السلام عليكم ورحمة الله وبركاته



مساء النور والسرور





واسعد الله ايامكم باليمن والبركات < وشو اليمن








المهم




اخباركم ؟



سويت شرح للأوامر الأساسية المهمة


لان كل الأوامر يحتاج لها وقت طويل


فوتوشب 8 عربي




قائمة ملف :








1= جديد = فتح مشروع جديد فاضي

2= فتح = فتح مشروع سابق او فتح صورة للعمل عليها

3= تصفح =تصفح ملفات الفوتوشب المحفوظه بصيغة الفوتوشب psd في ملفاتك تشوفها كما الصور بهذا الخيار

4= فتح كـ = فتح ملف فوتوشب محفوظ للعمل عليه ويختلف عن فتح انه يفتح ملفات الفوتوشب الليي بصيغة psd فقط والصور نفتحها في فتح

5 = أحدث الملفات = هنا يستعرض اخر الملفات المستخدمه سواء صور او ملفات فوتوشب

6 = تحرير في ImageReady= هذا الخيار للانتقال الى نافذة اميج ريدي لاضافة لمسات تحريك على التصميم والصور

7 = حفظ باسم = هذا لحفظ العمل وعلى حسب النوع اللي تختاره ينحفظ يعني تبغاها صورة غيرالى JEPG تبغاها صوره فيها خلفيه شفافه PNG تبغاها مشروع فوتوشب PSD وهو والافتراضي دائما




قائمة تحرير :







1= إلغاء= يعني الغاء العمليه الاخيره او التغيير الاخير

2= خطوه إلى الامام= هذا ماينشط الا اذا كنت تراجعت بخطوه للخلف يخليك تتراجع عنها

3 = خطوه إلى الخلف = هذا تراجع عن اخر عمل سويته وصار غلط فيه يرجعك خطوه وحده للخلف مثل CTRL+Z

4= قص = هذا لقص جزء محدد او الطبقه المحدده لنقلها لمكان اخر

5= نسخ = هذا لنسخ جزء محدد او طبقه لنقل نسخه مثله لمكان اخر

6= لصق = هذا للصق المنسوخ والمقصوص في هذا المكان سواء صورة اخرى او نفس الصورة

7= مسح = لمسح الجزء المحدد

8 = تحويل التخطيط = هذا مهم في تغيير المقاس تكبير\تصغير والدوران والاماله والقلب الافقي والراسي حاول استكشافه
للطبقات والصور والنصوص والاشكال المضافه من قائمة اشكال







قائمة صورة :








1= صيغة = وهي الصيغة العامة لألوان التصميم

2\ درجات الرمادي\ وهو تجاهل الوان الطبقات والصور وعرضها بتدرجات الرمادي مثل الصور القديمه

3\ ألوان الشاشة RGB \ وهو الصيغه الافتراضيه لعرض الالوان كما هي

4 \ مضاعفة \ وهذا الامر مثل مضاعفة الطبقات لكنه يضاعف العمل ككل يسوي نسخه ثانيه وهذا مانستخدمه كثير بس حبيتا وضحه

5 \ حجم الصورة\ مقاس التصميم ككل العرض والطول وتقدر تصغر الصور الكبيره من هنا لكن لازم تنبه لو صغرتها بدون ماتحدد قياس الانماط والنسب راح تتشوه اما اذا حددت الاثنين راح يصغر العمل بنفس الابعاد ومايتشوه وراح يعطيك الرقم المناسب للارتفاع اذاانت دخلت العرض المعقول


6\ مقاس حقل العمل \ وهذا لاضافة مساحة عمل لتصميم او صورة بدون مانكبرها يعني نخلي الصورة على جنب ونزيد على اليمين مساحه عشان نشتغل عليها


7\ تدوير حقل العمل \ وهذا لتدوير التصميم ككل او امالتة او قلبه افقيا او رأسيا


8\ تأطير \ وهذا نستخدمه في اختيار جزء محدد من صوره كبيره وقصه وحذف الباقي طبعا ماينشط الا بعد ماتحدد الجزء جرب وشوف






اعدادات







وهنا الكلام يطول وعشان تفهم الخيارات جرب افتح صورة وجرب كل واحد من ذولي

1\ ميزان الالوان يعطي لون عام للصورة

2\ إضاءة وتضاد\ هذا ممتاز لتعديل الصور المنزليه يعني عندك صور ولكن اضاءتها خفيفه تقدر تعدلها هنا طبعا تزيد اضاءه شوي وتزيد معها تضاد حتى الالوان تكون اقوى
وتضاد هنا مثل امر تغشيه طبقه على نسختها ولكن الحلو انه تقدر تتحكم في الدرجه










قائمة طبقة :







1\ جديد \ لاضافة طبقة جديده


2\ مضاعفة طبقه \ لمضاعفة طبقه أي عمل نسخه منها. ونفس الخيارات اللي هنا تلقاها اذا ضغط بزر الماوس اليمين على الطبقه كاختصار


4\ نمط الطبقه \ وهذا مهم لانه يعطي التصميم بعد وحركات

طبعا الخيارات اللي تحت ظل وتظليل داخلي وتوهج خارجي وتوهج داخلي وشطب وحد الخ . تلقاها في خيارات الدمج وهذا ينفع هلى كل الطبقات سواء اشكال او نص او شخبطه فرشاة او صوره جرب وشوف



5\ تنظيم \ وهذا مهم في تنظيم الطبقات يعني من قدام مين . من هنا تنظم وتقدر تنظمها بسحب اللي تبي تكون قدام تخليها فوق في قائمة طبقات يعني نفس الشي


6\ دمج الطبقات \ وهذا نستخدمه لدمج طبقتين او اكثر طبعا بعد اخفاء اللي مانبي ندمجهم يعني يدمج الظاهر فقط







قائمة مرشح :









وهذا عالم اخر من التأثيرات من تشويه وتمويه وتنوير وجعل الصور كانها رسمه واللعب في الصووره لكن التأثيرات افتح صوره وجرب كل تاثير وش يسوي طبعا خل يدك على تراجع بعد كل تجربه عشان تجرب ثاني وكذا *_*




قائمة نافذه :







هذي للنوافذ الظاهره يعني ترتب طاولة العمل وش تحتاج تطلعه واللي ماتحتاج تخفيه طبعا بالصورة انا حاطه المهمات

ادوات :وهي ادوات الرسم

السيره : مهمه في التراجع عن التغيرات مثلها مثل امر تراجع للخلف لكنها تعرض الخطوات اللي سويتها كلها وتقدر تختار أي نقطه ترجع لها

الطبقات : وهذا ماعنه غني لعرض الطبقات

خيارات : وهذا مهم جدا لاظهار خيارات الاوامر يعني كل امر له خيارات خاصه فيه
مثلا لتصغير طبقه من دون ماتتشوه من قائمة تحرير > تحويل > قياس .. وقبل مانغير الحجم بالسحب اضغط مره وحده على رمز المشبك في قائمة خيارات وهذا يحفظ النسب





شي اخير وهو انك تقدر تحول الفوتوشب
من انجليزي الى عربي والعكس

بسرعه وسهوله وانا احوله لانجليزي اذا جيت اطبق الدروس المشروحه للفوتوشب الانجليزي

واحوله عربي اذا جيت ابدع


والطريقه معروفه تضغط K + Ctrl

وتغير لغة التطبيق









والعذر على الشرح والصور العمليه

مافي وقت للزبرقه








والسلام خير ختام