الله يجيبــه "
الغايب اللي سولفت عنه الاقــلام
راح وترك له بالمعاليق صــورة
هومادرى انه بالقلب من كذا عام
يبني على ساس المحبه قصوره
" الله يجيبــه "
دام باقي له احلام
والمس وجوده وانبسط في حضوره


أنا مقدر على الفرقا .. ولا تقدر علـى فرقـاي
ولا غيرك ملا عيني .. ولا غيري ملا عينـك
ولو طالت مسافاتك .. على دربك تسيـر خطـاي
ينوّر دربك احساسـي .. يوصلنـي عناوينـك
تعال نجدد الماضي .. نعيش احلامنا بالجـاي
أضم يدينك بقلبي .. واقول من الوله .. وينـك؟
حرام الوقت يسرقنا .. ولا تسمع صدى شكواي
نضيّع عمرنا فالبعـد .. وانـت الوصـل بيدينـك.


تشتت بالفكر عقلي
تحيرت ونفذ صبري
نهيت الشوق لا يرحل
وعيا لا يطاوعني
حبسته داخل دموعي
منعته في وسط صدري
قهرني وكسر ضلوعي
تجاوزها و تجاوزني
ودايم مايطيع امري
واذا قرر يجي ( يمك )

((يـروح وما يشاورني.))


ليتك تمر اليوم عندي
وأحاكيك ...
وأقولك من كثر شوقي
علومي ...
حتى القمر لو تطلبه قال
لبيك ...
يخضع وتخضع من وراه
النجومي ...
ماسر قلبي غير حبك
وطاريك ..
اشتاق لك حتى وانا
في حلومي..
بقلك شئ...
( يكفي معك حضن
المحبة محتويني ...)

لازلت بالخاطر
لازلت بالراس
لازلت أشوفك
وين ماحط عيني

انت الغلا يا سيد
كل هالناس
وانت السوالف بين
نفسي وبيني


( سرقتك )
بالزمن لحظه وعشتك بالفراق اوقات..
ولا ادري وش بقا لي بالعمر
من دون لحظاتك

(احبك)
ياندى فجر الجروح وصحوة العبرات..
(احبك)
كلمه تبكي معانيها .. على شفاتك

( بدونــــك )
هذا الزمن حاكم وأنا فيه
محكوم
ماهمني كبر الفضا وأتساعه
مادام دمعي جف
والقلب مصدوم
بقول للأحزان سمعا وطاعه
ومادامني عشت الزمن
دوم محروم
شيصير لو ضاقت
علي كل ساعه؟


راح الزمان اللي به من الناس وافين
وجانا زمان ليتني ماحضرته

اللي تعرفنا عليهم كثيرين
وماحد(ن) أخذ قلبي مثل ماأخذته

إسمك وهو إسمك

على الراس والعين
وقدرك لو أقدر أجمعه.. ماحصرته


يفز قلبي كل ماحل طاريك
تنساني الدنيا وفرحي يحتويني
الشاهد الله ماتحمل يوم فرقاك ..
تفداك روحي ومابقى من سنيني

تحسب نسيتك ؟

لاحشى يوم ما انساك
( مجنون انا )
انسى زارع الشوق فيني .


الأمان في غير قربك مالقيت
وان شرحته بالقصايد ماوفيت
اعتذر ان كان في يومن قسيت
والعذر ان كان اخطيت او جفيت
وانت حد السيف لامني اعتزيت
وانت اغلى شخص في عمري لقيت..

شخص تتلاشى صورته
بعد فرقاه
وشخص تموت بصورته
مانسيته
وشخص تباشر بالمطر
يوم تلقاه
ولو في يدك تعطيه عمرك
عطيته

غريب فى مكانى ,, والحياه بعدك غريبه
والحزن يسـكن بروح الصمت فى ظلـــم الليالى

والألم فينى يتـــــألم والوجع ضيع طبيبه
مابقى فى الوقت باقى وبدونك.. وش بقالى؟

كله إهمومٍ وضيقه(( تبتدى يوم أنتهيبه))
عافت النفس الامانى ,, من يرد بالشوق غالى؟

ليتنى اقدر أعارض وأرمى حظى فى نصيبه
ليتنى اقـدر أصفى حظــى اللى ماصفالى

يـــــاحبيبى مـــارجيت ولا بكيت الا بمصيبه
والمصيبه يــاحبيبى (بعدك) اللـى ماطرالى

غير ((قربك)) ما أبيه غير ( انت ) وش أبيبه؟
وش لـــى فى وقتٍ جديد يبتدي منه وصالى


صدفه تذكرتك وانا ماني بناسيك

واشتقت لأيامٍ بها كنت وياك

ذكرت حلمٍ مات واحياه طاريك

وحبٍ غدى مابين همك وذكراك

ليتك تشوف اللي من الناس مغليك

مسجون بأسوار الزمن كيف يلقاك

عندك خبر وش قيمتك في حياتي ؟
غالي ولك فيها مكانه وتاثير
( مهما افترقنا )
لك محبه بذاتي
فيها الوفا رمز على كل تقدير
ما اقول غير انك ( معنى ) حياتي
ولا اقول غير الله يذكرك بالخير


لو يصير البحر أحلى من الغدير
ولو تعتم صبحنا وأصبح ظلام
ولو تبدل طبعنا واصبح ذميم
ولو غدى الشاهين زوج الحمام
ولو يصير ولو يصير ولو يصير

( لك معزه ما يفسرها كلام )

فقدتك يا أعز الناس
فقدت الحب والطيبه
وأنا من لي فهالدنيا
سواك ان طالت الغيبه

رحلت ومن بقى وياي
يحس بضحكتي وبكاي
حتى الجرح في بعدك
يعزيني وأهلي به

وأنا من لي فهالدنيا
سواك ان طالت الغيبه


قسم بالله بس تغيب
أحس الروح اودعها
تطيح الدمعه من عيني
وتجري غصب مدامعها
كرهت الارض بغيابك
من اولها لسابعها
بعد هالعمر .. بغيابك ..حبيبي لو بتسألني
( أنا أحبــــــك ...؟ )

ايه ( أحبك ) وخل الناس
تسمعهـــــــــــــــــــا.
أحبك

تخيل يوم عانقني خيالك..خاطري وش قال..؟؟
تخيل قــبـــــل أسولف...
نشدني عنك وجداني!!!

نشدني لــــــيــــــــــــــــــن خلاني
مدينة هزها زلزال!!
تــــخــــيـــــل ما هدأ حتى لقاك
((بوسط شرياني))

الشوق ناره على بعــدك تحــداني

هو صدق جرحي حبيب الروح يهنالك ؟

قل غيرها وإن طرى تسأل بتلقاني

ناظر بجنبـك وقـــلي

من هو (( ظـــلالك)) ؟.



خذني فرح يشرح بادي
محياك
وخذني عن الإزعاج لك
جو هادي

خذني نديم لو تضايقت
سلاك
وخذني ذرى لك عن
قارص البر ذاري

خذني لهنااك وهناااك
وهناااك وهناااك
ولا ترى باخذك وأخفيك
بداخل ( فؤادي )


ولهت عليك..
اشتقت لك ...
تباطيتك
وأنا عن غيبتك ماصار لي يومين
أجل وشلون لو إنك تغيب أيام عن عيني

حبيبي لو نكر كل الشجر فضل المطر والطين
حرام أنكر غلاك اللي تربع في شراييني


كلمة هلا ياحلوها من لسانك
وياحلوها من بين ذيك الشفايف
كلمة هلا لاقلتها في سلامك
يفرح بها قلبن من الهم شايف
كلمة هلا مع مرحبا كيف حالك
عندي تساوي قول كل الطوايف


حبني على كيفـك وكيـف ماتحـب
تقفـي وتبعـد ولا تبـدي أسبـاب
بصدق وجودك في حياتي ولوكـذب
وبااتبع أوهامي ولو كانـت سـراب
ياأكثر مـن كلمـة أحبـك و أعـذب
يأول نظره خذتني وكلـي لهـا ذاب
خذيتني وأقفيـت ياماأطـول الـدرب
كيف أوصلك وأنت بعـد السحـاب



يازين خربت بعد فرقاك الاوضاع
واختلت الاحوال .. والحال رثه
اشيل قلب ٍ بين الاضلاع ..ينزاع
من حر شوق ٍ في ضلوعي يبثه
ماطاعني ينساك ياعذب الاطباع
ولاصبر .. وانا على الصبر احثه
والظاهر اني (بانكبه) كان ماطاع
واواعدك واودعك .. لجل اغثه
اما يجنب عن غرامك وينصاع
والا يعود داخل الصدر .. جثه

ماخاب ظني ولا فقدت الرجا فيك
دايم وحبي لك في مكانـــــــــــه

مبطي وأنا من بادي الوقت شاريك
معك على قسى الزمان وليانه

أغليك ومن يحبك بيغليــــــــــــك
لك من صميم القلب كل امتنانه

يـاجـرح لـو تـلـتـهـب مـاهـي عـلـى كـيـفــك
الـحـاجـه الـلـي تِـذلّ الـنـفـس مـابـيـهـا
يـاجرح لـو فـي خـفـوقـي مـاكـن(ن) سـيـفـك
الـعـزّه الـلـي بـراسـي مـنـت قـاويـهـا
يـاقـلـب يـالـلـي جـروحـك مـن مـوالـيـفـك
نـاس(ن) سـعـت فـي عـذابــك لـيـش تـغـلـيـهـا ...؟

إنـــت الــــذي بالقلــــب سكنــــــاك
وإنــته تــرى أحلامــي وطموحــي
مـاشفــــت أنا مــثلك وشــــــرواك
ولاشــــفت أنـا مثــــلك سموحـــي
وأبيـــك تعـــرف شــي عـن غلاك
وأرجــــوك بســــري لاتبوحـــــي
أحبك
وأحبـــك حيـــل وأفــــداك
وأرخص لك الغالـــي وروحـــي

نهلي بك
يابعد دنيا غدت عقبك
بدون الوان......
هلا يأطيب بشر بالكون
هلا بك ياصافي النيه
هلا يصرخ بها لساني
بصوت منتهي ولهان
يرددها بدون شعور
هلا للمره الميـــــه.


اتحرى من زماني ساعتين
ساعة وداعه وساعة جيته
واحترق في كل ساعه مرتين
خوفي ينسى او تطول غيبته
بس يقبل تعتريني رجفتين
رجفة الفرحه ورجفة هيبته
مات قلبي ياخلايق موتتين
يوم شفته ويوم روحي حبته

يمكن يضيع الشوق في داخل انسان
ويمكن يضيع انسان من كثرة الشوق
الشوق لوعة وانتظار و حرمـــــــان
وآهات ليل و دمع وإحساس مخنــوق
تلعب به الدنيا على كف الأحـــزان
وكم خافق من حرقة الشــوق ظميان

ياطير بلغ صاحبي كان تلقاه
ياطير عن فرقاي ياما نهيته
ياطير عقبه مقعد الطيب عفناه
والهم بين ضلوع صدري طويته
ياطير ذا منزله وذاك ماطاه
وهذا مراحه وذا يوم التقيته
ياطير هذي قصتي كان تلقاه
عطه القصيد كان مرك وجيته

قلي من اللي يحمل الهم عني ؟؟؟

لا غبت لحظه عن عيوني وقفيت

ليه الصدود وليه هذا التغلي ؟؟؟

أنا أشهد انك في عذابي تمااااديت

ان كان قصدك بالغلا تمتحني ؟

انت الوحيد بداخل القلب ((( لك بيت )))



باسم كل كلمة كتبها قلبي...
باسم المحبه الصادقه...
باسم الشوق والوله اللي فينا ...
باسم الدمعه اللي بعيوني...
باسم البعد اللي نعانيه...
باسم الوداع اللي ما نبيه..
باسمي واسم قلبي

(( أحبك موووووت ))

تــاهت الخطوةعلى الدرب البعيد
والمشاعر همها ... ذاك السؤال
هو صحيح اللي مضى يرجـع يعيــد ؟
وترجع أيام المحبة والوصال ؟
ولوصحيح الحـب به عبـد وسيـد
انت سيدي وانت عمي والخوال.


قلبي يسولف بك وعيني تحراك
وعطرك على يمناي كم له يناديك
إن غاب صوتك... صورتك بين الافلاك
بروزتها مابين هذي وها... ذيك
توجّسيني خوف قدام لا اظماك
وخلي غلاي بكل الاحوال يسقيك
واخذيني اقرب من مخدتك واغطاك
واعطيني اللي كل ما احتجتي اعطيك
واذا رويتيني غلا قولي اهواك
توك معي .. توي معك حب .. يمديك


ملكت القلب ولا تكثر ظنونك
ولو قلبي يبلي غيرك نهرته
يمر البال ناس يشبهونك
كثر ما مر غيرك ما ذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوه عيونك
وكل الحب بدربك نثرته

منتديات مدرسة المشاغبين - ممنوع مخالف مكرر