دخيلك .. والذي سرمد سبات الحـزن بـعيونـي=تجلي ما سقـا وابـل غرامـي .. غيـرك إنسانـه
دخيل الملح بأنفاسـك .. تذوقـي سكـر جنونـي=عسى بحر المبـادي يختلـط .. موجـه وبركانـه
دخيلك .. ما بعد طعن العقل .. غفران .. بالهوني=غـدى ينزفنـي مـن آخـر هبالـي ثـوب فتانـه
دخيلك سولفي .. ثغرك .. روى ذبلانـة غصونـي=وأنا آسوق النهار لـخطوتـك .. وآحـاول إعلانـه
دخيلك .. من لبستي الغيم .. ما داعبتـي مزونـي=.. أمانة .. لا تعديتي .. وحسنك فـاض هتانـه ..
.. تمرين الصباح اللي تعسجد مـن ظمـا لونـي=تَحَجْبين السمـوم .. وتوقظيـن الشمـس والدانـه
وغنّـي سامريـة غفـوة الأيــام بـظنـونـي=وصُبّي فلسفـة حزنـي .. علـى عشاقـة ألوانـه
وأمانة .. لا وطا بُعـدك علـى عفويـة طعونـي=وصرتي مـن ألـم صـوت الحقيقـة دوم هربانـه
تعودين بـطرف لقيا .. معي / بالصدفة / بدونـي=تعودي نقتسم حرب الهجـوس .. الوقـت ذا شانـه
وأمانه .. لا رحل صمتي .. وفجّر حملـي متونـي=تلمّيـن السهـر .. وإلا انثـري ميعـاد نسيـانـه
وأمانه .. تطبعي قُبلة .. على ذكراي .. وتخوني ..=سطـورٍ ينكتـب حبـي لهـا بأحـلام عطشـانـه
وداعاً .. والذي حـط الحـزن مدهـال لـعيونـي=مـ احبك .. وانتي الدنيا يـأقسى وأعـذب إنسانـه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

وعليكم السلام ورحمة الله وبركاته

هلا بك مشرفنا الغالي

الحمد لله على السلامة

وأسأل الله العظيم رب العرش العظيم أن يشفي والدك


قصيدة رائعة كما عهدناك

تنتقي دائما الأفضل

صح لسان شاعرها

وسلمت اناملك وذائقتك على هذا الطرح

دمت بكل خير

^
^
( al.ata@hotmail.com )

عمـري


تسلم على المرور


وآلف شكر لك


اللهم أمين