أمنيه موت
كلن تمنى في حياته اماني
وأنا أتمنى أمنيه أني أموت
مظلوم في دنيا بها الله بلاني
عايش ولكن عايش إنسان مكبوت
عايش يتيم ماعرفت الأماني
غصب علي انا اقبل الظلم بسكوت
الحظ ضدي والبشر والزماني
بأسبابهم همي بدا يلوتني لوت
حسره طوت قلبي وحزن طواني
الين حزني صار بالصدر منحوت
حتى حبيبي خان حبي وحناني
وحط في فمي علقم وانا مذوقه توت
خان المحبه صار شخص أناني
وحرم علي حتى اتصل اسمع الصوت
مادام صرحي أنهدم مع كياني
وش تنفع الصرخه إذا فايت الفوت
أيوب لوساعه يكون بمكاني
ماكان في صبره ترى تكتب بيوت
الموت ارحم من حياتي أعاني
ولا أظن في ارحم علي من الموت
ياسعد قلبي كان موتي لفاني
يازينها لاصار جسمي في تابوت
يارب حقق لي انا هل الاماني
ارجيك يامنجي نبيك من الحوت
ومادام مسموحه علينا الأماني
عندي أمنيه وحده انا ودي أموت
والله أمنيه وحده انا ودي اموت
( شاعـــر حزن)
امنية الموت
العرض العادي
