هذا رد على الي طفشوا وانا مانزلنا ولا موضوع >> موضوع المستلجين المتحدهـ

*********************************************
في ذات يوم بعد ماسوى ابو دموس موضوع تكوين الشلل كنا يااعضاء هذه الشله المستلجه قاعدين في الاستراحه لاني انا الريس كنت عازمهم عشان نتفق على موضوع ونكتبه مع بعض<<ايه هين عازمنا اول مادخلنا عليه قال كل واحد يقط 50 ريال حق الاستراحه..عاد حنا مانبي نقول شي ريسنا ونخاف يطردنا من الشله ..
الزبده <<لا المربى..ياربيييي عالمصاخه اللي كذا..
قال ابوحميد الريس:انا بروح اجيب لكم عشا من المطعم عشان تفكرون عدل لان الواحد مايقدر يفكر وهو جوعان..
قالت مشموشة >> دلع مشوتة :أي والله تكفى انا ابي من ماكدونالدز..
قالو باقي الاعضاء :أي تكفى والله مشتهين منه..
قال ابوحميد:خير انشالله من ماكدونالدز ايه هين اجل كل واحد يدفع 50 ريال ثانيه عشان وجبته..<<ريس دكتاتوري..
قالت ياتحب ياتفارق:احووووووووول ماعاد معنا شي قضت دراهمنا انت باشر علينا..
قال ابوحميد:اقول انتم بوفيه وسندويش فلافل ويخب عليكم..
هنا وهنا فقط<<ابووك يالفصحى..تحطمت امالنا يعني جايين ومتعنين واخر شي يعشينا فلافل..قلنا ماعليه فلافل اهون من لاشي..الموهم يروح ابو حميد ويمرون ذيك البوفيه الا يلقون فار طالع عليهم متسمم..وعادي الوضع عندهم ويجيبون لنا الفلافل وقبل ماناكلها قام كل عضو يكتب وصيته ويتسامح من الباقين ويوزعون الورث..<<قووويه..
الموهم كلينا ذا الفلافل الله يديم النعمه...اشوى ان معها بيبسي يوديها بالغصب..
وشوي الا تقط عبوطه قوطي بيبسيها على الارض..وشوووووووووووووووي..طنطططنطاااااااا<<موسيقى اكشن..
ويطلع من القوطي دخااان وحاله والوان وشوي تطلع طراطيع وتقوم انا والشوق وتقعد تكحكح وحالتها حاله وتصب عيونها وخشمها تقل بزبوز..
انا والشوق : وجع وشهو ذا ..؟؟وراو هالدخنه من اللي يزقر يامال الصلاح..؟؟
وشووي الا يطلع لنا مارد نحيييييييييييف ومعصقل وعظااامه طالعه..ويقول لنا وفي صوته ونين..
سلااام علاااكم<<ماشالله مارد مطوع..
حنا من الدهشه حواجبنا وصلت لظهورنا..وفاكين خششنا ماندري وش ذا البلا اللي طلع علينا..ويقوم المارد ويكح كحتين ويطيح سرواله اللي كنه سراويل السوريين في باب الحاره<<يعجبني الوصف الدقيق...
ويقول المارد:من اللي قط القوطي يامال مانيب قايل<<بعد فيه حيل ينافخ..
وحنا بس قال هالجمله على طول لفينا على عبوطه عاد عبوطه وجهها تلخبط وصار كنه اشاره مرور..
قال المارد بصوت عالي بالنسبه له اما حنا فيالله سمعناه:ميييييييييييييين..؟<<مارد حمش..
قلنا كلنا بصوت واحد:عبووووطه<<خوش شله من اول نفخه خروا ماعندهم..
قام المارد لف على عبوطه وكان معصب بس يوم شافها انفرجت اساريره<<هالجمله حطولي عليها درجتين يالله طلعت..
ويقوم يسبل بعيونه اللي كنها مخاريق ملاس..عاد محيميد هنا قامت عنده الحميه يوم شاف المارد يسبل لعبوطه..
قال ابو حميد:خير يابو الشباب ماكنك تعديت على محارمنا<<عادنا خواته..خخخخخخخ
قال المارد:لا بس يعني كنت ابي اعرف من اللي شات البيبسي ومادام ذا الشمحوطيه هي اللي شاتته انا مسامحها.
عاد عبوطه استانست مارد ويمدحها وين صارت ..
قال محيميد:خلاص يوم عرفت وش تبي الحين..
المارد.:انا مابي شي انتو وش اللي تبون امرو تدللو وهو يطالع لعبوطه ويسبل لها..<<لعنبوه مارد مغازلجي بعد..
قالت مشوته:انا انا ابي فلوووووووووووس..
قالت عبوطة:امش وحنا سحبتي علينا..
رقعتها مشوته:انا اقصد كلنا..
قال المارد وهو يسوي نفسه مستحي..:وعبوطه وش ودها فيه..<<ارحمنا ياكذا الغزل يابلاش..
قالت عبوطه:اللي تامرون فيه<<حشى خطبه ذي..
قال محيميد:لحظه لحظه خلونا نفكر برويه<<ذابحته الثقافه...
قال المارد:شوفو لكم طلب واااااحد فقط لاغير<<حشى صار شيك مو طلب..
قال محيميد:يااعضاء هذه الشله المستلجه خلونا نسوي اجتماع ونشوف وش راح نطلب مع اني حاس ان هالمارد ماوراه الا الدجه هو مانفع نفسه عشان ينفعنا..
مشوتة:اصلن من شاف بيته قوطي بيبسي والله يشك..اخاف انها الكاميرا الخفيه حقت رمضان..
عبوطه: لا والله اصلن باين عليه انه قوي مره..<<خقت معه..خخخخخخخخ
مشوته:يلاا نجتمع بسرعه بس شوفو فلوس يعني فلوس..<<ماديه هالبنت..
واجتمعت الشله وطردت المارد برى الاستراحه عشان مايغش..<<ياحليله هالمارد مستحمل ذا الشله واجد..
يوكون:شرايكم نسافر كلنا ونغير جو..
عبوطه:لا لا خلوالمارد يتحول الى انسي ويصير من شلتنا..
مشوته:خييييير انشالله واذا تحول الى انسي من اللي بيجيب الفلوس..
انا والشوق لازالت تكحكح وقبت عليها عيونها من سالفه الدخنه اللي طلعت من القوطي..والى يومكم هذا ماتدري وش صار..
سرحااانه وتفكر تدرون ليه..؟؟؟ لان توها شاربه بيبسي والبيبسي اذا شربته هالبنت تدروخ ماتدري هي وينها فيه..<<حشى شامبانيا مو بيبسي..
حسم الامر ابو حميد وقاااااااااااااااااااااااااااااااااااااال........؟ ؟؟؟؟؟؟؟؟!!!!!!!!
محيميد:شرايكم نخليه يفوزنا بمسابقه القروبات ..
في هاللحظة ساد الصمت وكلن قام يهوجس وصرنا في صراع بين رغباتنا وبين الفوز اللي حنا نتمناه..
واخر شي استقرينا او بالاصح اجبرنا الريس <<دايمن مايعطينا وجه..خخخخخخخخ..
وينادي الريس المارد من برا ويلقاه متعلق بالكيربي حق الاستراحه..جاه هوا وطيره مابه حال..
ونجيب السلم ونزله ونقوله عن امنيتنا وطلبنا..
المارد :هاه وش استقريتو عليه..؟؟
ابو حميد:الله مير يسلمك حنا مشتركين في مسابقه بمنتدى مدرسة المشاغبين ونبي نفوز فيها ومالنا الا الله ثم انت..هاه وش قلت بتفوزنا.؟؟.
المارد:ابشر والله لعيون بعض الناس بخليكم تاخذون الجايزه الاولى بعد<<يقصد عبوطه..
ابوحميد :كفو والله..
المارد..ومن قال يكفو..<<مارد ماشللله يعرف السلوم بس ضاربه الفيوزات عنده..


وهنا انتهت القصه اللي مدري وشلون قايله بطلب شله المستلجين ان المارد يفوزهم هذا على كلام المارد والله شكله بيسحب علينا..
خخخخخخخخخخخخخ..
مع تحيات شله المستلجين المتحده..
********************************************

المشاركة الأصلية كتبت بواسطة حساسه بس فقاشه [color="lime"][color="lime"]هههههههههههههههههههههههههه فضحت عمرك ياذهين ممنوع الغش<<وانتي الحين وشدخلك