هذي قصيدة بين بدوي وحضرية أعجبتني المحاوره وحبيت انقلها لكم وعسى تعجبكم ....






الحضريه:
قلنا سلام الله يا راعي الرعيـه وين الطريق اللي تودي للبلـد


معنا غشيم ما عرف قيمة خويه ضيعه بقفار مـا فيهـا أحـد

البـدوي:

يا هلا ويا مرحبا بالنرجسيـه أقلطـي فالـدار دارك والولـد


ذيك خيمتنا ولا أنتي بالخليـه ولك أمان الله في يـوم الأحـد

الحضريه:

ما لنا مجلاس يا رجل الحميـه مثلنا لا غـاب لحظـه يفتقـد


غير ذالهندي عساه اليوم حيـه لا عرف درب ولا هو اللي نشد

البـدوي:

إن جلستوا مرحبا ضيوف عليه وإن تعذرتوا معك طير السعـد


ما يجوز الغصب لك وأنتي بنيه لاكن العوده ولازم مـن وعـد

الحضريه:

إن عطاني الله عمر ولي بقيـه لازم أرجع مع هلي لك يوم غد


وإن تفارقنـا تذكـرك المطيـه وجعل يخلفنا على ديارك رعـد

البـدوي:

ليتني هندي معك يا الغشمريـه وإن ذا الهندي في المفلا قعـد


ليتني وياك نرعـى بالرعيـه أو ليت قلبي خبل لا رحتي هجد

الحضريه:

الله يخليـك مـا نـي ببدويـه ما نقصني يا ولد هـم ونكـد


دلنا على الخط دام الشمس حيه لا دنانا الليـل ذالهنـدي رقـد

البـدوي:

ذاك دربك من ورا ذيك الحويـه وأستري وجهك ولا تبديه أبـد


وأن بغيتي تحطبي مالك لويـه أجعلي بيديك حبل مـن مسـد

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي