[size=6=8]مــــواقـــفـــــــــ محــــــــــرجــهـ لـــــكنــ مع مــــــن
بســــــــــــــم الله الرحمن الرحيم
راح اسرد لكم الحين مواقفي التي لاتنتهي واتمنى تشاركوني
غبائي ودلاختي التي لا تنتهي >>> لاتصدقون

تعالوا اركبوا معي سفينه ذكرياتي الجميله>>>>وانتي الصادقه الا الماصله

صارت لي عدة مواقف اتمنى تحصلكم>>>> نذله
والله لايوريكم مثلها>>> الحمد لله والشكر يقالني تعرف تدعي اللحين

البــــــــــــــارت (1)

مره من المرات رحت انا واختي نزور جدي وجدي هذا ساكن عنده عمي المهم بعد ماسلمنا رحت لمجلس الرجال علشان اقعد على كمبيوتر عمي لان بنات عمي رايحات السوق فمليت ورحت للمجلس انا واختي
المهم وانا قاعده احوس بالكمبيوتر دق باب بتاع الحوش انا كنت قافلته علشان عيال عمي اذا جوا يمديني اهج المهم دق الباب وكان الباب هذا جنب باب المجلس
قلت لاختي
حزني: قومي افتحي الباب
اختي: مابي اصلا انا مليت منك ومن ذا الكمبيوتر اروح ادخل داخل احسن
راحت اختي وبقى انا وانا كنت متحمسه مع حوستي ولا ودي اقوم المهم قمت ورحت عند الباب
حزني : مين عند الباب
اللي برا: افتحي
بقلبي قلت هذا عمي خل افتح له الباب
حزني : لحظه عم
فتحت الباب
وانا من طبعي اذا جيت اسلم على احد انزل راسي
فتحت الباب ومديت يدي ونزلت راسي
بس عمي تأ خر ماسلم رفعت راسي وكانت الطامه الكبرى
ماطلع عمي طلع ولده خالد >>> ترى الاسم مو حقيقي
انا كنت مثل المصدومه تصنمت وهو واقف يبتسم
وانا للحين مابعد استوعبت بعد 1 دقيقه استوعبت و دفيت الباب بوجه وركضت >>>> وجري ياحمار وجري يا حمار
وعقبها قعدت ادعي عليه والى الان وانا ادعي عليه لان صوته نسخه من صوت عمي ولا علمني الحمار وهو يدري ان خواته في السوق صراحه ودي اشوته بجزمه ابغى انتقم




البــــــــــــــارت (2)


وهذا الموقف مع ولد عمي خالد اللي بالموقف الاول
مره رحنا لبيت عمي وكنا بنقعد ربع ساعه ونمشي المهم غثتني بنت عمي الا تقعدين الاتقعدين المهم اتصلت على امي لا نها كانت في السوق وقلت لها بقعد عندهم لبكره بس هي عيت وبعد حنه ورنه وافقت وقعدنا >>>> للمعلوميه حنا ساكنين في الرياض اما باقي اهلي يعني عماني وخوالي بمدينه ثانيه وامي كانت رايحه السوق مع اختها وحنا رحنا نسلم على جدي
المهم لعبنا وسهرنا ودجينا وفي اخر الليل تعاجزنا اننا نصعد ننام فوق فقلنا للشغاله تجيب مخدتين وفراشين لمجلس النساء وجابتهم ونمنا وعيال عمي واحد رايح مع عمي لعزيمه والثاني كاشت في البر
علشان كذا اخذنا راحتنا المهم نمنا وتعرفون يالبنات وشلون نومنا يفشل
وانا يوم قمت الصبح تفاجأت بالمراكي ( المساند او التكايه ) جمبي ومغطيه راسي ويوم لفيت توقعوا من شفت شفت حضرت الاخ خالد قاعد يلاعب اخته بالغرفه الي انا فيها والمشكله انهم مغطين وجهي وجسمي فوقه بطانيه خفيفه
ويوم قمت قعدت ادعي عليه صدق سخيف


البــــــــــــــارت (3)
في نفس اليوم اللي صار لي فيه الموقف الثاني كنت فوق ونازله مدرعمه باقوى ماعندي واركض للمقلط وانا اصارخ بس يوم دخلت تفاجأت بولد عمي الثاني محمد >>> الاسم غير حقيقي
بس الحمد لله ما انتبه علي وطلعت بهدوء وعقبها حرمت ما اقعد عندهم الا ربع ساعه والى يومكم ماروح لهم الا 5 دقايق



البــــــــــــــارت (4)
يوم من ايام الشتاء كنت ابي قصيدة السفينه من ولد جيرانا >>>> لا يروح فكركم بعيد تراه بسادس للمعلوميه بيتنا حنا شقه وكان فيه صاله برا تربط 3شقق
المهم ولد جيرانا كل شوي جايب لي قصيده شكل ةانا مليت من وقفه الباب فقلت له
حزني : اذا خلصت رن الجرس انا تعبت
ولد جيرانا: خلاص
المهم سكرت الباب ورحت جلست على الكمبيوتر وكنت لابسه ترنج ولادي ومجعده شعري وطالع شكلي اللهم ياكافي
المهم رن الجرس وصرخت بصوت عالي ياويل اللي يفتح الباب هذا ولد الجيران معه القصيده ورحت اركض مسكت الجوال وفتحت الباب من غير ما اقول مين ونقزت بنص الصاله وقلت وانا منزله راسي واقول بسرعه ارسل تراني متحمسه مع روايتي بس ولد جيرانا ماتكلم رفعت راسي وكانت القشه التي قسمت ظهر البعير نصفين كان واحد قدامي لابس ثوب وطويل وله كرشه
صنمت 1 دقيقه اللين استوعبت اللي من اللي قدامي وكان جمبه فواكه وخضار فدخلت بسرعه وسكرت الباب بعدين قلت مين وقعد دقيقه لين رد >>> شكله متروع من جد من كشتس
وقال : راعي الخضار
وركضت لامي



البــــــــــــــارت (5)
مره من المرات وانا في سوق رمال سنتر كنت امشي بسرعه واناظر امي اللي وراي واكلمها وماحسيت الا اني صاقه بذا الجدار ويوم رفعت راسي لقيت نفسي صادمه واحد ونص جمسي ضارب جسمه فانا علا طول بعدت وهو قال السموحه وراح ماشاء الله عليه محترم وانا على طول بكيت وارتفعت درجة حرارتي ووجهي قلب احمر وكنت لابسه برقع فا بان احمرار وجهي وحسيت كني طالعه من الحمام من العرق والاحراج بس جد هالموقف مااتنمى لي أي بنت يصير لها هالموقف لان اخلاقي قفلت ويوم رجعت البيت قعدت اصيح من الاحراج والى الان مااصدق اني صدمت بذاك الرجل



البــــــــــــــارت (6)
مره من المرات كنت ابي معرض الكتاب لان فيه كتب ابيها لسدني شيلدون>>> اقروا له ترا رواياته خططططططططططيره
المهم ابوي رفض وقعدت اترجاه وهو رافض المهم بعد ماحنيت وافق بس بشرط اني اخلي المطبخ يلمع واخوي كان يبي يروح علشان ولد خالته هناك وقام وساعدني وبعد نص ساعه مشينا ورحنا وعقب ما دخلنا وفرينا مالقيت اللي ابيه بس قلت بروح لاخر مكان وهو فرع مكتبه جرير المهم رحت وقعدت اقلب ادوره لقيت الاول بس بقى الثاني وانا ادور شفت اختي معها كتاب مدري وشو بس يخص الازواج واختي اصغرمني يعني بااول متوسط اخذت منها الكتاب وقلت لها بالمصري وان اقلبه
: ياوسخه ايه ده حاوريك والله لاخبر امي وضربتها
بس اختي ساكته ماردت يوم لفيت لها وراها حرمه فتخيلوا موقفي وبعدها حرمت اتدخل في امور اخواني



واتمنى منكم تكتبون ردودكم ومواقفكم
علشان ما احس ان انا الوحيده اللي افشل
تصدقون صرت احرس وحده من اهلي
وفي موقف لي جد مرعب يوم كنت في الشرقيه
وراح اكتبه بعدين[/size][/size]

_________________

يسعدني لن اكون اول من رد
هههههههههههههههه
يعطك العافيه يام المواقف
وشفيك ع خالد شكله يحبك
ههههههههههههههههه
تقبلي مروري

وععععععععععععععععع الله يقرفك شفت مايكل جاكسن وهندي بقلتنا احلا منه بس سبحان الله يوم كنت صغيره كنت مطلعتله قرون من كثر ماجننته حتى مره بغى يوديني الرياض من كثر ماجننته

_________________

مواقفك مره تضحك خخخخخخخخخخخخخ

_________________

افففففففففففففففففففا وين الردود

_________________