 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-11-2008
| ||||
| ||||
 للبوتات فقط 000 الشنبات لايدحلون ]كيف تصطادين العريس !؟ -------------------------------------------------------------------------------- كيف تصطادين العريس دون اللجوء إلى الأساليب السقيمه من المغازلات والترقيم والتلميح اللّي ماله سنع والترزز في الاسواق ..... إلخ؟ أهم شي حددّي العجوز اللّّي حاطة عينك على ولدها ثم نفذي ما يلي: 1_ خليكي مع أمك ولا تروحين مع البنات وتستهبلين ،، اصبري عنهم كم شهر لين تتم العملية. 2_ أمشي وأنتي حاطة راسك بين كتوفك ولا ترفعينه أبد حتى لو عوّرك ،، خلّي الفكس دايماً في متناول يديك. 3_ كلمة "خاله" خليها دايماً على لسانك خاصةً لأم العريس عشان تحس بنوع من التميّز عن باقي العجايز. # ملاحظه : لا مانع تنادين عجوز ثانية بخالة عشان اذا مانجحت الخطة مع العجوز "رقم واحد" تنجح مع عجوز "رقم اثنين" ،، الاحتياط واجب وأنا أختك. 4_ إذا بدأت أمك تتكلم ،، انغزيها بكوعك عشان تدّخلك في السالفة حتى لو مالك داعي تطبيقاً للمثل "كثر الدق يفك اللحام" دارية المثل ماله داعي بس ما لقيت غيره. 5_ أخوانك الصغار لاحقيهم وطامري معهم وين ما يروحون حتى لو ماهي عادتك بس تصرفي معهم كأنك أمهم عشان العجوز تآخذ فكرة إنك حريصة على ذريتك. 6_ كل ما أكلت أمك من أكله زينة خليّها تقول : نفس الأكلة اللّي تسويّها بنتي حتى لو الأكل من مطعم صيني أو مكسيكي. 7_ إذا جيتي بتمدين إيدك تألمي وخلّي أمك تقول: قايلتلك وأنا أمك ماله داعي تنظفين جدران البيت الخارجية { أقول نظفّي غرفتك أول اللّي تقولين ثايره فيها قنبلة ذرية }. 8_ إذا تكلمّوا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها { بس لا تكتمي نفسك مرّه أخاف تروحي فيها وأصير قتلت نفس بغير حق }. 9_ مهما كان موضوع الحوار حماسي لا تبدين رايك خليك مثل "البكما" لأن اللقافه تجيب أجل الخطة. 10_ شعرك افرديه لا تخلينه طاير ولا تجعدينه مهما كانت الموضه لأن العجايز ما يدورون إلا اللّي شعورهم ناعمة. 11_ إذا أدلت العجوز { أم العريس المتوهق } بأي رأي سواء سياسي وإلا وطني وإلا اقتصادي وافقي عليه حتى لو إنه ماسخ وماله داعي. # مثال : تقول العجوز: بوش متقهوي عندنا البارح قوليلها : وليه ماعلمتينا ياخاله نجي نساعدكم؟! 12_ في العروس "الأعراس" اضغطي على نفسك واقضبي أرضك ولا ترقصين واعتبري الرقص عيب وشق جيب. 13_ إذا جاء طاري السوق وهو لازم يجي الطاري لأنه ملح الجلسه عند الحريم خلّي أمك تقول: بناتي مايحبون يطلعون السوق أبوهم يجيب اغراضهم. "الحين العجوز بتكون وقعت في الفخ" نروح للعريس الحين : 1_اهجدي في بيت أهلك ولا عاد تطلعين واذا جا العريس بيشوفك خلّي أبوكي يقول : والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك ان تحط مكانها باسكال مشعلاني} 2_ قبل يجي اليوم اللّي بيشوفك فيه بحوالي أسبوع أو أكثر " حسب شين الوجه " طامري من صالون لصالون ،، صبغ ،، فرد ،، تنظيف بشره..إلخ. 3_اذا جاء العريس خلّي أخوكي يوقف جنبه عشان ما يطيل التبحلق ويبان المستخبي وذلك تطبيق لنظرية { اللمحة ذبحه }. 4_في نهاية المشهد خلّي أبوكي يقول: معليش وأنا عمك ترى البنت شوي محيوسه { معليه يالشايب تنصب عالمسكين }. وبهاللحظه الولد بينط على رأس ويبوسه ويقول متى العرس يا عمّ؟ {تحذير مهم} # ابتعدي عن أمهات العيال المتعلمات راعيات الشنطة نفس لون الجزمه هذولا يبيلهم خطط بعيدة المدى منقول00000000000000000000000000000000000 |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
