للبنات
عندي دروس خطيره لا تفوتكم . شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم

*** عند التلفزيون ***
لا صارت فيه مباراه , والاخ متحمس : اقطعي هالحماس وشلون؟!
انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم هنا بس تقومين بشغلك.. وتسوين نفسك بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين
لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد.. مثل اليسا

واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..<<أتفقناأناوخواتي وسويتهافيه البارح عادهوهلالي بقوه وش سويت دورت منظف زجاج قريب مالقيتن رحت خذت مناديل سعنس أني بمسح وهوقام يهزرجلينه عصب خخخخ قالي وخري لاتستهبلين>>سمعنانضحك ونتشاورخخخ صفطته قمت امسح وأناظره وأبتسم قال خلاص نظفتي وخري خخخ شلت يديني كان الهلال بيدخل هدف نقزبالشاشه قمت لاشعوريا أمسح بالشاشه قدام واجهه عناد هههههههههههه تجربة *مدمد*بس طبعامايقدريصفقني


***عند النوم *** :

لا صار يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج..<<
أناحالفه لاردهاله ولارديتهالأنه كم مره ينقهرلأني أنام ويزعجني ومرتين خوفني وأنانايمه ويحط ألعاب تخوف بسريري بس على أوريه*مدمد*


** اذا المزاج صفر *** :
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح بس انتبهي في هاللحظه راقبي حركات يده : لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه . . هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
<<من جد ثقيلة طينه
عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي
>>سويتهاكثيربس خله يتأدب مع أنه مايطاوعني قلبي على زعله أحبه أخوي ياناس بس أنه يفشلني وأبتلش فيه..

***وقت الطقاق ***
لا جاء يوم وبراسك حرش وتبين تطاققين انتي وياه لازم تجهزين نفسك من كل ناحيه:
1/ اللبس: لازم تلبسين ترنك خخخخخخخخخ علشان يسهل الركض
2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك, وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير 3/ مفتاح الغرفه ولميه الاحتياط واجب
اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,
لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله .
..<<لاطقاق مع أخوي الكبير>>لاتصدقون مو اكبرمني خخخ ماأطقه بس إللي أصغرمنه عادي لاسوواخطأيستاهلوووون>>يازين البنات الكباريتحكمون خخخ

منقول

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

*·~-.¸¸,.-~*خير خلف لخير سلف *·~-.¸¸,.-~*

راسل : جرثومه
http://grthomh.raslony.com/