_________________

وهذا البارت الثاني

يلا نكمل

والله هي نفس اللي كلمتني امس قالت ..سوسو مووجوده ؟؟قلت لها شوفي بيتنا كله شباب وما فيه واحد منهم يبدا اسمه بحرف السين واخواني كل اساميهم خالد (اجل ابوك يناديك خالد واحد)
وما الا اخوي الصغير واسمه بعد فهد وهواللي اسمه نايف ونناديه عبد الرحمـن ((وش عنده عادل امام))واللي هي فلت ظروسه وقالت ما شاء الله دمك خفيف وقلت شكرا (مسوي مؤدب) واسالتني وش قاعد تسوي انت اللحين (والله كنت نايم) قالت تنام الليل اجل متا انام قالت لالا انا انام الصبح واسهر الليل (الاخت بومه) تقول الليل رومانصيه تعرفها قلت لها انا ما اعرف بنات خلقه (مسوي فاهم) قالت وش اسمك قلت (مصيول) قالت وش معناه قلت هذا كلب عند ابوي مات وانا اولد وقال والله ما اسميه الا مصيول وقلت وش اسمك انتي يا سيده بومه قالت (داليدا) نان ابي اعرف اسمك مو عيارتك قالت هذا اسمي سوويت عمري اسلوب وقلت انا حبيت وحده بس انتهى الحب ...لان اللي حبتها خانتني ...(بعذرها) قالت من حبيت قلت لها حبيت عنز جيرانا بس راحت مع تيس سوووري عشان له قذله المهم ان البنت قالت لي اوكي وبكلمك بكره لان امس تناديني قلت مو مشكله وتطورت العلاقه وصرنا نكلم بعضنا كل يوم وانا انقلب حالي ولاحظو اهلي اني تغيرت يعني نكون جالسين على الغدا ولا العشاء وانا مااكل سارح وانغف وبعض المرات انسى اصبعي داخل خشمي (من كثر التنغيف)ولاحظوا اهلي اني صرت مؤدب واقراا واجد وانا اقرا عشان اعرف كلام جديد في الحب وتلقاني اقرا كتب الشعر والحب والطبخ(( ولاتستغربون لان كتب الطبخ اتعلم منها كلام حلومثل
(ياعسل وياحليب وياقشطه ياكريم كرامل) وبرضوا صرت ادخل كتب ممنوعه للبيت مثل(ماذا تفعل في ليلة الدخله)وكتاب (سنه اولى زواج) بس المشكله انها ضاعت مني وصرت ارووح عند بيارة جارنا اللي طافحه واتامل وارمي حصى وسط البياره (( مسوي رومنسي)) مثل اللي يجلسون على البحر ويرمون حصى ))المهم انه في ليله من الليالي قالت لي البنت((مصيول))
اوصف لي شكلك!!! ياوالله البلشه . وش اقول هذي هالحين اقووول لها اني قررررد اعترف لها بالحقيقه المرررره واقوولها
اني جدار مالي ملامح اعترف لها اني شبيه عبدالله سلمان (الف حمدالله والشكر) الوكاد اني قلت في نفسي ياولد خلني اسوي مثل كل الشباب وانصب عليها يعني تلقى الواحد من الشباب شييين واذا شفته في الشارع ماتدري هو رايح ولا جاي لان وجهه ماله معالم ولو تشووف وجهه تحسبه واحد معطيك مقفااه.. يعني مفروض يحط لووحه على وجهه ويكتب تررى هذا وجهي عشان الناس مايلخبطون بين وجهه وقفااه وانا مثلكم وادري بعد انا اذا قابلت احد يجلس ساعه محتاار بين وجههي من مقفاي ومايعرف الا اذا لقى الورقه لان فيني ورقه مثل اللي تجب في الفنايل والسروايل عشان تعرف ورررى من قدام !! المهم اني قلت لها انا عيوني عيون جوااد وطولي مثل طول طلال الرشيد وخشمي مثل خشم خالد عبدالرحمن وملحي مثل ملح راشد الماجد ومهضوم كثير مثل رامي عياش ((والله ماناقص الا تحط ملحن معهم ويكمل الاوبريت)) الوكاد ان البنت شكلها خقت من الفرحه معي وقامت تشاهق من الفرحه وسالتها وانتي اوصفي لي شكلك قالت مااقدددر ..لما تشوفني بتعرف لان مالي شبيه ((اخس يابرتني))
وانا اللي افك خشتي وسعابيلي تقووطر كني كلب شايف له عظمه وقلت لها يعني اشووفك ؟ قالت اكيييد .. انا بكره بروح شاليهات اليمامه اللي على طريق الخرج ونتقابل هناك .. قلت لها بس هذيك للعوايل بس .. قالت عاد انت دبر عمرك ونفسك قلت اووكي مو مشكله بس كيف اعررفك قالت بيننا الجوااال اذا وصلت كلمني وانا اعلمك وين تلقاني قلت لها خلاص الوعد هناك المهم .اني انا تووهقت وش لون ادخل الشاليهات وهي للعوايل ؟؟

نكمل البارت الثالث اذا شفت تفاعل منكم

ان شاء يعجبكم

_________________

الله يرج بليسك

_________________










السفاح126

يعطيك العافيه

_________________

يعطيكم العافيه تسلموو ع الردود العسل

_________________