 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-04-2008
| ||||
| ||||
 ديـــــوانـــي الــشــعري رقـــــــم (( 1)) بسم الله الرحمن الرحيم السلام عليكم ورحمة الله وبركاته بناء على فكرة الاخوه والاعضاء والمشرفين في تنزيل القصائدعلى شكل ديواين الكترونيه يسهل على القراء قرائتها وتحميلها فقد قررت ان ابدا بتفعيل هذه المبادره . وارجو عدم الرد لحتى اكمل تنزيل البقيه ولكم خالص الشكر والتقدير والاحترام التعريف بالشاعر: الاسم : مجيب احمد ناجي الجَمَال الكنيه: ابو عمار واحيانا اكتب باسم ابو مروان البلد: اليمن محافظة : إب منظقة العَود - قرية حبيل الشاهري ******************** نصيحه لكل شاعر
بدأت بالقول في من يعلم الخافي=ما دار في الصدر او ما دار في النجوى من جاه طالب لعفوه كان له عافي=وقال مسموح عهد المعصيه يطوى لا فرق بين الملك عنده ولا الحافي=إلا بما يحمله قلبه من التقوى وبعد يا هاجسي عجل بإسعافي=من منبع العلم والايمان ذي نروى ما همني قصر نظمك مثل اتحافي=بنظم زاخر بنور العلم والفتوى يا ناظم الشعر خل الشعر إيلافي=فكم من اشعار للتنفير ذي تروى وكم قصائد بها تتعاقب اسلافي=لطيب ما تحمله من بالغ الفحوى من يزرع الخير يحصد مازرع وافي=ومن تمسّك بحبل الله ما يغوى يعيش في نعمة الطاعات متعافي=وصاحب الجهل في نيرانها يكوى ما يكفي النفس من حب الطمع كافي=حتى توارى بكأس الموت والمثوى من يطلب العدل واجب يوقع إنصافي=ومن تغلّب على اللذات كان اقوى لا تحقر الناس من بدوي واسكافي=وتزرع الحقد فيها دونما جدوى واحذر من الفسق او من هفوة الهافي=عواقب السوء تفتك مثلما العدوى إيّاك تمشي مع الخوان والجافي=تصبح ظحيّه على النيران والمشوى ولا يغرّك نعيم العيش لو دافي=فقد شقي ناس بين المن والسلوى الدين في فطرته والجهل متنافي=وصاحب العلم له فضله وما يلوى اصلح نواياك يصلح شأنك الشافي=فإن للعبد عند الله ما انوى ضمارك العمر إحذر توقع اسرافي=واستكثر الخير قبل الشيب والبلوى العزّ بالدين حيث المنبع الصافي=وما سوى الدين عند الله ما يسوى صلاة ربي على من يختمه قافي=ونسأل الله طيب العيش والمأوى نصد الظالمين بكل حزمِ ( عن سب النبي صلى الله عليه وسلم)
نصد الظالمين بكل حزمٍ=ونعقبهم بما يفضي الزنادِ ونحيا الدهر من نصرٍ لنصرٍ=على الطاغي ومن يبغي الفساد ولن نرض بعيش الذل يوماً=وإن غاب الصديق مع العتادِ ومن يهزأ بتاريخي وديني=وينوي النيل من خير العبادِ فقد نادى لتأتيه المنايا=وذاق الموت من صنع الأيادي أتانا خيرُ خلق الله يدعو=الى الايمان في درب الرشادِ فقلنا مرحباً ياخيرَ داعٍ=وسرنا للهدى خلف ألمنادِي وبايعنا رسول الله حباً=وإيماناً مع صدق اعتقادِ رفعنا راية التوحيد يوماً=ولن تسقط الى يوم التنادِ وسارعنا الخطى ندعو إليه=بضرب السيف او بوح المداد وجلنا الارض شرقاً ثمّ غرباً=ندكّ الجهل وارباب العنادِ جعلنا كل جبّارٍ ذليلاً=وصار العدل عنواني وزادي وصار الدين يحكم كل صقع=وعم الخير فيها والودادِ ولم نخذل رسول الله حيّاً=وبعد الموت نوفيه السدادِ روى التاريخ عنّا كل خيرٍ=وسجلها لنا في كل وادِي فلسطين الاسيرة خبّرينا=من الجاني ومن ذرّ الرمادِ تخبّرنا دموعك أنّ مكراً=تزول لهوله الصمّ الشدادِ فمهما طال من كتم الخفايا=فلن يخفى مع طول الرقادِ فيا حكّامنا عارٌ عليكم=لزوم الصمت والأمر الحيادي رضيتم بالوهن من غير عذرٍ=بإعلان الرضوخ لكل عادِي ومن يرضخ لسوط الظلم يوماً=فقد أهدى له النصر الاحادي وكيف الجبن يأتي من اسودٍ=ولو كانوا قليلين السوادِ فلا والله قد كذبوا وضلوا=فعزمي كل يوم بازديادِ ولكن يعتري الأبطال ذلاٌ=إذا الأبطال ينقصها القيادي الــطــــريق الى الـمـجــد ((القيت بمناسبة تخرج ابناء الجاليه))
يا مرحبا في جيل متعلم وحيّا من هِممهُمْ دائماً متعاليه=واهل العزائم ذي بهم نحلم بتحقيق المنال يا من بكم تفخر جماهير الوطن في أرضنا والجاليه=من أجلكم جينا نشارك بالفرح والاحتفال مبروك يا جيل الوفا يا من جعلتم روسنا فوق السحائب عاليه=يا من ضربتم للوفا في عزمكم اكبر مثال كل الجموع اليوم تهديكم هدايا الفخر والميداليه=وتسأل المولى بتسديد الخطى في كال حال بعد الأمل بالله نتأمّل بكم في حل كل إشكاليه=من أجل دحر الجهل ذي فرّق وقطّعنا وصال سيروا طريق العلم واصغوا ما نقوله بالنقاط التاليه=فيها تجارب من مضوا من قبلكم في ذا المجال المجد من يهواه ذاق المرّ من اجله بلذّه حاليه=حتى يحوز المجد لو يمشي على حد النصال والعلم منهل من ورد حوضه جني خيراته المتواليه=وفي ثباته دائماً عند الشدائد كالجبال وطول عمره في نعيم العلم واهل العز عيشه ساليه=ما هو كأمثال الذي ينعم بأوهام الخيال وفي قلوب الناس له منزل ونوعه من معادن غاليه=ودائماً له قدر عالي عند ربي ذا الجلال العلم له فضله على مرّ العصور اللي خلت والحاليه=وربنا بالعلم اوصانا وحذّرنا الضلال والدين رأس الكل فيه العلم والإيمان بالإجماليه=كل السعاده في ثنايا منهجه والامتثال والجهل كابوس الأمم في عصرنا وأهل القرون الخاليه=هادم بيوت العزّ فوق اهله وقهّار الرجال ومن تساهل وارتضى بالجهل وافكار الكسول الباليه=يقضي حياته بالمهانه في قيوده والحبال هذا البلد للعلم من يطلب يموّن من وزير الماليه=حتى يحصّل ما طلب وافي ويجتاز المُحال يا معشر الآباء شدوا من عزائم جيل يهوى المجد واستقلاليه=حتى تواصل جاليتنا سيرها نحو الكمال لا خير فينا إن تركناهم ضحيه في أيادي سوء واستغلاليه=يكفي خطانا ذي حصل من قبل هذا والعطال نأمل بأجيال الوطن تشغل مناصب كلّها فدراليه=ما ننتظر أجيال تحلم بالمطاعم والاُكال بسم الإداره والمُجمّع كلنا نشكر ضيوف الجاليه=أيضاً شباب الحفل من شارك ومن اهدى مقال وازكى صلاتي توصل المختار ما دار الفلك والكون سبّح واليه=واجمل تحيات الوفا منّي مجيب ابن الجمال العمر مشورا (بدء الشاعر حمود داجنه -ابو حيدر)
ابدأ برحمن خالـــــــق انسها والجــــــان=كريم منّان عظــــــيم الشان سبحانه لاقال كن كان قضى بالعدل والمــــيزان=ذي يفهم السّر وهو ذي يفهم اعلانه هو عالم الغيب بما ايكون وماقــــــد كان=ويعلم اســــرار الاعيان التي خانــه فالحمد لـــه عــــدّما شنة به ألامزان=مــاكل دارس تلى آيــات قـــــرانـــه من بعد ياهاجسي اسمر واقرع الشيطان=وانظم قوافـــــي على قده وميزانــــه قم بلّــــغ الاصدقا والاهـل و الاخـــوان=سلام عاطر مع عـــوده وريحانـــــه وخص فيهم لشاعرنا ابو مروان=يوصل سلامي مع اللؤلؤ ومرجانه وقل له اليوم لازم ننصح الشبّــــــــان=وكل مــن قــد نــسـي اهله وخلانـــه يرجع بلاده ويترك باطل الهجران=ماشي من الهجر غير البعد واشجانه وذكّر اهــل الوفــى من لـسـن ابوبدران=وكل مــن يسـتـمـع شعري وافنانـــــه ســــلام للمغـترب بالمسك والريحــان=ما زغرد الطير عازف باعذب الحانـه قـل للمهاجـر عاده يــــذكـر الاوطــــان=يعــود ارضـــه وعاد الـماء بسيقانـــه اين الـعـدالــــه واين الــدين والــقــرآن=يامغـترب عد كفى بالــقـول عنوانــــه مالك مـتـيّم ومالك هكـذا ولــــهــــــــان=حــب الدنانــير قد غطّى على اعيانه لو ترسل الماس والياقوت والمرجـــان=مــاهي بـســمـره ولا قيله وخـــزانـــه خـلّك مـــراعي يسمّع دقّــــــــة البيبان=الهجـر بطّال وشــانك بالـفـراق شانـــه مافايــــده في مـراحـك بـعـد هــذا الان=لــو سـار ماء الحياه مــن سائر ابدانــه مايريــــد دراهــــم ولا فـلـه ولا دكان=قصده رضى الله ويهنا باقي ازمانـــــه كم عـد يكــــــون الشقا ياقـرّة الاعيان=والبعد قـد طال باعــد بـــــين اجفانــــه ماعد تـفـيـد الملايين لو تجيب اطـنان=ولا الاراضـي وحتى مــعــوج اودانـــه عـد لابلادك ووعـدك ناصفـة شـعبان=وتشفي القلب بـعـد الـهـجـر واحــزانـــه ارجع لحولك وسامر ساجي الاعيان=وعاد شـم الــــورود يـنـفـح بـبـسـتـانــــه وتجني الـخــــوخ والتفاح والرمّــان=وتقطف الـيـوســفـي من عالي اغصانـــه مافايده بـعـدما تـمـشي على العيدان=وتلـصـم الـماء ســبب قــد راحة اسنانـــه الـعـمـر مـشـوار ياغايب تعود الان=ماهــو شـريـط باتـعـيـده تسمع الحانــــه خل الترزّان حبيبك بالحياه مـهــتان=ماحـسّ بـعــــلان ولازاد نــقّـش ابنانـــــه بالعيد زعلان ودمعه جرّح الاجفان=والكل فــرحان مـــع بـعـلـه وغـلـمــانـــه يامـن تناسـيـت عهد الله مع الايمان=حاسب ضــمـــيرك بلا غفله ومجنانــــــه الظلم ان طال دمّــر كل ذي إيـوان=مــن يـزرع الهجر يـحـصد نار هجرانـــه راجع حسابك وتب واستغفر الديان=واطلب مـن الله يـجـود عـفـوه وغفرانــــه هذه رساله على شانك غصين البان=لكل غايب عـــن الاحــبـاب واوطـــانــــه خذها نصيحه ولا قصدي يكن زعلان=مـن كان يـــريد يـحـتـفـظ دينه وايمانــه واســتغفره ربنا من زلّة اللّــســـان=هــو واســع الـمـغـفـره يلطف باحـسانـــه والختم اصلي على السيّد ولد عدنان=ماحــنّ رعـده وســالــــة كل وديـــــانـــه جوابي على ابو حيدر
بدأت بالـقـول بسم الواحـد الديّـــــان=من عم فضله على خلقه وسلطـانــه عـــزيز قــادر صفاته مابها نقصـان=ساتــر لعبده وقـد جاهــر بعصيانــه وخالـق الكـــون بالتقدير والمــــيزان=والـشمس تجري بتقديره وحسـبانــه والكل خاضـع لسلطانــه بـلا عصيان=طالب لعـفـوه وتطهيره من ادرانـه رافــــع سمائـه ومن فيها بلا عـمـدان=والكـون شاهد على فضله وإحسانه يالله سالتك تزيل الــهــم والاحـــزان=عبدك مقصّـر وانت اعـلم بإيمانه مالي ســوى قرع بابك ياعظيم الشان=ننعـم بـقــربك مــع الجنّات وافنـانـه وزيل عنّا هـمـوم الـبعـد والـهـجــران=يامـن تفضّل بمحي الشرك واوثانـه سلام بالالف عاجل من ابـــو مــروان=بالعـود مختوم يرسلها على اوزانـه مع التحـيّـــه لشاعـرنا ابـــو بــــدران=من طاعــه الشعر لـمّا ثار بـركانــه وقال حاضر بـرهــن الامـر لاكسلان=ولا مدافـــع عن المنكر ومن زانـــه صاحب مــواقف واقواله لها بـــرهان=للــحـق داعــم ومايقـبل بخــذلانــه من ساند الحــق ما ينظر من الزعلان=ولا المكابــر باصـــراره ونكرانــه ناشد بقـوله سجين البعــد والهــجـران=يحاسب النفس كم ربحه وخـسرانـه بنصح واضح وضوح الشمس للاعيان=والـديـن اغلى مـن الدنيا واثـمـانـه لـمـن يبالغ بطول الهجـر والنسـيان=وطــال هـجـره مـع غـفله وشيطــانـه نسى المودّه وجازى الصبر بالنكــران=وكان واجب جزا المعروف عرفانه وباقي احزان عن وضع العرب ذي بان=خاذل فلسطـــين متناسي لإخوانه وصارت القـدس تحت الظلم والطـغيان=خاضع مكبّل مـع شعبه ونـســـوانه ومن يدافع على عرضه طــلع غلـطان=عالم منافق مـع الظالم وأقرانه الذل والمـــوت للمظلـــــوم والعــدوان=أو يخرج البحر يسكـن بــين حيتانه والغازي اليوم أصبح مــالك الاوطــان=يحكم بطرده وتشريده من اوطــانـه يصبح بلا ارض يسكنها ولا عــنـوان=ومـزّق الشعـب بين اهلـه وجــيرانـه لا صــبر للغازي المحتل والـعـلـمــان=واحـنـا صبرنا على ضربـه ونيرانه وعاد بـغـداد حـاكمـها هـــو السـجّـان=جبان شيعي نزل يقطع بشريـــــانه للغـزو بارك عميل الامس والخـــوّان=واليـوم يشرب كؤوس الذل والوانــه يستاهل الذل مــادامـه طلـع فـــرحان=حصّـل جــــزائه على زوره وبهتانـه وفيهم ابطال تصمد مثلما شمسان=مـايقـبـل الـذل مهـما طـالـة ازمـــانـه سجّل بطولات ما تنسى مدى الازمان=وجـرّع الغزو مـن كأسـه وفـنجانـه ســلام مني لهم مــا شنه الامــــزان=ونسـأل الله دحــر الظلم واعـــوانـــه والختم اصلي عدد من سبّح الرحـمـن=وعدّما بالمصاحف خط قرآنه على محمد حبيب الـــواحــــد الديّـــان=وكلّما الطير غرّد باجمل الحانـه يامن جماله سحرني وقلبي صار به مفتون ( نظمت هذه القصيده على طلب احد الاخوه الاعضاء
انا بخط الوفى ماشي وحبي دائماً موزون=وانظم ابيات من قلبي واوزنها على الميزان يماني الاصل اهل العزّ شاعر دربي الميمون=وبالسياسه انا شاعر وقافي سابق القيفان اصوغ شعري لمن حبه بداخل مهجتي مكنون=وله فؤادي هَدَيِته وقلبي صار له بستان ومن جماله سحرني وقلبي صار به مفتون=وفي قوامه دهاني واصله من جبل جيزان وزاد طرفه رماني وصوّب سهمه المسنون=وسابني بالجروح العميقه بالهوى مهتان يا ليت لك قلب يوحي بحبك كم انا مجنون=وكم غيابك وهجرك تسبّب لي من الحرمان خاصمت نفسي ببعدك وجسمي بالسهر موهون=وطول وقتي متيّم ونا من غيبتك طفشان اوقعتني في حبالك وقلبي صار لك مسجون=وانا الذي دائماً كنت مستعصي على السجّان ما حد بقلبي سكن قبلك وقلبي دائما مضمون=ولا بقلبي دخل غيرك وحبيته سواك الآن واليوم هايم لوحدي ودايم منكسر مشجون=وصار شوقك بقلبي يفجر مثلما البركان عجّل وصالك بسرعه وخلص قلبي المرهون= بيوم وصلك وتسعد من عياه الشوق والهجران اوفيت لك من جنابي وما خليت لي مخزون=عساك توفي بقربك وتذكر صاحب العرفان وتذكر ايام من يمسي ببعدك دائماً مهنون=يصارع الشوق في قلبه وحزن البعد والنسيان عن فلسطين(بدء ابو حيدر)
ابدأ القول باسم الاله الكريم=خالق الكـون مبـدع بصنعـه حكيـم فرد منّان واحد بعرشه مقيم=حـي معبـود ماشـي لحكمـه ردود بعد بالله ياهاجسـي لاتنـم=هـات دفتـر وهـات الـدوه والقلـم واكتب الله اكبر بـراس العلـم=للشهـاده يمنّـى ويطلـب حمـود مرسلي قم توكل وشد الرحال=شل خطي بسرعه لسيد الرجال بالسلام المعطر لولد الجمال=من له القدر فايق لكل الحدود واساله عن فلسطين ارض النضال=يشرح الوضع حول الغوى والجدال من تسبّب بزرع الفتن والقتال=وانقله لي مفصل بحسب البنود هيّئ السير ياصاحبي بالعزوم=جدّد العـزم وانهـض تـزوّد وقـوم واطلب العزّ بالجنّه اعلى رقوم=حور الاعيـان فيهـا وجنّـة خلـود واعبر البرّ والجو والبحر عوم=ماعلينـا حواجـز ولابـه رسـوم ترّك الحزن سيب البكا والهموم=ارضنا ارض الاسلام مافي حـدود واصل السير لاقدسنا لاتميل=شوف الاقصى وغـزّه وبيـت الخليـل بلغ ابطال غزّه سلاماً جزيـل=والحـذر لا يسامـح ويئمـن يهـود قدسنا ماننازل ولا له بديل=قل لصيهون مـن السابـع المستحيـل هي بلدنا ومهما نضحي قليـل=يرحلـوا الغـرب ولا بـلاد الهنـود ماعدوّ عاد من بعد مكره صديـق=الله الله ياشعبنـا اصـح وفيـق واذكر ايام خالد مع المنجنيق=كان واحـد وشـدّي عليهـم شـدود اين الاسلام منّا مـع جيشنـا=كـم ملاييـن صرنـا مـع جمعنـا ياحيانـا مـن الله وياويلنـا=الملاعيـن قامـوا واحنـا رقــود قدسنا اليوم مخذول من دعمنا=كانـت النـاس مـن قبـل تهتابنـا كان كسرى وقيصر خاضع لنـا=خافـوا الله والنـار ذات الوقـود وحّد الكفر صفّه وشل ارضكم=شلوا النفـط والغـاز مـع دوركـم خلّوا البرّ والبحر مرسى لهم=شرّدونا وقالـوا لنـا اصحـاب هـود لامتى الصبر قد زاد همّي وغـم=زاد كربـي وزاد التعـب والالـم حين الاقصى ماسور ثالث حرم=تحت قبضة ايـادي عيـال القـرود قدسنا اليوم يشكي بكثر الالـم=صابـه السـلّ واسقامهـم والجـذم زاد بالكبد حقّه تضخّم ورم=اين الاسعـاف وويـن الـدوا والمـدود الجهاد سار للدين ذروة سنام=كان واجـب علينـا نضحـي لـزام لكن الامر بيد الزعامـه تمـام=فرّقونـا فصائـل وسـوّوا قيـود ياالهي سألتك بحـق الصيـام=والكتـاب المنـزّل وبيـت الحـرام تنقذ القدس وساداتها والكرام=يامن الامـر بيـدك بفضلـك تجـود ليت والله يارب وبه لي مجال=اعبر الجو والبحـر واشـق الجبال واشفي النفس منهم بضرب النصال=من يهود الملاعين عيال القرود كم شيوبه تقتل وكم من جهال=اين حسنـي وبشـار وينـه طـلال اين يمنّا ذي هم رجال الرجال=اين قابـوس واينـه ملكنـا سعـود عاد شي احساس معاكم تعينوا حماس=شي معاكم منبّه يطير النعاس العدو عاد يضرب بشدّه وباس=قوموا الان من كـان مسلـم يجـود كم مآسي نجرّع هنا او هنـاك=واليهـودي يخطّـط لنـا بالهـلاك من يبي سلم قالوا له ابعد كذاك=مايريدوا للاسلام بارضـه وجـود واختم القول بكثر الصلاه والسلام=للمشفّع بيـوم الفـزع والزحـام ماتغنّى على الدور طير الحمام=عدّما البرق يلمـع وحنّـة رعـود رد ابو عمار *******************************
خيرما نبتدء به بذكر الرحيم=باسط الارض محيـي العظـام الرميـم من هدانا لنهج الطريق القويم=واجب الحمـد والشكـر رب الوجـود من يطيعه ويخلص وقلبـه سليـم=بـارك الله سعيـه بجنّـة نعيـم طاب فيهـا مقامـه بقـرب الكريـم=نسـأل الله توفيقنـا للخلـود ومن تكبّر على الله يصبح خصيـم=تحرقـه نـار خلاقنـا والحميـم نال فيها جزائه لأنه عديـم=قابـل الفضـل مـن ربنـا بالجحـود يامراحب ببو بدر خير الزميل=شبل تبع وحمير وشاعر اصيل من يناشد لنصر البطل والاهيل=والأسيرات ذي هـن سبايـا القيـود واثني القول نوصل جميع العلوم=نخبر الكـل مـادار بيـن الخصـوم بين صهيون عاود علينا الهجوم=والمرابط بـأرض الوفـى الصمـود نشرح الوضع كله بعاجل خبر=مـن فلسطيـن ذي شعبهـا بالخطـر نؤخذ الدرس من ظلمهم والعبر=وانقله لك مفصّـل بحسـب البنـود تسعه ايّام ماحـد عليهـم سأل=ايـن حـقّ الاخـوّه وأيـن الزعـل من لهـم غيرنـا ينقذوهـم بحل=ليتكـم يالزّعامـات تحـت اللحـود اعلنوا امس خطّه لرفع الحصار=يعطوا الشعب حق الثقـه والخيـار ينتخب من يناسب لصنع القرار=حق شرعي ونصبح عليهـم شهـود صوّت الشعب كله لصالح حماس=شعب واعي ويعرف شروط الاساس وقت كله صعوبات يحتاج ناس=تخرج الحـق رغـم العـدو اللـدود كبّر الشعب كلـه وهلـل وثـار=قـال يهنـاك ياشعبنـا الانتصـار بعد فوز المرشح هنيّه وصار=من يقود المسيـره بحسـب الوعـود كان موقف مؤثر بارض اليمـن=بعـد بـثّ النتيجـه علينـا علـن قلت يهنا فلسطين دحر الفتن=سار عهـد التّسلـط وعهـد الجمـود أصبح الغرب مجروح منهم مصاب=بعد بثّ النتائج بعكـس الحسـاب واصبح الدعم ذي يوعدوهم سراب=هكذا الغرب طبعـه علينـا حقـود كان حاسب يفوز الصديق العميل=ماحسب نخوة الشعب ذي هو اصيـل من يخونه ويصبح لغيره دليل=مثـل دحـلان يرميـه خلـف الحـدود باشر الغرب تقسيم شعبه فرق=بين صالـح وخـارب وشلّـة سـرق والعميل المراسل بكثر الورق=سبّبوا قتـل الابطـال ذي هـم اسـود بعدها بـان مكـر العـدو اللدود=ناهبيـن الكرامـه عيـال القـرود يهلك الحرث والنّسل ماله عهود=والزعيـم المناضـل يـزفّ الوفـود واجه الشعب مكرالعدو الهزيل=بالتوكّـل علـى الله مـن هـو كفيـل ينهي الظلم ذي صار وقته طويل=بالتحرّر ودحـر الخـون والقـرود واصبح المكر ماله عليهم سبيل=بعد كشـف الحقائـق ونفـي العميـل بالشدائـد يبـان الوفـي والبخيل=والخيانـه عليهـا علامـات سـود رغم كل المآسي وكل الكرب=قتل في كـل ساعـه ولا حـد شجـب والتآمر يطوله وزاد التّعب=بيـن حجـز المعونـه وقطـع الوقـود سجلوها ملاحم بمـاء الذهـب=رافعيـن التّحـدي امـام الغضـب نفدي القدس فيما نشـد او طلـب=نحفـظ امـلاك آبائنـا والجـدود حق شرعي نظحي على المكتسب=ارض ولا عقيـده وامـره وجـب مالنا دخل في من سقط او هرب=نصدق الله ونبـذل جميـع الجهـود خل عبّاس يعبس على ما ندب=كم من امثـال عبّـاس بيـن العـرب حبّهم للكراسـي علينـا غلـب=مايراعـوا لخلاقنـا مـن عهـود قام يعقد تحالف مع من نهـب=ارضنـا والكرامـه وعـاده خطـب قال حكام غزّه عليـه انقلـب=بـاع نفسـه بكثـر الـورق والنّقـود لاتاسّف وتحزن على من ذهب=كل عمـره لخدمـة عـدوّ العـرب ودّعـه ياصديقـي رمـال النّقـب=ليـت والله مـازاد حتـى يعـود نسأل الله ينصر ويحمي حماس=من لهم بالمياديـن سطـوه وبـاس ينزلون العقوبات حسب المقاس=شبل منهـم يعـادل مئـآت اليهـود واكتفي بالضراعة لواحد جليل=يشفـي الغيـض ذي داخلـي والغليـل كل كافر وصهيون وابن العميل=يصلي النـار فـي روسهـم والجلـود اختم القول في كل ساعة اصيل=رب صلي على النور هـادي السبيـل من صلاتي وحبي بحقـه قليل=عدّمـا الخلـق تنـزل لعـزّك سجـود العشق ماعمره روى ضمئان او اوفى صديق
يامن على العرش استوى=ومكـرم البيـت العتيـق يسّـر لعبـدك مانـوى=من خير او ينصح صديق قهري على من قد غوى=وصار في كربه وضيـق سابـح بأحـلام الهـوى=ياليت من نومـه يفيـق مسكين كم نفسـه شـوى=بدون ان يشعل حريـق ياليت يسمعنـي سـوى=من قبل ان يصبح غريق العشـق ماعمـره روى=ضمئان او اوفى صديـق ولا لاصـحـابـه اوى=بل زادهم غربه وضيـق وفوق هـذا قـد حـوى=للخزي والعيش الزهيـق ياسعد من هو قـد نـوى=للبعد عن هـذا الطريـق وشـد عزمـه والقـوى=نحو المعالـي والعريـق وعاد شعري ماانطـوى=باقي نصيحه من شفيـق يالعاشقه عـزّك هـوى=في وادي العشق السحيق واليوم عرشك قد خـوى=صرتي رخيصه كالرقيق ماشي باشعـارك سـوى=وصف الرشيقه والانيـق يلعب بحالك مـن زوى=نفسه وهو اجبن رفيـق فـلا تظنـي ان عـوى=إنّـه بيبكـي او شفيـق الذيب طبعـه ان عـوى=يعوى لتجميـع الفريـق مالي قرابه بـك سـوى=تحذير من شر الطريـق ومن وقع بـه واكتـوى=يجني النياحه والشهيـق وصفت لك شر الغـوى=وجبت لك عروه وثيـق واجب نساعد من هـوى=حتـى نعيـده للطريـق من منهل الدين ارتـوى=للخير ندعم مـا نعيـق صلوا على من قد ضوى=نوره وذكـره كالرحيـق سلامي لاصحاب العزيمه
سلام منّي الف تتبعها الوف=لاهل القلوب الصادقه واهل العزيمه من سطّروا التاريخ في انصع حروف=من يطلب العليا يصبرها بقيمه مثل الجبل صامد على مرّ الظروف=وكل يوم يزداد عزمه والشكميه وقدّموا للدين والغافل عكوف=وكل همّه يفترس صحن الوليمه كم نوّروا بالعلم في وقت الكسوف=وربوا الاجيال بالفكر السليمه جيل التقى والدين قد جاؤوا صفوف=دكّوا قلاع الظلم والجهل القديمه قالوا قـسم بالله ماغيره نخوف=ولا نسامح من يغنّى بالذميمه لا بد من تعزيرهم داخل كهوف=مادامهم عادوا لما عادت حليمه مايعرفوا ان الخطر قد جايطوف=يريد حرق الدين في غفلة جريمه نحن صناديد العرب شمّ الانوف=مانقبل الاذلال او لحظة هزيمه نمشي الى العليا على شفر السيوف=ومن يواجه دربنا يصبح رميمه هذا شباب النصر لا شعب العزوف=مايقبل التقليد او يقبل سديمه العلم والايمان هم خير السقوف=لمن يريد العز في عيشه كريمه مكاسب وخسائر الشعب (( بمناسبة عيد الوحده اليمنيه))
سبحان الذي رحمته توسع كل شيء أوجده=كم أصبغ علينا نعم بالظاهر وكم بالغيوب من يرفع يده للسما يطلب ما اراد اسعده=ما ترجع يده خائبه حتى لو كثير الذنوب حمداُ له إلهي عدد من سبّح ومن مجّده=بالسبع السماوات ذي ما مسّه بهن من لغوب في ذا اليوم شعب اليمن نال الحلم ذي ناشده=نحمد ربنا ذي جمع بعد التفرقة والحروب سبحانه وما أعظمه ذي سهّل وذي وحّده=خلّ الشعب واحد ابي لا فيها شمال او جنوب كم عاشوا بظيق النكد في عهد الذي شرّده=خلّ المجتمع جاهلي غارق في بحار الكروب نذكر فضل من ساهموا بالوحده ومن مهّده=اوّلهم رئيس الوطن له تقدير كل الشعوب نثني فضل من دمّهم وحدة شعبنا أتعمّده=من ماتوا ليحيى الوطن واحد يلتحق بالركوب بانثلث بشعب الوفى يهنا العيد ذي عيده= شعب التضحيه والفدا من حبه علينا وجوب اصل العز والحريه من صدّر ومن وردّه=نفخر به وفي عزته ما يقبل بكيد اللعوب من اوفى بحق الوطن حسب العهد ذي عاهده=عبره كافيه يعتبر من كانة معاهم قلوب والجيش الابي من دعم وحدتنا ومن سانده=قالوا لا لفصل الوطن والخاين لجأ للهروب كان الدرس فيما حصل بعد النصر ذي جسّده=إن الحق ما يستلب ما دام المطالب غضوب حقّق شعبنا وحدته وانهي الغدر ذي هدّده=صار الشعب كله نقي ماشي بيننا من يشوب هذا ما حدث حينها والواقع لنا أكّده=قد زال الخطر وارتحل واعلن مسقطه والغروب لكن ما حصل بعدها من كثر الغلا نّكده=واصبح في كرب ثانيه بالديزل وسعر الحبوب قد كل الوطن يحتضر والتجويع قد رقّده=واموال الوطن تنتهب في يد الخون والجيوب باننصح زعيم الوطن يوفي العهد ذي جدّده=يتحرّك لوقف الفتن من قبل اللظى والنشوب يبعد كل مؤذي علن حسب الوعد ذي أوعده=قال الشعب باينتعم والسارق وعدنا يتوب واوعدنا ديمقراطيه للشعب الذي ايّده=لا توريث لا تفرقه بانصلح جميع العيوب واليوم النتائج غلط عكس القول ذي ردّده=والاوضاع مترديه والتجريع ينزل سروب والبنيان ذي اسّسه لا كمّل ولا شيّده=والدستور ماله أثر لا نايب ولا من ينوب بومروان قال الصحيح لا نقّص ولا زيّده=ماقصده يثير الفتن او تجريحكم والسبوب لكن الوقائع تقول الايام قد سوّده=أموال الوطن ضايعه والإعصار ينوي الهبوب والتعليم اصبح فشل والاهمال قد قيّده=والجيل الذي ننشده فاجأنا بكثر الرسوب خط التنميه قد وقف وانت اخبر بمن جمّده=ننصح ان تعيد النظر من قبل المشاكل تجوب لا ترضخ لنفسك أبد لو تطمع ولو راوده=نرجو ان يكون الوطن في قلبك بكل الدروب وانظر من ملك قبلنا حب الملك هل خلّده=صار القبر هو مسكنه يتوسد حجاره وطوب عاد الحزبيه ضرّنا والاحقاد قد ولّده=تزرع تفرقه بيننا فوق الفقر زاد الصخوب باقي قولنا بالشِّلل في مرّان ذي صعّده=يشتونا نرد الإمام يحكم شعبنا بالجلوب تتربّص لزرع الفتن بين الناس واتمرّده=ماله حق ذي يطلبه غير المترسه بالشعوب واحنا قد عرفنا العدو ذي يدعم وذي ساعده=ذي قدم جميع المون خلاها ملان الصلوب لا يحلم بنيل الوطن قد ابوابنا موصده=الشعب اليماني ابي ما يضحك عليه الكذوب مادام الشلل مارقه اتربّة على اليهوده=نشطبهم من القائمه ما نسمح لهم بالقروب نختم بالتحيه لكم ما تزجل وما غرّده=بالوادي طيور الربا باللحن الشجي والعذوب صلينا على المصطفى ما فيض الغمام اورده=من يشفع لنا من لظى في يوم الجزا والمثوب حزب المؤتمر الحاكم بين معارض ومؤيد( بدء ابوعمار)
يالله سـالـنـاك فـــــرّج هـمـنا والـغـم=وخلّص الشعب من جلاده المسؤول من جــرّع الشعب كأس المرّ والعلقم=وفاق ظلمه حدود الصّبر والمعقول وبعد يامرسلي عـجّـل بما يلزم=وانقل تحيات من اعماقنا مجزول يوصل لعبده حسن بالعود والبلسم=مع احترامي وكل الودّ له موصول واستخبره من علوم الخيل ذي نسّم=ماعاد يصلح لخدمتنا ولا تحمول نملك معدّات افضل منّها واعظم=واصبح الخيل من خط العمل مفصول ويشرح الوضع حسب الحال ذي يعلم=نحاسب الخيل كم روّح لنا محصول وين المشاريع ذي عـدّد وذي رقّـم=بالانتخابات فصّل كل شي تفصول وقال كم شهر تتوزّع وتتعـمّـم=واصدرت لك امر فيهن ساري المفعول وبـعدما نال مايبغي وما يحلم=حـمّـل حمادي ثمار العاقبه مصمول نزل جرع للمجامل والذي خاصم=وزاد الاسعار فوق السابقه مدبول طابق عليه المثل محجم بظهر اعجم=وصار محتار مايفعل وهو معلول وعاد الاوضاع تتدهور وتتفاقم=وشعب مهتان يمشي في نفق مجهول كم يافضائح امام الله والعالم=والخافي اعظم من المسموع والمنقول وعاد الانباء ذي جائة لنا تزحم=امسيت حيران من هول الخبر مذهول عشرين مليون بالدولار تتسلّم=تحـوّلة من وزير النفط والبترول ليد مسؤول ياكلها ويتنـعّــم=والشعب مسكين مابين الحفر مهمول كانة كفاية لدفع الفقر ذي خيّم=واصبح الشعب يحلم بالكدم والفول واللوم كلّه على من كان له يدعم=من خلي الامر في يد السرق موكول من يهدي الصوت للمسؤول وابن العم=وسـبّب الكارثه بالفقر والتعطول يستاهل الجوع مادامه لهم بـصّـم=وقام يقطع وما حـسّّـب حساب الطول ماينفع اليوم لو يبكي ولو يندم=يستاهل اضعاف مادامه طلع مخبول كم حذّر الشمس كم درّس وكم علّم=قال احذر الخيل خله في قفص مقفول لا تترك الخيل وحده دونما ملجم=بيهلك الحرث مايترك لنا مأكول إن جاك معروض شيله واحسبه مغنم=لا تتركه للطياشا يغنمه مشلول صوّت لاهل الوفى والدين ذي يهتم=يوفي بوعده وسيفه للخون مسلول لكن خساره طلع فاشل وله سلّم=لمّا ضحك له وقدّم له خبر معسول اوصيك ياخي تشد القيد لا ترحم=خل المواطن يذوق العاقبه مغلول وعاد من جاك يشكي زيد له ملطم=خلّه يروّح من اللطمه عيونه حول واختار له ياصديقي حلة المتلم=وسبّره بالسهيله في رفد مذبول عساه يسبر مع الايام او يفهم=يكون له امر بالطلاع والتنزول عاده بحاجه لخبره كيف يتنظّم=يكون يعزل ومايصبح هو المعزول شفني وبوبدر في مبدأ وفي مختم=نعارض الوضع مانقبل سوى المقبول والعدل والظلم طول الدهر في مزحم=حب الطمع والتسلط بالبشر مجبول ومن يعارض لما قلناه يتقدّم=مـع دليله من المنهوب والمزدول وكم مصانع من البترول والمنجم=وكم مشاريع ذي نـفّـذ من المدخول ومن تسـبّب بكسر الظهر والمعصم=ببيع الاطفال للجيران في ايلول ماشي مصانع سوى هايل سعيد انعم=يصنع عصائر وخالط نصفها محلول والسوق سوقه مع التجّار يتحكم=وقال نفخر بصنع السمن والمعمول من كان له قلب ينبض بالوفى والدم=يساند الحق لو جائه وهو مخذول ومن يطاول على نهب الوطن واجرم=يريد دفنه ويقتل حلمنا المأمول اخذ جزائه بما خـطّط وما صمّـم=بلا وساطات تحميهم ولا تعدول ومن يجامل مع الغلطان كان اظلم=يبيع دينه ويصبح في يده مقتول واختم صلاتي على المختار والخاتم=من حارب الشرك بالبرهان والمدلول وكلّما الرعد يوعد بالسما واردم=ويصبح الوعد وافي والبلد مسيول حواب عبده حسن الحالمي
يامن بالاسرار انتـه خيـر مـن يعلـم=يامن على العرش في يوم القاء محمـول يوماً نـرى كـل فاهـاً مقتفـل ملجـم=وينطق الساق خاشـع طايعـن ممثـول اكتب لنا الخلد يـوم الكـل مـا يضلـم=يوم الخلافات كامـل امرهـا مفصـول مليار مرحب عـدد مالرعـد يتزرجـم=واشتل براق من جوف السحايب طـول ترحيب عاطر بشاعر محتـرف ملهـم=يـوازن العـود لابرليـن لا اسطنبـول ابن الجمال الذي فـي صحبتـه مغنـم=وهاجسه ينحتـه فـي درهـا واللـول من ساير الجيد مـا يأسـف ولا ينـدم=بارجع الكاس من يمنـا يـدي مدبـول الحالمـي قـال يالهاجـس معيـا سـم=انته اميـر القوافـي قايـد الاصطـول في سرعة الصوت شل الخط يـا هيثـم=يا صقر الاجواى قدك من جانبي مرسول بلـغ تحيـة لبـو مــروان تتقـسـم=مع الجـواب المسـدد فصلـه تفصـول باردلـه بالتسلسـل حـسـب مـاقـدم=وبختصرله جوابـي مـا يفيـد الطـول خيـر الكـلام التحيـه قـال ذي سلـم=ما دام واخـوان محـد بيننـا مجهـول والشعب يا صاح في يسرى يـده بصـم=عشرين مليون واكثر ما بهـم مخلـول كلن مع الخيل الاشقـر بالوسـط نظـم=وادلا بصوته وهو عن ما حصل مسئول والمؤتمر ع خصومـه فـاز واستحكـم=حزب الوسط يـا صديقـي دايماًمقبـول والشعب في مصلحته خيـر مـن يعلـم=لو يرجع الحزب بي شق المسيره طول وحزب الاصلاح مثله با يكـون اظلـم=اعمل دراسـه وناقشهـا فـي المعقـول لا تحتسب جمعهم شبه العسـل والسـم=وجبه شهيـه وفستـق فوقهـا معسـول لو يوصل الحكم اليهم بانكـون اعظـم=ويصبح الجنب الايسر محترق مشلـول والي بذا الوقت ينطق با يصيـر ابكـم=واصنج وتصبح عيونه من عملهم حـول الحوث خيرن لنا من جمعهـم وارحـم=لانه من اتباعهـم بفكارهـم مسطـول ام الغـلا بالمحيـط العالـمـي خـيـم=انظر نيورك كيف سعر الغاز والبترول وارض اليمـن بالغـلا لا بـد تتأقـلـم=بالي وعقلي مع شعب اليمـن مشغـول الشعب ذي ما مثيلـه بالشعـوب اكـرم=ما ريد اشوفه بلحضه منحنـي مذلـول باسانـده دايمـاً فـي كـل مـا يلـزم=ومن وقف في طريقه ساعـده مغلـول واناشد اهـل الوفـاء والقايـد الملهـم=يقطع رقاب السرق في سيفـه المسلـول تصحيح تصحيح يا صقر العرب ملـزم=لن الوباء منتشر مطلـوب لـه محلـول العنصـر الجيـد يتـرفـع ويتـرقـم=وكـل فاسـد اداري بالعجـل مفصـول القايـد الفـذ ذي حــدد وذي رســم=ووحد الشعب وتجـاوز قضيـة كـول خل اليمن بعـد هـول الدهـر يتبسـم=وكل غالي لاجلـك يـا يمـن مبـذول محنا مع مـن فـي التشطيـر يتوهـم=انته معي يا صديقي قـول رايـك قـول وحـدة بـلادي بقلبـي كنهـا منـجـم=اسس بها الشعب والثـوار مـن ايلـول صداقهـا والمأخـر مـن صفـايـح دم=بيضاء وحمرا ومن راهن بها مخبـول صـلاة تغشـى النبـي الامـي الخاتـم=شفيعنا يوم بـاب التـوب بـه مقفـول
_________________  |
|
#2
08-04-2008
| ||||
| ||||
 رد: ديـــــوانـــي الــشــعري رقـــــــم (( 1)) دعوه لدعم المشترك (بدء ابو عمار)
يقول ابو مروان مهما الوقت دار=واجب علينا كلنا مثله ندور لما يوازي شعبنا خط المدار=ويصبح الوضع الذي نشكي سبور والمشترك عازم بتصليح القطار=مهما تكلف من خساره او أُجور حتى يردّه من طريق الانحدار=ذي كلف الشعب المجاعه والدبور هذا شعار المشترك في كل دار=برنامجه وافي وماشي به قصور ما هو كأمثال الذي كلّه هدار=رافع شعار العنجهيه والغرور واحنا عزمنا ندعمه في ذا المسار=نعيد للشعب الكرامه والسرور وبعد يا مرسول عجّل بالبدار=سلم حليف الليل خطي والزهور من له مواقف شاهده له بالوقار=وله مكانه ساميه شاعر غيور قل له يشاركنا بتعميق الحوار=نطرح دلائل شافيه كل الصدور لكل نايم ما عرف ضوء النهار=عساه يصحا او على شعبه يثور مازال طائع خيل متعثّر وبار=ولا عرفنا ايش يحمل من شعور قد حال شعبي في مجاعه وانهيار=من كثر ويلات المصايب والثبور وصار متبهذل ويحرق بالقفار=وبعدها يرموا جثثهم للنسور والعنصريه ضاربه فينا حصار=وهو مكانه محتفل فيهم فخور ضاع الوطن والوضع ينوي الانفجار=من البواطل ذي على شعبي تمور قالوا تعدد كل واحد له خيار=وشعبنا يحكم ويحسم بالامور وحين شاف الخيل في حال اندثار=رمى بتصليح الوطن خلف البحور وقام واستحكم على صنع القرار=هذه حقايق واقعه ماهي بزور واغرق الشعب المناضل بالبحار=والبلبله ذي سببوها والشرور واجب علينا كلنا نفض الغبار=وننقذ الشعب الذي صابه فتور حتى نحقق حلمنا والانتصار=على التسلط ذي بلانا والقتور واختم صلاتي كلما غرّد وطار=في تهامه بلبل الكاذي فجور وعدّما التالي قرأ بالانفطار= على محمد صاحب القلب الطهور جواب منير السعدي (حليف الليل)
ياخالقي ؛ يا من لك الكون استدار = يا باعث الارواح في يوم النشور الحمد لك والشكر ماحن المثار = واعقب حنينه سيل جرجرها جرور يقول اخو صالح ؛ حليف الانتصار = بالعدل والمنطق جمل فاطر صبور الحق محرابي وداري والضمار = والزور مهما طال تاليته يبور كم هي امم متسلطه خلف الستار = طغت ؛ تعلّت وصبحت تحت القبور واهل الخزاء والدس في مجلس ضرار = حاكوا دسائسهم وبائت بالفتور وانهار كسراء والملك قيصر وسار = وكم مماليك انتهت عبر العصور وكل طاغي لو خرج خط المسار = لابد مايحصد من اعماله شرور والان يالهاجس معي قل باختصار = لا والف لا للظالمين اهل الغرور هابعد قال اليافعي من حيد جار = قلّعة كريمين العطاء كمّن غيور من فوقها ترحيب مني حار حار = بالاخ ابو مروان من نسل النمور شاعر وله مني تحيه واقتدار =تعم داره والقبيله والحضور انا موافق ما على قوله غبار =جاب الحقائق واضحه من دون زور شرح لنا موضوع واعلنها جهار = ان الفرس معثور في ساقه كسور جزار بيحد الخناجر والشفار = يطعن بهن صدر المواطن والنحور يا كم يواعدنا ؛ مواعيده كثار = ولا تحقق وعد او بصبص بنور حتى اصبحت نفس المواطن باحتضار=من ضنكت العيشه بدأ جسمه يثور ياكم شيوبه كم ارامل بالنهار = وكم من الاطفال في عمر الزهور حالاتهم ماشي لها اي اعتبار = لابارك الله في عديمين الشعور النصب والحيله بمنهجهم شعار = وان تطلبه شي جاوبك بذنين صور لابد ماينهار ابشع انهيار= طبع الزمن دوار والعالم يدور والمشترك باقولها يامستشار = ماقصدنا الا تصبح الدوله سبور احزاب عدّه قصدها سير القطار = يصلح وتسري قافلتنا بالعبور نحو الامل نحو العطاء والابتكار = باهل العقول المستنيره والبكور لكن بشوفه مايجد حق السبار = عالق وحانب في مخاليب النسور مهما عمل لازال بسوار الحصار = وايش اخرجه من تحت بطن الدينصور لكن ومهما صار بلزم لنتظار = قد ربما تصلح لنا بعض الامور والختم صلوا ع النبي قولوا مرار = على الرسول الهاشمي بدر البدور عن احزاب اللقاء المشترك بدء ابو عمار
سألتك يا عظيم الشان ترحم=عبادك من دعاة الجاهليّه وتكفي شعبنا الاحزان والهم=وحكام البلى والعنجهيه وبعد الساع يالهاجس تكلم=نويت افتح ملفات القضيه مع شاعر بوضع الشعب يهتم=نناقش بالامور الداخليّه أبو مالك وشاعرنا المخضرم=واشعاره صراحه منطقيه نعلم كل من يبغي يعلم=ونطرح له دلائل واقعيه تدهور وضعنا والجوع يزحم=وزاد الجهل وفّي بالبقيه لان الشعب من بالجهل ساهم=ويبغيها دراسه منزليّه وتحت الصفر جالس ما تقدم=ومستسلم وراضي بالبليه نصحناه انتبه خليك ملهم=وسيب البنعمه والعاطفيه وشمر قبلما حوضك يهدّم=وتصبح كبش للباطل ضحيه ولكن للاسف شعبي تعيدم=وضع نفسه بفم المدفعيه ترك حقه ووقع له وبصّم=لجهله بالامور المفصليّه جناهن شعبنا خازي ملثّم=لان الزرع حقه من ذريّه وثاني فصل نتأنّا ونفهم=ونبحث له على مخرج بنيّه بخط المشترك نمشي وندعم=لدحر التفرقه والعنصريّه نعلّم شعبنا يمشي منظّم=ويدحر من خطوطه ملتويّه وجب نعمل بهذا قبل نندم=وتصبح مملكة اسره عصيّه كفانا ما حصل او ما تقسم=بوقت المملكه المتوكليّه جزا الله الذي ضحي وقدّم=ليحيى الشعب في عيشه رضيّه وصلى الله على طه وسلم=وآله والصحب خير البريّه جواب الشاعر ابو مالك رسام
إلهـي صاحـب البيـت المعظـم=لك التعظيم مـن مخلـص بنيّـة بنيـة صادقـة مـن قلـب مفـعـم=بحـب الخيـر يرجـوك السويّـة سألتك سيـدي بالاسـم الأعظـم=تسامحنـي إذا جـيـت الخطـيّـة وإذا جيت الخطيـة أنتـه اعلـم=وارحم مـن خطـأ نفسٍ عصيّه فسامحنـي وأعفـو أنتـه احـلـم=ونفسـك سـيـدي عـنـي غنـيّـة وبـعـد ألان حـيـا مـــن تـقــدم=لأبـومـالـك وقـيـفـانـه هــديّــة ألا يـا مرحبـا يـا خـيـر مـقـدم=رفيـع الـذوق واشـعـارة قـديّـة ابـوعمّار حـيـا بــه ويسـلـم=قـدومـه عنـدنـا اكـبـر عـطـيّـة ليتساءل عـن الوضـع المـؤزّم=تـذمـر فــي شـفــاة الأغلـبـيّـة إجاباتـي علـى الواقـع تتـرجـم=أجابه واضحـة مـش أعجميّـة سئمنا من حكومة من طلع زم=نهـب مــال البـلـد هــذا وذيّــة وكل مـا بدلـو يطلـع لنـا الطـم=من الأول واجشـع مـن سريّـة وجوهـاً مـا بهـا عاقـل معـمـم=ولا واعــي ولا بــه مرجـعـيّـة شطارة يحسبون السرق مغنم=لعن راعـي يكـل حـق الرعيّـة عجيبة ناس ماشي عندهـا دم=ولا إحسـاس فيـهـا أو حمـيّـة لهـذا لـن تـجـد فيـهـم مهـنـدم=ولا عـاقـل ولا مــدرك خطـيّـة فقررنـا ومعنـا الكـيـف والـكـم=لتغـيـيـرات حـتـمـاً جـوهـريّـة ليدنـا المشتـرك أبـقـى وأقــوم=ولا هـــذا الـفـلـول الـبـربـريّـة ولـن نبقـى تجـارب مـن تعلـم=خطـابـات الـفـراغ الموسمـيّـة شبعنـا مـن خطـابـات المـقـدم=ومـلـيـنـا كـــــلام الـمـنـبـريـة وقررنا نخـوض البحـر العجـم=وأمـواجــه جعلـنـاهـا مـطـيّــة إلى التغييـر واجـب كـل مهتـم=لـرفـع الـظـلـم عـنــا والأذيّـــة وصلـى الله علـى طــه المعـلَـم=شفيع الخلق في يوم البليّه وهن الزعامات وقهر الشعوب
بذكرك ياعظيم ابدأ مقالي=توكلنا عليك ياخير فتّاح تسهّل امرنا ياخير والي=وتبدل شعبنا المحزون افراح ضميري هات من منبع زلالي=بقول الحق لا تخجل وتنزاح فقول الحق يوصل للمعالي=وكتمه قتل للامّه وذبّاح ونكشف كل ماكر وانتحالي=نشرشح بالخون من حال شرشاح زعامتنا ولا فيهم مثالي=سوى القلّه على دينه ونصّاح وباقيهم مبرمج شبه آلي=لخدمة غيرنا ساعي وكدّاح وما تفعل ..... اضرب مثالي=لصهيون انحنى خادم وبرّاح عدوّ الله غاصب واحتلالي=ويركع له على سب التمصلاح باستقبال رسمي واحتفالي=وعاده مفتخر يمشي تبجّاح بلانا الله بهم شرّ الموالي=ولا فيهم لدرب الخير مفتاح ولا خلّوا لنا من قلب سالي=خيانتهم ملان الارض فوّاح على الكرسي يضحّي كل غالي=وطيّح شعبه المسكين طيّاح وعن وضع اليمن بثني مقالي=نفهّم كل من يحتاج وضّاح وجب وقف المجامل والموالي=ونلجم كل متطفّل ومدّاح سفينة شعبنا في حال بالي =ومحتاجه الى كبتن وملاح وزاد الفقر ظلمي واعتزالي=حكومه خاربه تحتاج صلاح صنعها المؤتمر جابة وبالي=تجرعنا الغلا في شكل لقّاح وضع نفسه هو الحزب المثالي=وامطرنا وعوده بالترشّاح واصبح كل ماقاله خيالي=وعدنا بالصّدف واوفى بتمساح جرع تنزل علينا بالتوالي=وصاحبنا قرير العين مرتاح يفكر طول يومه والليالي=بتوريث الولد سرحه وروّاح وساب الشعب في وضع اقتتالي=ويسمع كل متربّص وقدّاح يثيرون الفتن هذا شمالي=بأموال الوطن تاجر وسوّاح واموال الوطن يزعم حلالي=سباره كلّها لحمه وتفّاح وانتم فقر لايح مثل مالي=وطول الوقت متدهور وفلاح ويرجع عندنا ينشد خصالي=وخل الشعب يلهب فوق ضحضاح وكل الشعب من خيرة رجالي=وللوحده يقدّم كل الارواح ولا فينا عميل او انفصالي=طردناهم بداخل نهر سبّاح مجوّر هو سبب كل انشغالي=اساسه ذي وضع يحتاج صحصاح وجب نقده باسلوب اعتدالي=بلا فوضى تمزّقنا وقرّاح تظاهر سلم لا حشد انفعالي=نلوّح له برفض الشعب لوّاح كذب وقت الترشّح بانتشالي=وتخليص الوطن من كل الاشباح وطبع الشعب مسكين اعتجالي=نسي ضربه وعاد الجرح قيّاح وذاق المرّ والصبّار حالي=وعاده امس يتالم ونوّاح نصحناه اذكر ايام الخوالي=وكم حصّلت من لطمه وتنّاح وشوف الوضع في حالك وحالي=وخليك السذاجه والتسحساح امنته قبل في خيرة جمالي=فضيعهن وما روّح لنا ارباح فقرر شعبنا امر ارتجالي=حسبها مزرعه تحتاج قلاح وبعد الفوز واجه نار صالي= وكان العاقبه نكبه وشرّاح ولكن لاهنا يكفي اغتلالي=وباقي وقت نتعوض بما راح ونطرد كل من سبّب نكالي=ونعزل كل خاين دون جرّاح اقول اليوم يومي والقضا لي=لدعم المشترك صوتي والاصلاح انا حرّ انتخب من هو ببالي=كفانا بالتبرّك والتمسّاح صلاتي توصلك يا صرح عالي=ويا من للهدى والحق مصباح وما الايام تعقبها الليالي=ويسفر بالفلق يومه والاصباح المؤتمر والجرع الاقتصاديه(بدء ابو عمار)
يارب حـمـداً عـدّما عـبــدك تـنـفّـس=وكلما بالكون من جـنّـه وانـسـه وكلّـمـا صبحـك اتى والـليل دمّـس=وعـدّما الايام تـتـعـاقـب وشـمـسـه ســـلام مـنّـي لك ابـو حـيـدر مـخـمّـس=بانـرسـلـه بالـعـود والريحان غـرسـه ونـنـقـل الاخـبار عـن شـعـبي الـمـحـبّـس=حـبـس الـمـجـاعـه ذي بدأ يبطش بـفـأسـه دقّـة نـواقـيـس الخـطر والشـعـب فـلّـس=والـعـزّ تـتـسـاقـط حـصـونـه فـوق رأسـه ماحد بيحـسـب شعب يتلوى ويلبس=ثوب المجاعه غير لقـمـه تحـت ضـرسـه والـفـقـر جـاهـز للـمواطن قـد تـمـترس=ناوي على قـنـصـه وتـصـويـبـه ودهـسـه وكل امـوال الوطـن جـالـس تـكـدّس=والـشـعـب مـتـجاهـل حـقـوقـه بل ونـفـسـه مايـعـرف ان لـه حـق واجـب بل مـقـدّس=يـحـاسـب المـحـتـال عـن قـرشـه وفـلـسـه والـدين فـوق الـشعـب يتـراكـم وكـرّس=يقول له تاريخ في حـدّه وحـرسـه بـعـد الـتـوحّـد ذي حـصـل قـلنا تـنـفّـس=شـعـبـي وزال الـهـم مـن قـلـبـه ونـحـسـه وبـعـد دحـر الانـفـصـال الكل عـرّس=لــربنـا مـجّـد وكـبّر يـوم عـرسـه وقـال شـعـبـي وقـتـها إن قـد تـدرّس=يـأدب الـخـايـن بـتـعـلـيـقـه ودحـسـه هـذه حـقـيـقـه واضـحـه ماشي مـلـبّـس=لكل مـن يـظـهـر عـدو يـشـويــه بأسـه لكـن تـولـوا كل فاسـد قـد تـمـرّس=على الـتـخـفّـي والـضـمـيـر الـحـيّ لـبـسه مـاظـنّـه الا بالـعـمـالـه قـد تـجـسّـس=والـغـيـر قـد ولاه في ارضـي ودسّـه وكل جـرعـه في زمـن وقـتـي مـقـيّـس=يـجـازي الـشّـعـب الوفي عـلـقـم بـكأسـه يطـلـع على الـتـلـفـاز بالرحـمــه مـكـيّـس=وحـيـن ينزل لو قدر قـتـلـه وفـحــسـه حـتى تـخـدّر بالـجرع شعـبـي ونـعّـس=والـيـوم مـن يـصـحـيـه مـن جـوعـه ونـعـسـه مـاكان في حـسـن الـنـوايا قـد تأسّـس=الا وكــان الـغـدر مـايـقـدر بلـمــسّــه ومن نـوى للـمـكر في شـعـبـه ويـبـخـس=الا جـنـى مـاقـد زرع اضـعـاف بـخــسـه والـيوم شـعـبـي مالـقـي مـاكل ومـلـبـس=وصـار مـطـعـون الـوطـن من أهـل جـنـسـه ســعـر الـدقـيـق الـيـوم بالالاف ســدّس=يـسـتاهـل الـشـعـب الذي صـوت بـنـفـسـه كم حذّره شـمـلان كـم بكّر وغـلّـس=لكن تـعـصـب ماجـمـع عـقـله وحـسّـه وغـلّق العينين قال الـمـؤتـمـر بـس=ومـايـقـول الـشـيـخ واضـح مـثـل شـمـسـه والـيـوم لا وعـده وفي بل زاد عـبّـس=ومن يظاهر عـجـلوا ضربـه وحـبـسـه هـذا خـبر مـمّا بقـلبي قـد تكـدّس=والحـال واضـح مـا احد يـقـدر بـطـمـسـه واختم صلاه للزين ما صـبـحـه تـنـفّـس=من طـهر الانـسان من كفره ورجـسـه جواب ابو حيدر
انا ابدأ بالذي للكون اسّــــــــس=كريم الجود انسنا بأنسه فحمداً له عدد ماشعبنا افلـــس=وعانا الجوع في يومه وامسه الا يامرحـــــــــبا مني مسـدّس=لابـــو عـمـار يرسمها بحـسـه بعطر العود والورد الــــمورّس=وبالكاذي يشقّر به بـــــــــرأسه ويتمتع اذا ماالليــــــــل عسعس=ويتذكر زمن يومه وعـــــرسه ابوحيدر يقول من بعــدما حس=بظلم الشــعــب ذي وقع بنفسه وجاب الفاس للقصّــاب يدحس=خـلـع جلــده وبعد الجلد نخسه رضي بالظلم يتبهذل ويحـبـس=ونرضى به على شنقه ودحسه فكم صحنا وكـم قلنا لهم درس=وكـــــــم يااشعار قلناها بجلسه ونادينا جــــــرعكم بسّنا بــــس=تخدّرنا ونعـــــســـه بعد نعسه وكم مســؤول في شغله يغنطس=ولاهمه بلد او اهــل جـنـسـه لزمنا الصّـمـت مانقدر ننهـــّس=ولا كلـــمــــــه نطلـعـها ونهسه ومن يظهر على الشارع يـلمّس=رجال الامــن أيـمـزّوه كـرسـه فلا سامح منو للــــشــعب كيّس=وخلى الشعب عطسه بعد عطسه ولا رده مـنـو للارض نــــجّس=يريــــــد للشعب نكسه بعد نكسه فلا معمل ولا ماكل ومـلـبــــس=اكلــنـــا الفقر باجناسه وضرسه وسار الشعب في مرجم ومردس=مــــــــع التاجر وكم هدّه ورفسه وظل الكل في محجى ومـــترس=لقنص العيش وكيس القمح لهسه واما الـمـال ذي قلتم تكـــــــدّس=معاد تكفي بحــــق سـلـته وفحسه ومن هنجم تديول له وبلــــــّس=ويتغدى على مندي وكبسه وبالختم الصلاه مالغصن اولس=على الهادي عدد جـنّه وانـســه
_________________ |
|
#3
08-05-2008
| ||||
| ||||
| رد: ديـــــوانـــي الــشــعري رقـــــــم (( 1)) الهجر خصمي ملاحظه: عود سالم هو اسم منطقتي
يالله طلبناك تكشف كل احزاني=وتشفي القلب من همّه ومن بعده ياضيفنا ارحب ولو هيّجت اشجاني=لمّا رايتك ذكرت البعد والوحده نسيمه اقبل بشير الخير واسلاني=وعاود الخير والاكرام من شهده بالامس ظيفي تزاورني بأوطاني=واليوم ظيفي بوقت الضيق والشدّه ماكنت حاسب على هالوضع تلقاني=لكن مقاديــر مالي جهــد في ردّه تعبت من هجر هذا الفصل والثاني=واصبحت حيران لمّا طالت المدّه الهجر خصمي وكم مرّات اعياني=وكم تمنّيت لو اقـــــدر على وأده قد زاد الاحزان في قلبي وعاداني=وكل الاصحاب قد ضاعوا على يدّه ياعود سالم ويامجدي وعنواني=ياموطن الخير انت الاصل والعدّه قد زاد شوقك وباعد بين اجفاني=تحية الشوق توصلكم مع ورده يانفس توبي كفاني بعد.. اشقاني=ماحد يوقّع قدوم الخير من ندّه طاوعت نفسي فجازتني بنكـراني=واصبحت مذهول ممّا كان في ردّه خير المداوي لعيب النفس عصياني=ماتشتهي الخير لكن تشتهي ضده الاخلاق وعلاقته بالسعاده
يالله طلبناك يامتكفّل الارزاق=تصلح لنا الشأن كله مع النيّات وزيدنا فضل من إكرامك الدفّاق=واختم لنا الامر بالحسنى وبالجنات والان ياقلب خبّرنا عن الاخلاق=مادام ينفع لإصحاب الضمائر هات كم له دعانا وكم اوصى به الخلاق=وكم يعالج سموم القلب والعاهات الحق اقوله ولوكانت بقطع اعناق=اخلاقنا اليوم قد اوشك على الإفلات اهل النفوس الزكيّه دائماً تشتاق=تـنـهل من العين ماتنهل من الواحات الجيد معدن ذهب لو تحرقه احراق=يزيد يلمع وزاد القدر بالساحات من يطلب السعد يوفي العهد والميثاق=يجنى السعاده وما يندم على مافات والدون عايش بظلمه داخل الانفاق=ما يعرف السعد في معره ولو ساعات لا تصحب الا وفي واحذر من الفسّاق=من يزرع السوء مايجني سوى الويلات والله ماذاق السعاده شلة الاسواق=من يظلم الناس كيله تظلمه كيلات من قبلنا جربوهم وسمّوهم لنا عشّاق=مامنهم خير غير الذل والاهات راجع حسابك واحذر تخلط الاوراق=الحق واضح ومرفوعه له الرايات لو كنت قاسي انا مشفق عليك اشفاق=والقصد ادلّك لدرب العزّ والخيرات إن كان لك قلب عاده بالوفى خفّاق=يكفيك لمحه عن الاهداف والغايات احنا لنا الدين والحشمه مع الاعراق=اخلاق مثلى ونعم الدين والعادات والختم صلّوا على من تمّم الاخلاق=ومن شهد له بخلقه محكم الايات اكرام ضيفي(مشاركتي بمسابقة 2007)
لك الحمد ياخالق عبادك من عدم=ويامن جعلت الارض مهداً للانام يالله سألتك حفظ يـــدّي والقلم=واختم لنا الحسنى مع طيب المقام والان ياقلبي تفضل بالكــــــــــرم=ومتّع الجمهور والصحب الكرام وهاتنا من بحر ارباب الحكم=وصبّها انهار في عــــذب الكــــــــلام واجب عليك انّك تلبي من عزم=هذه عــــــوايد شعبنا في ارض سام حتى ولو مشغول او مملوء همّ=ممّا يعاني اهل غـــــــزّه من صدام ونار بغداد احرقة كل القيــــــم=شلّه تولّة امــــــــرهم دون احتــكــام واجب نشاركهم ولو بعض الالم=ونسأل الله ان يوفـــــــّق للوئـــــام لكن اعرّج شي ولو رأس القلم=عن بعض ماللظيف من حسن احترام الظيف في داري مجلّل محترم=اسعى لارضائه وارفـــــــــع له مقام اسقيه من يدّي وربعي له خدم=احادثه ايناس واهـــــــــــديه ابتسـام اجيب له حقه ظيافه والكرم=وحين ينوي بالرحيل اهــــــدي وســام الهنا اوصى عباده بالكـــــرم=لظيف بالاسلام له قـــــــــــدره وهام وديننا قد جا وعلّمنا القـــيـــم=وتمّم الاخلاق كالـبـــــــدر الـتـمــام الحق لنا نفخر بمن حازالشيـــــم=العاليه ذي ناطحت فيض الغـــمــام واجب علينا اليوم نبني ماانهدم=ونرفع الاصوات لا للانـــهـــــزام قران في يدي امامي والحكم=مانقتدي بالغرب او عـــــيش الظلام اهل العزائم دائماً رأس القمم=مايرتضون الــــــدون او بين الحطام والحزم عنوان الرجوله بل اهم=فالرأي ماله شأن من دون احتزام وخير من يمدح بشعره ان نظم=يمدح شوامخ ما لنا مدح الركــــام مانمدح الا من تعلى والتزم=بالدين والاخلاق نعم الالتـــــــــــزام صلوا على المختار سيدنا العلم=شفيعنا يـــــــوم التغابن والـــزحام ليش المجمتع في ضياع
يالمسؤول كيف الخبر=ليش المجتمع في ضياع من سبّب وقوع الخلل=كم عاطل وكم به جياع جاوبني بضرب المثل=لا تحكي بدون اقتناع ماشي حرب في ارضنا=مثل الحرب ذي بالقطاع زاد الفقر زاد الغلا=والتجريع ينزل تباع كم سارق وكم مرتشي=ينهب كل لحظه وساع وين التنميه والبدل=يكفي يا حكومه خداع لو شي حكم صادق وفي=مالمسؤول ينهب وباع خليتم بلدنا هدر=تتقسّم بيد السباع وين الوعد ذي توعدوا=ما شفنا وفاكم بقاع لا تكذب علينا كفى=ملينا من الاستماع لو بك خير يا صاحبي=ما تغلب عليك الطباع قد كان الوطن يذكرك=بالمخلص وحاكم شجاع لكنك تنكرت له=والدنيا مجرد متاع حالة الشعب
يالله حمدتك عدّما المازن ورد=يامن تفضل بالنعم واعطى مزيده ياعالماً مابالضمائر وانفرد=حكمه وللانسان اقرب من وريده واليوم نبدأ قولنا هذا العدد=سلام للاخوان عاجل في بريده للمنتدى الاعضاء او من قد وفد=أو ضيف متصفّح وقرّاء الجريده قالوا لنا شعبي دموعه كالبرد=من وضع داهم شعبنا حاله فريده النفط في ارضي مع الفقر اتّحد=ياللعجب ان يصبح الشعب الطريده كنّا نقول الفقر ولّى وانطرد=مثل الدول ذي حولنا يااهل السعيده بترول مثل الناس والسّاعد اشد=وكل يوم الشعب في حاله جديده لكن طلع مغشوش شعبي وافتقد=لكل مخلص للوطن ناوي يفيده شلّه بتصرفها وتمدح من فسد=وكل واحد منشغل كم في رصيده وبعدهم شلّه يسيؤوا للبلد =اهل الرشاوي والوساطات العديده فوق المواطن هات اوماشي تجد=والحق للمظلوم ماشي من يعيده والشيخ يقبل بالزوامل والمدد=يهناك ياشعبي وامتنا المجيده والوضع متدهور ومابعده اشد=من ارض صافر ملتهب حتى الحديده والكل بالتلفاز يحصد ماوعد =وحين يصبح مايشوف الا وعيده كيف الخبر ياناس قد زاد النكد=يالله سألتك كل خارب ان تكيده ياشعبنا المغوار من يزرع حصد=ومن تكاسل مازرع يجني شديده لا مدح للمفسد ومخلف ماوعد=وكل خاين للوطن ناوي يبيده ليش الضمير الحي في شعبي رقد=والفقر متزايد وتشوينا وقيده مانعرف ايش الحقد هذا والحسد=وضد من هذا حكومتنا الرشيده والشعب مسلم كلنا من غير حد=واحنا على عهد الوفى ماشي نحيده موجز عن اوضاع المواطن والبلد=والخافي اعظم من مقامات القصيده واختم صلاتي كلّما الراعد رعد=على محمد من اتانا بالعقيده وخير هادي للامم من غير حد=وكلما لله قد سبّح عبيده ما قلته للاخت اسيرة خطاها في تميز مواضيعها
سلام منّي الف وامثاله دبل=وعدّما في الارض من حب الرمال وعدّما تلمع بوارق وانهمل=فيض الغمامه بالبوادي والجبال لمن بحور الشعر طاعه وامتثل=وجاد من علمه بافكاره وسال وانزل حكم بالشعر قد فاق العسل=قد فاز بالتقدير في شعري ونال اواصل الاوصاف مانا في عجل=مادامها تحمل حميدات الخصال اسيرة الخطوه ضربنا بالمثل=تجندل المغرور في وقت السجال ومن ينازلها يدهور واختذل=ويعلن استسلام في وقت النزال لاتعجبوا ياخوان ماهو بالهزل=مانمدح الا كل من يسوى المقال اسيرة الخطوه لمن عنده خلل=تعالجه تعطيه حقنة ارتجال حتى يصير رجال وافي واكتمل=وبعدهايمشي سوى مثل الرجال وعاد من يزهق ويشكي من ملل=يقرأ لها اقوال او يقرأ مثال الى هنا والفجر وقته قد وصل=نروح نتوسّل وندعي للعيال ونسال الرحمن سبحانه وجل=يختم لنا بالخير في احسن مقال في غلاء المهور
يالله سالتك تشفي القلب العليل=لا شي علينا ذنب او زلّه تزيله وزيدنا توفيق في خيرة خليل=من يجهل الانسان ينظر من خليله والساع بعلنها خبر معني اصيل=وكل واحد ينتبه ماهي هزيله مهر البنات اليوم ذي يشعل شعيل=من هو فقير اليوم ماباليد حيله يمسي يفكر كيف يخطب بالقليل=والناس طمّاعه وماتقبل قليله والبنت مهمومه وتبغي زوج حيل=والاب غارق بالطمع قاطع سبيله مفروض يختار المؤدب والجميل=من في صروح الدين ما يلقي مثيله واجب علينا ننصح الاب البخيل=خلاقنا اوصى عباده بالسهيله وكلنا اخوان مافينا دخيل=والدم واحد كلّنا نفس الفصيله ابن الكرم والعز ماهو كالذليل=بنت الخلق والدين ماهي كالذليله لكنّ اعداد الرجال اصبح قليل=واعدادهن اضعاف ماهي بالمثيله الواحده ماعاد تنفع !! ... مستحيل=الفرق واضح والنتيجه مستحيله والثانيه هي حل للازمه كفيل=واجب عليها ترتضي ثاني حليله حفظ التوازن خير مانسمع وقيل=تبرّر الغايات من امر الوسيله كلام من قلبي وواقعنا دليل=ومن يعارض رأينا يطرح دليله شجاري مع هاجسي
خير ما نبدأ بذكره=ذكر مولانا الصّمد من وجب حمده وشكره=حمد ماله من عدد كلّنا طالب لستره=بل وتسحين المرد هاجسي اعجب لامره=ليش تاخير المدد من شغل عقله وفكره=هل تغافل او شـرد مااخذ بالغير عبره=بل وتفكيره جمـد جابني من زاد وزره=يعتمي مثل الرمد يصبح الغارق ببحره=مثلما يزرع حصد كم نصحتك خذ بعبره=من تساهل ماوجـد لاتحاول زرع بذره=بين اصحاب النكد من دفن نفسه بحفره=صـار غافل للابـد مايهمه ضاع عمره=كلما يصحى رقـد ماحسب وقته وسعره=زاد واخلاقه وأد انصح الواعي بشفره=ينتبه يوقع بــحد وانصح الغارق بقعره=وانزل اهواك المشد علمه سهله ووعره=كيف يمشي بالمخد من نوى للناس مكره=مثلها نفسه وعــد عدّما صلوا بظهره=صل ياربي عدد عالنبي من كان بدره=نور يضوي للابد الايمان يصنع المعجزات
يعيش الحر بالايمان عالي=على جور الزمان ويمتطيه ولا الاخطار توقفه بيومٍ=وتخشاه الصعاب وتتّقيه ويأبى العيش منهزماً ذليلاً=ووقت الجدّ درعٌ يحتميه يقول الحقّ لا يخش زعيماٌ=ويخشاه الزعيم ويرتجيه ويبقى المرء منحنياً ذليلاً=إذا الاسلام قد لا ينتميه وطول الدهر يرتقب المنايا=وكل الناس دوماً تعتديه بدين الله أعتزت شعوبٌ =يعزّ اللهُ من يعتزّ فيه فلم يقرب حقودٌ من حماهم=مخافة بأسهم ان يعتريه شباب الحقّ إن الحقّ يأتي=بإقدام الشباب وبالنزيه ويبقى الحق ملكٌ للرجال=وإن ضاع الرجال لغاصبيه وفي البأساء يمتحن الرجالُ=ويظهر ما تكنّ وتختفيه انا الاسلام ديني لا أُبالي=بما باع العميل ويشتريه وما للمكر في دربي سبيلٌ=ولا عزمي ينال ويزدريه حياتي كلّها في الخير دوماً=وديني خيرُ ثوبٍ أرتديه صروح العزّ بالايمان تبقى=كأمثال الجبال وتعتليه ولا تهتزّ من كيدٍ وغدرٍ=ولا مكر الخيانة والسفيه سيبقى المسجدُ الاقصى سبيلاً=الى الخلد الذي لا موت فيه لحين النصر في يومٍ وإنّا=لنرجوا الله ان نعتدّ فيه وبغدادُ الصمود هي المنايا=ومقبرة الغزاةِ لمن غزيه الى الإيمان والتقوى سراعاً=لننهل من هداه ونستقيه فإنّ الدين للانسان ذخرٌ=وحين البأس سيفٌ يقتنيه فبالإيمان يحيى كل شعبٍ=وينهي الظلم عن بكرة أبيه العشق ذله (انزلتها في وقت مزاح مع المشرف الغالي المهاجر سعد)
يالله سالناك خطوه مابها نندم=على المعاصي وماهو داخل المرقوم وتغفر الذنب زلات القلم والفم=ياغافر الذنب يامن تعلم المكتوم ياسعد هيّجت اشجاني بكثر الهم=فقلت سبحان من يعصم وهو معصوم ويعلم الله ان لك قدر عندي جم=اهديك شعري وقدرك داخله مرسوم العشق موجود عند الكل بل اقدم=لكن محرّم وكان الامر به محسوم فلاتخيّب ظنوني بمدح العاشق المغرم=هذاك مسكين مايعرف من المكظوم العشق ذلّه وماشي منها مغنم=ومن تجاوز حدوده يصبح المسموم وخالق الخلق كم حذّر وكم عمّم=لان دربه يميت القلب كالجرثوم وقال مسموح نتهنأ ونتنعّم=تزوّج اربع وربك يوجد المعدوم خذها نصيحه . تراجع قبلما تندم=تصبح ضحيّه لسوط العشق والقدّوم والنفس والعزم في صوله وفي مرجم=ومن تسامح مع نفسه طلع مهزوم يجرّع المرّ والصبّار والعلقم=من اجل تافه وماهو جبر او مرغوم واجب على الاخ ان ينصح وان يرحم=وانت واعي وكل الامر لك مفهوم واختم صلاتي على المختار والخاتم=ذي حبه الله وكان الدين به مختوم نهاية ديواني الاول وسلامتكم 
_________________ |
|
#4
08-11-2008
| |||
| |||
| رد: ديـــــوانـــي الــشــعري رقـــــــم (( 1)) كلمات في قمه الروعه جزاك الله خير على المحهود المبذل تقبل تحياتي |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
