 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
04-28-2005
| |||
| |||
 هــــذا ما حدث لي وأنا آتن من الرياض هذا طال عمركم يوم طلعت من الرياض وانا اقف في محطة القصيم ابشتري بعض الحاجيات من فصفص وبسكوت وبايسن وغيره المهم أني شريت كل مالذ وطاب وحاسبت وطلعت وركبت السياره يوم ركبت تفاجئت بواحد راكب معي وانز قلت السلام عليكم ... مارد بالخير يالخوي مارد هاه .. وش القصه ليش ما ترد وش اللي مركبك بسيارتي برضوه ما يرد قلت طيب تب اوصلك والا وين تبي هو ساكت ولا حرف زي الألف ما يتحرك وساكت لا حول وش اللي بلاني فيه هذا .. قلت تدري خلينا نمشي ونشوف وش قصته يمكن انه أطرم والا ما يتكلم يمكن يبين اوصله قدام عشقت بواحد ومشيت الهوينه ..ز لعله يقول شئ والله وساكت وكل شوي يناظرني يوم مسكت الخط وحطيت رجلي على الطبلون وفتحت الفصفص والبايسن قلت له تبي بايسن ما يرد تبي بسكوت ما يرد تبي فصفص تنقم ما يرد لا حول .. وجلست اسولف معه من وين انت وين تبي وش اللي ركبك وراك ما استأذنت ما يرد مؤدب مثل بعير الشنفره المهم يوم وصلنا تفتيش صلبوخ قلت الله يستر انا شلت هالعله ولا يصير معه مخدرات والا من المطلوبين والا معه شئ ما شيات والحكومة شاده حيله هاليومين الغريبه أن الجندي قال لي تفضل أول مره يوقولن لي تفضل بالعاده يحسرون بي مشيت أنا وفصخت شماغي وجدعته ورى وجلست اسولف عليه كنه ما همني ولا خفت من وين يالحبيب وين ودك أوصلك ساكت هو ما يرد طيب المكيف تبي اشغله لك ما يرد .... تبي اشغل لك شريط ما يرد حجاب والا عتاب برضوه ما يرد شكله يسمع للنانسي وانا ما اسمع له والله واحمق واشغل له خلف قلت خله ينقهر يوم وصلت تفتيش المجمعه وألا الطابور واصلن الرياض قلت الله يعين هذا اللي وله صادونا .. والله وهو يتحرك شوي وتقل أنه خاف .. قلت أنحش اوالله البلشه ... واللي رحت يا مستغرب دهن محاله وشولوا تبزع وتشيله كان نزلته غصبن عنه يوم وصلنا الجندي قال لي تفضل ولا سألني نزلنا مع طلعت الغاط ووقفت أصلي بالغاط وهو ما نزل من السياره جالس ومسكت ومؤدب وزي حرف الطا صليت جمعا وقصرا ... وركبت السياره والا هو جالس ما يتحرك قلت يمكن أنه مصلي وجامع ما ندري سلمت عليه مرة أخرى وركبت السايره ومشينا يوم وصلنا تفتيش أم سدره .. عاد عارفهم هذولا ما يخلون واحد يمر ما يبهذولون فيه قلت هذولا اللي يبي يصيدونه وقفت عندي الجندي وانا اشر للجندي واقول له شف اللي معي وهو ما يسمع من زود القهر قال الجندي تفضل .. يا أخي على الأقل اسأل كل عمركم تبهذولون فينا ليش اليوم تمشونن مشيت أنا وقلت خربانه خربانه خليه المهم ما لكم بالطواله يوم وصلت القصيم ومسكت الدايري وافتح القزازه حقت الراكب 8 8 8 8 8 8 والله ويطير العصفور اللي كان راكب معي من الرياض .. والله انبسطت أنا وياه بالخط |
|
#2
04-28-2005
| ||||
| ||||
| مشاركة: هــــذا ما حدث لي وأنا آتن من الرياض ههههههههههههههههههههه الله يرجك انا توقعت انك مركب شبح |
|
#3
04-28-2005
| ||||
| ||||
| مشاركة: هــــذا ما حدث لي وأنا آتن من الرياض هههههههههههه الله يرجك <<<<<<< اشدعو ببسي ياحليله العصفور موالف عليك المهم ماخذنا بهسوالف تبي تنسينا قل وش جبت لنا من القصيم مشكور على هسالفه تحياتي رج روج
_________________  ان كان بي عذروب حبي لأهل نجد ... احبها واحب شمة هواها... احبها يوم انها ديرةالمجد...دار تمكن بالضماير غلاها.. :yy: |
|
#4
04-28-2005
| ||||
| ||||
| مشاركة: هــــذا ما حدث لي وأنا آتن من الرياض اما عصفور ويمسك خط يلعن ام الانااااااااسه بالله ارسله لي فاكس بروح جهت نجران وابغاه يسليني ويفكني من التفتيش ههههههههههههه هههههه هههههههههههه يسلموا على الموضوع الفله
_________________  أخي العزيز جوهر أحساسي مثل الالماسي بالفعل تحيه لك على التصميم الرائع والأنامل الذهبيه  [img]http://up3.w6w.net/upload/26-01-l]  |
|
#5
04-29-2005
| ||||
| ||||
| مشاركة: هــــذا ما حدث لي وأنا آتن من الرياض هاهاهاهاهاها لوووووووووووووووووووول يسلموووو
_________________ انا نمله مفعوصه سابقا هع  سبحان الله وبحمده .. سبحان الله العظيم |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
