السلام عليكيم
ايش الاخبار
انشاء الله كويسين

جلست اعصر في مخي عشان اطلعلكم موضوع
وجلست افكر افكر افكر لاكن ماطلعت بنتيجه
وبعدين خرجت عندي ستي ( جدتي ) وجلست
تحكينا عن زمااان والحمار حقها هعهع وكيف طاحت في البير << يالطيييف
فقلت خلاص جبتها ليش ما اكتب موضوع عني وانا كبيره خخخ
وكتيتو دا الموضوع ...

اتفضلي يا ستي نعنوعه هادي القهوه حقتك
بس انتبهي تراها حاره لا تحرقك << ورد مديني الحفبده هعهع
طبعا نعنوعه كبيره في السن وعمرها حوالي 90 سنه
وتنسى كتير وبس نسيت انو القهوه حاره وشربتها دفعه وحده << على بالها حليب المراعي ينشرب بارد هع
وبس المسكينه انحرقت وقامت تسبسب في ورد مديني للـــليل << هع بس المهم وبعد ما خفت الحراره راقت اعصابها<< اموت انا في اللي راقت هع
المهم قامت تجمع احفادها ال 100 نفر << اللهم زيد وبارك
ومنهم ورد والمتألقه وجا معاهم ولد الجيران اللي مالو اسم >>المسكين اهلو ما سموه يقولو لمن يطلع حرف جديد يبغو يسمووه
عشان يكون مميز <<على بالهم لوحه سياره
المهم بعد اجتمعو الاحفاد نسيت ليش جمعتهم << يا الله على دي البلشه
بس الحمد لله انو ربي هداها وافتكرت
وقالت تعالو احكيكم قصه حياتي وانا صغيره<< احس اني بأقرأ كتاب قرائه الجده تجلس وتحكي احفاها ههههه هع هع
المهم وجلست تحكي ومن ضمن الحكاوي انها لمن كان عمره 5 سنين كانت تلعب مع ولد الجيران اللي هوا مربط الجن
وكانو 24 ساعه في الشارع ومره يلعبو بلوت وقيم كيو>>ابو الكدب
لالا من جد كانو يلعبو بربر ومزويقه<<ايش على لعب ترفع الضغط
المهم ويوم من الايام مربط ماسار ينزل الشارع
وه يا ربي فين اختفى الولد كل يوم وهوا مصنقر عند المكوجي من فجر ربنا هعهع
المهم نعنوعه انفجعت لا يكون سار في الولد شي << اموت انا في الجيران اللي كده
اهل مربط قالو انو ما حينزل الشارع تاني
لانهم سمعو حاله اختطاف << كان مربط وحيد امو وابوه ومره يخافو عليه وقررت نعنوعه انها ترحلو البيت
وتسأل عنوو وبس تاني يوم راحت ودقت الباب
ودخلت ولقت انو مربط معنقز
عشان كده سا رما ينزل الشارع << يعني لا اختطاف ولا يحزنون كلو من تأليف مربط << من صغرو الولد عليه افكار جهنميه
وبس وبعد شهر تقريبا اهل نعنوعه
قررو انهم ينقلو من المدينه اللي هما فيها طبعا
نعنوعه زعلت ومربط زعل كمان <<مشكله والله دحين يلعبو مع مين
طبعا مربط ما سكت على الموضوع
وقال لازم اتصرف واخلي اهلي ينقلو كمان
جلس يفكر ويفكر وجاب فكره جهنميه كمان
قرر انو يسوي فلم هندي ويقول انو ركبو جني
وانو ما يقدر يجلس في دي المدينه وانو لازم ينقل
طبعا اهلو خافو عليه ونقلو هما كمان
ولكن من سوء الحظ انو اهل نعنوعه رجعو تاني
وطبعا اهل مربط خلاص ما يقدرو يرجعو
لانهم باعو كل شي وحتى بيتهم وبس من هداك
اليوم المنحوس ومربط ونعنوعه ما شافو بعض
<<< فلم هندي حزين هعهع

بس وياويلكم لا ماتردو اوريكم العيون الحمره هعهع << تهديــد

ايوه صح قبل لا انسى دا لقروووبي شباب كول من مشاغبين سكول

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

المشاركة الأصلية كتبت بواسطة ورد مديني^_^ هههههههههههههههه حلللللوه الحكايه يا نعنوعه العفريته اسلوبك حلو يا بنت عمي ماشاء الله << انا كدابه ههههه لالا والله ماشاء الله حلللللللللوه يسلمووووووو