..

يشرفني اني اكتب اول مواضيعي في المنتدى وغلى يركة الله



بسم الله الرحمن الرحيم

<<< لاتلوموني بعد بحث وتحرّي عن الإبريق والمارد سنين طويلة لقيتهم . فأنا اليوم بتشققّ من الفرحة كيف لا ؟ وأنا سأحققّ كل ماأريد بلمح البصل لن أحرق عليكم القصة وسندلف في السالفة على طول وإذا دلفنا تكفون ياعيال ماأبي أحد يقاطعني
هياّ بنا ندلف هالحين .............

قمتو في صباحو يومنّ باكرا قبل تطلع العصافير من جحورها وقبل تشعشع الأنوار في كبد السماء بإختصار قمتو باكراّ ولا أدري حتى التوّ واللحظة لماذا قمتو <<<< ياشيخ كلّ تبن وخشّ بالسالفة تراك أدوشتنا بهالواو اللّي بعد كل كلمة <<< طيبّ لا تدّفون سوف ندلف


خرجت من البيت ومعي الزاد والكلأ والماء <<< حشى الزير سالم مهب مطاول الليل
ولم أكن أنوي على شئ !!<<< وشوّلة طالع أجل بتالي هاللّيول ومشغل أوّم البشرّية معك !!!
<<< (تصنيفة يابو عوض تصنيفة ماتعرف تصنيفات أبو ليل) <<< ترى هاللّي يهرج وهو يصرّخ مهب أنا هذا اللّي فيني يجاوب على سؤالكم << وهو صادز مدري وش اللّي صنفّت معي وقلت ياولد أصحي بدري ورح للبراري والقفار بلكي تلقى لك كنز أو جيك عرق مدفون ناسين اللّي دافنينة مكانة فيصير من نصيبك <<< شف بس الطموح

قمت الصباح نشيط ولبست كنادري الأديداس وجاكيتي المموّه وطلعت من البيت ومرّيت لى على بوفية عرفة وظربت لي إثنين كبدة وواحد مقلقل ويوم شبعت قلت وينك يا كنز لاقيك لاقيك حتروح مني فين يعني ؟؟؟
مسكت طريق المزاحمية الدوادمي وأنا شاقلّن على ظهري الزاد والكلأ والماء !! << إية لاتحسبوني طالع على كامري ! كنت طالع رجلّية <<< وش الله حاّدك يابو !! والله ماحدّني شئ بس تذّكرت المثل اللّي يقول اللّي إيدة بالميّة مهب مثل اللّي إيدة بالنار وفرصة نتعوّد على شظف العيش والغرابيل بدري والكامري ممدين عليها لا لقينا الكنزّ <<< ضامن أخينا بالله

مشيت كثير أكثر من ثلاثين كيلو وكلّ ماأمشي ثلاثة كيلو يوّقف عندي ليموزين ويقول لي مشوار يالأخو ثمنّ أقول لة لا لا يعطيك العافية بكملّها رجلّية رغم إني تعبان وهلكان وضاربتني الشمس مع علباي لين قالت آآآآآآآآمين قسم بالله غاديتّن طرف رقبتي من قوّة ضربة الشمس تقول فحمات كابرس من كثر السوّاد ... بس قلت ياولد أصبر على هالغرابيل ومن صبر ظفر

دخلت الصحراء وأشتدّ العطش ولعب فيني الجوع خذ وهات وأنا بقمّة تعبي سمعت صوت من بعيد يقول أبو ليل يابو ليل هلّمو إلينا ياأبا ليل أقبل يارجل هياّ يوم جيت وقرّبت لّمهم تصوّرو من لقيت ؟؟؟ لقيت خوياي اللّي بالإستراحة كاشتين بوسط الصحراء وموّلعين تريك ويلعبون بلوت الله يغربلهم وأنا اللّي ماخذ مقلب بنفسي ومن اليوم وأنا مشي ومنهك نفسي وشاقلّن الماء والكلآ والزاد ومسوّي زحمة وأحسبي مبعد عن الديره وآخر شئ أطيح بهالجحلّط أخوياي اللّي أنا أصلاّ هاجنّ منهم ومن تطنزّهم فيني كل ليلة بالإستراحة

فالحقيقة أصبت بخيبة أمل كبيرة وخاّصتنّ يوم قرّبت عندهم وقالي خوّيي دحيم ...مطاول!!!!!!!!!!! وش جابك فيذا يارجل ؟ قلت لة جئت للبحث عن الكنز يوم إلتفت على وبكل سخرية وقال منتب عاقل يا ماوكلي وجزيرة الكنز وش كنزّوه ياكمخة بوسط هالبرّان اللّي ماتعيش فيها ولا الظواطير تعال تعال قابلني بلوت بس خلّ نكسرّ رأس أبو ظرس والدحمي بالبلوت بلا بهللّة على هاللّيول
تركتهم وواصلت المسير وحينما جاء وقت النوم فرشت فراشي على ذيك الحصاة وإنسدحت عليها مادريت إلاّ بشئ نغز ظهري وأنا مستلقي يوم قمت وشفت وشوّ لقيت الإبريق المسحور اللّي دايماّ نشوفة بالافلام والقصص يطلع منة المارد والله وفرحت وإنبسطت وقعدت أناقز وأنا آقول آآآآخيراّ وجدتك وأنا أحظنة الى صدري كم تحظن الشغاّلة ربّ المنزل إذا تغافلت زوجتة
وأمسك الإبريق وأفركة وأفركة وأفركة ماطلع شئ يؤ شلون ؟؟؟ وأعيد الكرّة مرّتن أخرى لعلّ وعسى يطلع وأفركة وأفركة ماش ماطلع شئ .. وأمسك حصاة هالمرّة وأفرك بالإبريق فرك بقوة مادريت إلاّ طلع مع فوهة الإبريق غبار كثير ودخاخين واجد ثمنّ طلع المارد وهو زاقتنّ معة وزعلان ومعصّب وهو يقول خير إن شاء الله يالأخو وش هالإزعاج على الفجرّيات.. والله لاحظت وجهة ممخشّ الظاهر من حكيّ بالحصاة وافقت خشّتة علشان كذا طلع زعلان قال لي وش تبي يالأخو ؟ قلت أبد أبيك تنفذّ لي بعض الطلبات وجزاك الله خير إلتفت على وهو تافلّن العافية وهو يقول لي وأنا مخلّفك وناسيك قلت يامارد تعوّذ من إبليس وين فزعاتك يا& قال لي اللّي يبي فزعات مهب يجئ بوقت غير مناسب !! قلت شلون يعني منتب خادمني ؟ قال بخدمك بس راجعنا بكرا <<< حشى داخل على فرع وزارة المياة بجدة قلت طيبّ ماتقدرهالحين تكفى قال لا والله أعذرني البارح كنت سهران ولا نمت زين خلّ أكملّ نومي وموعدنا عقب الصباح باكر وأبشر بعزّك

تركتة وذهبت أنام وأنا أهوجس وش بطلب منة بكرا وش بطلب منة قعت أفكر وأهوجس لين نمت
يوم قمت الصباح لقيت المارد مسوّي ذاك الحليب بالزنجبيل اللّي يحبّة قلبك وشابورة
يوم شافني المارد قمت قال رح غسلّ وتعال لا يفوتك <<< بس حلوة لا يفوتك تسنّة واحدّن من الربع ماتلاحظون بدأ يمون بسرعة غسلّت وجيت وقعدت وصبيّت لي حليب بالزنجبيل وأدوّر الشابورة أدوّر الشابورة لقيت أخينا بالله لاعبن فيها ومابقى فيها شئ إلتفت علية وقلت وين اللّي يقول لايفوتك ؟ وين الشابورة يابو ....؟ قال عاد تأخرت أنت وفاتتك

إلتفت على المارد وإنتهضّ واقف بوضع إستعداد ووقف قدّمي زيّ الألف إنهبلّت أنا قلت وش يبي يسوّي ذا
لا يكون يبي يزّغل على بس وقف بصمت كم دقيقة ثمنّ قال شبيكّ لّبيك المارد بين إيديك إطلب ماتتمنى يابو ليل قلت ياخوي أجلس أجلس الله يغربلك خوّفتني على هالرّزة ووضع هالإستعداد الله يغربلك على هالوقفة تسنّك تبي تشوت بلنتي
والله وألتفت علية وفيني ضحكة بصراحة قلت شف يابو مرد فكناّ من المهايط والله الله بالجد والجد الله الله فية اليوم يومك نبيك تبيضهاّ تكفى قال أبشر بعزّك وش بغيت بس ؟ قلت لة بعد تفكير عميييييييييييييييييييييق أبي أبي أممممممممممممممممم أبي جمس صالون ملكي 2008
وأبي طياّرة خاصة تشقلنا أنا وعيال حارتنا الدحمي وأبو ظرس وعزوز لفرنسا قال شف يابو ليل بالنسبة للجمس أبشر بعزّك هالحين أكلّم لك محمود المحاسب بشركة الجميح يفكّ لك أطلق صالون بس بالنسبة لطلبك الثانية حق فرنسا إنسى !!! قلت لة أأأأأأأفأ ليششششششششش ؟

قال ياخوي ماأبي أخرّب سمعتي قدّام الأوربيين ! باتسر يقولون أبو مرد جايب لنا سلاتيح لأوروبا <<< تبون الصدّز عاد أبو مرد بذي بالذات صادز زاد أبو ظرس خشتّة مهب خشّة واحد يروح لأوروبا أبو ظرس أبعد مكان راح لة طلعة الدّزية اللي على طريق المزاحمية

قلت على راحتك يابو مرد ماأقول شئ بس ماقلت لي متى أستلم الجمس الصالون من رفيقك محمود اللّي بالجميح ؟ قال من بكرا إن بغيت ولا تنسى تقول لة الضمان كم سنة على القير والمكينة <<<<< والله ماقصرّ أبو مرد حريص إنهمّ مايلعبون علي

ودعتّ أبو مرد وشكرتة على خدمتة لي ورجعت لبيتنا أنتظر الغدّ للذهاب للجميح لإستلام الجمس الصالون كما وعدني أبو مرد

قمت الصباح بدري ورحت للجميح وسألت عن محمود المصري هذا عشان يسلّمني الصالون
سألت واحد قلت لة وين مكتب محمود المصري ؟ قال لي آخر مكتب على اليمين ودخلت على محمود وقلت لة السلام عليكم قال وعليكم السلام قلت لة أنت محمود قال أيوة أنا محمود قلت لة أنا جايك من طرف أبو مرد إلتفت علي وقال مين أبو مرد دا قلت لة المارد اللّي بالأبريق المسحور قال آآآآآآآآآآآه آآآآآآآآآآآه عرفتو عرفتو <<< واضح إنة يسنيني وبيشوف شو آخر السالفة وكيفو إن شاء الله طيب <<<< ومازال يسنيني الأخو ويبي يشوف أخرتها قلت لة طيبّ والله ويسلّم عليك ويقول سلّمني الجمس الصالون 2008 <<< يلعن أوووّم الثقة ياناس إلتفت على محمود وقال لي وعاوز الجمس الصالون تقسيط وإلاّ كاش << صدمني الحقير قسم بالله صدمني قلت لة لا كاش ولا تقسيط !! إلتفت على محمود والدهشة تبدو لاعبتنّ بخشّتة حبشة أوماّل عايزالجمس إزاّآآآآآآآآي قلت لة وأنا عاّضن ثوبي وموّجهنّ خشتّي للباب أسرع للهجّة عاوزه بلآآآآآآآآآآآآآآآآآآآآآآآش ضحك المصري محمود ضحكت إستمرت طويلاّ طويلاّ ومن طول الضحكة إعرف إنهمّ صكوّ الشركة للصلاة وهو يضحك وقال لي يابو ليل ماتبئاّش تحلم كثير وما تكلشي كشري على جوع لإني الكشري في الحالة دي بيضرب المخّ وبيبأ المخّ بيطلب طلبات غريبة أووووووي أووووووي
قلت لة شلون يعني أبو مرد طلع نصاّب !! قال لي لا هوّ مش نصاّب بس صالون 2008 مافيش خلّص من عندنا إن كنت عاوز 2007 معليش ومن دون ترّدد قلت لة أيوة عاوز عاوز قال لي محمود أبئ تعال بعد أسبوع !! قلت لة ليش بعد اسبوع مش دلّوئتي ؟ قال بعد أسبوع يادلع آآدي عشان يمكن تفؤّؤ من الحلم والكوابيس اللّي أنت فيها ياغبي !!!!!!!!

طلعت من عندة وأنا أضرب أسداس بأخماس والعن والطم واتهددّ أبو مرد اللّي ضحك على وأملّني بحاجات وآخر شئ طلع كلّة كلام فاضي وفي الهواء

وبينما أنا أضرب أسداس بأخماس والّعن وأشتم مادريت إلاّ اللّي بأصبع رجلة الكبير شايتني ذيك الشوّتة وهو يقول قمّ صلّ الفجر ياولد<< طلع أبوي وأقوم من النوم مفجوع وأتعوّذ من إبليس طلعت من اليوم وأنا بحلم تصوّرو بحلم <<<< أجل صالون 2008 <<< ياشيخ تلايط بس لومينا وتخبّ عليك بعد

مايستفاد من الحلم

1- لا تنام على جوع

2- لاتدور بالتحلّية كثير قبل لا تنام

3- مسألة إنك بتلقى شئ بلاش بهالزمن إنسى وخلّك من الإستراحة للبيت أزين لك وبلاش هياط

4- لو تجري جري الوحوش غير رزقك ماتحوش

5- لاتقعد تسولف مع عايش زمانة على المسن ثمنّ تنام على طول لإنة عايش فقري ووجة مهب وجة رزّة ودلع وجموس

6- أنا أصلاّ غاسلن يدي من أول الحلم من يوم دريت إنك يبو ليل شاقلّن بقشتك والزاد والكلأ والماء وماسك النفوذ رجلّية بهالقوايل << يعنبو إبليسك الضبّ وهو الضب يالله يتحملّ هالشموس والقوايل مهب عاد أنت

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه