|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
08-24-2008, 05:20 AM
| ||||
| ||||
| رواية كرهتك في لحظة وحبيتك العمر كله هذي روايتي الأولى و أتمنى تعجب الكل كرهتك في لحظة و حبيتك العمر كله الجد عبد الرحمن ( أبو محمد)رجال قوي له سلطة كبيرة على عياله عمره 73 الجدة شيخة( أم محمد)طيبة وحبوبة وعمرها 65 سنة عائلة أبو راشد محمد (أبو راشد ) رجل أعمال كبير ومن أغنا الأغنياء متزوج فاطمة وعنده راشد 27 سنة يشتغل في شركة أبوه ومتزوج بنت عمه دلال وعنده ولدين توائم فارس و فراس 5 سنوات رامي 25 سنة يشتغل في شركة أبوه نادر 22 سنة يدرس في الجامعة في بريطانيا طويل وشيك وأسمراني وجسمه خيااال رشا البنت الوحيدة 20 سنة ثاني سنة في الجامعة تدرس طب فيها شوية غرور و دلع بس مرة حبوبة وكانت تفضل نادر على أخوانها كلهم كانت تخرج معا تضحك معا كانت تقلوه مشاكلها وزي كذا وآخر العنقود فهد 18 سنة ثالث ثانوي علمي عائلة أبو ياسر خالد أخو وشريك أبو راشد متزوج مريم وعنده ياسر عمره 27 سنة صديق راشد الروح بالروح دكتور في الجامعة متزوج بنت خالته سناء وعنده بنت سندس4 سنوات يسرى 25 سنة بنت فلللة على الاخر ماهمها حاجة درست سنتين في الجامعة بس ما كملت سعاد 21 سنة هاادئة بعكس أختها و تدرس فني ثالث سنة لها في الجامعة و التوأم سامي 20 سنة ثاني سنة في الجامعة يدرس هندسة صديق نادر الروح بالروح بس بعد ماسافر نادر انعزل سامي وما صار حيوي زي قبل سارة 20 سنة ثاني سنة لها في الجامعة وتدرس طب مع رشا وهي صديقتها الروح بالروح إذا ماشفتها يوم تتجنن عائلة أبو فواز سلطان( أبو فواز) دكتور جراح أعصاب متزوج نورة(أم فواز)وعنده فواز 24سنة يشتغل في شركة عمه وصديق رامي الروح بالروح و مررة وسيم وكل البنات ينهبلو عليه >>خخخخ نهى 21 سنة وتدرس فني مع سعاد و صديقتها الروح بالروح البنت ملاك شعرها أسود وعيونها سود وخشمها سيف وسمارها يجنن وباختصار بطلة القصة ندى 17 سنة وتدرس ثاني علمي بنت مرجووجة على الأخر و هيا عادية مو زي بقية أخوانها حلوين عائلة أبو خالد سالم (أبوخالد) متزوج ليال لبنانية وشايفة حالها ومحد يحبها وعنده خالد 27 سنة يشتغل دكتور عظام وماخذ الجمال العربي و اللون أبيييض و شعره أشقر >>يعني وااااااو دلال 25 سنة متزوجة راشد سمراء وشعرها أسود طويل لحد خصرها و عيونها خضراء فارس 23 سنة وقف دراسة ويشتغل في شركة عمه هو حلو بس ماهو بجمال خالد عيونه خضراء وأسمراني مثل دلال رنا 22 سنة تدرس إدارة و اقتصاد أخر سنة مررررة حبوبة وأخلاق ماخذة الجمال العربي والشعر الأشقر والعيون الزرق تشبه أخوها خالد يوسف اخر العنقود 15 سنة العم جاسم 27 سنة دكتور أطفال ومدلعع والى الان رافض فكرة الزواج لأسباب بتعرفونها في القصة ليلى 24 سنة رافضة الزواج المن ما يتزوج أخوها جاسم وعندها مشغل تتسلى بي منال 21 سنة فللللللة ومرجووووجة على الاخر وتدرس مع سعاد ونهى ومررة حبوبة عند الكل مشاري 18 سنة صديق فهد الروح بالروح ومستحيل يفترقون ويدرس معا في شخصيات كثيرة راح تعرفونهم في القصة بس ذكرت المهمين الجزء الأول من كرهتك في لحظة وحبيتك العمر كله في بيت الجد الكل كان متجمع الرجال في المجلس والحريم في مجلس والبنات في الصالون عند البنات رشا : بنات طلعت النتائج ولا لسا سارة : لا لسا انا هذي السنة راايحة فيها عندي أموت ولا أشوف النتائج منال : يا بنت فليها وخليها على الله في النهاية مصيرنا ربات بيوت ليش ندرس ونتعب نهى : يكفي أن الكل يقول نهى بنت سلطان ال .... عندها شهادة ترفع الراس رشا : انا عن نفسي اذا زوجي ماخلاني أشتغل ماراح أتزوج سعاد : باين بس يجي العريس على طول حتى الدراسة أشك أنيك بتكملينها نهى : خخخ بايخة سعاد : بس يجي ونشوف وقتها ليلى : بنات طفشاااانة مرة يسرى : صادقة مررة طفش خلينا نكلم أحد يخرجنا ندى : دقي على عمي جاسم حاولي معا عشان يخرجنا ليلى : اوكي عند الشباب رامي : شبااب سمعتو أخر خبر جاسم : صرصاراختبر خخخخخخخ رامي :خخخخ بايخ لا من جد أتكلم فارس : تكلم نسمعك خارجنا بس رامي : يوه هذي جزاتي بقولكم بشارة بس أحسن مني بقايل خالد : خارجنا بس بلا دلع وتكلم رامي: خلاص ماني بقايل فواز : تتكلم ولا شلون رامي : خلاص خلاص نادر حفلة تخرجوه يوم الأربعاء جاسم : والله هذا أحلى خبر سمعتوه اليوم ياسر : من جد الله يبشرك بالخير ياخي من جد فرحتنا فارس : ايش رايك يا سامي منت فرحان سامي : عادي >> ومن جوه بيموت من الفرح فارس : اها > الله يهديك يا سامي عارف أنك فرحان وتعاند نفسك بس الله يعين راشد : شباب ايش رايكم نعمل مفاجأ ونحضر تخرجوه فهد : ايوة من جد بيكون فلة راشد : خلاص انا بكلم أبوي وبقوله جاسم : تمام تررن ترررن جاسم : هلا والله باختي هلا بنور كله هلا بغلاي كله فواز : ياخي ترى هذي أختك ماهي زوجتك جاسم : هلا ايش تبين ليلى : ممكن يا أحلى أخو في الدنيا طلب واحد بس جاسم : امري تدللي مين لي ليلى غيريك يا أحلى وحدة في الكون فواز : هي تغازل عمتي قدامي يلي ماتستحي ليلى : تقدر تخرجنا أنا والبنات مرررة طفشانين جاسم : دقايق وانا عندك نتناقش في الموضوع ليلى : صار خلاص بااااي جاسم : باااي انت وبعدين معاك أكلمها زي ماأبغا أنت ايش دخلك وهي أختي قبل ماتسير عمتك عند البنات ليلى : يقول شوي ويجي سارة : ماشكله بيخرجنا ندى : لا إن شاء الله رنا : دحين يجي ونشوف جاسم : هاااااي صبايا الكل : هااااااااي رشا راحت عنده : جسووم الله يخليك خرجنا رنا راحت بعدها : ايوة عمو يالله يا أحلى عم في الدنيا ليلى بعدها : أخوي يا نظر عيني الله يخليك خرجنا جاسم : يؤ لدرجة هذي طفشانين سارة : و أكثر بعد جاسم : اممممم راحت نهى : يالله جسوم من زمان ماخرجتنا تكفى راحت ندى : يالله بلا دلع خرجنا جاسم لسا على حالو منال : جاااسم وين رحت عارفة انك تتغلى يالله يسرى : عميي جاسم بلييييييييز جاسم : ربع ساعة وتكونون جاهزين إذا ماجهزت ما في روحة البنات : واااااااااو وكل وحدة راحت بسرعة تتجهز عشان يخرجون عند الحريم سعاد : احنا خارجين مع عمي جاسم طيب الكل : خلاص طيب الجدة : انتبهو على حالكم سعاد : انشاء الله عند الرجال فارس : وين إختفا جاسم يوسف : بعد مادقت ليلى راح ولا عاد رجع جاسم وهو داخل : مين هو ياسر : انت إلا ايش عندهم البنات جاسم : طفشانين و يبغون يخرجو فواز : وعسى سمعت كلامهم جاسم : بصراحة أشكالهم وهم يترجون تكسر الخاطر بس أبغ أحد يجي معايا شكلي غلط كلهم بنات وانا الوحيد ولد الناس بتقول السواق مو عمهم تكفون تعالو سامي : شكلوه يكسر الخاطر يلا قوموا نتمشى الشباب : يلا بعد عشر دقائق البنات كلهم راحو جهت السيارات رشا : يلا أحد يدق على جسوم نهى : خلاص انا بدق جاسم : الوو نهى : احنا ننتظرك برى جاسم : بس انا قلت ربع ساعة ودحين ماعدت ربع ساعة نهى : خلاص بلا هرج زايد ويلا تعال جاسم : ثواني وانا عندكم نهاية الجزء الأول انشالله يكون نال اعجابكم وسلام اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
08-24-2008, 05:26 AM
| ||||
| ||||
| رد: رواية كرهتك في لحظة وحبيتك العمر كله يسلموووووووووووووو يادلبو ورايه بديتها حلوة بالمرة وان شاء الله راح اتابع كل اجزائك واتمنا ان تكون نهايتها حلوة زيك يادلبو ويعطيك مليون عافيه على البدايه الحلوة  وبالتوفيق والاستمرار  اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - التعديل الأخير تم بواسطة بنت فله على طول ; 08-24-2008 الساعة 05:30 AM سبب آخر: ^_^ |
|
08-24-2008, 05:38 AM
| ||||
| ||||
 رد: رواية كرهتك في لحظة وحبيتك العمر كله اقتباس:
تسلمين يا حياتي على الرد وانشاءالله تعجبك بقية الرواية وربي لايحرمني من ردودك  اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
08-24-2008, 07:34 AM
| ||||
| ||||
 رد: رواية كرهتك في لحظة وحبيتك العمر كله الجزء الثاني من كرهتك في لحظة وحبيتك العمر كله في الحوش البنات كانو يستنون وكل وحدة متلثمة وطبعا عشان كانو مجتمعين كل وحدة عاملة مكياج كامل وفجأة يشوفون جاسم جاي ومعا جيش أولاد سعاد : يووه ايش يجيبهم جاسم : الشباب طفشانين كمان قلت نخرج سوى رامي : رشا رشا :هلا رامي : خرجة وانتي كذا مافي رشا تستهبل : ايش في ماسويت شي رامي : لا والله والمكياج الي في عينك هذا غطي عينك أحسن ليك ولا مافي طلعة الشباب كلهم صاروا يقولون نفس الشي لأخواتهم وحصلت ضرابة وكل بنت راحت لأمها تشتكي عند الحريم يسرى : ماما شوفي الشباب كلهم جالسين لنا أم ياسر : ليش ايش سويتو الحين رنا : يقولون مسحو المكياج بعدين اخرجو الجدة : وهم صادقين تخرجون كذا لا رشا : يووووه حتى انتي يا جدتي ندى : خلاص خلونا نمسح وخلاص نهى : انتي امسحي انا ماني ماسحة أم فواز : خلاص امسحو ولا لا تخرجو وبعد معركة حاسمة انتصرو البنات على الشباب في السيارة كانو موزعين في السيارات سيارة جاسم ( همر) كان في جاسم نهى وندى ورشا ويسرى سيارة فواز ( بورش ) كان فواز و سامي وليلى ورنا وسعاد سيارة ياسر ( اودي) كان ياسر و منال و ندى ومشاري و فهد وبقية الشباب كل واحد راح بسيارتو في سيارة جاسم جاسم : بنات فين تبغون تروحون ندى : ايش رايكم نروح الشلال نهى : لا مالي خلق ملاهي يسرى : ايش رايكم نروح ردسي مول رشا : ايوة نفسي أروحو أبغى أقضي لزواج خالي خالد (خالد خال رشا وصديقها يحبون بعض موت وعمره 26 سنة و ملامحه عادية و أسمراني و طوييييييل مرة ومعضل ) جاسم : خلاص الردسي مول بس بقول البقية في سيارة فواز فواز كان يكلم جاسم يتفقون : خلاص صار اوكي بااي رايحين الردسي مول البنات كلهم : وااااااااو فواز : خلاص اذني مالو داعي الصراخ ليلى : ياخي خلينا نفرح ونفلها سامي : ماقلنا شي فلوها بس مالو داعي الصراخ رنا : خلاص طيب اوف عندنا أولاد ممليين فواز : عاد حدك احنا مملين هذا جزاتنا مخرجينك بدل ما تقولون شكرا طيب اخر مرررة رنا : لااا خلاص طيب شكرا فواز : و .. رنا : وانتو فلة وكشخة وما أعيدها فواز : شاطرة سعاد ما كانت معاهم كانت تفكر في صحبتها ومصيرها الي تقرر >> راح تعرفون مع الروايا وصلو المركز كلهم وتفرقو مجموعات عشان مايلفتون النظر عند ليلى وسعاد ليلى : سعاد بقوليك شي بس ماتزعلين سعاد : ماراح أزعل هلا ليلى : بصراحة الفترة الأخيرة احسك منتي على بعضيك فيكي شي أحد زعلك ولا شي تكلمي عادي أنا عمتك سعاد : بصراحة في شي ليلى : خير خرعتيني فيكي شي سعاد : انتي تعرفي رناد صحبتي ليلى : أيوة سعاد : انخطبت ليلى : من جد مبروووووك بس مو المفروض تتحمسي وتفرحي انا شايفة العكس سعاد : بصراحة هيا ما وافقت بس أهلها غصبوها و الي خطبها واحد مررة داشر عشان كذا هي ما تبغا ليلى :يا حياتي الله يكون بعونها و يصبرها بس بصراحة أكره ماعندي الزواج غصب سعاد : من جد عند منال ورنا كانو يتمشون لوحدهم وكان وراهم اثنين يعاكسوهم الأول : ما أقدر على الدلع انا ماقدر الثاني : ااه يا قلبي من العيون المكحلة واللثمة أبغى هواء ماني قادر أتنفس من الجمال ال.. وفجأ جا كف و من فواز وبدت مضاربة ( هوشة) بين فواز و رامي و الولدين الي كانو يعاكسون و منال كانت واقفة مصدومة من الي تشوفه من أولاد أخوانها ورنا تصيييح من قلب وفي النهاية هربو الاثنين قبل مايجي الأمن فواز : انتو بخير عمتي منال: انا عن ..نفسي ...تمام بس ........ رنا انتي رنا مازالت على حالها وتبكي من قلب رامي : خلاص حصل خير ورنا مازالت على حالها وفواز لمن شافها كذا قطعت قلبو ما كان متوقعها حساسة بهذا الشكل منال : خلاص رنا يلا مشينا غسلي وجهك ونروح كفي شوب نرووق بكوب قهوة عصير يلا رنا بعد ماهديت شويا : أبغى أرجع البيت فواز : يابنت الحلال مع ميين بتروحين و احنا تونا وصلنا والبيت مرة بعيد روحي دحين الكوفي شوب بعدين نرجع سوا رنا : اوكي ومشيت رنا وأخذت معاها عقل فواز وبعد ماتجمعو كلهم في الكوفي شوب عند البنات منال : بناااات أقولكم ايش صار يسرى : تكلمي ايش في منال : صارت هوشة عشان انا ورنا رشا : من جد ايش صار منال حكتهم كل شي من كان يا مكان الي توتة توتة خلصت الحتوتة البنات مصدومين كلهم و يطلون ( يناظرون ) في رنا وهم مصدوميين سارة : عشان كذا مسحتو المكياج رنا : وانتي ماهمك غير المكياج ومشيت وسابتها وهي معصبة وراحت على الحمامات سارة : انا قولت شي غلط عند الشباب كانو كلهم يتكلمون و يمزحون ماعدا فواز كان في عالم ثااني جاسم : هيييي يا أبو الشباب معانا فواز : ....... جاسم : لا الولد في شي ماهو طبيعي فواااااااز فواز بعصبية : نعم خير ايش في سامي : الي ماخذ عقلك يتهنى في فواز بحالمية : ااااااه الله يهنيها في من جد ياسر : لا الولد في شي من متى الرومانسية فواز من قلب: ااااااااااااه من أول ماشفتها جاسم : ومييين تعيسة أقصد سعيدة الحظ فواز انتبه أنو زودها معاهم : ها مالكم دخل وانتبه لرنا وهي رايحة الحمام فواز : شوي وجاي وراح بسرعة يلحق عليها مشاري : شرد الاخ يتهرب بس على مين لازم نعرف مين عند رنا فواز : رنا رنا : وهي كاتمة نفسها عشان ماتصيح وتنهار : هلا فواز : كيفك الحين رنا : تمام مشكور كانت بتمشي بس وقفها فواز لمن قال : ليش مرة متحسسة من الموضوع زيادة عادي دايما يسير كذا رنا : شي مالك دخل في لا تتلقف وتسأل فواز بدأ يعصب : كيف وانا ولد عمك و .. قاطعته رنا : انت ولد عمي وبس ومالك دخل فيني فواز بدون مايحس بالي يقولو : ليش ماتحسين فيني رنا مستغربة : ليش ؟! كمل فواز : لأني أحبك رنا وهي تحاول تستوعب أكثر : كيف ؟!! فواز حس بنفسه : ها آآآآ...... رنا : بس للأسف شعورك من طرف واحد ومشيت وخلتو وهيا ندمانة من الي قالتو رجعت رنا عند البنات وجلست معاهم وهي تحاول تستوعب الي صار قبل شوي بعد ماخلصو كل واحد راح على بيته و انتهى اليوم السعيد بنسبة للبعض و حزين للبعض الاخر أشرقت صباح يوم جديد على مدينة جدة حبيبتنا عروس البحر وعلى أبطالنا الأعزاء في بيت أبوراشد صحيت رشا وهي نشيطة وحيوية قامت راحت الحمام و انتو بكرامة و أخذت شاور و لبست ولمت شعرها ونزلت تفطر كان في أبو راشد و أم راشد ورامي و فهد رشا : صباح الخير على الحلوين أم راشد : صباح النور يا عيوني تعالي افطري رشا : من عيوني بس بروح أجيب كوب قهوة وراجعة فهد : ذبحتينا بالقهوة بس تشربي قهوة في اشياء غير القهوة رامي : وانت الصادق كل ساعة نلاقي في يدها كوب قهوة مرة نسكافيه ومرة تركي ومرة كابشينو ذبحتينا رشا : وانتو ايش حاركم عليا أشرب الي أبيه فهد يستهبل : ياااي اشرب الي ابيييييييه أبو راشد : وبعدين سيبو البنت في حالها رشا : مشكور باااااابا في بيت أبو فواز فواز قام وهو يتذكر امس كأنو اليوم ويتمنى لو يكون حلم وكان يتضايق كثير لمن يتذكر رنا وهيا تقلوه الحب من طرف واحد قام أخذ شاور ولبس وراح الدوام في غرفة نهى كانت لسا في سريرها تفكر ( اااااه نادر متى ترجع ليش رحت وخليتني و الله أحبك ليش تركتني وخليتني اموت في اليوم مليوون مرة بس خلاص هانت اخر سنة وترجع ) طق طق طق نهى : تفضل دخلت ندى : يلا قومي بسرعة بعد شوية بيجون منال وليلى ونخرج نفطر برى بسررعة قومي نهى : اوكي ثواني و أجهز ندى : بسرعة نهى : خلاص طيب اطلعي برى وانا أقوم ندى : اوكي في بريطانيا وفي مكان بعيد نادر : اخيرا بنخلص يا شباب ماني مصدق خالد : صدق يا حبيبي صدق ( خالد صديق نادر وهو من الدمام و مرررة يجنن أبيض و عيونه خضراء و شعره بني وجسمه خيااال ) سعود : في أحد من اهلك بيحضر تخرجك (سعود صديقه الروح بالروح و معا من زماااان وهو السبب في انهم يدرسون في بريطانيا ووسيم وجذاب ) نادر : ما أدري انا قلت لأخوي انو بعد بكرة الحفلة بس ما أدري نرجع لأبطالنا في السعودية في بيت أبو خالد في غرفة فارس فارس كان جالس على النت فاتح المسنجر مستنيها تدخل فارس يوووه ساعة مستني وحدة تدخل وهم على بالهم أميرات يتغلون وجع في شكلهم فجاء سمع صوت أحد سجل دخولوه ( بنت سلطان ومحد قدي أهد بنيان وجبال ) "بنت سلطان ومحد قدي أهد بنيان وجبال " هاااااااااي "جذاب بس كذاب " أهلين " بنت سلطان ومحد قدي أهد بنيان وجبال " كيفك عيوني " جذاب بس كذاب " تمام العافية انتي كيفك " بنت سلطان ومحد قدي أهد بنيان وجبال " تماموو "جذاب بس كذاب " عيوني ايش رايك أشوفك اليوم " بنت سلطان ومحد قدي أهد بنيان وجبال " ما أعرف أخاف بابا يقتلني " جذاب بس كذاب " لا من غير ماحد يدري " بنت سلطان ومحد قدي أهد بنيان وجبال " ما أعرف "جذاب بس كذاب " عادي تخرجي مع أهليك بعدين تقولي بروح أتمشى و أقابل صحبتي و نتقابل و نخرج مع بعض " بنت سلطان ومحد قدي أهد بنيان وجبال " فكرة حلوة اوكي "جذاب بس كذاب " اوكي بعدين أدق عليكي أتفق معاكي باااي " بنت سلطان ومحد قدي أهد بنيان وجبال " اوكي أستناك باااي أول ماقفل اللابتوب لبس وراح الدوام في غرفة رنا كانت جالسة تقرأ رواية اثنين يحبون بعض بعدين مات البطل وجلست تبكي دخل عليها يوسف يوسف : ليش الحلو زعلان من زعليك يا عيوني رنا : مات مات وكملت بكاء يوسف : لاحول ميين الي مات أمي ابوي خالد دلال لايكون دلال عشان هي لوحدها في البيت رنا طفشت منو : ماحد مات البطل الي في الرواية اللي أقراها يوسف : خوفتيني الله يقطع شيطانك على بالي عنديك سالفة جاي أتونس معاكي جبتيلي الهم رنا : يووه اذا جبتلك الهم روح انقلع ليش جالس عندي يوسف : رايح أشوف اذا مشاري ولا فهد فاضيين أحسن من اني اجلس معاكي وهو طالع رنا رمت المخدة علي رنا : برى يوسف مسوي فيها معصب : يووووه أمحق أخت بدل ماتراضيني تطردني وطلع رنا حست بتأنيب الضمير انها حطت حرتها في يوسف بعدين دق جوالها حلالي أبيك و أفكر فيك و أعيش العمر كله عشان أرضيك رنا : الوو ليلى : احنا نستناكي برى رنا : اوكي ثواني وأنزل ليلى : اوكي باي رنا : باي في السيارة عند البنات منال : الكل موجود البنات : ايوة منال : اوكي فين نروح الحين رشا : ايش رايكم نروح نفطر في كودو ندى : ولا ناخذ من كودو ونروح البحر الجو اليوم روعة منال : خلاص اوكي البحر ليلى : مشينا قاسم قاسم : نعم مدام ليلى : ودينا نطلب من كودو قاسم : حاضر مدام في الشركة عند سامي سامي كان جالس يراجع أوراق حق الشركة ترن ترن سامي : نعم صلاح صلاح : الأستاز رامي عند الباب سامي : طيب خلي يدخل رامي : السلام عليكم سامي : وعليكم السلام بعد ما سلمو على بعض رامي : سامي انا جاي أتكلم معاك عن نادر سامي بخوف : صار في شي رامي : لا (( اخيرا بان الخوف عليك )) سامي بعدم مبالاة مصطنعة : أجل خير رامي : بس حبيت أسألك راح تجي معانا حفلة تخرجه سامي : أكيد رامي : كويس خلاص أجل لا أعطلك عن شغلك مع السلامة سامي : الله معاك أول ماخرج رامي جلس سامي يتذكر اخر مرة شاف فيها نادر نادر : سامي خلاص لاتزعل مارح أجاهد راح ادرس و أرجع سامي : بس يا نادر احنا من زمان و حنا نخطط ندرس الجامعة مع بعض نادر : خلاص سامي احنا كبرنا ولازم نفترق اذا تزوجت بتلصق فيني زي كذا سامي : نادر اصحى تذكر انا ما أقدر اعيش من غيرك نادر : ترى الطيارة بتقلع انا لازم أمشي سامي ماقدر يمسك نفسه وحظنه : خلاص انساني ولاتكلمني انت خنتني خنت صداقة مدى العمر بصداقة مالها غير3 سنوات ومشي وساب نادر مصدوم في بريطانيا سعود : انا رايح أجيب أهلي من المطار تجي معاي نادر: لا لاأسوي زحمة خليكم تاخذو راحتكم سعود : افااا انت امشي بلا حركات الأطفال وانت ساكت واذا ماجيت ماني رايح نادر : الحمار فهم وانت مافهمت سعود : الطريق للمطار طوييييييل وابغاك عشان أتسلى معاك سعود متفق مع راشد لأنهم عاملين مفاجأ لنادر نادر : خلاص أمري لله في السعودية وفي بيت أبو ياسر سناء كانت عند التسريحة تعمل ميك أب و ياسر جالس على السرير ياسر : حبيبتي سناء : هلا حياتي ياسر : انا اليوم ماشي مع الشباب بريطانيا اوكي سناء : اوكي عادي ياسر : يعني ماتزعلي سناء: وليش أزعل انت رايح تحضر تخرج ولد عمك ياسر طوق يدينه في خصرها وحط راسه على كتفها : يا عيوني انتي أوعدك المرة الجاية نروح أنا وانتي المكان تبينه سناء بدلع : خلاص يا حياتي سيبني بروح أجهز شنطتك ياسر وهو يشد أكثر : ماراح أسيبك غير بعد ماتديني بوسة سناء بخجل : ياسر وبعدين معاك دخلت عليهم فجاء سندس وهي تبكي : بابا ثارة تكول انت بتلوح وتثيني لوحدي واااع ( بابا سارة تقول انت بتروح وتسيبني لوحدي ) ياسر : اذا بتقاطعيني كل مرة أتغزل في أمك بروح سندس : لااااااااااااواااااااااااااع بابا حيثيبني(حيسيبني) واااااااااااااااااع سناء تضحك : حرام عليك تبكيها دحين مين راح يسكتها ياسر : من عيوني أسكتها شال سندس وجلس يدور فيها في الغرفة بعدين وقف بعيد وقالها في اذنها انا بس بروح يومين ثلاثة وراجع و راح أسيبك مع ماما عشان حرام ماما تجلس لوحدها وانتي تجلسي تلعبي معاها واذا بكيت قوليلي وانا أحاسبها سناء من بعيد وهي ماهي سامعة : هييي انت لا تخرب بنتي سيب سندوستي في حالها ياسر بعد مانزل سندس قال بجدية : انا طالع المطار بعد نص ساعة سناء: مو من شوية قلت اجهز الشنطة ماراح يمديني في نص ساعة ياسر: كلها كم يوم وراجع حطي بنطلونين جينز و تيشرتين وبدلة رسمية سناء : اوكي ثواني وتكون جاهزة (سناء الى الان ماهي قادرة تفهم ياسر ساعة يكون حبوب ويضحك و ساعة يكون عصبي وحازم ونفسها تفهم الى الان ليييش؟ ) في المستشفى كان خالد جالس يراجع أوراق في يده دخلت عليه ممرضة نادين نادين بمياعة : أهلين دكتووور خالد خالد كان مشغول ومالو خلق للمياعة : أهلين نادين : انت ناديتني خالد : ايوة كنت أبغى منك تودين أوراق للدكتور سلطان نادين : حاضر دكتور وراحت ودخلت على طول بعدها أخته رنا رنا : أهلييييييين بأخوي الدكتور الي يشفي المرضة خالد : أقولك ترى مشغول قولي ايش عندك رنا : كنت أقول لمن تفضى يعني تقدر...اااه.. خالد : والله مو فاضيلك عندي مناوبتين اليوم عشان صاحبي مسافر يحضر زواج أخوه في القصيم رنا : اوفف خلاص طيب وطلعت في العصر الساعة 5:30 في المطار كان في أبو راشد وراشد ورامي و ياسر وسامي وفواز وجاسم ومشاري وفهد راشد : شباب تخيلو شكل نادر اول مايشوفنا جاسم : بيبلم بعدين يفقع ضحك الشباب: ههههههههههههههههههههههههههههههههههههه ونادو على الرحلة وركبو الطيارة متوجهين لنادر الي ماهو داري بالي صاير في بيت الجد عند البنات بتحديد منال : ايش هذا الظلم ليش الأولاد يسافرون واحنا لأ رشا : ايوة صح أبغى أحضر تخرج أخوي المفروض عشاني أخته أحضر ليلى : بنات ايش رايكم نخرج نتمشى ونرفه عن نفسنا بدل مالأولاد يكونون عايشين حياتهم و احنا هنا طفشانيني نهى :بس يا ذكية كيف نخرج ومافي أحد يخرجنا رنا : والسواقين الي مالو البيت فين راحو يسرى : هه ضحكتيني أهلنا يخلونا نخرج مع السواق لوحدنا هذي في الأحلام رنا : خلينا نروح نحاول مع أهلنا منال : يلا عند الحريم أم راشد: تدرون متى يوصلون أبغى أتطمن عليهم أم فواز : ما أمداهم بس لاتخافين يا أم راشد انشالله يوصلون بسلامة أم راشد : انشاء الله يارب قطع حديثهم دخول البنات وصجتهم كل وحدة راحت جلست عند أمها أم محمد ( الجدة) : أكيد عندكم مصيبة اذا جيتو منال : لا يمه يعني مانجلس معكم حرام أم محمد : قلت يمكن منال : بس يمه ممكن طلب أم محمد : شفتو بناتي و أعرفهم زين تكلمي ايش عندك منال : ليلى تقولك ليلى : لا حبيبتي انتي تكلمي منال : يلا عاد بلييييييز أم محمد : خلصونا ايش عندكم ندى : خلاص انا بقولك السالفة ومافيها نبغى نخرج مع السواق أم ياسر : لا ماينفع لازم معاكم محرم أم محمد : صدقتي يا مريم يسرى : بس يمه الله يخليكي مرة طفشانين وكلهم سافرو أم خالد : خالد موجود بس أكيد مشغول رنا : خلاص بكلمه و أشوفه البنات كلهم :يسس انشاء الله يوافق رنا : طيب أصصصص ماأبغى أزعاج دقت وتنتظر وتنتظر ولم يرد رنا : مارد بحاول مرة ثانية خالد : هلا رنا : أهلييين أخوي حبيبي ممكن طلب بسيط خالد : يووووه من الصبح وانتي راجتني قولي خلصيني ايش عندك رنا : انا والبنات طفشانين ونبيك تخرجنا خالد : اممممممممم لأ رنا : الله يخليك أخوي لاتفشلني قدام البنات خالد : اوكي تجهزو وبعد عشر دقايق أنا عندكم رنا : ياهوووووووو عاش أخوي البطل تسلم خالد : الله يسلمك يلا سيو رنا : سياا اول ماسكرت البنات كلهم أختفو رنا : يؤ فين الكل دلال : راحو يجهزو رنا : خلاص انا كمان رايحة يلا سلام بعد عشر دقائق خالد : رنا يلا انا في السيارة رنا : اكي باي ونزلو وكان ترتيبهم في السيارة قدام خالد ودلال في الوسط نهى , سعاد ، ليلى ، ندى ،سارة في الأخير رنا ،منال ،يسرى ، رشا في بريطانيا نادر : أقول سعود متى موعد وصول الأهل سعود: والله المفروض يوصلون بعد شوية نادر : انا ليش جيت معاك المبارة دحين بتخلص سعود : أحسن في الطيارة الشباب كانو عايشين حياتهم وفالينها فل لأنهم أخذو درجة أولى وتقريبا كل الي فيها بس هم وطبعا دلع و وناسة جاسم : أقول شباب انا شكلي بروح ولا أرجع راشد : قصدك تهرب من العالم ولا ترجع جاسم : ايوة عليك نور الرجاء من الجميع العودة الى مقاعدهم وربط أحزمة الأمان لهبوط الطائرة سعود : شوف وصلت الطائرة يلا نروح نستقبلهم نادر : لا انا بروح أشغل السيارة وانت روح استقبلهم سعود : لاااا تجي معاي نادر : امري لله سعود: شايفهم نادر : وانا ايش يعرفني بأهلك سعود : انت طالع زين و بتعرفهم سعود : هذاك هما نادر : هذا يشبه جسوم و أبوي و .... >> مبللللللللم الاخ جاسم : شباب مو قلت أنو بيبلم الشباب : ههههههههههههههههههههه نادر حضن أبووه من قلب نادر بصوت متقطع : أبوي ..أشتقتلك موت أبو راشد بعد ما ترك نادر : وانا بعد يا ولدي وانا بعد الكل كان متأثر بالمشهد وبعدها الكل صار يسلم عليه وصل لسامي سامي : سامحني يا أخوي سامحني يا سندي وعزوتي وناسي سامحني لأني مستحيل أفترق عنك سامحني يأغلى شخص بالكون نادر دمعت عيونه شوي : مسامحك يا أخوي مسامحك مهما عملت بسامحك مهما تضايقت مني انا مسامحك وحضنو بعد سامي و هو يبكي : اشتقتلك مووووووت حياتي من غيرك ماتسوى نادر: وانا أشتقتلك أكثر و مستحيل أفارقك بعد كذا جاسم : يالحبايب خلاص صار فلم رومانسي على غفلة الكل :ههههههههههههههههههههههههه وراحو كلهم على الفندق الي حجزو في طبعا شقت نادر ماتوسع نرجع لشلة البنات راحو على ستار بكس الي على البحر بعدين أخذو لفة على البحر وراحو على مطعم فرايديز وتعشو هناك منال : بنات ايش رايكم نتسلى شوي ونقول انو عيد ميلاد ندى ندى : ياسلام ليش انا منال : ياهبلة عشان انتي الصغيرة ليلى : يلا لو سمحت القرصون : يس مدام ليلى : اليوم عيد ميلاد بنت أخوي و أبغا كيكة لها عشان كذا القرصون : نو بربلم وراح سارة : مالي دخل في عيد ميلادي تسولي كذا نهى : شكلها البنت صدقت القصة فجاء طفت الأنوار وجو كل الي يشتغلون في المحل وبدو يغنون هبي بيرتي لندى وبعدين طفت الشموع و أكلو وخلصو ودقو على خالد يجي ياخذهم في السيارة خالد : انبسطو يا بنات سارة : ونااااسة مررررررة المساطيل قالو انو عيد ميلاد ندى و جلسو يغنو و فللة خالد بابتسامة شاقة الحلق : اهم شي انبسطو منال : اقول لايكثر هرجك ويلا أول ماوصلو البيت كلهم نزلو ماعدا سارة وخالد أول مانزلت سارة خالد : سارة سارة :هلا خالد: أبغى أطلب من أمي تخطبك اذا كنتي موافقة سارة مصدومة ماخطر في بالها انو ممكن أحد يحبها سارة بخجل : بكيفك وراحت بسرررعة خالد: يس اخيرا بتصيري زوجتي يا سارة في البيت اول ما سارة فسخت عبايتها ونزلت الحديقة تفكر بالي صار وهي حد الحين تفكر في خالد ( ااااااااااه يا الله ماتوقعت انو ممكن الي أحبه يحبني ويبيني أتزوجه خالد : لا صدقي اني اموووووت فيكي سارة تشنجت مكانها لأن اخر واحد تبغاه يسمعها خالد وفوق كذا ماعليها طرحة خالد : اعذريني وراح سارة كانت لابسة بلوزة حمراء ربط على الرقبة وبنطلون جينز أسود سارة لفت بتروح نزلت رشا رشا :سارة ايش فيكي اختفيتي فجاء سارة : الله جابك من القمر تعالي بقولك شي وقالتلها كل شي صار رشا : وااااااااااو يعني بتتزوجي سارة : اسكتي فضحتيني رشا : ماني مصدقة انتي تتزوجي سارة : ايش فيها انا بنت حقي حق كل بنت رشا : لازم أفصل فستان و سارة : انتي هبلة لسا ما خطبني رسمي رشا : خلاص طيب ودخلو يكملو سوالف مع البنات بس طبعا سارة مهي معاهم في عالم ثااني عالم خالد وهذي نهاية الجزء الثاني تتوقعو يسير شي بين خالد وسارة يخلي مايخطبها ؟؟ وايش بيسير لرشا يخلي الكل يرجع من بريطانيا وأمها تنهار ؟؟ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
08-26-2008, 04:00 AM
| ||||
| ||||
| رد: رواية كرهتك في لحظة وحبيتك العمر كله الجزء الثالث من كرهتك في لحظة وحبيتك العمر كله في بريطانيا الساعة 10 الصباح نادر كان عازمهم كلهم على الفطور بحسابه نادر : ليش ماقلتو انكم جايين كان جهزت حالي أقلها ياسر : عشان نشوفك مبلم خخخخخخ سامي : متى الحفلة انشاء الله نادر : أول مانخلص الفطور نجهز ونروح سامي : اوكي ياسر : أشوفك رجعت تهرج نادر : ليش ؟؟ ياسر : أول ما انت سافرت ماصار يهرج كثير زي اول وصار هادي بس دحين رجع زي أول بوجهو البشوش نادر : افاا وليش ماحد قالي كان سبت الدراسة ونكدها وجيت أراضيه و أرجعه مثل الأول سامي : لا ماله داعي عن اذنكم ورااح نادر : عاجبك كذا وراح يلحقه بس ما قدر لأن كان اختفى من قدامه في الحمام عند سامي سامي غسل وجهه من الدموع وجلس يطالع شكله في المراية انا لازم أرجع مثل الأول كان لابس تي شيرت أبيض سادة و بنطلون جينز عاااادي جدا بعكس أول كان ملابسه مستحيل تلاقي شي عادي وراح للمركز يقضي نادر ليش تغيرت يا سامي كلو بسبتي أنا أنا السبب سامحني يا سامي في بيت أبو خالد خالد صحي الصبح نشيط وفرحااااان قام أخذ دش سريع ولبس بلوزة حمراء و بنطلون أسود وتعطر ومشط شعره و نزل في الصالة كان في أبو خالد و أم خالد و فارس قاعدين يفطرون وأول مانزل خالد صباح الخير أبوي وسلم على راس أبوه صباح الخير أمي وسلم على راسها و جلس يفطر فارس : وانا مالي صباح الخير ولا سلام ولاشي خالد : صباح الخير فارس: صباح النور خالد : أبوي أبي أتزوج أبو خالد : والله هذي الساعة المباركة ومين سعيدة الحظ فارس : قصدك تعيسة الحظ خالد : انت مالك دخل ثانيا سعيدة الحظ هي سارة بنت عمي خالد أبو خالد : والله ونعم البنت أم خالد : بصراحة انا أشوف سعاد أو يسرى أحسن أكبر وأعقل خالد : بس أنا مابي الا سارة وبس أبو خالد : خلاص أول مايرجعون من بريطانيا نخطبها خالد : وانا ايش الي يصبرني لين يرجعو أنا ابيها الحين فارس : زي ماصبرت سنين أصبر يومين ثلاثة أبو خالد : أخوك الصادق رنا : في ايش صادق صباح الخير بابي صباح الخير مامي أبو خالد وأم خالد : صباح النور والسرور رنا : صباح الخير أخوي خالد : صباح النور والسرور وجلست تفطر فارس : انا ولد الشغالة ماشي مع السلامة رنا : يؤ انت اشبك فارس بعصبية مصطنعة ممزوجة بحزن :انا منسي ماحد يقولي صباح الخير ولا يعبرني كأني ولد الشغالة خلاص بتزوج عشان زوجتي تفتكر تقولي صباح الخير رنا : كللللللللللللللووووووووووووووش متى الزواج ومييييين العروس المقرودة فارس : أولا ما أسمحلك تقولي على عروستي مقرودة لأنها تصير بنت عمك خالد خالد: هيييييييي أنا قلت قبلك فارس : مابي سارة فتها بعشاك أبي سعاد رنا : ليش أنت تبي سارة خالد : ايه وبخطبها كمان رنا : كلللللللللللللووووووووووووش ماني مصدقة أخوي أنا بيعرس يوسف : من جد بتعرس خالد :ايوة يوسف : كلللللللللوووووووووووووش رنا : والله تعرف تزغرط أحسن مني يوسف : مشكور فارس : بابا أنا أتكلم من جد أبي أتزوج أنا كمان خالد : ياربي منك قلت بتزوج قلت بتتزوج قلت بنتحر قلت بتنتحر فارس : خلاص مابي شئ تأخرت وراي دوام مع السلامة خالد : يؤ ذكرتني أنا كمان وراي دوام مع السلامة يوسف : الحمد الله ماوراي دوام أبو خالد : وهذا الشي ماني راضي عنه لازم تلاقي شغل يشغل وقت فراغك ويكون مناسب لسنك يوسف : بس هذي إجازتي أبو خالد : مافي تفاهم والي قلت عنه بيصير يوسف : انشاء الله رنا : عن اذكم مع السلامة رنا كانت تروح نادي رياضي مع بنات عمها ومنال وليلى في بيت أبو ياسر سارة صحت و أخذت دش سريع ولبست لبس رياضة لونه أحمر ولبست عبايتها وراحت تصحي أخواتها في غرفة يسرى دخلت سارة وكانت الغرفة ثلج ومكركبة على الاخر راحت طفت المكيف وفتحت الشباك والبنت نائمة خبر خير عندها راحت تحاول تصحيها يسرى : اذا ماوخرتي عني بيكون اخر يوم لكي اليوم راحت سارة جابت كاسة موية باااردة مع ثلج و يسرى: ياحمااااااااااااااااااااااااااارة يا سويرة أنا أوريكي سارة :ههههههههههههههههههههههههههههههههههه ماتت ضحك على شكل يسرى كانت جالسة ومعصبة وشعرها منكوش وتصرخ قامت يسرى بتكفخ سارة راحت جري طلعت وسكرت الباب يسرى: اصبري علي أن ماوريتك الحين في بعدين راحت الحمام الله يكرمكم وأخذت دش سريع ولبست لبس رياضة لونه أسود بخطوط كحلي في غرفة سعاد دخلت سارة لقت سعاد لابسة وجاهزة كانت لابسة لبس رياضة أخضر فاتح بخطوط غامقة وكانت جالسة على النت تسمع أغاني و تقرأ روايتها سارة: صباح الخير سعاد: صباح النور يلا سارة : بنفطر أول بعدين نمشي سعاد : اوكي قفلت الابتوب ونزلو يفطرون في بيت أبو راشد دخلت أم راشد تصحي رشا لقت الغرفة مثلللجة طفت المكيف وفتحت الستاير أم راشد: رشا رشا حبيبتي يلا قومي بتتأخري رشابصوت متقطع : ماما ... بطني تعورني بموت راحت عندها مسكتها لقت جسمها موولللللع نار حست راسها طلعت مسخنة أم راشد خافت كثير لأن مافي أحد في البيت غيرهم هم والخدم راحت عند دلال دلال حبيبتي قومي شوفي رشا مررة تعبانة دلال قامت : ايش فيها أم راشد : ما أدري رحت أصحيها لقيتها مسخنة مرررة دلال : خلاص خالتي أهدي و لبسي عبايتك ولبسيها ونروح مع السواق المستشفى أم راشد : طيب وراحت بسرعة لبست و لبست رشا عبايتها ونزلت لقت دلال جاهزة دلال : يلا وراحو للمستشفى في المستشفى دخلو رشا فحصها الدكتور وقال لازم تعمل تحليل دم وعملو فحص دم والنتيجة بعد ساعة أم راشد : الله يستر دلال : لاتخافي خالتي انشاء الله مافيها غير العافية أم راشد : انشاء الله وجلست أم راشد تسبح وتدعي ربها و دلال تهديها مر من قدامهم خالد دلال : خالد خالد لف مستغرب : دلال دلال : ايوة خالد : ايش تسوين هنا دلال : رشا تعبت علينا فجاء وجبناها ومستنين نتائج التحليل خالد : سلامات ماتشوف شر نزلت الممرضة : رشا محمد خالد : نعم الممرضة : لازم روح عند دكتور عشان شوف نتيجة خالد : انشاء الله خالد : خالتي خليكي انتي هنا وأنا ودلال بنروح عند الدكتور أم راشد : انشاء الله في بريطانيا في حفلة التخرج كان الكل موجود ماعدا سامي ياسر : فين راح الله يهدي دحين بيبداء التكريم سامي : أسف على التأخير الكل ناظر في مستغرب هذا سامي مشاري : سامي سامي : هلا فهد : انت هو متأكد كان سامي قاص شعره الي كان مررة طويل و عامل سبايكي و لابس بلوزة أخضر مع بنطلون وجكيت أبيض رسمي بس غريب جاسم : اهلا بعودتك صديقي سامي: يلعن أبو الفصحة ياخي تكلم انقليش احنا في بريطانيا ياسر فرح أنه أخوه رجع أخيرا وبدأ التكريم نادر محمد ال..... الشباب :واااااااااااو وأنواع التصفير والغناء طلع أخذ شهادته والدرع ونزل في المستشفى في مكتب الدكتور خالد : أهلا دكتور أحمد د أحمد : أهلا د خالد خالد : انا جاي أخذ التحليل حق رشا محمد ال... د أحمد : بصراحة الخبر يصدم و مرة مؤسف كيف أقول البنت عندها ورم ولازم نعمل أشعة نتأكد فيها عن مكان الورم الكل كان منصدم ماحد توقع الشي هذا دلال بدت تبكي : حراام والله حراااام البنت مرة صغيرة دأحمد : لو سمحت يا دكتور خالد أنا لازم أتكلم مع ولي أمرها عن الاجراء المعتاد والعمليات وزي كذا خالد: ولي أمرها مسافر قولي و أنا أقوله د أحمد : حاضر خالد : دلال روحي تطمني على رشا وخبري أمها وأنا بعد شوية جاي طيب دلال : طيب راحت وهي تحاول أنها تستجمع قواها عشان تكلم أم راشد في النادي نهى : غريبة بنات رشا ما جات منال : ايوة مو من عادتها تفوت كلاس واحد عشان ماتسمن الكل: هههههههههههههه ليلى : بدق أطمن لها كم يوم ماهي عاجبتي يسرى : بلا هبل أكيد دلع وبس ليلى : أنا بدق عليها وأشوف جلست تدق وتدق ماحد يرد دقت على البيت ردت الشغالة ليلى : ألوو نينا : ألو ليلى : ألو نينا فين مدام رشا نينا : مدام رشا راح ليلى : طيب مدام شيخة نينا : هذا كله روح مستشفى ليلى بدت تقلق : طيب خلاص باي وسكرت ليلى : بنات دقيت ردت نينا تقول في المستشفى سارة: تلاقي مزكمة ولا حساسية ليلى بدق على دلال دقت أول مرة ماترد دقت ثاني مرة ردت ليلى: ألو دلال بصوت مبحوح : ألو ليلى : دلال ايش فيكي دلال : رشا يا ليلى رشا وبدت تبكي ليلى : دلال اهدي وقولي ايش فيها رشا دلال : عندها ليلى: تكلمي دلال : ورم في الرحم ليلى :.......... دلال : باي وسكرت ليلى لسا مصدومة منال : ليلوووه ليلووووووه ليلى جلست تبكي الكل انصدم عرف انو فيها شي ندى جلست قدام ليلى : ليلى طلي في عيني وقولي اذا رشا فيها شي ليلى : ايه ندى : ايش فيها ليلى : ورم في الرحم الكل أنصدم والي يبكي والي مانعرف ايش نرجع لشباب كانو جالسين في كوفي شوب يحتفلون بتخرج نادر نادر: والله صدمتنا يا سامي سامي : اقول سيبك مني وخلينا نفرح وننبسط دق جوال راشد بشعر أفديها بعيوني ماغيرها زين الخلايق حبيبتي وعيوني تدلل و أطلب و أنا ألبي راشد : هلا حبيبتي وعيوني دلال : تبكي راشد ألحق ألحق رشا بتموت راشد : ايش ايش صار و أمي دلال : أمك أنهارت وهيا في العناية ورشا عندها ورم في الرحم راشد : لااااااااااااا مستحيل أنتي تكذبين مستحيل الكل أنصدم من راشد وصار يقول ايش فيه راشد :خلاص دحين أول طيارة ألقاها اجي دلال :........ راشد : دلال ردي دلال كانت تبكي :هلا راشد : خليكي قوية ما أطلب غير كذا عشان أمي دلال : من عيوني يلا باي راشد : باااي راشد قام : عن اذنكم شباب نادر : راشد لاتهرب وقول ايش صار راشد : رشا أبو راشد : ايش فيها بنتي بنتي الوحيدة راشد : تعبت ونقلوها المستشفى وطلع عندها ورم في الرحم الكل : ايش نادر: مستحيل أختي لااااااااااااااااااا لا لازم أشوفها لازم أبو راشد وهو شبه منهار: اهدى يا نادر اهدى احنا دحين لازم نرجع و نكون جنب أختك في كل لحظة وكل دقيقة كان شكل أبو راشد قوي بس الكل يدري أنو من جوا منهاار نادر وهو يحاول يمسك أعصابه : خلاص انا بجي معاكم راشد : خلص أوراقك و أوضاعك و بعدين تعال نادر: بس أنا لازم أشوف أختي قبل لا ... راشد : كمل ايش فيك سكت كنت تقول قبل لاتموت صح نادر : لا موقصدي والله ياراشد أنا الحين منهار وحاس أني اذا ماشفتها بيجيني شي أبو راشد: فالك ما قبلناه يا ولدي نادر : خلاص أنا أول ماأخلص أوراق برجع رامي : شباب بتجون معانا ولا بتجلسون جاسم : أنا لازم أشوف بنت أخوي مشاري : وأنا مثله فهد: مكان مايكون مشاري أنا معاه ياسر: أرجع أحسن فواز : أنا مالي قعدة سامي : أنا بجلس مع نادر نادر ناظر صديقه صديق الطفولة حتى بعد الي صار بيكون معا وهو محتاج أحد معاه في هذي الفترة رامي: خلاص براحتك انا بروح أحجز راشد: خلاص احنا بنروح نجهز يلا نلتقي في المطار نادر: يلا في المستشفى كانت رشا في السرير تبكي و البنات حولها يهدونها رشا: خلاص سيبوني أطلعو بره أطلعو مابي أحد بلييز اطلعو نهى : يلا بنات مالنا قعدة هني ونزلو كلهم في الصالة حقت الجناح سارة كانت تبكي بكى يقطع القلب تبكي على صديقتها وكيف الحياة صعبة ولكن قدر الله وماشاء فعل كان الكل يبكي بس رنا ونهى الي كانو يهدونهم بس من جواتهم منهارين أم راشد : وينك يا أبو راشد وينك عن بنتك بنتك تتألم وأنت بعيد متى بس ترجع في المطار راشد : فين البقية جاسم : بدق أشوف جاسم : ألوو رامي: هلا عمي جاسم : وينك ؟ رامي : أنا عند الحجوزات أول طيارة بعد نص ساعة دحين أحجز وأجي أوكي جاسم : أوكي جاسم : يقول بعد نص ساعة الاقلاع يلا أمشو أبو راشد : مشينا في المستشفى دخل خالد خال رشا وهو معصب أول مادخل عند رشا خالد وهو شبه منهار : رشا حبيبتي وراح حظنها وباسها رشا وهي تبكي: خلاص خالد هذا الي كاتبوه ربي خالد : أول ماوصلني الخبر ماصدقت بس دحين قاطعته رشا : خلاص أهم شي تكون جنبي خالد : من عيوني أنتي بس أهدي وجلست تبكي وهو حاط راسها على صدره المن ما نامت دخلت أم راشد لقت رشا نايمة أم راشد : ياقلبي عليكي يا بنتي خالد اذا صحيت ناديني أنا مع الحريم في الغرفة الثانية حق الجناح خالد : انشاء الله في بريطانيا بعد ما أقلعت الطيارة ومابقي غير نادر وسامي سامي : مشينا نادر : يلا في السيارة كان سعود ونادر و سامي نادر في نفسه أنا كان لازم أرجع لازم أشوف أختي قبل لا تموت لا لاتفكر كذا يا نادر رشا قوية وانشاء الله تقوم بالسلامة سعود : يالأخ معانا أنت نادر : هاه ايوة سامي : خلاص انت أدعي ربك وهو بيقومها بسلامة نادر: انشاء الله في مطار جدة وصل أبو راشد والشباب وكان يستقبلهم خالد وفارس خالد : الحمد الله على السلامة أبو راشد : الله يسلمك جاسم : يلا مشينا فارس : يلا خالد: عمي تباني أوصلك البيت أول بعدين المستشفى أبو راشد : لا وانا أبوك ماراح أتطمن المن ما أشوف بنتي قدامي خالد: على راحتك عمي ومشيو كلهم على المستشفى في المستشفى كانو البنات كلهم في الغرفة عند رشا وخالها راح يودي أهلو البيت خوال رشا ( أبو ناصر متوفي من زمان الله يرحمه و أم ناصر طيبة وحبوبة ودمها خفيف عمرها 57 سنة و عيالها ناصر ويشتغل محامي و متزوج من مريم وعنده تركي حبوب وطيوب بعكس أخته وعمره 26 سنة ولسا ماتزوج سهى بنت شايفة حالها مرة ماحد يحبها عمرها 20 سنة فاطمة أم راشد متزوجة أبو راشد وعيالها تم التعريف عنهم نور عسل ومررررة حلوة عيونها خضر و شعرها أسود قاصته بوي و سمراء شوية بس ملامحها ناعمة على عكس طبعها خالد سبق التعريف عنه ) رشا : تصدقون أنو ممكن أموت و أنا ماتزوجت ندى دقتها خفيف : فالك ماقبلناه بكرة تسوي العملية وتنزلي بالسلامة ( طق طق طق طق ) الكل تغطى منال : تفضل ابو راشد : رشا حبيبتي وراح حضنها وجلست تبكي وجلس يبكي أبو راشد : سامحيني يابنتي كان المفروض أكون معاكي بس رشا قاطعته : خلاص بابا هذا انت عندي يكفي أنك فكرت فيني أبو راشدطالع في البنات الي كشفو لمن دخل أبو راشد أبو راشد : الشباب بيدخلو تغطو يا بناتي منال : بروح أقلهم يدخلون ليلى : استني أحنى بنخرج من الغرفة أحسن البنات : يلا وطلعو كلهم ودخلو راشد ورامي وجاسم ومشاري في الصالة كان الشباب جالسين في جهة و البنات في جهة وفواز طول الوقت ماشال عينه عن رنا وكان يطالعها بنظرة مكسورة وهي تحاول تتصدى عنه وتسوي نفسها ماهي شايفة **فواز ** كنت أحاول أشوف من ردة فعلها اذا تحبني بس تصديها لي حسسني أنها مستحيل تحبني أخيرا جات عينه في عينها وصار هو وياها يتكلمو بلغة العين الي ما يفهمها غير الي يحب **رنا** لاحظت أنو يحاول يطالعني بس كنت أصده خايفة خايفة من ايش ما أعرف بس لمن جات عينه في عيني ماقدرت أشيلها أحبه أحبه بكل معنى الكلمة بس أخاف أخاف من ايش ما أعرف أحاول أعرف أنا من ايش خايفة وليه خايفة منه يمكن خايفة يطلع تهيؤ وما يطلع يحبني خايفة أنو يعلقني بحبه وبعدين يرميني بعد مارجع الكل بيته في بيت أبو فواز في الصالة نهى : فواز ياعمري يا حياتي فواز : اخلصي ايش تبين نهى : يوووه يعني لازم سبب عشان أدلعك فواز : ايه نهى : طيب جبتلي هدية من بريطانيا فواز : امممم أكيد نهى : يس وصرخت بصوت عالي يعيش أخوي يعيش جات أم فواز مستعجلة : ايش فيه ايش صار فواز : شفتي يا الخبلة خرعتي أمي نهى : سوري مام مو قصدي والله ندى وهي داخلة : انتي اشفيكي تصرخين مثل المجانين نهى : والله ماحد مجنون في الغرفة غيرك ندى : اذا انا مجنونة انتي ايش تطلعي نهى : أنا مثقفة وعاقلة مو زيك فواز : ايه باين اذا بتفضلو تضاربو ترى الهداية بتروح عليكم نهى : خلاص بس عشان أخوي ندى : قولي عشان الهداية نهى رمتها بالمخدة : انطمي أم فواز جلست تضحك على هبال بناتها عدى الأسبوع على خير وماحصل شي مهم واليوم بتطلع رشا من المستشفى وعاملين موفاجأ لها في المستشفى كان أبو راشد وأم راشد وراشد ورشا رشا : مامي رتبتي كل ملابسي أم راشد : ايه بنتي راشد : تصدقين البيت بيرجع يظلم لمن ترجعي أم راشد بتأنيب : راشد هذا بدل ماتقول البيت منور تقول البيت مظلم راشد : حرام يعني الواحد يمزح أكلتيني وهذا كله عشان ست الحسن والجمال رشا بغرور : افا هذا كله عشاني اذا مادلعتني تدلع مين أجل راشد ببرائة : تدلعني رشا : كش مابقي الا انت دخل أبو راشد: يلا مشينا وراحو كلهم على البيت وأول مادخلت رشا كلهم : سبراااااااااايز كان الكل موجود **رشا** اول مادخلت صدمت وحسيت أني بفقد كل هذا أهلي وناسي دمعت عيوني شوية تمنيت نادر أخوي يشاركني فرحتي تمنيته جنبي ابتسمت مجاملة للجميع بس في داخلي أبكي دم وحسيت اذا تركوني لوحدي شوية ممكن أبكي رنا :اشفيكي حبيبتي تكلمي قولي شي رشا : ما أعرف وايش أقول مشكور حبايبي ماكان في داعي رنا : تعبكي راحة حبيبتي رشا : تسلمي وجلسو كلهم و يتكلمون ويضحكون مبسوطين عند البنات نهى : بنات بروح أجيبلي موية أحد يبغى ندى : أنا رشا : وانا منال :وانا دلال : نصيحة مني جيبي تبسي للكل نهى : ههههههه اوكي وراحت وهي في الطريق راجعة دخل واحد من برى هي بس سمعت صوت الباب تصنمت ماعرفت ايش تسوي دخل واحد طويل واحد تمنت تشوفه كل يوم ناظرتوه بعيون ولهانة كلها شوق وفيها تأنيب وجلسو يتبادلون النظرات مدة طويلة وهي ماهي حاسة بنفسهاكانت لابسة فستان فوشي قصير وناعم وصندل ربط وردي فوقها صوت دلال تصرخ : يا بنت هذا كلو موية ولا تصنعينها راحت بسرعة عندهم وهي ساكتة رنا : أخيرا جيتي ماعاد صارت موية هذي جزاتي جايبتلكم موية منال: أعصابك أعصابك لا تعصبي نهى سكتت منهم وسرحت في عالمها ** نادر** كنت مسوي مفاجأ لأهلي وماقلت لأحد أني جاي دخلت البيت وشفتها ملااك قدامي شفت عيون كلي شوق لها حسيتها زعلانة حسيتها تأنبني صورتها وهي تناظرني المن الحين في مخي مستحيل تتمسح بفستانها الفوشي وااااو ملاك البنت هذي بس أنا لازم أخطبها خلاص بعدين أكلم أمي تخطبها وطلع وأخذ دش ولبس بنطلون جينز أسود و بلوة مخططة أسود وأبيض وأخذ جواله ونزل عند الرجال كانو يتناقشوفي الأسهم والشباب ميتين طفش دخل عليهم نادر نادر : السلام عليكم الكل بلم في وجهو بعدين بدأو يرحبون وسلم على جده وعلى أبوه وعمانه والشباب وجلس أبو ياسر : ياولدي ماجا معاك سامي نادر : الا بس راح البيت يرتاح أبو ياسر: اذا كذا خلاص على راحته نادر : بس أبيه أروح أسلم على أمي ورشا ومافي طريق الجد: ولايهمك مشاري روح شوف الطريق مشاري : انشالله عند الحريم كانو كلهم يتكلمون ويضحكون دخل عليهم مشاري طريق يايمه الشباب بيدخلون طبعا ماحد راح يدخل غير نادر بس عشان تكون مفاجأ البنات تغطو أول مادخل نادر نادر: السلام عليكم الكل : وعليكم السلام أم راشد راحت على طول عنده وحظنته وجلست تبكي : ليش يا ولدي كذا تتركني ليش رحت وخليتني هنا نادر ماقدر يمسك نفسه وجلس يبكي مع أمه : سامحيني يالغالية سامحيني يادنيتي ماكان قصدي طبعا الكل تأثر بالموقف الي يصير قدامهم بعدين تقدمت رشا وهي ماهي مصدقة أنو أمنيتها تحققت كانت تمشي بخطوات ثقيلة وقفت قدام نادر طالعته بشوق وتعب وهي لمن الحين ماهي مصدقة تحاول تصحى وتشوف هو حلم ولا حقيقة نادر حضنها وهي على طول بكيت : ليش تسيبني وأنا محتاجة لك نادر بفرح لشوفت أخته وأمه : سامحيني حبيبتي سامحيني والله كان نفسي أول ماسمعت بالخبر أجي على اول طيارة بس ماقدرت ولاكان ودي أشوفك سابته ومسكت يده قربت من أذنه أعتذرت من القلب المجروح ولا لسا لأني صدقني حاسة أنها مجروحة جرح مو هين >> رشا كانت عارفة بأن نادر يحب نهى ونهى تحبه نادر لف على طول جهت البنات كأنه يدور عليها شافها وعيونها تدمع كان نفسه وقتها يحضنها ويتأسفلها رشا دقته خفيف عشان ماحد ينتبه راح على طول سلم على جدته وحريم عمامه وصل عند البنات سلم ليلى : هلا والله بالغالي هلا بولد أخوي اشتقت لك موت نادر : وأنا أكثر تسلمي ياعمري منال تخصرت : أيوة دحين بعد ماسافرت بترجع تشوف غلاتك عندنا بس صدقني لاتشك بغلاتك نادر: ههههههههه وأنتي متى بتعقلي طول عمرك رجة يسرى : الحمد الله على السلامة نادر: الله يسلمك ندى : الحمد الله على السلامة نادر : الله يسلمك بس أعذريني من انتي والله ماعرفتك ندى : أكيد مابتعرفني سافرت وعمري 14 سنة نادر : ندى والله وكبرتي لسا لسانك طويل ولاقصر ندى : لالاتخاف طول أكثر كمان نادر : ههههههههههههههههههههههههه نهى كانت تغلي من جوتها علشان جالس يمزح ويضحك مع أختها نهى وهي طالعة : الحمد الله على السلامة وطلعت **نادر** صدمتني حركتها ماعرفت ايش معناها وليش سوتها لحقتها على طول عشان أقدر أتأسف لها وماهمي أحد من الي استغرب بالي صار روحت وراها طلعت فوق غرفة رشا طلعت وراها دقيت الباب على خفيف ودخلت وسكرت الباب بس ماشكلها انبتهت لمن دقيت الباب لأنها انفجعت لمن سمعت صوت الباب يتقفل نادر : سامحيني يا دنيتي سامحيني يا قلبي نهى جلست تبكي : مستحيل أزعل منك نادر بابتسامة : تذكري انه مستحيل يفرقنا شي نهى : هذا الشي مستحيل أنساه نادر : تدري أني كلي شوق لك وتدري أنك الحب الأول الي سكن قلبي تدري أني مستحيل أتخلى عن جزء من حياتي تدري أني مستحيل أنساك ياكل دنيتي وناسي نهى : تسلم لي الصوت الجنان نادر : الله يسلم عيونك الجنان نهى : ههههههه خلاص طيب اطلع عشان ماحد يشك نادر: وايش يهمني نهى بعصبية مصطنعة : أنا يهمني يشكون فيني نادر : خلاص بااي عمري نهى : بااي وأول ماطلع راحت غسلت وجهها لأنه مكياجها أخترب من الدموع ورجعت حطت مكياج خفيف ونزلت بعد يومين في بيت أبو راشد في العصر أبوراشد وأم راشد كانو يتقهون دخلو عليهم نادر ورشا رشا : هلا مامي وبابي وراحت حبت راسهم وجلست نادر : هلا بالغالي وحب راس أبوه هلا بالغالية وحب راس أمه وجلس جنب رشا أبو راشد : رشا حبيبتي كيفك اليوم أحسن رشا : يس بابي أبو راشد : اتصل اليوم الدكتور و تحددت العملية بعد يومين طيب رشا بهدؤ : الي تشوفه بابا أبو راشد : خلاص اذا كذا ايش رايكم أول ماتطلع رشا من المستشفى نسوي حفلة كبيرة لنادر ورشا أم راشد : ليش لأ الي تشوفه نادر باسها في خدها : لاتخافين هذا الي كاتبه ربي رشا : الحمدالله ماعندي اعتراض بس خايفة خايفة وجلست تبكي أم راشد راحت حضنتها وجلست تهديها و تقرا عليها نادر راح باسها على جبينها : أنا طالع تبين شي رشا : مشكور بس تسلم مابي شي نادر : عن اذنكم أبو راشد : اذنك معاك وراح ولبس نظارته الشمسية وكان لابس تي شيرت سماوي كت مطلع عضلاته وصاير شكله جنان وبنطلون جينز ركب سيارته البي ام دبليو الزرقاء وراح على بيت عمه في بيت أبو محمد ليلى كانت في غرفتها تتجهز عشان رايحة تشيك على الأمور في المشغل وفي نف الوقت تسشور شعرها لمن دخلت عليها أمها أم محمد : ليلى حبيبتي ممكن أكلمك في موضوع ليلى : تكلمي ماما سامعتك أم محمد : بصراحة ما أدري كيف أقلك بس ليلى : خوفتيني مامي في شي أحد صار في شي أم محمد : بصراحة جالك عريس وأبوكي وافق عليه ليلى إلا الان تحاول تستوعب الي يصير أم محمد : بصراحة الرجال والنعم الرجال ولد عمك سلمان و أنا أشهد عليه أنه ونعم الرجال ليلى بهدوء يسبق العاصفة : بس يا ماما أنا ماأبغا أتزوج المن مايتزوج جاسم و أنا وعدته أني أفضل جنبه ليش سويتو فيني كذا أم محمد : بس يابنتي أنا كبرت ونفسي أشوفك عروس قبل لا أموت و أخوكي أشك أنه بيتزوج من أصل ليلى : طيب يا ماما خلاص انتو وافقتو سو الباقي زي ماتبون انا مالي دخل أم محمد ابتسمت : مبروك يا بنتي ألف مبروك وباستها على راسها وطلعت و أول ما طلعت انفجرت ليلى بالبكاء وهي تذكر جاسم كيف كان منهار لمن ماتت البنت الي يحبها جاسم : ماتت ياليلى ماتت وسابتني ماتت وما ودعتني ليلى وهي تمسح على راسه وتحاول تهدي : خلاص جسوم اهدى وعيونها مليانه دموع على الي يصير في أخوها وهو صغير كان وقتها حوالي 21 سنة وكان خاطب وحدة صديقت ليلى اسمها فرح وكان مرة يحبها بس الله كتب أنها تموت وهي صغيرة و ماتت في حادث سيارة مع جاسم صحيت على صوت الباب وأحد يقولها تقوم دخل جاسم لقاها مرمية في الأرض وهي منهارة راح عندها على طول وحضنها وجلس يهديها و يمسح على راسها زي ما سوتلو لمن ماتت فرح ليلى : سامحني جاسم والله غصب جاسم : مسامحك بس انتي اهدي خلاص ابوي ماغلط انا لازم ما أمنعك من انك تعيشي حياتك بصراحة سلمان أنا أشهد أنه ولد ناس محترم ومتربي ليلى : جاسم جاسم : هلا ليلى : تدري أنك أحلى أخو في الدنيا جاسم بغرور : أكيد ليلى : هههههههههههههههههههههه جاسم : أخيرا شفت الابتسامة يلا عن اذنك أنا خارج مع الشباب تبين شي ليلى : مشكور ماتقصر جاسم : العفوو يلا سلام وطلع ليلى قامت راحت توضت وصلت وجلست تدعي ربها في بيت أبو فواز نهى دخلت عند ندى طفشانة تبغا أحد تتسلى معا لقتها جالسة على اللابتوب تكلم صديقتها طلعت وراحت عند فواز دخلت الغرفة لقته يدور نظارته الشمسية نهى : فواز طالع فواز : ايوة نهى : طيب أبغاك تحطني في بيت جدي أوكي فواز : اوكي أصلا بنروح ناخذ جاسم من هناك بس تجهزي بسرعة لأني مستعجل نهى : دقايق وأكون جاهزة وراحت طيران لغرفتها لبست فستان جينز بسيط وناااعم و حطت كحلة و روج على السريع و لبست صندل لونه مايل للجينز وأخذت عبايتها وشنطتها وجري على تحت بس من ربشتها الزايدة طاحت في الدرج من فوق المن تحت وحست جسمها كلو مكسر نهى : اااااااااه ......: سلامات حاسة بشي يعورك أخذك المستشفى نهى طالعت فوق وشافت واحد تتمنى أنها تموت ولا يشوفها وهي في الحالة هذي وطلعت طيران لفوق ** نادر** كنت واقف عند الدرج مستني فواز لأنه تأخر وبعدين شفت نهى ماسكة عبايتها ونازلة لفيت وجهي ولا أسمع طيحة جامدة ماقدرت امنع نفسي ولفيت شفتها طاحت رحت عندها بسرعة أشوف اذا فيها شي بس هيا أول ما شافتني حسيتها تفشلت وراحت جري بس لمن طلعت بسرعة تأكدت أنو مافيها شي ودقيت على فواز أقوله يستعجل عطلنا فواز :أنا جيت نادر : ياخي هذا كله لبس فواز :نظارتي ضاعت وجلست أدور عليها المن ماخذت القديمة نادر :خلاص مشينا فواز : ستنا اذا ماعندك مانع أحط أختي في بيت جدي نادر:لا عادي بس بسرعة ناديها أنا أستناك في السيارة فواز :أوكي طلع فواز ينادي نهى لقاها جاهزة وجالسة مستنية نهى :يلا مشينا فواز : أيوة وأول مانزلت صدمت نهى أنو الي بيوصلها نادر مشيت لسيارة وهي تعرج دخلت ورى وسلمت بصوت يلا ينسمع فواز :يلا مشينا في بيت أبو ياسر في غرفة سارة كانت تسمع أغاني بأعلى صوت وجالسة ترقص دق جوالها بنغمة أغنية linkin park - what i've done رقم غريب ردت هلا ..... : اسمعي زين من البداية لنهاية سارة: مين معايا ......: أنا فيصل يا سارة بس لاتسكري بلييز لاتسكري سارة : اذا ماتكلمت بسرعة وقلت ليش متصل راح أسكر في وجهك فيصل : اسمعي الموضوع الي بكلمك في مهم مرة وماينفع بالتلفون لازم أقابلك و أقولك سارة : اسمع الي كان بيننا طيش مراهقة وبس وهذا كله خلص ل لأني مخطوبة فيصل :اسمعيني يا سارة ماتتصوري حبي لكي بعد ماسبتيني ندمت كثير على غبائي حاولت أنساكي بس ماقدرت سارة : وأنا نسيتك خلاص وسكرت في وجهو **فيصل** أنا ياسارة تسكرين في وجهي أنا بس أن ماوريتيك شغلك ما اكون أنا فيصل راح أخليكي تبوسين رجلي وتترجيني بس اصبري عليا بس أصبري سارة بعد ماسكرت من فيصل دقت على رشا تحكيها عن الي صار قبل شوية دقت أول مرة ماترد دقت ثاني مرة رشا بصوت مبحوح: ألو سارة : رشا فيكي شي ليش كذا صوتك رشا : الحقي علي يا سارة سارة :ثواني وأنا عندك رشا : أوكي استناكي سارة : أوكي بااي رشا : بااي راحت بسرعة لبست تي شيرت أصفر في كلام بالأبيض وبنطلون جينز ولمت شعرها ذيل حصان ولبست عبايتها ونزلت في الصالة كان ياسر وسامي وسندس تلعب عندهم جات سارة مسرعة وعيونها مليانة دموع سارة : بسرعة أبغى أحد يوديني بيت رشا سامي : خير ايش صار سارة : في السيارة أقولك يالله سامي : يلا يلا مشينا ولبس نظارته وطلعو و أول ماركبو السيارة سامي : سارة تكلمي ايش فيها رشا سارة : كلمتها من شوية وكانت تبكي وتقولي لحقي علي سامي : خلاص طيب في بيت الجد أول ماوصلت نهى دخلت الصالة وكان في جدها وجدتها و جاسم ومشاري ومنال نهى : السلام عليكم الكل : وعليكم السلام بعد ماسلمت وجلست جنب منال نهى : أيوة صح نسيت نادر و فواز يستنون برى جاسم : بدري يا نايمة وطلع هو ومشاري نهى : غريبة فين ليلى منال : مادريتي ليلى انخطبت نهى : كذاااااااااااابة ليلوه الشريرة ولا قالت لي منال : صدقتي ماحد توقع أنو ليلى تنخطب نهى : لا لازم أطلع أباركلها منال : يمكن نايمة لأن لها زماان فوق مو من عوايدها نهى : عادي أصحيها بلا دلع يكفيها نوم منال : اوكي في بيت أبو راشد دخلت سارة وكان مافي أحد قدامها حمدت ربها وطلعت غرفة رشا دخلت الغرفة لقت رشا في سريرها مسدوحة و عيونها تدمع وأول ماشافتها راحت حضنتها سارة : ايش في ايش صار تعبانة شي يعورك رشا : تحددت عمليتي بعد يوميين سارة : يا حياتي لاتخافي أنا جنبك رشا : أنا ماني خايفة عشان كذا أنا بكون من غير رحم ماراح أقدر أخلف ماراح يكون عندي أولاد ماراح أحد يرضى يتزوجني سارة : يا حياتي والله خلاص هذا قدرك وهذا الي الله كاتبه يمكن يكون في خير وبركة لكي انتي بس لاتبكي وأدعي ربك كثير سارة : يلا انبسطي و خليني أشوفك مبتسمة يلا رشا ابتسمت غصب ابتسامة خفيفة سارة : أيوة كذا خليكي شاطرة وعاقلة ويلا قومي غسلي والبسي وخلينا نروح بيت جدي نغير جو رشا : أوكي نهاية الجزء هل رشا بتنجح عمليتها ولا لأ ؟؟ ومين هذا فيصل وايش يبغى من سارة اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
