك لي امي: والله ان مانزلت اني ما اكل : هاه وهذي نزله كله ولا انتي يالغاليه خذيت بنت بدريه ونزلت بدريه وامي ورحت لغرفتي وحطيت بنت بدريه علي سريري رن جوالي : هلا الطرف الثاني: هلا والله حتى بالجوال صوتك حلو :مين الطرف الثاني: وحده تحبك :لا تتصلين ثانيه على هالرقم وقفلت بوجها جاني مسج (( اموت بالثقيل اللي ما يحب البنات)) فاضيات دخلت امي عشان تاخذ بنت بدريه امي: وين رهف : من رهف امي: بنت بدريه :هههههههههه وراي امي دفتني وخذتها: يامهبول لو انك نمت عليها : وش دعوى يمه كنت بطيح على وجهي وانتي ماهمك الا بنت بدريه امي: كنت بتكتمها وتموت : الى هالدرجه فاقد الاحساس الله يسامحك امي: لاتنام قبل تتعشى : لا انتي بدريه ورهوفه بناتك انا لي الله امي: اذا ما شفتك على السفره ماكليت : طيب طيب بس عشانك تمددت على السرير وجاني مسج ثاني (( وربي دخلت قلبي لا تنطشني بليز)) ارسلت لها (( بليس يركبك اذا ارسلتي ثانيه)) اتصلت :خير الطرف الثاني: اللي يسمع صوتي يجيه الخير : هئهئ هئهئ هئهئ ماتضحكين حاولي مره ثانيه الطرف الثاني: انا غزلان :ههههههه وانا الاسد اللي ياكل الغزلان غزلان: يابختي اذا انت اللي بتاكلني : هيييييه هيييييه وربي مغشوشه فيني انا شين وعيوني صغار واسمرومافيني شي حلو اخوف غزلان: قول والله هذي موصفاتك : لا ماراح احلف غزلان: انا شفتك مره وخذيت رقمك من عند صاحبك :طيب وش مطلوب مني غزلان: ابغى اصير صديقتك : ومن قالك ان فيه صداقه بين البنت والولد في مجتمعنا غزلان: ومن قالك مافيه : اوكي تقدرين تقدميني لا اهلك على اني صديق غزلان: طبعاً لا : طيب كيف تقولين فيه صداقه غزلان: صداقه محد يدري فيها : لا ما احب اعيش مثل الخفاش بالظلام غزلان: طيب وش المطلوب مني : لا تتصلين على هالرقم ثاني مره غزلان: انا محتاجه اتكلم مع احد : ماعندك صديقات غزلان: عندي كثير لكن ما امن ولا وحده منهم :يعني كيف!! سمعت طق امي على الباب وبعده دخلت : نعم يمه امي: تعال للصاله : ابشري امي وهي تاشر على اجزء جوالي المكسر: وش هذا ياياسر :ههههههههه كلعاده انقهرت وحطيت القهر فيه هزت راسها امي وطلعت: الله يهديك ياوليدي : خلاص غزلان انا بروح اتعشا بتصل فيك وقت ثاني غزلان: راح انتظرك لو جلست انتظر العمر كله :ههههههه اذا تتنظريني صوتي بعد ساعه او نص ساعه بيكلمك اما اذا تنتظرين قلبي اتوقع بتنتظرين العمر كله قفلت بوجهي بدون أي كلمه براحتها انشاالله ما اتصلت وش علي انا ماعندي خوات اخاف عليهم ولا بنات احاتيهم لكن انا عندي قناعه كما تدين تدان وماحب الحرام يجي يوم وبتزوج وبيجي يوم بيجيني بنات واخاف اللي سويته في بنات الناس يفعل فيني عشان كذا قد ما اقدر امنع نفسي من الحرام وبعدين والاهم بدريه متربعه على عرش قلبي وما اقدر والله ما اقدر اخونها طلعت للصاله وجلست على الكنبه تنقلت بين القنوات واستقريت على الزير سالم وجلست اناظره لحد ما سمعت بنت بدريه تبكي صوتت لامي: يمــــــــــــه اللي كانت بالمطبخ رهف تبكي دخلت امي ووخذتها وحطتها عندي: امسك بدريه مريضه ومافيها حيل عليها شيلها انت لحد ما اجهز العشاء خذيتها وقلت لامي : الساعه 11 ولاتعشيت متى بتعشى انشالله سفهتني امي وراحت هههههههه ياحليلك يمه عصبيه لكن ما انسى مواقفك معي واحد في الميه من مواقفك الطيبه معي ورث ابوك كله حطيتيه في يدي وانتي تدرين ان شغل الاسهم مهو مضمون لحد ما ربي رزقني وقدرت ارجعه لها بعد ست شهور ولما رجعته قالت هو في النهايه لك خله معك واااااااااااااااع واااااااااااااع دخلت امي وعطتني رضعه عطها وبتسكت ناظرت امي : يمه ماعندي اخوان ولا اعرف مسكت الرضعه وحطتها بفم رهف وناظرتي : لا تسوي شي بس امسكها حطيت ايدي على خشمي: على هذا ناظرت رهف وقلت بقلبي (( لولا عجوز قريح كان انتي بنتي)) استغفر الله مقدر وربي كاتبه طلعت الرضعه من فمها بعد مافضت مشالله ماسارع ما شربتها حطت امي السفره جلست عليها ورهف معي حطت العشاء وكليت انا وامي وبعد ما شبعت امي: لاتنسى الشغاله : ابشري بكرى وانا راجع بامر عليه وانشالله الاقي عنده امي: جعل ربي يخليك لنا : ولو يالغاليه تحت امرك تصبحين على خير امي: وانت من اهله اصحيك الساعه 8 ناظرتها بتعجب: ونص ولا حاسدتني في نص ساعه زياده امي: روح ارقد روح مسكت قلبي: بروح وانا كلي جروح ضحكت امي وبكت رهف وانا دخلت غرفتي تمددت على سرير وغمضت عيوني وسمعت جوالي يرن اووووووه تذكرت غزلان :هلا غزلان: هلا والله تعشيت : الحمد الله غزلان: صحه : على قلبك غزلان: تصدق ارتحت لك : وانا ما ابغى اذيك ياليت ماتتصلين ثانيه غزلان : وليش انت متزوج : لا غزلان: منت رجال : غصب عليك رجال غزلان:ونعم فيك لكن كل رجال ضعيف قدام البنات :الا انا ما احب البنات كلش وشايل فكرة الزواج من راسي نهائيا غزلان: تحب تنهدت: ايه غزلان: يابختها في قلبك اللي ملكته :.................... غزلان: طيب انا ما ابغى منك شي بس ابغى اكلمك والمكالمه علي بعد :ونهاية علاقتنا وش هي غزلان:الموت :انا اقول خلي عنك هالحركات والحب ماوراه الا وجع القلب لانه مستحيل ولا يمكن تملكين قلبي غزلان:انت دخلت قلبي وانا محتاجه واحد مثلك وبعد اناا راضيه لو تعتبرني صديقه زميله الا اخت ما ابغاك تعتبرني اخت تكفى ابغى اتم معك :ما احب النوعيه هذي من البنات اللي تكلم شباب غزلان: قسم بالله انت اول واحد انا اكلمه وربي ماكذبت : اوكي مصدقك بشرط بعتبرك عرضي لو اكتشفت انك راعيه حركات ماراح ارد عليك ابد غزلان: ناوي ترسل لي واحد من اصدقاك عشان تكشفني؟!!!!! تنهدت:توي قال لك انك عرضي يعني انا برسل احد يكلم اختي غزلان: اختك؟!!!!!!!! : ماقلت اختي نفس اختي انا ماعندي خوات غزلان: ادري : تدريييييييييين غزلان: اقصد ادري انك بتعتبرني اخت ولا راح تحبني : اللي اوله شرط اخره نور غزلان:ومشاعري ماهي بضمن الشرط :طيب انا تعبان على قومتي 8 ونص الصباح وابغى انام واللحين صارت 12 ونص غزلان: نوم العوافي : مع السلامه غزلان: لحظه : هاه غزلان: عادي اتصل فيك بكرى : اتصلي اذا فاضي برد واذا لا بتصل فيك اذا فضيت غزلان: لا انت قلت من شوي بتتصل ولا اتصلت : نسيت غزلان: واخاف تنساني بعد بكرى : لا انشالله بتصل غزلان: اكيد : لاتصرين لحوحه وعد بتصل غزلان: مع اسلامه : مع السلامه غريبه هالغزلانها مصره تتعرف ياما وياما تعرضت للبنات لكن انا كنت اصد أي وحده تحاول تلفت انتباهي حتى اذا طلبوني الشباب اروح معهم لمجمعات ماكنت اروح ماحب اتردد على هالماكن طنشتها ورحت بسابع نومه اليوم الثاني رحت للدوام بعد ما ذكرتني امي امر مكتب خدم وانا راجع تذكرت واحد صاحبي ابوه عنده مكتب اتصلت فيه وسالته قالي امر ابوه ابو فيصل صاحبي: يامرحبا ياياسر وينك لاحس ولاخبر : مشاغل ياعمي ولا والله انك على البال ابو فيصل:امر يابوي يقول فيصل انك تبغى خادمه وبسرعه : ايه والله الوالده تعبت من شغل البيت وتبغى خادمه قبل رمضان وانت عارف رمضان ماباقي عليه الا شهرين ابو فيصل :عساها على القوه فيه خدم بيوصلون بعد ثلاث ايام بشوف لك وحده : نبغاها مسلمه ابو فيصل: مايصير خاطرك الا طيب : بيض الله وجهك وجزاك الله خير استاذنت بعد ماطمني انه في ثلاث ايام بتكون الخادمه في عندنا دخلت البيت ورحت لغرفتي على طول تروشت ولبست وطلعت لامي كانت بغرفه بدريه دقيت الباب ودخلت لبست بدريه شيلتها وبحجر امي رهف خذيت رهف من عند امي بستها وناظرت بدريه اللي اشوف في عيونها شوق الدنيا : خلاص يابدريه بناخذها شكل امي حبتها امي تقصد بدريه: وهو بعد اول ما صحى اليوم وسمع صوتها تبكي لقيته شايلها وهو بلعاده اذا صحى من النوم ماله خلق ابد ناظرتي وقلت بصوتها الدافي: دامه ما عصب عليها اول ما صحى اجل اكيد انها خذت قلبه خذيت فنجان القهوه من امي: ايه والله حبيناها بدريه: حبتكم العافيه وناظرت امي: والله مدري كيف ارد معروفك ياخالتي امي: بنتي يابدريه فيه بنت تشكر امها رن جوال بدريه وكان المتصل زوجها اول ماشافت الاسم ناظرتني :هلا نايف ..... لا الحمد الله............ ايه حياك.... بخير وهذي هي مع ياسر ........ طيب ....... مع اسلامه امي: بيجيك بدريه نزلت راسها: ايه يقول انا قريب البيت مديت رهف لامي ووقفت: استاذن بروح للاستراحه امي: تروح عن وجه ضيفك استح على وجهك الرجال بيجي بدريه: حتى نايف يبغى يسلم عليك ناظرتهم وجلست بقهردقايق وقالت بدريه ان نايف برى طلعت له سلمت عليه وهو سلم علي من قلب انا وهو كنا اصحاب لكن اللحين لا بعد ما اخذ حلمي يخسي والله دخلته لحد غرفة بدريه طلعت امي لي وانا قاعد في الصاله امي:انت ما تستحي البنت اعرست وانت تحرجها بزعلك على زوجها وقفت واشرت على صدري: يمه احبها واموت الف مره اذا تذكرت انها متزوجه امي: صل على النبي ياوليدي خلاص تمنى لها الخير : اللهم صلي واسلم عليه امي: بعد شوي بيجون بيت خالك ضربت جبهتي:نسيت طلال خذيت جوالي واتصلت بخالي وقال انه هو و العجوز وزوجته جايين وساره وطلال بالبيت ينتظرون العزيمة وهم بطريق اضطريت اروح من البيت عشان ما اواجه العجوز خذيت رقمه اتصلت فيه وقال ان ساره مصره تتعشى معنا قلت حياها خلها تجي بعد ربع ساعه وقفت عند الباب ركب طلال وسلم طلال فيه رجوله وتحس واذا سولفت معه تحس انك تسولف مع واحد من عمرك طلعت ساره بعد عشر دقايق ركبت السياره واول ما دخلت المكان كله كان ريحة عطرها شكلها متروشه بعطر ساره بدلع: ها ياسر عسى ماتاخرت عليك : لا عادي ومشيت رن جوالي وكان رقم غزلان مارديت عليها وهي بطبعها لحوحه رديت قبل اسمع صوتها اول قبل تتكلم : هلا غازي(( اضطريت اقلب اسمها)) بعدين بتصل فيك وقفنا عند مطعم ونزلنا لاني كنت عايش مع بنت خالي وبدريه فماكانو يتغطن مني : اطلبو اللي خاطركم فيه ساره: اطلب لي زي ماتطلب لك تجاهلت تلميحاتها وتعشينا وطلع طلال وساره وراه وانا وراها همست لها ترى اللي تعطر وتطلع كنها زانيه وقفت مذهوله وانا مريت من جبنها كاني ماقلت شي وصلتهم ورجعت للبيت مالقيت احد بصاله رحت لغرفتي واتصلت بغزلان : هلا غزلان: هلا والله وينك : موجود غزلان: تاخرت علي : كنت اتعشى مع ولد خالي واخته غزلان اسكتت شوي : خطيبتك :لأ غزلان: قول والله : بدون حلفان انا قلت لك مالي خاطر بالزواج ولو اتزوج ما راح اتزوج سوير غزلان: اسمها ساره؟ :ايه غزلان: اهي حلوه :مملوحه غزلان: عاجبتك :طبعاً لأ غزلان:ياسر كم عمرك اللحين : ياسر وش عرفك باسمي غزلان : خذيته من صاحبك : كنتي تكلمين صاحبي قبلي؟!!!! غزلان: لا ليش ظنك سئ فيني : اللي تكلم واحد تكلم عشره غيره سكتت شوي وانا حسيت بتانيب الظمير يمكن لاني حسيت اني جرحتها:غزلان غزلان وبصوت باكي: نعم : تبكين؟!!!! غزلان: لا : احس من صوتك تبكين غزلان تنهدت: يتهأ لك : طيب قولي لي كيف خذيتي رقمي غزلان: كلمت واحد صاحبك وقلت له كان معك واحد عندي له امانه وبعد الموت عطاني رقمك وقال انك ياسر وتاكدت ان انت المطلوب : ذكريني متى شفتك غزلان: اللي كانت مع اللي فشلتها لما دفعت حساب المطعم :ايه ذيك المزيونه ههههههههههههه ماتدرين وش صار فيني لما رجعت فلوسك ذاك اليوم بغى يموتني احمد غزلان: مهي انا بنت خالتي تقصد انا كنت في السياره بس شفتك لما رميت عليها فلوسها : يعني هي بنت خالتك غزلان: رجع لنا وعطانا رقمه وقال ماعليك من يسور خليه يقعد على مثالياته سالته عن اسم ابوك وقال لي عبد العزيز وانا حفظت اسمك ووعدته بنت خالتي انها تكلمه اخذت رقمه اتصلت فيه اخذت جهاز تغير الاصوات واتصلت فيه وقلت لو سمحت انا لقيت محفظة واحد اسمه ياسر عبد العزيز ولقيت رقمك فيه احمد ابغى اعرف رقمه وعطاني رقمك على طول :هههههههههههههههههههههه(( إن كيدهن عظيم)) غزلان: اعجبك انا وضحكت ضحكه دخلت قلبي حبيت ضحكتها من قلب ماسكرت مني الا 3 الفجر واصلا بكر خميس ماعندي دوام غزلان هذي عرفتها قبل شهر وقفت انا وصاحبي عند مطعم طالبين ونتظره يوصلونه للسياره جات وحده كل الجمال اللي بدنيا بعيونها ضربت النافذه وانا كنت بالباب اللي بجنب السواق اللي هو صاحبي البنت اشرت علي : انا دفعت حساب عشاك واعتبره عربون تعارف وراحت نزلت من سياره صاحبي ورحت لعند السياره اللي راكبتها ضربت النافذه فتحت النافذه : كنت عارفه ان عيوني بتسحرك ضحكت عليها: هههههههه بلعكس وكانت بجنبها وحده اللي هي غزلان ماميزت ملامحها لكنها قالت اسفين اخوي ماكان قصدها ورميت عليها حساب عشانا وطلبت من صاحبي انه يحرك السياره تنرفز صاحبي وصار يسبني احد يخلي هالجمال عشان مثالياتك يا ابو مثاليات : خلاص وصلني للبيت وارجع اخذ العشاء ولا ترى بروح باتاكسي احمد صاحبي وهو بقمه عصبيته: انزل لابارك الله فيك لامن العشاء ولا من الغزال اللي جاتك برجولها مسكت الباب بنزل مسكني من ذراعي: خلك الله ياخذك بوصلك وبرجع وانشالله الاقي المزيونه :ماتشبع من البنات مشفوح بنات وربي احمد: اسكت بس والله في قلبي قهر اذا ما سكت لا اصدم الشبه :ههههههههههههههههههه كل هذا عشان البنت ياخي تعرف الف غيرها خلاص بروح مع تاكسي لاتبكي علي احمد:زيادة الخير خيرين : وش اسوي هاللحين احمد: بوصلك للبيت وباخذ العشاء وبسهر بمجلسكم لاني جوعان باللحيل : امي نايمه عند جدتي تعش بالمطعم اخاف ترجع امي تشوف البيت وصخ وتزعل نزلت منه ووقفت تاكسي وصلني للبيت وجلست على الانترنت لحد ما جاني نوم ورحت نمت قطعت حبل افكاري مسج من عند غزلان ((في لحظه تشعر أنك شخص في هذا العالم بينما يوجد شخص في هذا العالم يشعر أنك العالم بأسره)) ارسلت لها مسج (( انشالله اكون عند حسن ظنك تصبحين على خير)) ارسلت لي))وانت من اهله يالغالي اصحيك 4 ونص للصلاه)) ارسلت لها((ماتقصرين لكن الوالده قدها وقدود بتسحبني من شوشتي اذا ماصحيت)) وارسلت((اسفه سهرتك وانت متعود تنام بدري)) ارسلت لها(( بلعكس انبسطت معك انتبهي لنفسك .... سلام)) ونمت بعدها على طول مرت الايام وعلاقتي انا وغزلان تقوى صرت اعتبرها نفسي واذا تضايقت هي اول شخص افكر فيه وصار لها مكان بقلبي وماصرت استغني عنها اما هي فيوم عن يوم تثبت لي اني اغلى انسان بقلبها لكن مهما بلغ غلاة غزلان ماتجي شي عند بدريه الحب لبدريه بس... كبرت بنت بدريه وصار عمرها 8 شهور وحبها بقلبي يزيد يمكن سبب الشبه بملامح الكبير بينها وبين امها او يمكن بسبب انها بنت حبيبتي كل خميس تجي عندنا بدريه وتنام وكل يوم خميس ما اطلع من االبيت ابد ويروح يومي مع بنت بدريه توها ماكملت 9شهور وامشيها معي بسياره ووديها محل الالعاب واخذ لها العاب كلمت غزلان وقلت اني بروح انا رهوفه لمحل العاب وتفاجاءت انها كانت بلمحل نفسه انا ماعرفتها لانه كان فيه حريم كثير بلمحل عرفتها لما قالت: ياسر حبيبي التفت للصوت وناظرت عيونها اللي تزلزلني نظراتها: غزلان؟!!!!!! : مفاجاءه صح وناظرت رهف اللي شايلها وقالت هذي رهوفه ياحياتي واخذتها مني وانا بصراحه دخت من لمستها لي لما اخذت رهف من ايديني صارت تبوسها اما رهف تعلقت فيها كنها تعرفها من زمان وجات بنت وراها البنت الصغيره: عمتي ابغى باربي خذيت دبدوب وباربي للرهف اما غزلان فخذت قرقاشه وقالت: هذي اللعبه المناسبه لعمرها مهو دبدوب :ههههههه اب فاشل غزلان : وش دعوى اخذت لعبه بنت اخوها الصغيره وحاسبت رغم انها ما رضت لكن انا قلت لازم تراضيني لانك طلعتي من البيت وما استاذنتيني عطيت بنت اخوها اللعبه وقلت : اخاف تقول لامها انك قابلتيني غزلان :بقول انه الكاشير : افا صرت كاشير غزلان:هههههههههههه ياناس ياعالم اعشق ضحكتها نفسي انها تضحك طول الوقت احيانا البس قناع المهرج عشان بس تضحك (( انا كل اصاحبي يقولون عني ثقيل دم)) طلعت من المحل وقبل اركب سيارتي ((البرادو)) غزلان: ياسرزعلان مني غمزت لها: وانا اقدر مسكت بنت اخوها من ايدها وركبو سيارتهم وانا عيوني عليهم عطيت رهوفه القرقاشه وصدعت راسي بصوتها مشت بسياره متوجهه للبيت وصلني مسج فتحته كان من غزلان ((( نحفان ياعمري امانه اذا رجعت تاكل لك شي حتى لو مهو وقت عشاء)) حنونه ياغزلان رغم صغر سنها عمرها 18 سنه الا اني ماقد قابلت بحنانها الا امي وحبها لي حتى اذا واعدتها اتصل فيها 11 واتصلت 11 ونص تقابلني بدموعها ليش تاخرت خفت عليك واذا قلت لها من وش تخافين تقول السياره مالها امان اقولها وش دعوى منتي واثقه من سواقتي تقول واثقه فيك والسياره لا كم مره ومره ومره اثبتت لي انها تحبني لكن انا ما عطيتها شي سوى اني اعذبها كل مره تكلمني ما اقدر ما اطري بدريه ما اقدر ما اقول رهف ومع ذالك تشاركني الكلام حتى اذا سولفت لها عن طفولتي مع بدريه تسكت واحيانا احس انها تبكي والله مهو بيدي بدريه روحها ساكنه فيني ...... وقفت عند باب البيت ونزلت انا وحبيبتي رهوفه دخلت البيت وكانو بصاله حريم عند بدريه وامي دخلت من عند باب المطبخ جات بدريه لي بالمطبخ: اسفه ياسر اكيد انها سندرتك خذتها مني وامديت لها الكيس الدبدوب وللعبه باربي: سمي بدريه: وربي تحرجني يا ياسر : انا اشتريتها لبنتي رهف مايحتاج تشكريني عطيتها ظهري ورحت لمجلس الرجال اشوف بعيونها شوق وحب لكن ما تقول ماتعترف جاني اتصال من صاحبي احمد وقال انه بيجيني جلس معي شوي احمد: بروح لمغرب تروح معي : لا والله ماعندي اجازه احمد: تكفى يا ياسر ابغاك تروح معي : لا والله امي ماعندها الا انا واخاف اخليها احمد قام متنرفز: هذا انت كل ما طلبت شي مقدر واسف واسمح لي الشرهه علي انا : خلاص ولا تزعل بروح معك احمد : تذكرتك علي وانشالله بعد اسبوعين سفرتنا : طيب مايصير خاطرك الا طيب كم يوم بنقعد احمد وهو يفكر: على حسب الجمال اللي بشوفه اذا حلوه اسبوع اذا وسط ثلاث ايام واذا لا برجع ثاني يوم : وش تقول؟!!! احمد: هاه ما اقول شي مع السلامه وقام : تعال يارجال قهوتك احمد: في المغرب سلام وراح ولا شفت الا غباره:هههههههههه والله انك حبيب خذيت الجوال واتصلت بغزلان: هلا والله غزلان: كليت :امممممممم بصراحه لا غزلان: امانه قوم اكل لك شي : عندنا حريم ولا تبغيني اروح للصاله وويشوفوني البنات ترى مالي دخل لو وحده اخطبتني من امي اسكتت غزلان شكل مزحتي هذي ثقيله: تكفى يله قوم :خلاص بنتظر للعشاء غزلان: لا بجيك اللحين وبعطيك عشاء : لا يكون خذيتي على شوفتي انا قلت لك انتي عرضي ولا ارضى عليك يشوفك واحد غريب مثلي واليوم ماقلت لك شي عشان بنت اخوك معاك ولا ني تفاجاءت وعشان ما اكسر بخاطرك انا ماقد طلبت شوفتك مثل كل الشباب لاني ما ابغى اشوفك رخيصه انتي غاليه بعيني وبتمين غاليه سكتت غزلان ولا صرت اسمع الا صوت شهقاتها معناها اني جرحتها هذا انا دايم اجرحها لكن لمصلحتها والله : خلاص ياغزلان عشاني خلاص غزلان بين دموعها:اسفه : لاتتاسفين انا ابغاك تعرفين قيمة نفسك غزلان سكتت شوي: اشتقت لك وحبيت اشوفك فيها شي : ايه فيها شوفيني من بعيد مهو كفايه كل يوم قبل تروحين للكليه لازم تتصبحين بخشتي غزلان: من بعيد وبعدين انت ما تلتفت لي عشان اشوفك كويس : واذا شفتيني بترسميني من زيني يعني غزلان: عاجبني واحبك كيفي احبك تصريح خطير من غزلان عمرها ما قالت لي احبك تقول اغليك ومحبتك وغلاتك لكن ماقد قالتها: وش تحبين فيني امانه كل مره اجرحك وازعلك غزلان:يكفي انك ماتخدعني : طيب قومي غسلي وجهك وارجعي كلميني غزلان: طيب دقايق ورجعت : هلا : انا قلت غسلي وجهك ماقلت تروشي غزلان:ههههههههههههه :فديت هالضحكه غزلان: شكرا : زعلانه مني غزلان: لالكن عندي شرط عشان ارضى رضا تام : وش هو غزلان: برسل لك السواق بوجبه من كنتاكي خبري فيك تحبه : لا وربي اقدر اقوم واجيب لي وجبه لي ولك بعد غزلان: ادري بس هذا شرطي وش قلت : طيب بس اخر مره ترى غزلان: طيب شكرتها وقفلت منها على اني قبل انام بتصل فيها شكلها بتقلب الدنيا علي اذا عرفت اني بسافر للمغرب مقدر ارد احمد على اني ضد افكاره الشيطانيه الا انه صديق طفوله ولا اقدر ارده وصل سواقها واخذ منه الوجبه وكانت لاصقه عليه ورقه بالعافيه يابعد الناس مدري ليه احس الوجبه هذي احلى وجبة كليتها من كنتاكي يمكن لان انفاس غزلان فيها مدري... ارسلت لها (( وربي احلى وجبه كليتها بحياتي مشكوره)) وارسلت لي((صحه على قلبك ياقلبي وربي فرحتني اهم شي تاكل لانك نحفان)) مارديت عليها لانها تخجلني بحنانها علي وطيبة قلبها وحبها لي دخلت علي شغالة بدريه تقول ان امي تناديني غريبه امي مرسله شغاله علي احيان احس امي زوجتي من كثر ماتخاف علي من البنات عشان كذا قررت اقولها اني بروح انا وخويي للكويت عشان لو درت اني بروح المغرب والله ماتخليني اتعدى السعوديه رحت لامي بصاله: خير يمه امري امي:خالك عازم نفسه على العشاء عندنا ويبغاك تقعد بالبيت : لا مراح مشغول امي: امي بالعمره مع طلال : وهالمره من متفقه ضده عشان تاخذ حبيبته منه قامت بدريه وراحت داخل ضربت جبهتي : خلاص يمه لاتعورين قلبي انا بروح للاستراحه لاحد مايروحون امي: لا ماراح تروح وخالك ملزم يبغى يشوفك :طيب بقعد دامني متاكد انك ماراح تكذبين وان عجــوز..اقصد امك في العمره ورحت لغرفتي ونمت لحد ما صحتني امي وتقول ان خالي عندنا بدلت وطلعت له سلمت عليه وعلى ساره اللي كل مره تجينا فينا ماتنزل عينها من علي احيانا احس بالاحراج منها والاحيان الثانيه انقهر من جراءتها ساره: وشخبارك ياسر والله وحشتنا خالي: تعال معي ابغاك رحت مع خالي للمجلس : خير ياخالي والله خوفتني خالي: ماتفكر في العرس يا ياسر :لا والله ليش هالسؤال لانقول ان امي قالت لك تبغى تزوجني ترى توي ماصار عمري 25 خالي: وبكرى بتروح المدرسه هيــــــــه اللي بعمرك عندهم عيال : طيب وش مطلوب مني زواج مالي خاطر فيه خالي: اخطب لبنتك ولا تخطب لولدك وانا ابغاك تاخذ بنتي بنت خالك وعارف اخلاقها كويس هاه لا الا ساره انا اكثر واحد يعرف ساره ويعرف الشر اللي بقلبها حتى لما رسبت في اولى ثانوي وبدريه نحجت شقت شهادة بدريه عشان ماتفرح وهي حزينه وقتها اشتريت لبدريه قطوة بيضاء شعرها كثيف وبعد ثلاث ايام مالقيناها وعرفنا من الشغاله ان ساره رمتها بالشارع عشان انا خذيت لبدريه هديه وهي لا لكن بدريه هي اللي نجحت حتى لو كانت راسبه كنت بجيب لها القطوه هذي بدريه مهي أي وحده. خالي: هيه يالحبيب وين رحت :هاه؟!! خالي: وش قلت نتوكل على الله ........ اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
التعديل الأخير تم بواسطة شمــــ أنثى ــوخ ; 07-13-2008 الساعة 06:20 AM.
|
|
07-13-2008, 06:17 AM
|
||||
|
||||
|
رد: قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــ
الجزء الثاني..
ماحبيت اكسر خاطر خالي ولا اقوله لا خالي راعي مواقف معي ماراح انساها يكفي هو وعمي سالم اللي توسطو لي ووظفوني لما كنت ادرس بالجامعه فضطريت اوافق: ماراح الاقي عم احسن منك وحبيته على خشمه مرت 3 ايام واليوم ملكتي ع ساره وكانت الساعه 5 العصر و53 دقيقه سالني الشيخ ترضى بساره زوجة لك ورضيت وسال ساره وبنفس اجابتي ردت خالي:مبروك :الله يبارك فيك عمي سالم حضني:الله يهنيك ياولدي :الله يسلمك عمي محمد:كان ودي انك ماتطلع بنات عمامك 5 :نصيب ياعمي عمي محمد:منك المال ومنها العيال :الله يخليك والساعه 8 حفلة الخطوبه وكانت في بيت خالي رفضت اني ادخل وكم هائل من البنات بيكونون موجودين وغير كذا عجوز النار موجوده فوافق خالي وامي لانهم عارفين اني مستحيل ادخل فكان بيت خالي مقلط حريم طلبت اني اشوفها فيها دخلت وكنت ساره جميله بمعنى الكلمه متالقه في يومها من جد عجبتني اول ماشافتني نزلت راسها جلست بجنبها وانصرف الكل مسكت ايدها وهي منزله راسها:مبرووك ساره بهمس:الله يبارك فيك :ناظريني ساره رفعت راسها وناظرتني ثواني ونزلت راسها:لا طولي وانتي تناظريني ساره:.......... :شكلي خوفتك عشان كذا نزلتي راسك ساره بسرعه:لا بلعكس ورجع الخجل يرسم على محياها :تدرين انك اليوم جميله ساره بثقة وغرور:بس اليوم :هههههههههه طماعه عاد اليوم هو اللي قدرت اناظرك زين عشانك زوجتي وحلالي لكن اول بنت خالي ومقدر اناظرك بنظرات ثانيه ساره وهي تحضن ايدها بيدي:ماني مصدقه بست ايدها وقلت لها بهمس:خلاص انا صرت لك ساره:يابختي :يابختنا كلنا طق الباب خالي ودخل ودخلت زوجته وخالات ساره وبنات خالاتها والغاليه بدريه دخلت اااه يابدريه حتى وانا متزوج حبك هو اللي مالكني من الساس لراس ياليتك بدل ساره والله لاكون اسعد انسان بالكون بدريه وهي تمد ايدها:مبروك عيوني تعلقت بعيونها الزجاجيه:الله يبارك فيك وسلمت ع ساره اللي مابغت تسلم عليها مدت لي امي الشبكه ولبستها اياها وعيون بدريه الحزينه تناظرني رغم اني احس ان نايف هو المتربع في عرش قلبها الا اني احس ان سبب حزنها هو زواجي ربما تعددت الاسباب خوف من اني اتغير عليها او اكرها او زوجتي تذيها لكن ماعاشت اللي تجرحك بكلمه ومجنونك ياسر ع الارض يمشي استاذنت وقبل تطلع ناديتها رغم دهشة الموجودين:وين بتروحين بدريه:نايف ينتظرني برى ناظرتني ساره بعتب وقلت لها:خلاص حبيبتي شكلهم يبغون يجلسون معك وقفت وناظرتهم:ماينشبع من الجلسه مع سارونتي بس شسوي كلها كم يوم وبتصرين لي انا بس الله يصبرني وصلت للباب وتعليقات بنات خالاتها اللي مانتظرن لين اطلع من الغرفه اسمعها ((يابخت ساره فيه)) ((ياحلاته يجنن)) ((ياااااي رومانسي)) طلعت وتوجهت للبيت وكانت الساعه 10 خذيت الجوال وكان فيه مسج من غزلان انت عمري لو فقدتك مابقى لعمري وجود وين اروح بكل حبي وانت لأوطانه امان مالحبك ياعيوني في طرف عيني جحود لونسيتك مابقالي وسط هالعالم مكان لوبرق شوقك ينادي جاوبه شوقي رعود انت كل الناس عندي يابعد كل الزمان رميت الجوال ع جنب مستحيل ارد عليها مقدر اقولها انك ملكت ع بنت خالي عارف اني بجرحها حتى لواني ماوعدتها بشي ولو ان طلبها ان تكون زميله او صديقه لكن غزلان دخلت قلبي وانا من الناس اللي ما حب اذي شخص دخل قلبي وانا عارف مكانتي عندها عارف اني اناني لكن انا ماخترت الزواج بإرادتي اليوم الثاني صحيت الساعه 8 نزلت تحت وكانت امي صاحيه صبحت عليها فطرت ورحت للدوام واستاذنت وطلعت من الدوام لاني معزوم عند بيت عمي سالم ع الغداء تغديت وبعد الغداء بعد ماراحو الرجال عمي سالم:اسمع وانا ابوك ادري انك في اول حياتك ولاعندك ومصاريف زواجك كلها علي ان كانك معتبرني مثل ابوك حبيته ع راسه:لا والله لو ان ابوي عايش ماحبيته اكثر منك لكن مثل منت عارف انا وظيفتي راتبها يكفيني وزياده وعندي اللي اتزوج حرمتين واخلي كل وحده في بيت عمي سالم:الابو لازم يساعد ولده :كلامك هذا اكبر مساعده بسته ع راسه وان احتجت وانا عارف اني ماراح احتاج بجيك ولاراح اروح لاغلى منك دخلت علينا الدانه بنت عمي عمرها تقريباً9 سنوات وهي تصارخ :بابا الجوهره تعبانه مررره قام عمي وانا احترت مدري شسوي اروح واره والا اجلس طلعت وقفت عند باب البيت وانا ماني عارف وش اسوي ....طلع عمي وهو شايل الجوهره لكن فاقده الوعي وهو مغطيها بعبايتها عمي:ياسر اجلس في البيت لين ارجع :خلني اروح معك عمي ركبها في السياره:لا بس اجلس عند اخوانك جلست بالمجلس والدانه وسعود ولد عمي الصغير عمره 3 سنوات امهم توفت لما ولدت سعود يعني تيتم وهو صغير لكن امر الله سعود جلس بحجري ونام اما الدانه فموّته نفسها بكاء مسحت ع شعرها:خلاص لاتبكين الدانه:بس الجوهره بتموت :لا هي تعبانه وبترجع لكم انشالله الدانه:لا هي تقول انا ابي اموت :ليش؟؟!! الدانه وهي تمسح دموعها بيدها الصغيره:امس كانت تبكي وقلت لها ليش تبكين قالت انا ابي اموت :يعني ماجيتو خطوبتي الدانه:لا هي كانت تعبانه وتبكي ناظرتها بحزن الدانه تحب الجوهره حب اخت وام وصديقه..؟!! عندها اخت اكبر من الجوهره لكنها عايشه مع زوجها بالشرقيه لكن الجوهره هي اللي متحمله مسؤليتهم من جد يكسرون الخاطر ما اذكر بالضبط متى شفت الجوهره لكن تقريباً من 11 سنه او اكثر كانت صغيره وتلعب في الشارع لاني كبرت وجدتي اللي كنت ازورها توفت فصارت زياراتي لاعمامي بمجلس الرجال بس قطع علي حبل افكاري اتصال من عمي:هلا عمي وشلون الجوهره عمي:لا الحمد الله بخير :وش فيها ياعمي عمي:سوّ لها غسيل معده لانها كلت جرعه زياده من مخدر الالام :ولييييش عمي:تقول تعبانه وماحست الا لما كلت العلبه كلها مادخل بالي اللي قالته:واللحين كيفها طيبه عمي:الحمد الله اللحين انا وهي جايين :ليش؟!! المستشفى احسن لها عمي:الدكتور يقول ماله لزمه :الله يشفيها عمي سالم:الله يسلمك قفلت منه والدانه واقفه عند راسي:هاه الجوهره جايه :ايه اللحين جايه باستني بقووه بخدي:شكراً :اشكري ربي الدانه رفعت يدها الصغيره وصارت تشكر ربي دخل عمي واستاذنت وطلعت من البيت وتحدد الزواج 4 ايام عيد الفطر وسافرت للمغرب ورجعت اما غزلان فماصرت ارد عليها عارف اني بجرحها رغم اني ما وعدتها بشي وبعد مرور 3 شهور وانا مقاطع غزلان اشوفها الصباح واقفه سيارتها وانا امشي بسيارتي بدون ما اناظر صوبها جاني مسج من غزلان الساعه 11 ونص باليل (( مبروك ياقلبي عرفت انك ملكت على بنت خالك .... عشان كذا مقاطعني افا عليك اذا صرت مبسوط كني انا مبسوطه مستحيل ازعل عليك يكفيني وجودك في حياتي حتى لو كنت في هامش حياتك)) دايم يحرجني طيبة قلبها رفعت الجوال اتصلت عليها : هلا غزالي غزلان: غزالك وتخليها بروحها : اسف والله ماعندي رد غير اني ما ابغى اجرحك غزلان: لا عادي بس اشتقت لك موت..... وبكت : خلاص والله ما اتحمل دموعك خلاص وغلاتي خلاص غزلان: خلاص هاه مسحت دموعي : طيب بحكي لك السالفه من اولها لاخرها عشان تعذريني غزلان: مسموح حتى لوماشرحت اعذارك حكيت لها من جية خالي لي وطلبه لي اني اتزوج بنته اللي محد خطبها واني ماكان ودي اخبرك واجرحك ولا كان ودي اخبي عليك واخدعك فقررت اني اتركك ولا اذيك غزلان:بتقطعني اذا تزوجت صح : مستحيل ياغزلان لو انها بدريه يمكن وسكتت غزلان:كمل انا مستحيل اقارن نفسي ببدريه :انتي بنت حلوه واخلاقك احلى غريبه ماتزوجتي للحين غزلان: اخلاقي؟!!!! هذا انا اكلمك من ورى اهلي : الحب مهو عيب وبدريه كانت تحبني وهذي هي تزوجت وتحب زوجها اكثر مني الف مره وهي اللي كانت تعشق ترابي غزلان: انا مقدر اتخيل نفسي مع غيرك حتى لو جلست عمري كله وبدريه حبك لها كان مغطي على عيوبها انت كنت تحبها عشان كذا كنت متصورها تحبك : لا هي كانت تحبني فعلاً غزلان: ماكان قدامها الا انت وعشان كذا حبتك : غيري الموضوع الله يخليك غزلان :من عيوني مارح اسالك وش سويت في المغرب لاني واثقه من اخلاقك : احمد خرب الدنيا ههههههههههه والله اسحبه للفندق سحب ما يقدر يركز من كثر ما يشرب جلست 3 ايام ورجعنا لاني خفت عليه غزلان: طول عمرك حنون : لو انا حنون ما بكيك كل شوي غزلان:لاقصدك مصلحتي مهو قصدك جرحي : غزلان والله وانا احس بالذنب لو انا صادك من البدايه ماكان تعلقتي فيني بهالشكل وحتى زواج ماتزوجتي غزلان: محد تقدم لي لو اتقدم احد لي ذيك الساعه عاتبني ليش انا احبك :هاه غزلان :............. : لا يحكي لسانك عبارات قلبك غزلان:.................... : طيب وش فيني زود عن الرجال بالله غزلان: انت كلك على بعضك زود : شكرا من جد تحرجيني غزلان بنبرة خوف: اوعدني ماتتخلى عني اذا تزوجت : وربي ماتخلى عنك غزلان: ما ابغى منك الا صوتك بس :تامرين امر تراك منتي رخيصه عندي غزلان: لكن تقدر على فرقاي :.................... غزلان:ارسلك مطنشني اترجاك ولا ترد على مكالماتي والله ماتعرف كيف الشهور اللي راحت مرت علي حتى الحبوب المنومه صرت استخدمها عشان ما افكر فيك الا لما شفت واحد من عيال حارتكم وسالته عنك قال انه قبل كم شهر خطوبته على بنت خاله ارسلت والحمد الله يارب انك اتصلت فيني :......................... غزلان: مسامحتك بس تكفى ما ابغاك تتركني فجاءه يجن جنوني : تامرين امر ياغاليه غزلان: انا غاليه قول والله : والله غزلان:....................... : غزلان....... غزلان.......... غزلااااااااااان............. بديت احاتي غزلااااااان غزلان: مغمى علي ماني مصدقه :هههههههههههه يامجنونه غزلان: مجنونتك : اقولك شي بفرحك غزلان: ياليت والله : ساره تجيني انتظار ومطنشها عشانك غزلان بخوف: لا تكفى عشاني كلمها وانا بعدين يكفيني معك لو خمس دقايق كل يوم : لا خليها تولي غزلان: عشاني رد عليها وانا معك طول عمري بتشبع مني :لا خلاص انا قلت عشان افرحك مهو عشان تخليني ارد عليها غزلان: اكيد بزعل اذا صارت لك مشاكل من وراي رد عشاني : تسلم لي طيبة قلبك غزلان: مع السلامه : مع السلامه رديت على ساره: خير ساره: من كنت تكلم كل هالوقت : اكلم اللي اكلم لايكون مفكره نفسك ولية امري ساره بصوت باكي: كنت تكلم بدريه ادري عارفه انك ماتحبني وعمرك ماحبيتني :بدريه اشرف من هالكلام وكنت اكلم واحد صاحبي تبغين اعطيك رقمه ساره وهي تبكي: طيب ليش رديت علي بدون نفس : لانك ازعجتيني 10 مكالمات في 6 دقايق تبغين شي مهم ساره: لا : طيب خلاص مسحي دموعك ولا يصير خاطرك الا طيب هذا انا معك ساره: اشتقت لك : كلها شهر وبتشبعين مني ساره: مستحيل اشبع منك ياخوفي انت اللي تملني : وش دعوى احد يمل من زوجته ساره: تعال لي بكرى ماباقي على رمضان الا 10 ايام وانت ماتزورني ماكنا في ايام الخطوبه : خلاص بكرى بجيك اومر ثانيه ساره بصوت عالي شوي: اوامر!!!!!!!!! انا ما امر عليك اذا منت مشتاق لي لاتجيني : تطولين صوتك علي؟ ساره:.................. : طيب سلام ساره: لحظـــــــــــــــــــه : خير ساره: اسفه :ماتكفي ساره: ماراح اعيدها والله : طيب بصدقك هالمره بكرى بجيك ساره: يااااااااااااااااااااي وناسه يابعد عمري ياسر :هههههههه كل هذا حب فيني ساره: اموت فيك الكل يعترف بحبه لي لكن انا رغم حبي لبدريه وامي عمري ماقلت لهم احبكم هل بيجي يوم اقول لشخص غيرهم احبك:شكرا ساره:انا دايم اعترف لك بحبي لك وانت ولامره سمعتك تقول لي احبك : اهم شي افعالي ساره: حتى افعالك مثلك ماتجيني ولاتزورني الا انا اطلب منك :دام انا كذا سلاااااااااااااام قفلت بوجها وقفلت اجهاز الوحيده اللي تداري على خاطري غزلان والله ما استاهل غلاها غمضت عيوني ورحت بسابع نومه صحيت اليوم الثاني 11 وكان خميس وكلعاده كل خميس الحبيبه موجوده اول ما شافتني رهوفه مدت ايديها بابا شلتها : مرحبا والله وانا اقول وش في بيتي منور اثاريك فيه التفت لبدريه اللي قالت: شخبارك ياسر حبيت رهف : دامني اشوف هالحلوه بخير الا انتي شخبارك بدريه تنهدت: الحمد الله جابت لي امي صينية الفطور حطيت رهف بحجري وصرت اوكلها معي بدريه: خلك منها واكل انت بتتعب لو وكلتها معك ماتشبع مشالله عليها :صحه على قولة غــ غازي بدريه:ههههه وتتكلم سوري بعد : امشان هالحلوه رهف امي:ساره كلمت اليوم تشكي تقول انك لاتمرها ولتسال عنها ناظرت بدريه اللي ناظرت الارض: انشالله بمرها اليوم امي: ايه ياوليدي لاتفشلني مع اخوي روح تغدى عندهم : لا معزوم على الغداء اليوم بدريه: خليه على راحته ناظرتها متعجب يمكنها تغار علي لكنها صدمتني لما كملت جملتها وقالت /:عشان لازم يروح لها مروق خليه يعيش ايام خطوبته حبيت اغيضها مثل ما غاضتني:مافيه احلى من ايام الخطوبه الله يسامح اللي خلت زواجك بعد ثلاث ايام من خطوبتك قامت بدريه وراحت داخل قالت امي: ياحبك لضيقة صدرها : ماسمعتيها وش قالت امي:البنت ماقالت شي تبغى مصلحتك مديت رهف لامي وقفت: والله مصلحتي انا اعرف منها فيها ما ابغى نصايحها امي: ماكليت شي :شبعت خذيت جاكيتي وبوكي وجوالي ومفتاح السياره وطلعت من البيت افتريت مدري وين اروح الكل اكيد نايم مالقيت الا اللي اذا ضاقت بي الارض توسعها علي غزلان غزلان وصوتها نايمه: هلا والله : نايمه غزلان: احلى صباح وربي اللي اول ماصحيت سمعت صوتك فيه :ههههههههه كل هذا حب فيني غزلان غيرت الموضوع: غريبه متصل فيني تنهدت: ضايق صدري غزلان: غريبه اليوم خميس واكيد رهوفه عندكم : تخانقت انا وبدريه غزلان: ليششششش؟!!!! قلت لها السالفه ابتداء بساره اللي تعلي صوتها انتهاء بي لما طلعت من البيت غزلان:لاتتضايق بدريه تبغى مصلحتك :انا ماقصرت مع ساره مهو كفايه انها تكلمني بساعات لازم اروح لها يعني غزلان سكتت شوي:مهو كفايه الصوت اكيد تبغى تحس بايام خطوبتها : انا استحي كل يوم والثاني طاق الوجه وش بيقول خالي غزلان: لي خاطر عندك : وتسالين بعد اكيد لك خاطر غزلان: اممممممم بصراحه ابغى طلب صغيرون : تامرين ماتطلبين غزلان: اعزم ساره على مطعم خليها وخليك تحسون بايام خطوبتكم : ماتغارين ----> سؤال غبي غزلان:............... : قد سمعتي اتفهه من سؤالي او اغبى فجائتني ضحكتة غزلان:ههههههههههههههه ..... وربي ماقد شفت بطيبتك : شكرا من بعض ماعندك غزلان: وش قلت على الغداء : طيب بكلمها اللحين اقولها غزلان:.......... : واذا وصلتها بيتها برجع اتصل فيك.....(( ابغى اطيب خاطرها محد متحملني ومتحمل اغلاطي زيها وتسامحني ولا كني سويت شي)) غزلان: شكراً : انا اللي بشكرك صحيتك من نومك وعذبتك معي ومع ذالك متحملتني لو اسوي وش اسوي ما اطلع من جزاك غزلان: وش دعوى مكافئتي وجودك معي : طيب ياغاليه تامرين بشي غزلان: سلامتك :مع السلامه غزلان: مع السلامه ضربت صدري بيدي بقووووه وقلت بصوت مسموع ياليتني اشيل بدريه من هنا واتوجك ياغزلان على مشاعري آآآآآآآآآآآآآآآآآآآآآآآآآآآآآآآآه اتصلت في ساره: هلا ساره ساره: هلا حياتي هلا قلبي وينك طول امس اتصل ومقفل : شوي شوي اولا انا موجود وامس انتي تعرفين ليش قفلت الجوال ساره: احبك ياعصبي : طيب وش رايك نتغدى برا اليوم ساره: ياااااااااااي وناسه بشوفك :ههههههههه طيب انا قلت البسي عبايتك واذا بتمكيجين ابغاك تغطين عيونك ساره: تغار علي : زوجتي اكيد ما ابغى احد يشوفها غيري ساره: انا متعوده اطلع بدون اغطي عيوني : ومعي بتتعودين تغطينهم ساره: تامر امر ياحبيبي حبيبي يمكن لو ان بدريه هي اللي انطقتها كان فرحت فيها: طيب الساعه 2 بمرك وش رايك ساره: لا تعال اللحين بسولف معك لحد مايجي موعد الغداء ونطلع : اللحين بيأذن بعد الصلاة بمرك ما ابغى اشوف اللي خبرك ساره:خلاص بقول لابوي انتظرك بالمجلس اوكي حبي : طيب ماتبغين شي وانا جاي اخذه معي ساره: امممممممممم ابغى اشوفك بس :خلاص بالكثير 45 دقيقه واكون عندك ساره: باااااااااي بروح اكشخ :هههههههه طيب سلام صليت ورحت لساره اتصت بها وفتحت الباب ناظرتها من جد ساره حلوه وكل يوم عن الثاني تكون احلى كانت لابسه تنوره جنز لحد الركبه وتي شرت وردي ورافعه شعرها ومكياجها خفيف لكنها طالعه حلوووه وناعمه دارت وابتسمت ابتسامه حلوه مثلها: وش رايك قربت لها وهمست: احلى من الحلى نفسه ظربتني على كتفي : استحي : ههههههههههه طيب وديني للمجلس قبل تجي العجوز ساره حطت ايدها على خصرها: طول منت زعلان عليها معنها بدريه ببالك : ما ابغى اجيب طاري يزعلك مني ممكن ساره من غير نفس وراحت قدامي:طيــــــــــــــب مر الايام بسرعه وجاء يوم زواجي صحيت من النوم على صوت امي على الباب: قوم ياسر ترى اليوم زواجك قلت بخاطري ادري زواجي اجل تحرير فلسطين يوه كني دخلت بسياسه؟!! خل ارد على امي: سمي يمه صاحي خلاص دخلت الحمام تروشت وطلعت لامي حبيتها على رسها: صباح الخير يالغاليه فجاءه وبدون مقدمات امي تبكي من يوم توفى ابوي ما شفتها تبكي ما احب اشوفها تبكي: خلاص ماتبغين اتزوج والله لاروح اطلقها امي وهي بين دموعها:فرحانه اني شفتك متزوج قبل اموت : وش دعوى يالغاليه والله اللي يشوفك يقول انك اختي منتي امي توك شباب وشكلي بدور لك ولد الحلال امي متعجبه : يسور وش هالكلام : انا ادري عنك تبكين عشاني بتزوج وانتي عنستي امي رمتيني بعلبة المناديل: قوم لابارك الله فيك : افا تضربين معرس بيوم زواجه افا امي: خل عنك هالكلام وديني انا وبدريه للمشغل لان زوجها رافض انها تروح للمشغل لحالها : وباي حق يرفض امي: مثل الحق اللي خلاك تخلي ساره تغطي عيونها عرفت تسكتني امي : طيب يله اركبي وصلت بدريه وامي للمشغل واخوياي اتصال ورى اتصال اللي يبارك واللي يقول رحت للحلاق تزبطت تراك معرس والخ.... رفعت الجوال واتصلت اللي ادري ان جرحها اكبر من انها تكلمني بمثل هاليوم غزلان جاني صوتها الل يدل على عذابها: هلا قلبي : هلا والله شخبارك غزلان:................... : زعلانه مني غزلان:.............. :لاتسكتين كذا ما استاهل حبك والله وربي بيعوضك با احسن مني غزلان انهارت تبكي وصارت في حاله من كلمتها ماقد صارت لها وانا احاول قد مقدر اسكتها لكنها مو قادره توقف دموعها : غزالتي يرضيك تكدرين بيوم زواجي غزلان: غـــ صـــ ـــب عـــ نــــ ـــي والــ لــ ــه : طيب عشاني مسحي دموعك والله ماتهون علي دموعك غزلان:.......... : انا قلت لك من الاول انك ماراح يكون فيه بينا شي انا وعدتك بشي واخلفت غزلا بصوت متقطع:لأ : طيب ليش الدموع اللحين غزلان: ابكي على حظي الانسان اللي لو الف العالم بيت بيت ماراح الاقي مثله صار لغيري : حتى لو نفرض اني حبيتك مستحيل نرتبط غزلان بصدمه: حبيتني يعني انت تكرهني : لا مهو كذا مدري مدري خاني التعبير انتي والله العالم انك غاليه غزلان بقوه: لكن ما اجي اظفر من اظافر بدريه هذي المره لاولى اللي تقول فيها غزلان شي يزعلني منها انا من الاساس قايل لها انك مستحيل تملكين قلبي انا ما لي ذنب سوى في اني خليتها تكلمني لو انا صديتها من البدايه ماكان صار هذا حبها لي غزلان:ادري ساكت تفكر ليش انا تعلقت فيك واصريت اني اصير لو حتى على هامش حياتك :................. غزلان: لاني فقدت الثقه في كل الرجال وانا مراهقه واهم شخص بحياتي ومثالي في الحياه وماكملت 15 سنه شفت ابوي بحضان الخادمه خادمه خادمه ياياسر انا ما اقلل من شان أي انسان لكن انا انصدمت في ابوي اللي كان عندي مثال في الدين والوفا ولقيت فيك اللي مالقيته في ابوي لقيت فيك لوفاء لشخص باعك وحب غيرك مهو زي ابوي اللي امي قضت احلى ايام شبابها بالغربه معه طلعت من المتوسط عشان يكمل تعليمه في الخارج واكتفت بالمتوسط اورضت بالعيشه مع حمواتها المتسلطات عشان حبه انا حبيتك ورفضت كل اللي تقدمو لي واذا منت مصدق روح لاي واحد من جيرانا واسالهم قول غزلان تنخطب اولا لاني ما ابغى اعيش تجربة امي لاني اذا حبيته بسامح زلاته نفس امي انت عاجبي ياياسر وحبيتك ولا فكرت نفسي لغيرك لانك غير يا ياسر غير .......... وقفلت بوجهي حسيت بضيق تنفس فكيت ازراري من جد الارض كلها بوسعها ضاقت فيني اه يا غزلان ضيقتي صدري فوق ضيقتي كلمني احمد صاحبي وجلست معه لحد ما اتصلت فيني امي عشان اوصلها للقاعه مر الوقت بطئ بطئ بالحيل رغم محاولات اصاحبي في التنكيت عشان اضحك مر الوقت وصرت انا وساره بالفندق ناظرتها اجمل من كل مره اشوفها جمالها اسطوري عيونها لكن ماتجي عند حلاة عيون غزلان شفايفها بيضاها كل شي فيها كان حلو جلست نص ساعه اتمئلها من جد ما حسيت بالملل وانا اناظرها حلوه يا ساره سحرتني يمكن مع الايام تملكين قلبي مدري طيارتنا الساعه 9 الصباح للبنان..... فتحت عيوني بكسل وكانت ساره واقفه قدامي وقالت بنعومه:ياسر الساعه صارت 7 وطيارتنا 9 بسرعه قوم قمت بكسل:وتوك تصحيني ساره:والله من الساعه 6 وانا اصحيك وقفت مقابلها مامنعت نفسي اني امشط شعرها المبلول بيدي:احسك احلى بدون مكياج ساره نزلت راسها فقلت:لو بتاملك ماراح اشبع بروح اتروش وانتي جهزي اغراضك طيب ياقلبي ساره:اوكي تروشت وصليت ركبت سيارتي وساره معي توجهنا للمطار خلصنا جوازتنا وركبنا بالطياره اللي ماكان فيها الا قليل يمكن لانه مهو وقت اجازه ولاني متزوج بايام دراسه وساره بجنب النافذه مدري ليه البنات يحبون النافذه بالطياره وحتى بالسياره ساره وهي تحضن يدي وتحط راسها ع كتفي:ياسر قول والله انك لي انا بس :انا لك ساره:حتى قلبك :كلي حلالك ساره ابتسمت ابتسامه مثلها حلووه:اخيراً تحقق حلمي :يعني كنتي تحبيني قبل اتزوجك ساره:مررره :ساره اذا تبغين قلبي ما ابغاك تعانديني ولا ابغى أي انسان يعرف بمشاكلنا اذا لاسمح الله صار بينا مشاكل ساره:لا حياتك كلها معي بتصير افراح :والمهم لا اقصد الاهم امي خليها بعيونك تراك تعرفين غلاتها عندي ساره:عمتي بعيوني لا تحاتي :وانا وين مكاني ساره:بقلبي :ههههههههه ياحبي لك مر الوقت ولما قربت الطياره تنزل ساره:ياسر بقولك شي :قولي ساره:عادي انزل عبايتي ناظرتها بتعجب: وليش؟!!! ساره:كل اللي هناك بدون عبايات :لا ساره:تكفى ياسر :قلت لا يعني لا ساره والدمعه بعيونها:ترضى اني اتمشى معك هناك وانا مغطيه وجهي :شيلي غطاك بس العبايه والشيله لا ساره معقده وحاجبها:طيب :خلاص ياعيوني فليها ماحبك معصبه ساره:يابعد عمري ماكسرت بخاطري نزلنا من الطياره وركبنا بتاكسي ورحنا للشقق مفروشه واجرت لنا شقه لمده اسبوع :غناتي انا بروح ااجر سياره وراجع ساره:لاتتاخر :انشالله ساره:ياسر :همممم ساره بدلع:بشتاق لك :طيب لاتدوخيني قدام الناس ساره ضحكت بدلع:هههههههه طيب لاتتاخر علي :هوى وانا راجع رحت لمكتب تاجير سيارات واجرت سياره ورجعت للشقه فتحت الباب لقيت ساره نايمه بشكل برئ وكانت لابسه فستان اصفر وفيه ورود جوريه حمراء كبيره ومنثوره بشكل حلوو وكان الفستان حرير وقصير وخصل شعرها ع سرير منتشره جلست اتاملها نايمه وعيونها مفتوحه فتحه بسيطه دليل انها مرهقه لاني نمت وقلت لها صحيني عشان ماتروح علينا الطياره بدلت ورميت نفسي بكسل ع السرير صحت ساره مفزوعه مسحت ع شعرها:حبيبك ياسر ابتسمت بتعب ورجعت تنام وحتى انا رحت بسابع نوووومه صحيت العصر وماكانت ساره جنبي بدلت وصليت وطلعت اشوف وينها كانت بصاله جالسه وحاضنه رجولها وحاطه ذقنها ع ركبتها وتناظر التلفزيون وشكلها مندمجه جلست بجنبها ولاحست فيني همست بإذنها :ياهوووووه انا موجود ساره:يممممه :بسم الله عليك خرعتك حطت راسها ع صدري:اشتقت لك مسحت ع شعرها:واضح هذي اللي بتنتظرني لين اجر لنا سياره وارجع لها رجعت لقيتها بسابع نومه ساره ابتسمت بخجل:اول ماحطيت راسي ع المخده نمت وانت تاخرت بعدين ترا انا كلمت امي من جوالك لان جوالي مهو تجوال :حلالك كن كلمتي امي ساره:بصراحه لأ انتظرتك انت تكلمها :طيب روحي جيبي جوالي ساره عطتني جوالي اتصلت في امي وقامت توصيني ع نفسي كني ابو 10 سنوات خليت ساره تكلمها ساره وهي تمد لي الجوال:تبغى تكلمك :هلا يالغاليه امي:تراي في بيتنا وطلال ولد خالك عندي :ليه يمه عسى ماشر امي:لا بدريه جتني الظهر في بيت امي وقالت انها تبي ترتاح عندنا كم يوم وتعرف امي ماتحب الحرمه تزعل ع زوجها حتى لو هو مخطي عليها قلت متجاهل الزوجه اللي جالسه تسمع كل كلمه اقولها:زوجتها وحرمتني اياها وتنكرت لها تكفين يمه انتبهي لبدريه امي:ياسر ساره عندك؟!!! ناظرت ساره اللي معقده حواجبها وعيونها تحكي جرحها :لا يمه داخل امي:لاتقول هالكلام قدامها ترا اللحين صار عندك حرمه ماتحب احد يشاركها قلب زوجها انتبه لها يمه ترى هي صغيره :طيب ابشري امي:مع السلامه وانتبه لنفسك :انشالله مع السلامه اول ماقفلت وقفت ساره وهي تبكي وبصوت عالي قالت:كان تزوجتها احسن اكرهك يابدريه حسبي الله عليك :سااااااااااااااااره ساره راحت لغرفتها وانا طلعت من الشقه متضايق ادري اني غلطت بحق ساره وبحق نفسي لما سمحت لنفسي اتزوج وانا ماراح احب الا بدريه اهم شي من وجه نظري ان اساس العلاقه الزوجيه الاحترام لكن انا ما احترمت وجود ساره معرفت وش اسوي ركبت سيارتي وصرت امشي بسياره من غير هدف رن جوالي وكان رقم الشقه:هلا ساره ساره:وينك :قريب ساره:فطرت :لأ ساره:تعال انا مسويه لك الفطور حتى وانا غلطان بحقك تسامحيني:لا مالي نفس ساره:ياسر بلادلع تعال :طيب ساره:انتظرك :طيب ساره:احبك :.............. يابعد عمري ساره:لاتتاخر :هوى وانا عندك قفلت منها مبتسم غلطت بحقها وهي اللي راضتني وتحاتيني بعد رجعت لها وركبت الاصنصير وكانت معي وحده لبنانيه صغيره عمرها يمكن 15 سنه:انت شو اسمك :محسوبك ياسر البنت:سوري :لا سعودي البنت:انا غاده :يا اهلا وسهلا غاده:انا من لبنان :ياهلا والله استاذن وصلت للدور 3 فيه شقتي غاده وهي تطلع من الاصنصير:وانا هون فيه شقه رقم 4 :وانا في 2 غاده:عريس جديد :ايه وزوجتي هون غاده:ياااااااااي نيالها :هههههههه بلعكس مقروده غاده:شو؟!! :سلامتك بس شرفونا نحنا بنجلس هون اسبوع غاده:لا مابيصير انتو عرسان جدد :فديت الذوق واهل الذوق غاده وهي تمد ايدها:الله يهنيكم :تسلمين دخلت شقتي واول مافتحت الباب جتني ساره فرحانه وقفت قبالي:يا شينك لازعلت :وياشينك لا عليتي صوتك ع حبيبك ساره وهي تعطيني ظهرها:وياشينك لا حبيت وحده غيري حضنتها وحطيت راسي ع كتفها:ويا حلاتك بالبجامه الورديه مرت الاسبوعين من احلى الاسابيع ورجعت رغم محاولات ساره ان حنا نبقى اكثر ما عجبني في ساره انانيتها لكن انا رجعت حتى امي حاولت فيني اني اجلس واصرت بعد اني اكمل الشهر لكن انا رفضت ماعجبني اصرار امي قلت يمكن ساره كلمتها بعدين قلت لا انا قايل لها لو دخلتي احد بمشاكلنا مالك قعده معي ..... يمكن امي تبغاني انبسط لكن انا احاتيها لو انا ماخذها معي كان احسن لكن امي ميه% مارح ترضى مرت 5 شهور من احسن ماتكون حياتي مع ساره ما اقول اني حبيتها لكن احترمها وانا اعتبر هذا اساس نجاح الزواج كان لي صاحب من جيران غزلان وسالته بطريق غير مباشر عن اهل غزلان وقال ان هالبيت مافيه الا 4 بنات كلهم متزوجات الا وحده تدرس بالكليه قلت له وش عرفك قال امي خطبتها لي وهي رفضت تقول انها مالها خاطر في الزواج وتبغى تهتم في امها كبيره في السن حسيت بتانيب الظمير رغم وجود ساره بحياتي ومحاولاتها انها تنسيني بدريه الا ان غزلان هي اللي احتلت تفكيري و كم من مره احاول اتصل فيها لكنها ماترد اضطريت في عيد الاضحى ارسل لها هديه كناري مثل عادتنا لكن هي ما ارسلت لي شي ولا حتى اشكرتني مااحب اتصل كثير لاني خايف يكون الجوال بيد احد غيرها واسبب لها مشاكل هي معي غاليه وراحت عني اغلى دخلت البيت راجع من الدوام قامت امي وحضنتني: مبروك يمه الف مبروك :على وش يمه امي: ساره حامل من 3 شهور ببرود:مبروك عليك انتي اذا بنت بسميها منيره عليك ساره من ورى امي: يوه يا ياسر منيره اسم قديم ابغى اسميها شهد : اللي اقوله انا بيمشي ساره: اوووووووف وش هالحاله وراحت فوق ناظرت امي اللي قالت:خلها ع راحتها يمه قلت بعصبيه وقلت وانا رايح: والله لاتندم وناديت بصوت عالي ســـــــــــــــــــــــــاااااااااااااره يازفـــــــــــــــــــت ....................... اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
07-13-2008, 06:18 AM
|
||||
|
||||
|
رد: قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــ
الجزء الخامس
من بعد ماتعرفت على مها وكل ما دق احمد حطيت ايدي على قلبي : هلا والله احمد: وينك يارجال اسبوعين لا بينت ولا شفتك :مشاغل احمد: مشاغل ها!!! وينك اللحين خلنا نجيك : انا وتر كي في المطعم(****) وقفلت منه تركي: احمد بيسافر لدوله افريقيه يمدحون بناتها : من جدك تركي: لا من خالي :خخخخخ تركي: امس متصل علي يقول بتسافر معي قلت والله ان درت المدام ان ترفع علي قضية خلع :هههههههههههههههه هذا احمد مايخلي طبعه قايل له يتزوج بس ماطاع دخل علينا احمد ناظرت تركي: مداه يجي تركي: اكيد انه يغازل في المجمع اللي قريب المطعم :هههههههههههههه احمد:وش يضحكك انت وخشتك : نضحك عليك احمد:اضحكو على انفسكم تو 4 بنات مرقميني قلت بسخريه:يابختك عطني وحده احمد: لا لا لاتحاول روح معي للدوله اللي بروح لها وعقب بعطيك البنات اللي اعرفهم لاني بأصل مليتهم :لا والله انا اللحين عندي بنت احمد: غزاله بزر : والبزر بيجيه يوم ويكبر احمد: تكفى ياسر والله اني ابغى خوتك : لا تتكفى فيني خلاص بشاور الوالده وبرد لك خبر احمد: هذا العشم رن جوالي وكان عمي سالم : مرحبا عمي سالم:الله يسلمك : كيف حالك عمي سالم: بخير يامال خير وينك يابوك ماعاد شفناك : مثلك عارف الدوام واول ما اجي مشاوير الوالده والبنت عمي سالم: ماهو بعذر تعال اليوم العشى عندنا عشان اني تقاعدت :مبروك ياعمي ياجعل ربي يعطيك الصحه عمي:ابغى اشوفك ع العشاء وامك بعد خلها تجي معك البنات يبغونها :ابشر عقب صلاة العشاء بجيك عمي: حياك الله فمان الله قفلت منه رن جوال احمد وراح يرد عليه وبعد فتره رجع : من اللي متصل احمد: بنت اختي تقول ابي اسافر معك قلت لها خويي ياسر بيروح معي قالت عادي انا مسافره مع خالي قلت بقلبي ان كيدهن عظيم: وش قلتها انت احمد:وافقت وانا اقدر على حنة مهوي بعدين مهاااوي بزر قلت بقلبي بزر ههههههههه ياليت تعرف ان اللي تسويه في بنات خلق الله رجع عليك.. تركي:بتشوف فضايحك وبتعلم امها : لا وابشرك يوم رحنا المغرب ما يرجع للفندق الا بالسحب سكران ولايقدر يعدل راسه تركي:لا يا احمد خلها تقعد وش لها بالسفره تنصدم في خالها احمد: مها بنت اخت ياسر مثل ماهي بنت اختي اكيد ماراح يخليها تشوفني : طيب ليش وافقت انها تروح معك احمد: وش اسوي ابوها كلمني وطلبني انها تروح معي :وابوها ليش يوافق احمد:بنته الكبيره واكيد انها لحت عليه لين كلمني تنهدت: خلاص تذكرتي انا وهي عليك واقامتنا هناك علي احمد: وش معنى التذكره علي : تبغاني اساعدك ع المعصيه تركي: تكفى يالمطووووع رن جوالي وكانت مها ماعرفت ش اسوي قمت وانا مرتبك بعدت عنهم :انا مع خالك يامها بعدين كلميني مها: لحظـــــــه لحظــــــــــه لحظـــــــه انا بقولك : اذا وصلت البيت بتصل فيك بليزززززز مها مها: انتبه لنفسك حبيبي قفلت منها وانا احس اني بورطه من جد انتي يامها نشبه لما رجعت قال احمد بسخريه: هذا اللي مايبي يساعدني ع المعصيه تركي: خله ع راحته لاتحرجه بلاك ماتدري انها بنت اختك يا فالح جاء الغداء وماعطيتهم وجهه ((عند البطون تعمى العيون)) وبعد الغداء رحنا للاستراحه وبعد صلاة المغرب وصلت تركي بيته ورحت لامي اللي قلت لها تجهز لين امرها ركبت معي امي وغزالتي معها ومشينا متجهين لبيت عمي سالم دخلت وقام عمي سالم كلعادة الطيبه وحضني وينك يارجال معاد شفناك سلمت ع عمي محمد ورحب فيني ترحيب لايقل عن ترحيب عمي سالم لكن الفرق واضح عمي سالم ترحيبه صادق فيه ولا عمي محمد باين انه نفاق جلست وجاء ولد عمي سالم سعود وحبني ع خشمي وجلس بجنبي عمره 8 سنوات وهو الولد الوحيد بين 3 بنات سعود ولدعمي: شفت بنتك حلوه انا احبها : خلاص وانا اخوك اذا كبرت زوجتك اياها سعود: لا صغيره :والصغيره بيجي يوم وتكبر عمي سالم: والله ياسر وانت ماحلفتني انه كل يوم يسال عنك ناظرته: وليش ماكلمتني سعود: ماعندي جوال : بس جوال بروح انا وانت بعد العشاء وباخذ لك جوال وشريحه وش تبي بعد سعود: واقدر اكلمك واكلم زملائي : عشان لابغيتني تتصل فيني انا اخوك الكبير عمي محمد: تشتري لذا البزر جوال((هذا عمي محمد اغلى ماعنده الفلوس)) عمي سالم: لا والله ماتشتري له :ليه ياعمي منت عادني ولدك عمي سالم:والله العالم انك بغلاة ولدي :اجل لاتقول بيصرف علي فلوس بطاقات شحن جواله فاتوره وانا اللي بدفعها عمي سالم: لا يابوك لاتكلف ع نفسك :خلاص ياعمي انا قايل لك سعود اخوي سعود: باخذ اخر جوال كاميرا : اكشخ اخر جوال بعد ولا يهمك تامر امر دخل زوج بنت عمي الكبيره وسلمنا عليه ورجال وراى رجال لاحد ماصار المجلس مزحوم رجال عمي : ياسر يابوك وصيت سعود يجيب القهوه وتاخر : ابشر طلعت من المجلس وصلت للمطبخ ناظرت من النافذه ماكان فيه احد وصلت للباب اول ماوصلت الباب الا وصدددمه قويه راس ع صدري كانت بتطيح الدله من الصدمه لكن ربي ستر ومسكتها نزلت راسي اشوف من صدمني بنت ماعرفتها قالت بارتباك:هــ ــ ــ ــاه اسفــ ـــ ـــ ــه موقصدي وانخشت ورى الباب سعود:ههههههههه اختي جوهره مطفوقه بغت تكب القهوه عليك وقفت متجمد بمكاني شوي اللي شفته معقوله تكون الجوهره سبحان مغير الاحوال بعد ماكنت شيفه وشينه احلوت هذا هم البنات شينات صغار ولما نشوفهم اذا كبرو ننصدم بجمالهم وقبل ارجع للمجلس قلت بصوت مسموع: سامحيني يابنت عمي ماشفت احد في المطبخ من النافذه ودخلت ما استاذنت ورجعت للمجلس جلست مع الرجال وفكري كله شاغلته جوهره سبحان الله كيف احلوت لا وخجوله يابعدهن يابنت عمي بعد العشاء طلعو الرجال وعمي محمد استاذن وراح لبيته مابقى الا انا وعمي سالم عمي سالم:لا تقطع يابوك ابشر ياعمي وناظرت سعود: ناد امي خلها تطلع ركبت السياره وركبت امي ومدت لي غزاله وصارت تمسكني من اذاني وتبوسني : يمه شيليها حاستني وطيحت شماغي امي:شالتها جوهره اول ما قالت امي اسمها فز قلبي امي كملت:وبنتك الشيطانه قطعت عقدها وحلفت جوهره انها ماتاخذه من غزاله : يمه وش عقدها امي: ذهب ابيض تقول عمك شراه لها لما نجحت في ثالث ثانوي : وهي أي صف اللحين امي: في رابع سنه في الكليه تخصص انجليزي قلت بقلبي شوفو الصدف حتى غزلان رابع سنه وتخصص انجليزي : ياحرام يمه عطتها عقدها اكيد ذكراه غاليه عليها امي:اقولك قطعته يعني ماعاد ينلبس : عطيني اياه بصلحه وبرده لها امي:ايه والله ياوليدي يكسرون الخاطر يتامى يوم جيتهم الدانه طول الوقت هي جالسه بجنبي والجوهره حضنتني حتى الكبيره لما جيت رحبت فيني احسن ترحيب اما بنات عمك محمد وامهم زين اللي قامو يسلمون :ماعليك منهم بس ترى بنات عمي سالم محتاجين ام تسال امي: انا وعدتهم اني كل مافرغت اتصل فيهم : زين يمه اعجبتك سيارتي ماودك تنزلين لبيتك امي: الله يقطع بليسك نزلت ورى امي متوجه لغرفتي تذكرت مها لانها طول ما انا عند الرجال وهي تتصل لين حولته صامت اتصلت فيها مها: نعععععم : الله ينعم عليك مها: مليووووون مره اتصل وماترد :انتي ماتفهمين كنت معزوم مها: طيب لاتعصب : تخلين التمثال يعصب مها:ههههه حلوه : وش اللي حلوه مها: ان التمثال يعصب : طيب وش كنتي تبغين على هالاتصالات مها:مشتاااااااااقه لك يعني حرام اكلمك :................ مها: وش فيك سكتت قهرتني: مدري عنك على بالي ان فيه جريمه صارت وانا السبب فيها على هالاتصالات مها: خلاص ماتبيني اكلم باي وقفلت من جد انبسطت كنت بقوم ارقص لانها عقلت وتركتني لكن يافرحه ما تمت اتصلت ثانيه مها :هلا مها: اهلين : قلتي ماراح اتصل عليك مها: ليش منت راضي تقتنع اني احبك : انا مقتنع مها: ليش تتعامل معي بهالتعامل :وانتي ليه ماتريحيني مها:اريحك بوشو :انتي بنت اخت احمد يعني مثل اختي تكفين يا مها ابعدي عني مها:لا ما ابغى :وشو اللي ماتبغين ليش تفكيرك محدود مها بصوووت عالي:وشوو محدود انا احبك انت ماتفهم موتي ولا انسان يرفع صوته بوجهي:مهااااا اذا انا ساكت مهو معناه ترفعين صوتك علي اقص لسانك واخليك طول عمرك ماتتكلمين فاهمه وقفلت الجوال بوجها اتصلت وعطيتها مشغول واتصلت وعطيتها مشغول ارسلت مسج ((والله اذا مارديت اني لا اموت نفسي وانت تعرفني اني ما اهدد ولا اكذب)) لاني ضعيييييييف وخايف تموت نفسها حتى لو هي ماتعني لي شي ويصير ذنبها برقبتي واتم بتعذيب الضمير طول العمر والاهم اني ضعيف اتصلت عليها :مها مها:......... :ليش ترفعين صوتك علي مها باكيه:اسفه الدموع سلاح البنات لا ثارة شفقه الرجال وانا من النوع اللي اضعف اذ انسان بكى قدامي:طيب حصل خير قومي غسلي وجهك مها:ياسر ليه ماتحبني :من قال اني هالكلام لو انا اكرهك كان قلت احسن خلها تموت وافتك منها مها:........... :والله انا اذكرك لما دخلتي اولى ابتدائي كنت انا واحمد نوصك للمدرسه يعني احسن اني انسان حقير وتافه اذا كلمتك لاني يا بنت احترمك قبل احترم اهلك اللي نطعنهم بالظهر مها: طيب طيب خلنا من هالسالفه اللي تعور القلب بتسافر مع خالي :انشالله مها: وااااااااااااااااو وناسه :كل هذا عشاني مها: اكيد ياقلبي عمري ماتوقعت اني بحب واحد نفسك :شكرا مها: اوكيك حبيبي صاحبتي معي خط ثاني خلني ابشرها انك بتروح معي :مهووووووووووي مها: بسم الله وش فيك : قلتي لها ان صاحب خالي يكلمني مها: وش قالو لك انا غبيه قلت لها واحد تعرفت عليه في الشات :واللي تتعرفين عليهم بشات تطلعين معهم مها:يوووه خلني ارد عليها :مهاااااااااااا مها:سم :خلي صاحبتك تحترمك وتاخذ عنك فكره طيبه ليش تبينين لها انك تكلمين واحد وتفتخرين قدامها وهو مهو فخر العكس صحيح مها:رايك اني ما اقول لها :لا طبعاً لاتقولين لها تكفين مها:طيب حبيبي مع السلامه : طيب سلام قفلت منها وانا متضايق منها تذكرت جوهره الخجوله وابتسمت من جد كبرتي عيني الله يثبتك على منتي عليه ارست غزلان(( شخبارك اللحين عسى نفسيتك تمام)) ارسلت لها(( دام فيه احد يحاتيني اكيد بصير تمام )) ارسلت غزلان((اذا ماحاتيت حبيبي من احاتي )) ارسلت لها(( تسلمين لي يالغاليه)) وبعدها ع طول نمت وصحيت اليوم الثاني الصباح رحت للدوام وانا راجع خذيت شريحه وجهاز لسعود مريت ع بيتهم ظربت الجرس جاني صوت الجوهره: ميــــــــن حبيت اتميلح:ولد عمك ياسر فتحت الجوهره الباب فتحه بسيطه: هلا ياسر ابوي عند جارنا : ومن قالك اني ابي عمي الجوهره بجديه: من تبغى اجل : ابغى اخوي الجوهره بعصبيه: ماعندنا لك اخوان : يالانانيه وسعود اخوك لحالك هو اخوي بعد الجوهره: سعود راح مع ابوي مديت لها الكيس من فتحة الباب اذا رجع قولي له اخوك ياسر جاب لك الجوال اللي وعدك فيه الجوهره:انشالله تامر امر وقبل اروح جاء صوتها الحنون منادي باسمي: يااااااااااسر : سمي الجوهره: اسفه نافخت عليك((رفعت صوتي)) : مسموحه يابنت عمي الجوهرة من ورى الباب:فمان الله ومشكور على هدية سعود : وانتي بحفظ الله وانتم اهلي مافيه داعي للشكر انتظر مكالمه سعود ركبت سيارتي ورجعت للبيت لاني تعبان باللحيل الساعه7 المغرب وانا من 9 الصباح وانا مرتز في ذا الدوام اول مادخلت البيت كانت ام احمد جالسه في الصاله عند امي اول مادخلت رحبت فيني حسيت نفسي ناقص او بالاصح احتقرت نفسي لو تدرين اني اكلم بنت بنتك مارحبتي فيني كل هالترحيب ام احمد: احمد ومها بيسافرون الاثنين ناظرت امي: يمه احمد طالبني اني اروح معه وش رايك امي: والله اني خايفه عليك انت وخويك من هالسفرات : افا عليك يمه رجال طول بعرض وتخافين علي امي: بتقعد عندي امي لين ترجع بالسلامه : والله اني مالي خاطر في هالسفره لكن احمد ملزم ام احمد: الله يهديه يمه لا راضي يعقل ولا راضي ازوجه : خليه ع راحته ياخالتي ام احمد: ياخوفي ان اللي هو شايفه راحته توديه في داهيه : احمد رجال ولا عليه خوف امي: يعني بتسافر بعد يومين :باذن الله امي: ياسر يمه ماتغديت : لا ولالي نفس ابي انام تعبان امي: نوم العوافي يمه رحت لغرفتي ورحت بسابع نومه وصحيت الساعه 4 الفجر شبعت نوم ناظرت جوالي وكان اتصالين من غزلان و27 اتصال من مها و4 اتصالات من سعود ولد عمي ومسج من غزلان((نوم العوافي يالغالي)) ومسج من مها(( عارفه انك ماتبي تكلمني الله العالم من انت مشغول معه؟!!!!!!!)) مسج من سعود شكل خواته اللي كاتبينه له((مشكور ياخوي اغلى هدية جتني في حياتي)) رحت للمسجد صليت ورجعت البيت سمعت صوووت وحده تبكي دخلت بشويش لحد ماثبت وعرفت الصوت ماكان الا صوت حبي بدريه رحت من الحديقه للمطبخ وكانت جالسه ويدينها ع وجها وقفت قبالها وجلست ع الارض:بدريه وش يبكيك بدريه رفعت راسها وناظرتني بحزن:مافيني شي : اجل وش جابك في هالوقت المتاخر بدريه وقفت وقالت بعبره وحزن: انا عندكم من الساعه1 : تكفين يابدريه قولي وش اللي يبكيك بدريه ناظرتني واشرت ع قلبها: ماعاد يقدر يتحمل عذاب الدنيا جيت ومسكتها من اكتافها:لييييه ماتنطقين من اللي يسوي فيك كذا والله ان يبطي في المستشفى من اللي بسوي فيه قوووووولي هو ناااااااااااااااااايف بدريه غطت وجها بيديها ورجعت تبكي كنت بروح لنايف لاني اضعف اضعف اذا شفت الغاليه تبكي لكن يدينها الصغيره مسكتني من ذراعي : والله سبب دموعي هالمره مهي من نايف :اجل مين بدريه:خلاص خلني ارتاح وبكرى بقولك : لاتكفين لاتنامين وانتي في هالحاله ابتسمت بسخريه: من متى وانا انام مبتسمه؟ : انتي اللي جايبه الهم لنفسك ولا قلبي قبل بيتي مفتوح لك بدريه:الدنيا مهي سايبه اكيد ابوي بياخذني اعيش عنده وزوجة وعياله ما يحبوني او جدتي لايمكن تستقبلني مطلقه اذا هي ماتحملتني وانا بنت وحده بتحملنا واحنا ثنتين :والله ماحد ياخذك دام راسي يشم الهواء بدريه بالم:ياسر الحق معه :وشو حقه انهم يعذبونك بحياتك بدريه انتي ماتعرفين وش يصير فيني اذا شفتك حزينه انا اموووت فداء ضحكتك وشوفتك مرتاحه بدريه:كل مره اجلس عندكم فيها يكلمني ابوي يقول ارجعي ولا ترى برجعك غصب وانا احفظ ماتبقى لي من كرامه وارجع لنايف اذا اتصل يطلب رضاي اااه ياسر انا ابي اموت واتارح واريح :بسم الله عليك الله يخليك لنا كلنا....اممممم طيب وش رايك نصحي امي وتروح معنا امشيكم ومنها البنات ينبسطون وانتي بعد بدريه:جعل يومي قبل يومك طول عمرك حنون ياخوي ((عورت قلبي مرتين مره لماتمنت تموت قبلي ومره لما قالت اخوي)) قلت بالم: بسم الله عليك هاه وش قلتي بدريه ابتسمت:............. :خلاص مسحي دموعك وصحي امي والبنات وخلينا نطلع شرايك بدريه: امي صاحيه وتقرء الاذكار بس يمكنك تبغى تنام : لا انا نايم من 8 وصحيت شبعان بعدين يله امشو يمكن اغير راي ابتسمت وراحت بخطوات كنها غصن البان يميله الهواء يمين ويسار ااااه يابدريه حسبي الله على اللي فرقنا لو انا اللي متزوجك والله ماخلي دمعه تنزل من هاللعيون الناعسه واني لخلي كل ايامك فرحه رحت للصاله وتمددت على الكنبه وشغلت التلفزيون وجلست اناظره لحد ماحشرتنا غزاله بصراخها جابتها بدريه ومدتها لي: خذذذ بنتك هالشريره صحت بنتي مخترعه :هههههههه طالعه ع ابوها ابتسمت وقالت بحنان: وفيه مثل طيبة قلب ابوها : احم احم احرجتم تواضعنا بدريه: لاتصدق نفسك :اوووووووه طيحتي وجهي بدريه:ههههههههههه : ياجعل ضحكتك وابتسامتك دوم سكتت ورجعت لامي وانا شلت غزاله خبت وجها برقبتي ونامت وانا اعلي على التلفزيون عشان تصحى لكن مافيه قلت غزاله تروحين معي للسياره وماردت قلت غزاله تروحين معي للحلوى رفعت راسها وناظرتني بعيونها الحلوه كلمتها الوحيده بــــابــــــا كبرت غزاله وللحين ماتتكلم : ايه يابابا بنروح بجيب لك حلاوى دخلت امي بست راسها وصبحت عليها جتني رهف وضمت رجولي عمووو رفعتها: هلا ياعمووو وبستها رهف: اختك ماحبها عقدت حواجبي: من اختي وانا وحيد امي رهف اشرت ع غزاله:هذذذذذذذي : افا هذي ماتحبينها ليش رهف: تبكي تبكي تبكي الكل:هههههههههههههه ركبنا السياره واحترت وين نروح وكانت الساعه 5 ونص امي: وين بتودينا : اللي تبون امي ناظرت بدريه: وين تبغين تروحين :وش رايكم ناخذ لنا فطور ونروح للحديقه نفطر فيها امي وبدريه: موافقين مريت محل معجنات واخذت عصاير ورحت معهم لحديقه عامه وجلسنا نفطر مع بعض لو اكتب ما كتبت ما اقدر اوصف شعوري وانا اشوف ضحكت بدريه اللي انحرمت منها سنين وبعد ما فطرنا قامت بدريه واخذت غزاله ورهف راحت تلعبهم بالمراجيح ناظرت امي : يمه لما رجعت من صلاة الفجر لقيت بدريه تبكي ماقالت لي سبب دموعها امي: حماتها الله يهديها تقول لها احملي وهي ما ودها تجيب لها عيال يربطونها في نايف اكثر قلت بفرحه: يعني هي ماتحب نايف امي: هذا زوجها اكيد انها تحبه لكن ماتبي تجيب عيال تخاف تعقدهم تبغاه لين ينصلح حاله وحماتها تسمعها كلام يجرح في الطلعه والنزله : ليه ماتروحين لها وتقولين لها ترى بدريه وراها رجال يكسر راس اللي يتعرض للبدريه امي:انا قلت لبدريه لاتردين عليها لكن بدريه حساسه وكل كلمه توجعها :بدريه في بيت لحالها وش دخل عجوز النار امي:تقول ابي اشوف عيال لولدي : قولي لها ان بدريه ساتره فضايحكم ولا تقول عن ولدكم لاحد امي: الحمد الله الله لايبلانا فضيحته يعرفها الاولي والتالي :كله من امك امي: الله يسامحها حسيت اني تضايقت بقووووووه لما اشوف حاله بدريه حبيبتي الوحيده اليتيمه اللي مالها ظهر ولا سند انتظركم بالسياره ركبو وصلنا البيت لبست ملابس الدوام ورحت للدوام مر اليوم بطئ غير اني متعب بالهموم قدمت ع اجازه وافقو رجعت للبيت وكانت الساعه 2 ونص الظهر طالع بدري دخلت وكانت امي والشغاله يرتبون السفره امي:ياسر غريبه يمه راجع بدري : مافيه هلا بدريه: هلا والله :اسمعي يمه الكلام الزين امي: يله يمه بدل ملابسك وتعال تغد : لا والله بروح انام امي: ماراح نتغدى الا اذا تغديت معنا صح يابدريه بدريه: صح يمه هاه وش قلت ياسر : وانا اقدر عليكم خلاص10 دقايق بالكثير وراجع طلعت بدلت ونزلت تحت تغديت وبدريه توكل بنتها وغزاله وين الاقي ام حنونه لغزاله غيرك لكن ماكل مايتمناه المرء يدركه مدت لي بدريه عصير احلى عصير ذقته بحياتي يمكن لانه من ايد بدريه رن جوالي وقامت رهف وعطتني اياه وكان احمد رديت: هلا والله احمد احمد:كيف حالك :ابشرك بخير احمد:طيارتنا بكرى 4 الفجر : خلاص يصير خير قفلت منه وناظرت امي : يذكرك بموعد السفره بدريه بصدمه: وين بتروح : بسافر مع صاحبي وبنت اخته بدريه: بتطول : لا كلها كم يوم ورادين بدريه: انتبه لنفسك امانه : ابشري وانتي الله الله في امي خليكم عندها غيري جو وتونسينها لين اجي بدريه: امي في عيوني : وكل واحده منكم هديتها محفوظه بدريه: هديتنا شوفتك راجع بالسلامه : ماوصيك ع غزاله ياخوفي رهوفه تضرب اختي اذا رحت رهوفه: لا عمو انا احب غزاله : توك الصباح قلتي ماحبها رهوفه:انا احب عمو ياسر : فديتك يابعد عمر عمك ياسر رن جوالي وكان سعود رديت: مرحباااااااااااا سعود:كيف الحال : بخير دامك بخير سعود:مشكور ياسر جوالي حلووووو :تكسره بالعافيه سعود: لا ليش اكسره انا بزر : لا رجال ولد رجال واخو رجال سعود:ابوي يبي يكلمك عمي سالم:كيف حالك ياسر : والله بخير يالغالي عمي سالم:جعل ربي يطول عمرك فرحت سعود ماكان كلفت ع عمرك وانا ابوك : انتم هلي مافيها كلافه مريت عليك البارح ومالقيتك عمي:اللحين انا في البيت حياك يابوك تقهوى عندي :مشغول ياعمي عمي:لا يابوك تقهوى ماني بقايل تغد لاني داري انك تغديت : خلاص انشالله ساعه وبجيكم عمي: سعود يبغى يكلمك سعود: ياسر خلي غزاله تجي معك :لا ياخوك بتزعجني سعود:انا احبها وحتى الجوهره تحبهاااا مرره مدري ليه حسيت برجفه: خلاص بجيبها قفلت منه وناظرت امي: يمه خلي الشغاله تبدل لغزلان بروح انا وهي لبيت عمي طالبينها امي:وش رايك يابدريه كلنا نروح لهم بدريه: لا ياخالتي ماعرفهم : لا بنات عمي ينحبون امي: وانت من وين عرفتهم : هاه بدريه: وش اللي هاه :انا حبوب اكيد انهم طالعين علي بدريه:ههههههههههههههه يانااااااااااس يالعالم اموت فداء لهالضحكه: يالله البسو خل اوديكم معي بدريه وهي قايمه:دقايق والا انا جاهزه امي وهي قايمه: ببدل لغزاله وبلبس عبايتي بدريه: لا والله خلك جالسه انا ببدل لغزاله ولرهوفه وانا جايه باخذ عبايتك امي: ياجعل ربي يسعدك يابدريه ابتسمت بتسامتها اللي تهز حتى الجبل ناظرت امي: لو اني متزوجها كان مهوب احسن لي من غيرها امي: النصيب وانا امك : الله لايسامح اللي كانت السبب امي: ياسر تدعي ع امي تنهدت بحزن: لا ادعي لها استكتت امي وحسيت انها تضايقت صح اني زودتها المفروض احترم وجودها لكن انا احس سككاكين تقطع قلبي اذا تذكرت انها زوجة لغيري والسبب امها اااااه يالقهر قمت وحبيت امي ع راسها: اسف يالغاليه لاتتضايقين امي: الله يرضى عليك ياوليدي دخلت بدريه والبنات: خلااااااااص جهزت يالله ومدت عبايت امي لها ابتسمت:يالله نروح غزاله: اوح كلنا ناظرنا بعض وقالت بدريه:ياحياااااااااااااااااااتي تقول نروح امي تناظر غزاله: فديت عمرك مابغيتي تنطقين : غزاله قولي نروح غزاله: بابا : اقولك قولي نروح تقولين بابا عنيده طالعه ع جدتك من ابوك امي: الا طالعه ع ابوها رفعت ايدي ايدي باستسلام:ما ابغاها تشبهني خلاص طالعه ع بدريه بدريه: حظي يوم غزاله تشبهني : الله لايحرم غزاله طيبتك ولا يحرمنا كلنا منك<<مهو كني غازلتها عينك عينك بدريه نزلت راسها وقالت امي: ياااااسر : سمي امي بجديه:يله نروح سكتت وركبنا السياره وكانت غلاي راكبه وراي مشينا وطول الطريق كل ما طاحت عيني ع بدريه تزايدت خفقات قلبي وربي اني احيانا اخاف تكون بدريه تسمعها وصلنا لبيت عمي ضربت الباب وفتح سعود او ماشافني حضني : هلا بالبطل سعود سعود يسلم ع امي وبدريه بدريه كانت شايله غزاله سعود: خليني ابوس غزاله نزلتها لمستواه وباسها وبعدها رجع لي بعد ما بعدت امي وبدريه متوجهين للباب الخاص بالحريم: زوجتك حلووه وطيبه : الله يسمع منك وتجمعني معها الايام توقعت ان بدريه ما سمعته لكن المفاجاءه لما وقفت ناظرتني بحده اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
07-13-2008, 06:23 AM
|
||||
|
||||
|
رد: قصة رجل عشق من النساء واحدة وعشقنه النساء جميعاً___؟!!!للكاتبه__صمتي سبب وحدتي___كاملــــــــــ
الجزء الثالث امي مسكتني من ايدي: تحملها ياوليدي كل الحوامل مثلها وهي اللحين من الوحام : والله لادبها واخيلها تعرف ان امري هو الماشي على الكل ومنيره اسم البنت امي: وان جاء ولد يا ياسر صل على النبي وساره بنتي رحت من امي وانا ادعي ان اللي في بطن ساره بنت عشان اثبت لها ان كلامي اللي بيمشي دخلت الغرفه وكانت ساره تبكي : عاجبك اللي قلتيه ساره ناظرتني وهي تبكي: هذا بدل ماتقول مبروك او أي كلمه حلوه تهاوشني؟!! :هذي امي وماحب احد يزعلها ساره: وانا بس قلت منيره اسم قديم اسفه حبيبي ما ابغى ازعلك كسرت خاطري:......... ساره وهي منزله راسها:خلاص حبيبي لاتزعل قربت منها وحطيت جبهتي على جبهتها وهمست:مبروك ياعمري نقزت من مكانها وحضنتني: مبروك علينا اثنينا :ههههههههههه وربي احيانا احس اني تزوجت طفله ساره:زعلان مني :طبعاً واكيد لا ساره:يابعد عمري اممممم ياسر :ياعيونه ساره:بدريه تحت ماقدرت اخفي لهفتي وشوقي:صدددق؟ّ!! ساره:وليه فرحان كذا :مشتاق لرهف ساره:رهف ولا امها :خلي عنك الغيره اللحين انا لك نزلنا تحت وكانت بدريه جالسه ااااااااااااه وش قد انا مشتاق لها اول ماشافتني رهوفه جتني تركض شلتها صافحت بدريه:شلونك بدريه:الحمد الله بخير ساره بخبث:باركي لنا انا حامل ناظرت عيون بدريه الحزينه:صحيح؟!! الا بدريه اموت ولا اشوفها حزينه:انشالله تكون بنت وتشابهك بدريه:مبروك :الله يبارك فيك ساره:لا انشالله تشابهني انا والا ابوها ناظرت ساره معقد حواجبي الف مره قلت لها لاتجرحين بدريه:ساره جيبي لي مويه ساره تأشر ع عيونها:انشالله حبيبي بدريه نزلت راسها احس بالاحساس اللي تحسينه يالغاليه يمكن احساسي يخوني لكن انا عارف انك تمنيتي في يوم انك انتي ساره ومثل ماتمنيت ان اللي قالت حبيبي هي انتي قطع علي سرحاني صوت رهوفه:عمو ياسر :رهوفه حبيبتي رحت للمطبخ لساره وهمست لها:ساره اذا لي خاطر لاتجرحين بدريه ترى مالها الا الله ثم احنا ساره:وليش ماتجلس في بيت زوجها :لو انه زين اجلست هي جايه ترتاح اليوم بس خليها في حالها عشان خاطري ساره:تدافع عنها :عشاني لاتقولين لها شي ساره:بشرط :امري ساره:تروح وتجلس مع اصحابك ولا تجي الا متاخر :انشالله ساره وهي تفكر:لكن بشتاق لك :هههههه هاه غيرتي رايك ساره:لا ماغيرت راي اتحمل بعدك ولا انقهر وانا اشوفك تناظرها :طيب مع السلامه باخذ رهوفه معي ساره بغيره:لا عطني اياها اوصلها لامها عشان ماتعبك طلعت و اتصلت با احمد وطبعاً نقعني ربع ساعه انتظار احمد:هلا :انتظار انتظار انتظاااااااار الى متى وجوالك انتظار احمد:الحريم يحبون الهذره وانا اسمع :اللي يحب الهذره اللي جالس يسمع احمد:يا اخي من اداب الكلام انك تسمع الطرف الثاني لين يخلص كلامه :طيب يا فيلسوف زمانك انا عند الباب اطلع لي فتره واقف احمد:طيب سلام وانا واقف بالسياره دخلت بنت بيت احمد ماميزت ملامحها لكن اتوقع انها بنت اخته اذكرها لما كانت صغيره طلع احمد وشفته يتكلم معها لما ركب احمد:سلااااااام :عليكم السلام مين اللي قاعد تسلم عليها احمد:مهووي بنت اختي :مهااا؟!! يا اخي اذكرها يوم كانت تلعب بالشارع بزر |