يمه أدري...الجوع ذبّاح الرجال
وأدري إنه هالخوي ما هو سوي

وأدري إنه هالعمر خبز وريــال
يابعدي وأدري زماني نخبـوي

وأدري إن الجوع ما به راس مال
بس أنا والـجـوع يـمـه نــستـوي

له مواسم عشب فيني...واحتفال
له مطر يهمي فصدري وارتـــــوي

ينزرع فيني ثــقــة حـد الـهـبـال
كـلما شفـت الأمــانـي.تــنــزوي

ينتزع حزن ٍ تـجـثـم بي لـــيـال
له زمـن يـمـه فــصـدري مـنـطـوي

ينتزع للصمت ثـورة وانـفـعــال
والبكا دمعة ف.جـفـنـي تـنـضوي

ينتزع صرخة..فـحـلـقـي للجمال
صرخة تملا الـكـون يا يـمـه دوي

وهذا أنا كلي على بعضي خبال
طـفـل مـتمـرد وشاعر فـوضوي

مانـبـت للفـقـر فـشـفـاهي سؤال
يمه لو يشوي مـحـاديـبـي شــوي

للعطش في شـفــتي غــيـم وزلال
والجدب في بحتي حــلـم بــدوي

لو هوت شمس العمر نحو الزوال
تنطفي الدنيا وشمسي ما تــهـوي

يبقى لحن الجوع للعمر اشــتعـال
كلما غـنـيـت أحـس إني قـــوي


_________________