|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
08-11-2008, 11:01 AM
| ||||
| ||||
| النفس خزنة ملك.. والحزن قاطـع طريـق  قصيده للشاعر سعد علوش حبيت انقلها للأعضاء النفس خزنة ملك.. والحزن قاطـع طريـق**والجرح؟ .. يوجر عليه المسلم اليا أحزنـه وأنا من العام .. وآنا أشعر بيبسان ريـق**يفرج سجينـي مـع عينـي وأرد أسجنـه من بين طيّات صـدرٍ شـل مـالا يطيـق**لاجاع حزنه؟ .. تعشّا جروحـه المزمنـه مجسّم أنسان مـن داخـل رمـادة حريـق**وقودها المغريـات .. ونفسـي المؤمنـه أحياناُ.. أبكي من الخشيـه لحـد الشهيـق**وأحيانـاُ أقبـل علـى الآذان .. ولا أذّنـه ماعاد.. أنا.. أيّاي.. يلله لاتخلّـي عويـق**عاقتبه عيون روس مدلبحـه .. وألسنـه كتـل هوامـش بشريّـه .. تنـام وتفيـق**رديان وحتّى الردى .. بالظبـط .. ماتتقنـه لاكن على كل حال الطلـق يبقـى طليـق**لو عاينتـه العيـون .. وضدّتـه الأزمنـه عذر السنافي معه والعـذر حبلـه وثيـق**لو حـس رعبوبتـه .. والاّ جفـا موطنـه رعبوبتي,,, ياوجـودي ياغـلاك العتيـق**عنه مكـانٍ لقيتـك فيـه عامـا .. عنـه يوم الشجر صاير ..لوجهك مشجّع فريـق**من وين ما أفترّ.. تتغيّـر معـه الأمكنـه للحين باقي بدربـه مـن رحيقـك رحيـق**وللحين أيتمتم حكينـا العـذب .. ويدندنـه يوم أنّي أشّر على صدري وعينـك تويـق**وآقول أنتي هنا .. وأتقولي .. أنتـا هنـه الهاء .. فاآخـر كلماتـك بصـوتٍ رقيـق**تشطب على برمجة سمعي .. وتستوطنـه منتي بشر جعل من جابك .. ضحيّة زريـق**شارعك يحسبلـك بـالأمتـار .. يامفتنـه اليا أنتصفتيه؟ يضيق .. وكل ماله يضيـق**كنّك ..كوكايين .. وأرصفته خشم .. مدمنه رعبوبتي؟ .. ماخبرت أنّه تحـرّك طويـق**شاعرك مجنـون خلقـه والشعـر جنّنـه قوليلهـم ينتهـون ولا يطـول الزعـيـق**الميسـره ميسـره .. والميمنـه ميمنـه وقوليلهم للعراقه .. راس صبـيٍ عريـق**ياكـم سـرٍ يعرفـه .. بـس مايعلـنـه أتنوخذ البحر .. ولا أرسي ..بجال المضيق**والشي بالشي؟ .. لاعيبـه ولا أستحسنـه الاّ الرفيق اللّـي يستغـل طيـب الرفيـق**هذي اللّي ماهيب مقبولـه ولا .. ممكنـه ياصاحبي؟ كان لك مال الشقيق الـشقيـق**والحيـن جمّـع بقايـا مامضـى وأدفنـه وياقلبي اللّـي وساويسـك تنجّـي غريـق**الله لايصـغـر أبليـسـك .. ولا يلعـنـه ماهو فخر في سنه .. تعرفلك ..أمية صديق**الفخر ؟ تتعرّف بصديـق .. لميـة سنـه
_________________  يآخوْي من خآنك حث بوجهه رمل وترآب ×× إْن جآك تآيب قوله رح للي لعب فيك لاتـصدق الغدآر ترآ يخفي عنك النـآب×× وش تبي بالي يوم يطعـنك ويوم يعزيك  |
|
08-11-2008, 11:07 AM
| ||||
| ||||
| رد: النفس خزنة ملك.. والحزن قاطـع طريـق مشكور اخوي على النقل الرااائع تقبل مروري
_________________ من لارفـع لـك بالملاقـا ذراعـه نَزِّهْ يمينـك عـن ملامـس يمينـه لاصار باعك خمسة ابـواع باعـه خلّـه يوفـي بالمقايـيـس ديـنـه سنبوق ينشر وسط بحرك شراعـه وموج البحر لاهاج غـرّقْ سفينـه وش وهّقَهْ يعرض رخيص البضاعه في سوق غالي والفـوارق ثمينـه من لا يعـزِّكْ لـوك تغليـه باعـه مبداك والنفـس العزيـزه حصينـه من لا رضخ لك ليش تعطيه طاعه وتحط نفسـك فـي يمينـه رهينـه خذها نصيحه من مجـرِّبْ وداعـه اللِّـي يعينـك تنهـزع لا تعيـنـه واحفظ لنفسـك عزتـك والمناعـه واضحك ولو إن المشاعر حزينـه |
|
08-11-2008, 12:31 PM
| ||||
| ||||
| رد: النفس خزنة ملك.. والحزن قاطـع طريـق اقتباس:
حياك ويسعدني مرورك
_________________ يآخوْي من خآنك حث بوجهه رمل وترآب ×× إْن جآك تآيب قوله رح للي لعب فيك لاتـصدق الغدآر ترآ يخفي عنك النـآب×× وش تبي بالي يوم يطعـنك ويوم يعزيك |
|
09-17-2008, 02:48 PM
| ||||
| ||||
 رد: النفس خزنة ملك.. والحزن قاطـع طريـق يسلموووووووووووووووووووو يالغالي علي الابيات بس قلبت المواجع علي    يلا مو مشكلة عشانك يمون
_________________  |
|
01-02-2009, 12:51 PM
| |||
| |||
| رد: النفس خزنة ملك.. والحزن قاطـع طريـق مشكووووووووووووووووووووووووررررر |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
