شروط مشرف لأعضاء منتداهـ....تموت ضحكـ ههههههه

جورية مستانسة · #1 (**permalink**) 07-16-2008, 03:46 AM

هذى الشروط من المشرف العام لأحد المواقع المشهورة بعد ان جاءته حالة من
الطفش من كثر مشاكل الأعضاء والموقع ,, نقلته لاني احب انكم تشاركوني الضحكه :

لقد تغيرت شروط التسجيل في المنتدى وتم تغيير مسمى المنتديات لتواكب مرحلة ما بعد الحرب الباردة
اعرفوا الشروط زين....وافهموها....واللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار حنا ما نلعب واللي يبينا حياه الله بيننا فهمتوا ياالجحلط ..
بما ان هذا الموقع موقعي بلحالي لابارك الله فيكم وفي الساعة اللي فتحت لكم هالموقع .... فاللي يبي يسجل معنا يوافق على الشروط من ورى خشمه والشروط هي ...
1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس...همني قايلكم حنا ما نلعب ..
2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه ...لاني ابحتريه وقت صلاة الفجر بالعجراء وابشخمط وجه وابخليه يقول...خروفي خروفي لابس بدله صوفي...له عينين واربع رجلين...من كثر ما امحطه بالعجراء , همني قايلكم حنا ما نلعب ..
3- اللي بيخربط بالدين ولا بالسياسه.... هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب ..
4- انتم اعضاء لكم تكتبون بس .. ولااحد فيكم يسوي لي فيه مراقب مانبي مراقبين ... فهمتوا ولا افهمكم ..
5- الساحه الرياضيه لكم سووا فيه اللي تبون لكن اللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه ولا عمرنا سمعنا فيها وهي وشهي...هي الديمقراطيه حاجه تنوكل ..
6- مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط ...فهمتوا صح ولا ماهو صح...قولوا صح لابارك الله بالساعه اللي جمعة هالخشش فيها واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر ايه تسعطعش ساحتنا وحنا حرين فيها ..
7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا يد .....طبعا قايلكم ساحتنا وحنا حرين فيها
8- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ وبنكويه مع علاباه وبعدين بناخذه لا اقرب قليب وبنغطسه وبنطلعه ونغطسه ونطلعه الين مايقول اشهد ان الددسن سياره واشهد ان الاقلاع ما هو بالشطاره ولا بالمصاله اقول لا تكثر بربستكم يا هوووه وش هالمسكه الغلط همني قايلكم ما نلعب ..
9- قريتوا الشروط هاه عجبتكم فهمتوها طيب ما عندنا تسجيل هالايام واللي يبي يسجل معنا يراجعنا بعد سنة وخمس شهور ولا ينسى الملف العلاق الأخضر <<< متأثر لا تلومونه لان الدعوه عناد واللي براسه حب ما انطحن تراي ابطحنه له واذا فيه خير يقابلني وين ما بغى بالطلعة وإلا بالصمان وإلا ديراب وإلا بالشرقيه ولا باي محل ..
همني قايلكم حنا ما نلعب ..

ملطووووووووووووووووش من بريدي

عجرميه · #2 (**permalink**) 07-16-2008, 03:51 AM

ههههههههههههههههههههههههه

4- انتم اعضاء لكم تكتبون بس .. ولااحد فيكم يسوي لي فيه مراقب مانبي مراقبين ... فهمتوا ولا افهمكم

مشكووووووووور على الموضوع

مع تحياتي

جورية مستانسة · #3 (**permalink**) 07-20-2008, 03:08 AM

ثانكس عجرميه ع المرور النايس

المتالقة2010 · #4 (**permalink**) 07-20-2008, 04:32 AM

هههههههههههههههه
هدا وشي اذا احد سجل
يسلموو عالموضوع نايس

ورد مديني^_^ · #5 (**permalink**) 07-20-2008, 07:45 AM

امااا من جد شرووط
ههههههههه اتحدى لو احد سجل في دا المنتدى:smils55:

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

شروط مشرف لأعضاء منتداهـ....تموت ضحكـ ههههههه

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه