السلام عليكم ورحمة الله وبركاته
هاذي قصيده اعجبتني قراتها في قصة وجبتها لكم ..

-وصاتي لك من بعدي ..... تموت فيها علشاني

2-ابيها تعيش و تحيا بك .... واظل بالذاكره مفقود

3-وصاتي لك تنسيها ....... ملامح وجهي و تنساني

4-وتعزفها قصيدة حب...... على عكس اللي عزفته بعود

5-وصاتي لك تبعدها ..... عن اشعاري وقيفاني

6-تراها مغرمة بالحيل ...... ويشهد لي عدد الردود

7-وصاتي لك تسايرها ...... ترى فيها من احزاني

8-طلبتك لايضيق بالك ........ طلبتك والطلب مردود

9-وصاتي لك تعاملها ........ بطيبه قلب و احساني

10-تراها تذرف الدمعه ........ ودمعتها بليٌا حدود

11-وصاتي لك تحفظها ........ سور وآيات قرآني

12-وتخبرها عن الميت ........ رحل لايمكنه بيعود

13-وصاتي لك ترسمها ........ على قبري وأكفاني

14-ابيها لوحة تبقى ........ على طول الزمن محدود

15-وصاتي لك تمازحها ........ وتشوف الضحكة بأسناني

16-سعيتك ياضحك هالكون ........ طلبتك لاتصير جلمود

17-وصاتي لك تقهويها ........ من دلالي و فنجالي

18-تراها تعشق السمرا ........ ويكفيها دخون العود

19-وصاتي لك تركبها ........ على خيلي و على حصاني

20-وربي فارسة من قلب ........ شهادة ماهي لشهود

21-وصاتي لك تسفرها ........ بلاد الشام و لبناني

22-ترى يحلالها تقطف ورده ........ وردة من بلد الورود

23-وصاتي لك تراقصها ........ على الحان رحباني

24-ترى فيها عرق خالة ........ وفيها من جنون السود

25-وصاتي لك تحببها ........ فأبونورة بعد هاني

26-وتنسيها ندم غلطة ........ انا فيها ترى المقصود

27-وصاتي لك تكرهها ........ في تاريخي و عنواني

28-أبيها تلعن اللحظة ........ وتلعن كل فرح موعود

29-وصاتي لك تكلمها ........ عن المجني وعن الجاني

30وتخليني انا الظالم ........ وانا من حرق الاخدود

31-وصاتي لك تشبهني ........ بدم أحمر قاني

32-وانا هالقاتل السفاح ........ مجرم من عصر نمرود

33-وصاتي لك تحلفها ........ تتوب تحبني ثاني

34-ترى يكفيها ماعانت ........ ويكفي حيلها مهدود

35-وصاتي لك تنسيها ........ وصية قالها لساني

36-أنا اخبرك رجل موقف ........ وانت قدها وقدود

37-صديقي مالقيت غيرك ........ يعرف وشلون تنساني

38-أمانه ضمها بقلبك ........ ترى خالد....رحل مايعود
*

اتمنى انها تعجبكم ............

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

تسلم يمينك على ماخطت
وصح لسان شاعرها
فشكرا لك وشكرا لسمو ذائقتك
وبانتظار جديدك
دمتي بخير