السلام عليكم

هاذا الموضوع ممتع جداا قلت لازم لازم تقرونة هههههه ونقلتة لكم

واهوو 80% حقيقي


---------

مقارنه بين اطفال الناس الهاي كلاس وبين ورعانا
يسعد مساء الجميع بالخير والعافيه


رجعتلكم بموضوع بسيط اتمنى اني اكون وصفته صح


طبعا هو عباره عن مقارنه بسيطه بين اطفال وورعان


لا اطول عليكم < الزبده >



1-في الصباح حيث يبداء يوم اطفال الهاي عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كرون فلكس

ابو الديك ذاك وبيضه وحده بس !! وكاس عصير وشويت زبده مع العسل

على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه< ام الدراهم >

---
ورعانايقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك الهزل

الأم:قم جعلك الجدري الأخ: والله اذا ما تقوم لافقع وجهك

أخته: < تسوي نفسها بتدلعه > يالله قوم وأعطيك شنطة أخوك تروح فيها

للمدرسه << ما درت انه يروح بسير لزاق >>

بعد ما يقوم يمر الحمام على السريع ويغسل وجه شطف هذا اذا راح

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب ابو علم

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي 200 لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

<< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي << سعيدان سارق غترة ابوه قبل اسبوع >>

المهم بعد ما يخلص الفلم اليومي يروح الولد للسياره يلقى اخوه فاتح

الكبوة ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه<< أكيد حكوميه >>



2-بعد المدرسه يرجع اطفال الهاي ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق << طبعا ما اعرف وشو بس اللي اعرفه انهم ياكلونه بشوكه
وسكين >>

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.


---
ورعانا: اما الورع منهم يجي من المدرسه وثوبه قالب لونه بني

<< تقول جدار مدرسه >> ولا دخل البيت حذف الشنطه << اسف السير اللزاق>>
بالصاله وفصخ ثوبه ووينك يالشارع << اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس << والله ما أحد لمسه>

المهم يحطون الغداء << معروف يا كبسة لحم ولا مشخول دجاج >>

غيره ما فيه!! يتغدى الورع الكريم ويصــــــــــــــــــك بعدها لتر للبن

بعدها يجلس ساعه فاتح ثمه << تحاول تسكر كلخه أنسى >>

يحتري من يوديه يغسل له يديه!!!!!!!!!؟؟؟؟؟؟؟



3- اطفال اهاي: لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني اللى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف مررررررررررره حلوه << أسألوني >>!!!!!!؟؟؟؟؟


---
ورعانا: يجي وقت العصر وهو نايم << مفعول اللبن >> يقوم قبل المغرب

وياخذ دروسه وواجباته << ومناك ناسيها في درج الطاوله اللي بالمدرسه>>

ويروح عند أخيته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله ولا دكان << حلوه دكان >> الا ولعبوا بحسبته

ولا رجع البيت << على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد << مساكين اهله >>


4- أطفال الهاي: بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه << الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه

وتطفي النور.

--
ورعانا: لا رجع البيت<< الساعه 11 >> ما يدخل مع الباب لا ينط من

فوق السور على شان ابوه ما يمسكه .

وعلى طول يزبن لغرفته ويسكر الباب ويطفي النور ويطل من الدريشه

<< الشباك يعني >> على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.<< يــبي يقيم ابوه ابو الشباب >>

وفي أثناء ذلك يستغل الفرصه ويدز للمطبخ وياخذ منه جبن << جبنة البقره الضاحكه >>
وخبز << اكيد بيكون خبز بريد >> ويرجع لووووووووووكره<اسف غرفته>

ويقفل باب الصندقه <<اكرر أعتذاري الغرفه>> ويتعشى من ذا الجبن

والبريد اللين يدوخ <على الساعه 3> لا وأزيدكم من الشعر بيت ما ينام

الا وهو متلطم على باله مراقب.
انشالله اعجبتكم المقارنه
ملطوووووووش

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

ياضيفنا لو زرتنا لوجدتنا *** نحن الضيوف وأنت رب المنزل

هي القناعة فالزمها تعش ملكاً *** لو لم يكن لك إلا راحة البدن