انا ياشباب ادرس في جامعه الملك عبد العزيز بجده في كليه الطب
طب الاسنان المستوى الان الخامس ومن المواد اللي ندرسها
""التشريح "" ولازم نحضر في المشرحه بالرجل والعين ومره من المرات واول مره حضرت واشوف الجزار يضرب بالساطور على صدر الجنازه ويفك الضلوع ويطلع الكبد والقلب والحاجات اللي داخل
القفص الصدري ويبدون في الشرح والشرح يستغرق ساعتين والله ياشباب اني خلاص شوي ويغمى علي لا والله الكارثه الكبرى ياشباب فيه بنات يحضرون معانا وتعالوا شوفوا هذي اغمى عليها وهذي تطرش وحاله هذا اليوم الاول
ويجي الاسبوع الثاني واحضر الماده الخايسه هذي المشرحه ويحضرون الشباب اللي معاي والبنات اللي في كليه الطب اللي معانا والله وبعضهم عنده حاله نفسيه وفيه بنات فصلوا من الكليه
وفيه شباب مايحضرون المهم جابوا لنا الجنازه تدرون هذي المره وش سوى ضرب بالساطور على راسه ويفكه نصفين اقسم بالله منظر الله لايوريكم الله يلعن ابو الطب على ابو اليوم اللي دخلتها ويشرح انا خلاص طلعت من المشرحه وحذفت الماده هذي مرتينوالمشكله انا تخصصي طب اسنان يعني ماله لازم اللي نشوفه في المشرحه والله ياشباب جلست يمكن شهر وانا في حاله نفسيه موقف لايتصور والان رجعت ودرستها وعادي الامر طبيعي يعني مو مثل اول
انصحكم اللي بيدخل كليه الطب يكون قلبه قاسي يتحمل ماينفع يكون لين