السلام عليكم:

تقبلوا مني هذي القصيده واتمنى تنال اعجابكم:

متى على الله تنطفي جمرة الصيف**ويهب من صوب الشمال البرادي

ونشوف بيض المزن بالجو تصافيف**وميض برقة مثل قدح الزنادي

لأهل سيله بالحزوم المجافيف**اقعد جمال الارض عقب الرقادي

وصار الثرى مابين حبران وطريف**زل مزحرف مثل صنع الايادي

هناك ابو نس ويكمل لي الكيف**مع رفقتي يمشون غاية مرادي

لا من شكيت الهم قاموا مخافيف**ثم وجهوا صوب الشمال الشدادي

يبون بالقطار عالي المشاريف**ولا وارا الحرة بذيك الوهادي

لامن جلسنا بين حمر مقايف**عقب العصر والليل اقبل يهادي

وهبت علينا باردات الهفايف**عطره محلط بين نفل وكادي

الله لامدت زوال مناظيف**ثم صفف الولاع حول الرمادي

صفر الدلال اللي بها ناعم الليف**والتمر فرب تو وقت الجدادي

وصبوا ومدوا ينتقون السواليف**سوالف بالصيد ماهي دوادي

في مجالس ماعذبوه الملاقيف**مغير ربع مصفين الودادي

وقت الرخا ربع اكرام مواليف**وعند العسر يعجبك صبر المهادي

يا مر لي عصر جميل تقل طيف**شرق عن المظهور باتلي جمادي

عصر مضى واليوم مثل الخذاريف**مازال يحرق لاذكرته فؤادي

حول على قلبي خفيف كما الضيف**وروح وانا اصوت بثاره وانادي

هذا هواية يالرجال الغطاريف**لو يكثر القولات اهل النقادي

ماشاقني والله حسن التواصيف**ريم بعيد مزبنه مايصادي

لكن يكلفني من الشوق تكليف**شمعه ذعاذيع الهوى بالبوادي

ولا ظن ابسلي لو تزود التعانيف**حب الحلا بالقلب قصر مشادي


اخوكم/ كل^مانسنس

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي