|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
07-30-2008, 11:22 PM
| ||||
| ||||
 رسااااااائل جوااااااااال بالغلط .....ياويلي ..!!!!!! السلام عليكم ورحمة الله وبركاته مرااااااحب بكل الداخلين للموضوع  كثير منا يستخدم رسايل الجوال ....ويمكن صار التواصل عن طريق رسايل الجوال.....تهاني وسؤال عن اخبار ووووووو وبعض الاحيان سواليف  بس المشكله لو كانت سواليف خاصه او عائليه وراحت للشخص الخاطئ قمة الاحراج وفضح الاسرار  جايبه لكم بعض المواقف الي مثل كذا : (1) بنات كانوا في الجامعه شله وكانت وحده منهم عازمتهم وجت وحده من البنات كتبت لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! ..... (2) مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت (3) وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ... (4) مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها (( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ ..... (5) أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع .. والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,: (6) قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة: (7) كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...: (8) مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه .. تتتتخيلوا ...... الرساله راحت لزوجي وزعل وارسل تهديد وانا انطميت وسكت والله موقف لن انساه (9) مره اختي مسافره برا وهي مديرة مدرسه ..... المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله (10) انا مره اتصلت على وحده ماردت بعد شوي جاني منها مسج كاتبه ((يافلانه ترا فلانة (إللي هي أنا) ازعجتني بالاتصالات ومارديت عليها)) والمشكله اني مادقيت الا مره وحده .. عاد تحسبوني سكت ارسلت لها مسج قلت: (( ربي باغي يفضحك )) (11) جتني رساله من رقم ما أعرفه بس تقول : ((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا)) على طول رديت قلت : ((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها)) (12) انا مره واحد ارسل لي رسالة بالغلط : (فلان انت صاحي ولا نايم)ارسلت له : تراك غلطان رد : ( بلا استهبال جب معك فطور) (13) مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي .. يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانهيوم رديت طلعت حرمه ..السلام عليكمعليكم السلامأنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابهمرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانه قالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليهياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,, طبعا المواقف كثيره ...ياليت نتشارك مع بعض هالمواقف ونطلع الفضايح  اختكم / نهر المحبه
_________________  تسلم يدينك حسووووونه  |
|
07-30-2008, 11:57 PM
| ||||
| ||||
| رد: رسااااااائل جوااااااااال بالغلط .....ياويلي ..!!!!!! أقول أحسن لك سكري جوالك والغيه من الشركه يكون راحه لك ويش لك بوجع الراس
_________________ [img]www.albhige.com[/img]  [mouseover=أرحبوا تراحيب المطر / تواجدكم ومروركم اسعدني / أبو سعود]مثلا مرر الماوس هنا او شاهد الشرح بتمرير الماوس هنا الخ[/mouseover] |
|
07-31-2008, 12:02 AM
| ||||
| ||||
| رد: رسااااااائل جوااااااااال بالغلط .....ياويلي ..!!!!!! ههههههههههههههه يااخوي وش فيك زعلان ...هد اعصابك وروق ...انا ناقله لكم مواقف مضحكه ننبسط وندردش مع بعض مو تزعل نفسك ..... ياحليلك والله وسع صدرك يااخوي ومشكور على مرورك
_________________ تسلم يدينك حسووووونه |
|
07-31-2008, 12:59 AM
| ||||
| ||||
| رد: رسااااااائل جوااااااااال بالغلط .....ياويلي ..!!!!!! // اتذكرر في ثالثه كليه ... قلت اني ناجحه وفي الحقيقه اني راسبه ...المهم كنا في جلسه مع بنات عمي قالو الاختبارات الاسبووع الجاي .. رحت كتبت رساله لصديقتي .. وقلتلهاا ..شوفي موعد اختباراتي وخبريني ... الرساله راحت خطاء لعمي >> الي انا في بيته جاء بسرعه ودخل علينا ...وهوفي قمة غضبه ندووو راسبه دوريني وقتهااا>> وجهي الواااان ما يمديني ادبر عذر اقوله له >>> حرمت بعدهااا الكذب /// موضوع دمه خفيف يعطيك العافيه دمتي بوووووووود // |
|
07-31-2008, 01:04 AM
| |||
| |||
| رد: رسااااااائل جوااااااااال بالغلط .....ياويلي ..!!!!!! ولكم باك خيتو نهير وعوداً حميداً والله شوفي اذا على الفضايح اظن اللي صار معي تخطاها ووصل للكارثيه هذا مره طلعت رساله وانتشرت بين الناس على ايام ][ جوال المملكه ][ اللي هي مدح بتشبيه حيواني  انت مثل التيس بمدري ايش وانت مثل الثور بمدري ايش ومن هالخرابيط طبعاً شي جديد ومتحمس ارسله فمن الحماس ارسلته لخالي وانواع التصريفات والاعتذارات والزحاليق واخرتها شبهني باحدى الشخصيات العظيمه اللي انذكرت بالرساله وعدت على خير بس اللي صاير معاي قمة الازعاج من الرسايل ][ ابي اشكي لا احد يمسكني ][ ربي بلاني وطلعت رديف لرقم مميز لاحقاً اكتشفت انها اكبر غلطه بحياتي لو قاعد على رقمي الاول اصرف لي ][ كان يسمونه عداد كهرب ][بس حب التميز نكبه طلع رديف لدكتور في الجامعه ومش اي دكتور طلع دكتور في الفقه فمره كنت جالس مع الشباب بمقهى نناقش احوال الامه وواحد من الجالسين يلعب بجوالي وجت رساله ومن اللقافه فتحها وكان نص الرساله : فضيلة الشيخ يسرنا خدمتكم لذا نأمل منكم ارسل زمان ومكان وموضوع دورتكم العلميه حتى نتمكن من نشرها هنا خويي تنح شوي طالع بشكلي قرا الرساله مره ثانيه خر مغشياً عليه يقولي شهالتواضع شيخ وساكت والى الان تجيني رسايل من هالنوعيه اخر الفتاوي دعوات لمؤتمرات وندوات عزايم غدا وعشا ومن هالخرابيط الى هنا الامور في السليم ويعتبر ازعاج مفيد نوعاً ما بس ان الازعاج استمر لطلبة الدكتور يعني واحد داق علي تلفون الساعه 7 الصباح يقول دكتور صار لي حادث ابي اقوله غلطان ما اعطاني مجال قعد يتكلم ويتكلم ويوم خلص قلت انت تبي مين قال انت مو الدكتور قلت لا شوي الا الشبكه انقطعت ][ سكر بوجهي بس اواسي نفسي ][ و مره واحد ارسل لي رساله يقول دكتور ما اقدر اجي المحاضره عندي ظرف وارسل لي رقمه الجامعي عاد رحمته وقلت اوكي غب ][ دكتور شريعه ويقول اوكي ما تجي ][ وما زالت معاناتي مستمره مابين رسائل واتصالات من هالطلبه يعطيك العافيه على الموضوع ][ احسك فقدتي الامل اني بوقف كتابه ][
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
