مساء الفل والياسمين ... والكراث والدارسين ... والشيح والقيصوم <<< باقي الحنا وتصير بسطه عجوز بالسوق


مره ... اتفقنا نطلع للحره ... كنت مسؤل عن بعض الاغراض اهمهن الجره
شدينا ... ومع الفجر مدينا ... انا ورى وقدامي هادينا
بسيارتي ... وحدي مع مسجلي ومطارتي ... العب مع افكاري واحاتسي طارتي
جينا مكان اعجبنا ... بنينا فيه خيمتنا ... ونزلنا اغراضنا وعزبتنا ... صلحنا شاهينا وقهوتنا ... ياسلااااام على جمعتنا
مجموعه مهابيل ... نتضارب بمناديل (<<< خكاري) ... في وسط ذاك المسيل ... جانا سيل ... جارف حيل
وقشن سيل(ن)شديد ... ورماني بمكان(ن) بعيد ... تسني مولود(ن) جديد
نسيت الخوه والجمعه ... ما أعرف الواحد والسبعه ... عيوني حمراء فيها دمعه
ادور لي ونيس ... لو حتى اسمه انيس ... متى اكبر واصير عريس؟
امشي مشي الغرير ... ادور ماء(ن) في بير ... ضيعت ورحت الغدير
لقيت بنت(ن) مزيونه ... كبار وسود عيونه ... فيها خفه مجنونه ... وصف اللولو صف سنونه ... وحد السيف بين وجونه ... وشفاه(ن) حمرا حنونه ... ووجه(ن) ابيض بلوره ... اعماني من سطعة نوره
خلاني انسى آلامي ... واشوف قدامي احلامي
جيته مقبل وانا ماشي ... كني جايع شاف محاشي
ووقفت بنص الطريدز ... قلت امر هالفريدز
واعرف البنت واخباره ... واكشف وشي اسراره ... واحرث عقلي وافكاره ... وادبر له دباره
وأخليها تطيح بحبي ... وتاقف الصبح بدربي ... ومناها تملك قلبي
ثم عرفت اللي ابيه ... وفكرت بفكر(ن) اخفيه

بعدين ...

شفته تمشي للغدير ... جيته قلت ياعبير ... ابي طلب كان يصير؟ ... قالت وشو يابشير ؟
قلت انا ريس لا مرؤس ... ادور لي عروس ... ابيها مثل عرق السوس ... تبرد نفس(ن) بين نفوس
قالت لي وش تعطيها ... كاني عرفت اراضيها ؟
قلت اعطيها عشر جموس ... واخليها تفحط وتدوس ... واعطيها صندوق فلوس ... وكل يوم لبسه عروس

وبعد فتره ...

قمت الصبح وانا ادبي ... لقيته واقفه بدربي ... ومعها اعتراف بحبي ... قالت ياملك عقلي وقلبي
دريت اني ذهين ... واني انسان(ن) فطين
جيت ابوها اخطبها ... ووافق لي في طلبها ... قال لديرتك اجلبها (<<< هذي صارت عنز مهي عروس)
سوينا عرس(ن) كبير ... احياوه عبدالله بالخير ... وجانا جمع(ن) غفير

بعد ذلك ...

زفوني لغرفه مسحوره ... سحر الغالي فيض نوره ... قلت تعالي يا اموره ... بوضح لك كل الصوره ... انا انسان احب الكوره ... ابوي ماهو امير وامي ببيته مستوره ... فجأه قلبت القطه للبوه مسعوره ... ومخشتني بكل ظفوره
وقعدت من نومي مفزوع ... وانا اقول مابي عرس ووع وووع <<< خكري يااااي



القصه من نسج عنكبوتي المعشش في مخي المصدي بسبب التسطيل اللي يصير لي بين فينه واخرى

على فكره يمكن فيه ناس شايفينه بمنتدى ثاني بس ابي اقولكم انه انا اللي كاتبه

ولكم خالص تحياتي العنكبوتيه .......