|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
07-14-2008, 08:00 PM
| ||||
| ||||
| الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< هع هع الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< هع هع هالموضوع تم كتابته والسهر يداعبني وعيوني محمره >> عجلي وش تبين احم احم اللي ابي اقوله يعني الله لايهينكم لاشفتوا شي منا ولا منا >> فايز المالكي متلطم يعني منيب مسؤوله عن اي شي بالموضوع .. أنا بريئه من موضوعي ليوم الدين حتى ارجع لرشدي وفي السهر يحلوا النقاش وياليل دانه ودان وهيييلا يالرمانه  آآقدمـ لكم مذكراتي الشخصية التي كل ماذكرتها تزنطني العبرهـ ( الجزء الثاني من مذكراتي)  ونزلتلكم هالموضوع الانيق والرقيق تضامننا مع حملة لا للمنقول >>>> ادعس ياحملة آقدم لكم مآآآآآساتي القديمه والمستمره  مع . . . . . ألــم ..  وه .. بـه .. الموهبه مصطلح عجزت افهمه هل لأن فاقد الشي لايعطيه >> امشششش  انا وحده الله مارزقها بموهبه او يمكن عندي بس مدري وينهي ؟ >> يمكنها بالدرج >> برا لاصدق اعاني كغيري من هالشي ؟ هل السبب من السؤال اللي يقول : وش موهبتك ؟ او ماهي موهبتك على طول تجيني غلقه وغبنه وكتمه من هالسؤال وارجع اسأل نفسي صدق انا وش موهبتي ؟ لجيت انام ضميري يقعد يذب علي ويتحرش (وااااااااااك ماعندها موهبه تكفين خشتك خشة وحده موهوبه يالله مناك بس ) اقوم من النوم احيان و اقوم اعطي هالضمير الخمه كف يحبه قلبكم واحيان نتهاوش بالمخده همن يهجد عني انا ماعدمني الا ضميري المهم بعدها تصالحنا يوم قمنا من النوم وافطرنا وعينا من الله خير سألت ضميري : ياضميري يابعد هلي انا ليه ماعندي موهبه ؟ هل لأن محد صقلها لي او وش بالظبط ؟ قال لي : أول شي أهنئك على صقلها ذي ثانياً : كلي تبن وراي مشوار مع السلامه بهاللحظه الكل تنكر لي مدري وش مسويه لهم والله واقعد وآخذ لي كوب شاهي وأروق وافكر وقعدت احوس براسي واحوس واحووووس يقالي افكر بواقعيه وصدر القرار من الهيئه الملكيه وادارة شؤون النيابه الصحيه والمجلس الخاص والمقلّط العام ان يتم اعطائي موهبه ولو من تحت الأرض  الموهبه الأولى  في غمرة الأغبره ولمسات الأتربه قررت اني بهاليوم أصير ................... شـاعره  يومها قلت وش زود بعض الناس عني المسأله سهله اروح اتميلح مع وحده تعطيني كم بيت واروح اقول الباقي من عندي .. ! وليه كم بيت اروح ازرف القصيده بكبرها وأقول انها باسمي وخلصنا المهم واصبر الين جو طاقم شاعر المليون عندنا وقبلها بكم ساعه اقوم الطخ وجهي بهالمكياج اشي اصفر اشي اسود اشي موف والبسلكم المحزأ و الملزأ  >> تبي تطلع على قولتهم سيدة الحفل باي طريقه عالأقل لا مقبلوني او ماعجبتهم القصيده لاسمح الله أ قّلها تعجبهم خشتي وبسلهمة عين اخليهم يقولون : أجيز لك القصيده المهم كم ساعه الا وانا عندهم قريت الكرسي والمعوذات منها ربي يبارك لي ومنها لحد يصكني بعين والعين حق بس فيه شي نسيته كبر راسي نسيت اكتب القصيده بكبرها واروح اكتب لي عشرين بيت بدقيقه لزوم السرعه وعدم التأخير ألزم ماعلي احترام المواعيد وللأسف فيه شعراء كانوا بقمة الاستهتار وجوا بوقت جدن متأخر المهم القصيده تقول ببدايتها :ياكيف واحد(ن) مسرع . . . مسرع وفالأخير يصير بشويش لاتسرعون عمــى ! . . . السرعه من الشيطان ماتسمعون الحوادث هنا وهناك . . . خل عندكم روح رياضيه ! المهم اناظر فيها واتنهد واقول وه  كل هالإبداع يطلع مني وأعيد وأزيد فيها ودخلت عاللجنه خطوه ورا وخطوه قدام يقالكم مستحيه المريخي : هلا هلا حي الله من جا .. وأنا ارجع وارجع الين الباب واجلس واتكي عالجدار واتميلح عليهم واقول : هي هيييي هييييي السعيد : أقول اخلصي لا اشوتك .. انا هنا حسيت بأهمية الموقف صراحه رحت جلست بالكرسي الأحمر وحطيت رجل على رجل واكح وأكح يقالي وراي شي سنع وكبير غـسّان : ولك يابنتي يالله فوتي بالكصيده المشتركين بينطرونا .. المهم وأبدأ بالقصيده ومن أول بيت .. جا هذاك ابو براطم بنفسجيه منيب متذكره اسمه وقال : لحظه لحظه يبا ! قاعده تستحظرين أنتي ؟ الاماراتي : شو هالرمس ؟ترومين تنكتمين ؟ والله مادري الا وانا مرتفعه عن الارض ووجهي عالباب وخذ احلى شلوت وأفحححححححححححط عالأرض الين وصلت لباب المبنى واطلع بكرامتي بس ماستسلمت يحلمون رحت لهم للرياض وادخل عليهم بس هالمره وانا مغطية عشان مايعرفوني المهم غسان : يالله يابنتي سمعينا الكصيده أنا : احم احم .. ليه يافراق ليه ! .......................... تبعدنا عن الحبايب ليه ؟ خل بس اشوفك والله للعن خيرك الا شوي اشوف الكرسي بعيد عني والسقف قريب و وجهي عالباب عاد تعرفون الباقي بس هالمره الله يقطعهم حاطين فرش من النوع القاسي واللي يخمش اححححح عورني رجعت البيت قلت عادي بداية المشوار فشل وآخرها نجاح مافيها شي ! خلني افكر بموهبه ثانيه عشان أعرف وش موهبتي بالظبط .. الموهبه الثاني  وأنا أفر بالتلفزيون وبعد كم قناة فاشن طلعت براسي لمبه  بس هي عارضة أزياء ايه وش زودهم عندي عالأقل وجهي أزين من وجيه العارضات مغير جلد على عظم اعع حتى خششهم تقدر تحدد عليها ملامح الجمجمه عالاقل الله يحلل جسمي عنهم حلو صح ان به زوائد بس ينبلع واروح للبنان واقول خذوني لكم حلالن بلالن سووا فيني اللي تبون كل شي صنفره سمركه تنفيخ تنحيف شفط اعادة تأهيل اعادة بناء رياظه تنظيف اعادة بناءالطبقه التحتيه وكل شي .. وقلت للأخصائيه : اسمعي انتي ابي اصير عارضه بهالموسم خلصوني ترا عندي شغل الأخصائيه : بس يابنتي هيدا أأل شي بدّوا 9 شهور قلت لااااااااا وشو 9 شهوره ابي هالشهر ولا أبرجع الأخصائيه : ولك يابنتي مافينا نعمل كل هيدا بشهر شوفي حالك لك هايدي بشره ؟ بكل إرنه لون أنا : طب وش اسوي شمسنا قويه وانتوا شمسكم ناعمه وبارده الأخصائيه : لك شوفي شعراتك بدّا شغل أنا : طب جونا حار ومويتنا مالحه والشامبو حقنا تجميع تيواني مغير يظحكون علينا مايجيبون الا النوع الخايس الأخصائيه : هيدا غير جسمك بدّوا شد قلت شسوي اهلي مايخلوني اروح النادي يقولون اقعدي ببيتك بلا رياضه بلا خراط الأخصائيه : ولييييييييييييييييي شو بدي اعمل معك ! ولك انإلعي من هون حلّي عني يااااه قلت : اقول تحمدي ربك ترا متحمله ريحة خياسك والله لأفقع وجهك والله انا انا لوريك والله انا انا ماخليك ( فيس يتوعّد من قلب) المهم واكمل هواشي : اقول انقلعي ياشينه يالشينه الأخصائيه : شو شينا ماشينا ولي انقلعي من هون هلّق ولي يااااااااااااانااااس شيلوا هالمخلوق الفضائي من قدامي  وتجي اربع فلبينيات : يلا يلا انإلعي من هون يلا ولا بـي كلام شرطي وآخذ لي أقرب طيّاره وأرجع لمسكني ومأواي المهم اصلن ماخذت بخاطري وقلت الجمال جمال الروح . . . الجمال هو الأخلاق . . . الجمال هو الحب والحنان >> كلي تبن الموهبه الثالثه  دايم لارحت ولا رجعت من الجامعة عيالنا حارتنا ياخذون الشارع من اوله لآخره مراكض >> وش اللي حارق رزك >> اصبري يامال الوجع المهم ويلعبون كوره بوحده من الحدايق مسوين لهم ملعب ومخلين العيال يلعبون ويرفهون عن انفسهم وحنا مالنا الا السوق يامال الفقر قلت ورا مايخلون لنا ملعب حريمي كل وحده تاخذ معها قهوتها واللي ودها تغير جو وتكب اللي براسها وتتنفس شوي من حنّة البيت ومنها جسمها ينصلح من قعدة البيت الوحده كنها كيس بصل خل تفلها منها نتطاقق ونردح ونمرح ونعين من الله خير بس لا اقصد غير ذلك والله الموفق >> هالحين لايجيني احد مشوت ويحط اصبعه بعيني ويقول اني علمانيه وقررت بعدها اني أصير . . . . . . . لاعب أقصد لاعبه وأجهز صراويلي والتيشيرت والكنادر الله يكرمكم والفنايل والجل والإستشوار ان لزم واروح اطقها مشوار للعريجه وادخل على نادي االهلال وانا متنكره بالتيشيرت الوسيع والبلوزه الوسيعه والشنب المستعار وأحط لي حواجب وأعدل الوقفه والصوت وبسم الله اول ماحطيت رجلي عالملعب  وانا احس برهبه بس مع الوقت نسيت الحمد لله الا واشوف الشلهوب وياسر يتراكضون وانا قلبي طربق طربق الا لمحني واحد فيهم ويجي المدرب : وط آر يو دوينق هير ؟ أنا : امم ام وط اسكيوزمي ؟ ويجي واحد عربجي : هلا والله بالحبيب واااااااك يازينه زيناااه بغيت اتهور واقول وه لبا قلبك بس خفت يطلع الصوت الصدقي واروح اقول : هييييييييييييي يااااااااااااااااااعيال مااااااااعندكم لي مكان هنا ياااااااااااااااخوان ؟ أنا عندي موهبه ياعيال بس عطوني فرصه ابي اصير لاعبه أ أ أ أ اااا أقصد لاعب ه ه ه ه تعب والله ياخوان وش ذا الحر >> ابوك يالتصريف والله وكل واحد قام يناظرني بنص عين قلت وراكم منتب مصدقيني اني ولد ؟ العربجي : و احد قال لك انك منتب ولد ياحلو ؟ ولا شكككككلك قلت : لا لا لا اعوذ بالله وشو ذا شوي الا مدير الفريق جا قال لي يالله ورنا لعبك خلصنا يمكن يعجبنا ونظمك للفريق قلت : صدق قال إيه : قلت يااااااااااااااااااااااااي وناااااااااااااااسه رجعوا ناظروني بنص عين قلت : أقصد ياااااااااااااااااااالله أقصد ألعن أبو الحظ يــاشـييييييييييييييييييخ .. المهم قعدت اتميلح عندهم العب والعب قال المدرب : ياشيخ فكونا منه ذا ماينفع لا ظهير ولا مدافع ولا حتى مهاجم قلت تكفون عالأقل ابي اصير حارس قالوا يالله خلنا نجرب واروح للمرمى وياسر يتجهز يبي يشوتها قلت له : هااه يبو قحط مثل ماتفقنا اول شوته بشويش ابي امسكها ابي اطلع شي قدامهم قال لي طيب بس اول شوته ابظحك عليهم بس ثاني شوته مقدر ابي أطلع حرتي فيها قلت ماشي شاتها أول مره وأمسكها وهاتك صراخ وجا طارق التايب وقال لي : علاش خايف ياروحي ؟ لعبك مزيان هلبا هلبا بعدها بغيت انسدح ولا أكمل المهم جت الشوته الثانيه والمصيريه يوم شاتها جت بوجهي تالله عليه وطاح الشنب والحواجب دقيقه الا وأنا خارج أسوار النادي أجر اذيال الهزيمه رحت للنصر لأنهم أ قرب وقابلني الرشيدي وقال لي : انتي ام شنب ؟ قلت لا راح مسك الشنب وفكه شوي الا وانا ازححححف الين الباب وتشقلبت للرصيف من قوة الشوته واروح للأهلي يطلع لي واحد : انتي هديك ام شنب ؟ قلت : لا ويمسك الشنب ويفكه ويصرخ علي وتجمعوا علي الحجز رووحي ياهبلا إنقالعي يامعفنه اقلبي عن وششّي .. رحت للإتحاد ويطلع لي واحد ويقول لي : إنتي أوووم شنب ! .. قلت : لا والله اني موب انا ) هالمره لصقته بقوه ببراطمي ) راح نادا خويه وجا وحط عينه بعيني ومسك خشتي وراح فك الشنب وراح عطاني بقس واحد الا وانا بمكه طحت على عزبة تكرونيات بالحرم يبيعون براقع قمت شريت لي واحد ومشيت الا وهيئة الحرم قدامي ويروحون التكرونيات يصارخن : آآآآآآآآآ إيش هادا وبأقرب طياره الا وانا بالبيت الموهبه الرابعه  وانا أقرا الجريده لقيت كم كاتبه تكتب قلت بسسسسسس الشعب ناقص كاتبه مثلي ماراح احد يقدر يعبر عن اللي داخلهم واللي يحسون به الا انا  واروح لجريدة الرياض وقابلت السديري وقلت تراني موهوبه هاه الله الله فيي قال : اه أه أه >> يقالكم يظحك شكلك خفيفة دم تفضلي تفضلي سيدتي ماذا بجعبتكقلت : أنا اعرف اكتب السديري : أكيد عزيزتي تكتبين ولا ماكان جبتك في ذا انتي وخشتك آخ أه أه أه ثم استطرد قائلا : يامحمد فنجان قهوه وأنتي عزيزتي وش تحبين تشربين ؟ قلت : مرندا قال : أه أه أه أه الم اقل لك انك خفيفة دم ؟ يا محمد واحد قهوه وواحد مرندا قال نعم ياعزيزتي وش هي مؤهلاتك ؟ قلت ثانويه عامه بس قسم اني اعرف اكتب  السديري : يابنتي اعرف ذلك قلت طيب عطني ورقه خلني اوريك  قال يابنتي انتي ماتفهمين انا بحطك بهالغرفه واكتبي فيها مقال بأي موضوع تبينه ولك ساعه ونص مهوب ترجعين البيت وتخلين امك تكتب لك ثمن ترجعين لي وكانك انتي اللي كاتبته ورما الورقه بوجهي وقال يالله يالله بس مناك عالغرفه ويحطوني بهالغرفه تقل سجن مافيها الا فيش حق وشو مدري ؟ وآخذ الورقه واكتب اللي براسي واكتب واكتب واكتب وطلعت له وهو مابعد حط القهوه ببطنه قال : خلصتي ؟ قلت ايه شفت اني اعرف اكتب ! قال : بخمس دقايق ؟ خليني أشوف ؟ [ العنف الأسري والمدارس والفقر كلها تعاني من اشياء غير جيده يعني العنف الأسري مو زين والمدارس خربانه والفقر يزيد الطين بله ياخي مايصير ؟ ] السديري : هذا كلام ! هذا كلام يأوختي هذا أسلوب ؟ والله لو انك بالابتدائي يااااااراااااجو : نعم بابا السديري : شيل نفر هذا الا شوي اناظر الشباك وأطلع منه بقوه وأطيح على سياره مشوته بس الحمد لله تمسكت فيها زين  الا شوي صقعت بعمود من قوة الصدمه طرت بالسما والمح طياره وأأشر لها قام الطيار صفّطوركبت بالجناح وبـتّل إلا وانا بكاليفورنيا !!!!!!!!!!! الموهبه الخامسه والأخيره  اول ماوصلت كاليفورنيا الله يجزاه بالخير الطيار جون حلف اتعشى معه وانا اقوله وشو له الكلفه يا اخ ماله داعي وهو ملزم ويقول والله ان تتعشين معي يقول لي يو آر سو بيوتفل قلت تم خلص واتعشى معه وفليناها سهر ونبيذ والعياذ بالله بس استغفرت ربي  المهم قلت له اني موهوبه قال خلاص واللي تامرين عليه بيصير قلت ابي أطير للفضاء ابي أصير من ناسا اللي ذولا يشغلون الصورايخ قال وشو : ! هذا هالحين يبيلك تدرسين بالجامعه ودراسه وشغل مهوب لعبه قلت له مالي شغل دبر لي واسطه ولا ابعطيك فلوس بس تدخلني قال : وط ؟ فلوس يعني رشوه ؟ انتي متهمه بقضية فساد ؟ قلت وشو فساده مافساده ؟ احترم نفسك ولا ابفجر البنتاغون واقول تراه معي ابتهمك بقضية ارهاب قال لا لا خلاص الله يرحم والديك وأروح لناسا وتفاهمت معهم وجيت أبركب الصاروخ لقيت خالي قال لي : وش تسوين هنا ؟ قلت : أ أ أأأأ أنت وش اللي تسويه هنا ؟ >> شين وقوي عين .. قلت أبركب الصاروخ يبون يودوني للمريخ مارح اطول ابروح لهالمشوار خمس دقايق وابجيك خلك عندك تامرني بشي ؟ خالي : وش آمره وش مشواره ؟! ترا لا ركبتيه معاد بترجعين ؟! بعدين تعالي من متى الحريم يركبون الصواريخ بدون محرم ؟ وين قاعدين حنا الا وشوي الف عالباب والقى مكتوب عليه : ممنوع دخول الحريم بدون محرم قلت : لحووووووووول حتى بامريكا ؟ وأنا أركض ارككككض للدرج وهو يرررركض وراي وانا اسسسرع وهو مسرررع اليييين أقرب عند الباب وافتحه وهو يناظرني من بعيد وهو يشوووت كن احد شب به بنزين وانا ادخل الكابينه واقفل الباب وهو يرررركض الين تصكر بخشمه وانا اشغل الصاروخ وأدعععس 200 بعد اسبوع وقف الصاروخ قلت امدانا وصلّنا المريخ وافتح الباب والقى حوشنا رجعت اجر اذيال الهزيمه كالعاده وراحوا اهلي يشتمونني وينعتونني بالمتحرره >> هذي آخرتها وانا ابي ارفع راسهم رحت ادور لي موهبه بس ماش انسدت نفسي رحت لفجر السعيد وقلت لها : تبون ممثله ؟ عندكم لي شي قلت بس بشرط مابي أموت بالمسلسل >> طراره وتتشرط المهم ناظرت بخشتي وقالت ياحبيبتي انتي بتموتين بالحلقه الاولى قلت نعم !لحووووووول وش ذا عووذ بالله روحي انتي ومسلسلاتك المخيسه اها بس الشرهه مب عليك على يجي عندك ولهالحين مدري وش موهبتي ؟ و لهاليوم اذكر هالمأساه الاليمة لكن بعد كل هذا لم آيئس وجلست ادور عن موهبتي في كل مكان تحت كل صخره بس مالقيتها لكن لن أيئس و مازال البحث جاري عنها واذا لقيتها بشرتكم ^ ^ ^ ^ ^ ^ ^ وهذي الجزء الثاني من مذكراتي الشخصيه وانتضروا الجزء الثالث >>>تحس انها رجل آآآعمال مشهور وبينزل قصة حياتهفي كتاب يوم انه بدا من الصفر>>> برآآآآآآآ مايستفاد من ذا الحتسي :ـ  وكما قلنا لا للمنقول
_________________  آحآول آخفي احسآآآآسي ولـــــــــــــــــــــكـــــــــــن بآلعشق مفضووووووح |
|
07-14-2008, 09:44 PM
| ||||
| ||||
| رد: الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< ه ههههههههه اكثر وحده اعجبتني ملعب لأني من زمان انقهر من عيال حاراتنا وودي نسوي مثلهم خخخ حتى حقت فضا خطييره تسلمين ع مذكرات فله
_________________  |
|
07-14-2008, 10:45 PM
| ||||
| ||||
| رد: الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< ه تسلللللم خيوووووو عآآآآآآآآد انا مقهورة بس مابدرت حرتي / / / / / / وينكم سكآآآكر مآآشوفكم منورين الموضوع
_________________ آحآول آخفي احسآآآآسي ولـــــــــــــــــــــكـــــــــــن بآلعشق مفضووووووح |
|
07-14-2008, 11:26 PM
| |||
| |||
| رد: الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< ه وربي وناااااااااااسه موضوعك ربي لا يحرمنا منك بس ع فكره حيلو توقيعك سلملم |
|
07-14-2008, 11:30 PM
| ||||
| ||||
| رد: الم.....وه.....به<< مذكراتي الشخصيه التي كل ماذكرتها تزنطني العبره زنطاً شديدا(الجزء الثاني)<< ه يسلموووووووووو
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
