السلام عليكم ورحمة الله وبركاته

اول مره اكتب موضوع ولكن من القهر ولاني حسيت بظلم حبيت افضفض لكم لعل وعسى القى عندكم حل

يااخواني وخواتي انا معي دبلوم برمجه مصدق من جامعة الملك سعود من معهد معروف وكبير تخرجت والحمدلله معدلي 4 ونص من اصل خمسه توظفت في مدسه ترم كامل في مدرسه يعني كنت مدربة حاسب وبعدها انطقيت في البيت سنه وزياده عاااااطله عانيت من العطاله مايعلمه الله وبعدها جتني وظيفه في مستشفى حكومي بس على عقد سويت مقابله مع المدير وقال لي الراتب 3900 قلت معقول والدوام من 7 الى 4 قلت احسن من العطاله واصبحت سكرتيره بشؤون الموظفين يعني العقود تمر علي اليوم الاربعاء شفت عقدي مكتوب الراتب 3600 استغربت يوم سالت من اللي كاتبه وجدتها زميلتي بنفس المكتب والمدير سكت بس قال لي انه مو عاجبه الراتب والراتب هذا نفس راتب مراسل عندنا معه الثانويه وقاعد بس يقراء الجرايد لاشغل ولا مشغله وانا معي دبلوم وخبره ترم وانوووواع الكرف حتى مايمديني اكل وراتبي مثل راتبه وش السوات ياصبايا وشباب محتاجه رايكم والله حيل منقهره وكرهت الدوام قولوا لي من اكلم بعد ربي وش اسوي يوم السبت ابي اعدل راتبي وبنفس الوقت انا ماابي اخرب علاقتي معها

انتظر ردودكم

اختكم بنت بنوت

منتديات مدرسة المشاغبين - منتديات الفسحة العامة