ركبت البورش كايين gemballa معها خلصت شغلي واليوم رجعت لجحري

كنت في الكويت الاربعاء واول ما وصلت تواعدت مع صديقة لي تعرفت عليها بالنت من خلال منتدى تواعدنا في مكان ونزلت من سيارتنا وركبت معها البورش كايين المعدله تعديل انوثي اورنج والجنوط اورنج وكانت رهيبه ماشاء الله صرت اشوف سيارتنا البانوراما البيضا صعنونه وشينه ومالها لون بالنسبة لسيارتها المهم طلعنا وورتني تجارتها مالت علينا كل شيء ممنوع وكل شيء للرجال وخلصنا شغلنا وانبسطت كثير الحمدلله

طبعا مشواري معها على شان تجاره بفتحها بالسعوديه وبنافس الرجال فيها ونشوف اذا احنا قدها ولا مو قدها

المهم

قالت لي: زين والله زوجك يثق ويخليك تركبين مع وحده اول مره تشوفينها اول مره اشوف سعودي كذا؟؟؟

قلت اللي عايش برا فتره ودماغه متفتح شوي ومغسول بصابون اصلي مو بري ومثقف وواعي والبيئة اللي هو عايشها فري وثقه خلاص يثق باللي اخذها الحمدلله

قالت الله يهنيك لا يدرون عنك السعوديات يصكونك عين

وسألتني بعد متى يخلونكم تسوقون كيف راضين كذا؟؟؟

قلت الحمدلله رب العالمين مرتاحين ومبسوطين السواقين تحت يدينا اللي نبغاه يوصلنا للبيت والمشاوير بأي وقت معززين مكرمين نروح المكان اللي نبغاه وانتوا يا قليبي تجيبون العيال من المدرسه والمقاضي والله يكون بعونكم

قالت صادقه احنا الرجال بهالديره

نكمل محور حديثنا عن الكويت نطلع كل يوم للمجمعات والكفي شوبات واخر الليل ندخل سينما ولا نرجع للأوتيل الا على صلاة الفجر من جد اسميها حياة وسعادة والحين رجعنا للجحر الى إشعارا اخر والله يصبرنا على هالطفش والروتين الممل اللي نعيشه ما في اي مكان زي الناس نروح له والسواق مقضي وقته نوم او يروح يجيب لي تويكس ومالتيزر لاني احبهم بس