ليت العمر يهدى.... واهاديك عمـري

تستاهل الايام ... يازهـــــــو الايـام

لو الهوى المحبوس في جوف صدري

يظهر على الدنيا..غشا العـــالم هيام

فيني غرام ....فوق محمول صبـــري

وفيني خيال فوق ...تصوير الاحــــلام

صباحي اسرحلك ...وفي ليلي اسري

واذا هجع فكري خفوق الهوى قـــام

والله..... مالي غير الاشواق عــــذري

واللي عرف شوق المواليف مـــــــالام

يامن يبيع الصبر ياناس واشـــــــري

محتاج كل الصبر واصخي بالاقيـــام

يامالك امري ... ومن نواياك امـــري

ارحم خفوق عن هوى غيركم صـــام

حالي غدى مثل المساويك ...مبــري

ياباري حالي .. ترى البعد ظـــــــلام

ادري بحالك وانت بالحـــــال تــدري

وعساك هذا العام احسن من العــــام


للمبدع .... خالد الفيصل

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

سيد خفوقي جيت لك حيل مغليك
والقلب مايشفق على غير سـيده
واللي خلقك وحطني في محانيك
غــيرك فـلا مريـت أدوّر جـديــده