اوكي انا بنتظار رسالتك


.

أوكي حياتي لا توصي
انشالله باسرع وقت رااح توصلك رساالة مني t.c

_________________
في هالزمن حتى الصديق الي تثق فيه
>>>>> أحذره

مشكوووره اختي

_________________
مابيك يابنت الحلال اتركيني 000000 دربك وعر ورمال مكحول في فخ

انافقير وراس مالي حنيني 0000000000 وانتي متونك باللذيذات تنزخ

تبين لندن ماتحبين كيني 000000 وسواق خاص ولبس فاخر من الجخ


## لتواصل والمعرفه##



alsagau_@hotmail.com

العفو اخوي
عطرت الصفحة بمرورك

تحياات (fa6oom)

_________________
في هالزمن حتى الصديق الي تثق فيه
>>>>> أحذره

--------------------------------------------------------------------------------

البارت الرابع
كان منصدم من الي سواه .. "ليش .. ليش تعاملت معها بهل العنف .. الحين اكيد هي بتكرهني .. بس .. بس انا احبها .. ليش .. ليش توافق على واحد ثاني .. ليش ماتحس فيني !!" .. كان اياد
مليان بمشاعر متضاربه .. حب .. قهر .. حزن .. غضب .. "انا لازم اطلع من هنا .. انا ما اقدر اقعد بهل المكان الحين" .. قام اياد من مكانه وراح لسيارته .. صادفه نواف ..

نواف : اياد وينك ياخي العيال يسالون عنك
اياد : مو الحين
نواف : اياد وش فيك ؟!
اياد بعصبيه : قلت لك مو الحين

ركب اياد سيارته .. ومشى بسرعه برا المزرعه ..

نواف : وش فيه هذا ؟!


كانت فهده تدور على رنيم .. "يالله وينها ذي تاخرت " .. فهده شافت رنيم من بعيد قاعده على الارض ووجها مصدوم ..
فهده : رنيم !!

راحت فهده عند رنيم ..
فهده : رنيم وش فيك قاعده هنا ؟!
رنيم : اياد ..
فهده : اياد ؟! وش فيه اياد ؟!
رنيم والدموع بعيونها : اياد جاني هنا ومسكني بقوه وصرخ علي
فهده : نعم ؟! ليش ؟!
رنيم : عشاني وافقت على فواز
فهده وهي معصبه : الغبي المفروض مايسوي كذا .. لعب بزران احنا
رنيم : ....
فهده : الحين هو وينه ؟!
رنيم : مدري هو اعتذر وراح
فهده : طيب حبيبتي رنيم انتي اهدي وادخلي عن الحريم انا بروح ادور على اياد


راحت فهده تدور على اياد .. طلعت جوالها ودقت عليه .. " يالله جواله مقفل .. وش اسوي الحين .. اخاف يسوي بنفسه شي هل الخبل" ..
..: اأأه العجوز الشمطاء
فهده بانزعاج : نواف مالي خلقك الحين خلني بحالي
نواف وهو قلقان على فهده : وش فيك ؟!
فهده : اياد .. ادق عليه جواله مقفل
نواف : انا شفته قبل شوي طالع من المزرعه وهو معصب
فهده بخوف : اياد طلع ؟! .. يالله ياخوفي يصير له شي
نواف : هو رجال كبير ما ينخاف عليه
فهده : ادري انه رجال كبير وش تحسبني .. بس اخاف من سالفه رنيم يصير له شي
نواف : ليه وش فيها رنيم بعد

فهده قالت السالفه كلها لنواف ..
نواف : يالله .. يا علينا عائله احنا
فهده : ............
شاف نواف ملامح القلق على وجهه فهده .. وتنهد ..
نواف : يالله امشي معي ..
فهده : وين ؟!
نواف : ندور على اخوك وين مثلا
فهده : بس .. بس
نواف : بس ايش ؟!
فهده : الرياض كبيره مره وين تقترح ندور فيه ؟! يا عليك افكار انت بعد
نواف : يعني تبين تقعدين هنا لين تنفجرين من الخوف ؟!

فهده عضت على شفايفها "نواف صادق .. ان قعدت هنا مو بنفجر الا بتحلل من الخوف والقلق" ..
نواف : هاه وش قلتي ؟!
فهده : خلاص بروح معك و امري لله .. بس اصبر لين اجيب عبايتي
نواف : اوكي بستناك بالسياره .. لاتتاخرين
فهده : طيب لاتنافخ افف


من جهه ثانيه كانت رنيم قاعده عند الحريم .. تحاول ما تبين لاحد ان فيها شي ..
نوره : اممم رنيم ؟؟
رنيم : ....
نوره في اذن رنيم : رنييييييييييييم !!
رنيم وهي تمسك اذنها : اااه نوير كم مره اقولك لا تسوين هل الحركه
نوره : هههههههه وش اسوي اكلمك لي ساعه ماتردين
رنيم وهي منزعجه من حركه نوره : وش تبين ؟!
نوره : وش فيه وجههك متغير ؟! من رجعتي من مكالمتك من صديقتك وانتي وجههك موب عاجبني
رنيم وهي مرتبكه : انا .. ههههه .. مـ .. مافيني .. شي .. يعني وش بيكون فيني ... هههه
نوره : يعني ماتبين تقولين ؟!
رنيم : وش .. اقول .. مـ .. مافيه شي ينقال اصلا
نوره بنظرات غريبه : كيفك .. مصيرك بتقولي لي
لمياء : بنااااات
( لمياء بنت عم رنيم 22 سنه .. وحيده امها وابوها صديقه فهده الروح بالروح)
البنات : نعم
لمياء : شفتوا فهده ؟!
البنات : لا ماشفناها
لمياء وهي معبسه : يالله لي ساعه ادورها ابيها تقول لي هذيك السالفه افف

طلعت لمياء من عند الحريم وهي معصبه وتتوعد في فهده ان شافتها ..

طلعت رنيم من مجلس الحريم تبي تاخذ نفس من كثر اسئله نورا .. جلست على كرسي برا وحطت يدها على راسها .. ماتوقعت ولا في يوم من الايام ان اياد ممكن يكون بهل العنف ..
صحيح رنيم جرحت اياد بموافقتها على فواز .. لكن رنيم مو ملك لاياد .. في الحقيقه .. رنيم ما كانت تبادل اياد نفس المشاعر .. كانت رنيم تعتبر اياد زي اخوها ..
ماعمرها فكرت فيه اكثر من كذا .. وصعب عليها تغير مستقبلها عشان ما تجرحه .. "اياد رجال .. وان شاء الله في يوم من الايام راح يلقى غيري وينساني" ..


نواف : اخيرا جيتي .. والله لو انك مسافره للشرقيه على رجلك كان وصلتي
فهده : اففف ياخي اسكت موب ناقصه حنتك انت بعد بالياله تسحبت من هنا وهناك عشان اخذ عبايتي من دون ما احد يحس فيني
نواف : ههههههههههه حشى كات ومن موب فهده
فهده : هاهاهاهاهاها ياخف دمك ياشيخ يالله اخلص شغل قرمبعتك ذي وخل نمشي
نواف : الحين تسمين سيارتي اللكسزز قرمبعه ؟!
فهده : لا يا راعي الكسزز ما اقدر .. امش بس وخلصنا بلا كثره حكي
نواف وهو ماسك نفسه من انه يعطي فهده كف يسكتها : حاظر .. حاظر يالاميره فهده


لمياء كانت تمشي معصبه ..
لمياء : اففففففف وين اختفت هاذي ؟! .. انشقت الارض وبلعتها ؟!
...: مين الي اختفت ؟!
لفت لمياء على اتجاه الصوت ولقت فيصل يناظرها باستغراب ..
لمياء ووجهها محمر : ااه فيصل !! امم شفت فهده ؟!
فيصل : لا والله ما شفتها
لمياء بصوت واطي مع نفسها : اففف الحين وينها ذي قسم بالله ان شفتها بجلدها
فيصل : امم وش قلتي ؟!
لمياء : لا هههه ولاشي
فيصل : امم طيب جربتي تدقين عليها ؟!
لمياء : لا مادقيت عليها
فيصل : طيب دقي مو احسن لك من الدوران
لمياء : اوكي بروح ادق عليها .. بس فيصل وش مقعدك هنا ؟!
فيصل : لا بس استنى مكالمه من واحد من الربع
لمياء : اها اووكي ثانكس



عند نواف وفهده ..
فهده وهي تتافف : ياليلي نهار ونهاري ليل لنا ساعه ندور بدون فايده
نواف : وانتي لك ساعه تتاففين بدون فايده .. على الاقل فكري بمكان يروح له اياد كثير بدال ما تتاففين
فهده : وش شايفني انت بعد ؟! صديقه الصدوق ؟! .. مو انت دايم تقعد معاه ليش ما تساله وين يروح ووين يجي
نواف وهو يتمصخر : لا شايفك اخته وبعدين انا زوجته اساله وين يروح ووين يجي ؟!
فهده وهي تلف وجهها للشباك : انا قايله ان هاذي فكره سخيفه في احد يدور على احد في مدينه كبيره بالسياره ؟!
تنهد نواف وطلع جواله ..
فهده باستغراب : على مين تدق ؟!
نواف : بدق على اصدقائه يمكن يعرفون وين يروح اذا ضاق صدره ولا شي .. احسن من محاكاة هل الوجه
نفخت فهده وجهها ولفت على الشباك .."غبي".. فجاءه دق جوال فهده ..
فهده : الوو
...: فهيييييييييييييده وييييينك يا هبله لي سنين وانا ادور عليك ابيك تقولين لي السالفه
فهده : اوووووه صح لميااء نسيتك مرره خخخخخخخ
لمياء : بلاك غبيه المهم علميني وينك فيه بجيك
فهده بارتباك : امم
لمياء : وشو امم
فهده : انا مو بالمزرعه
لمياء : نععععععععم !!
نواف : يقول صديق اياد ان اياد يحب يروح للمقاهي الي بالتحليه
لمياء : ميييين هذاااا ؟!
فهده : هييه انتي لا يروح فكرك بعيد هذا نويف
لمياء : ووش تسوين انتي ونويف برا المزرعه ؟!
فهده : ندور على اياد
لمياء : ايش ؟! اقول تعالي بس انتي عارفه انه امك بتنهبل اذا درت انك طالعه من المزرعه
فهده : وش اسوي يختي ماهدى بالي على اياد قلت خليني ادوره يمكن القاه
لمياء : ليش اياد وش فيه بعد
قالت فهده السالفه كلها للمياء..
لمياء : لاحوول من اخوك الدرامي بعد .. بس حتى لو لازم ترجعين اهلك بعد شوي بيرجعون البيت وهم قالبين الدنيا يدورون عليك
فهده : احلفي .. يووه طيب بقول لنواف يرجعني انتي ضيعي السالفه قولي اني باي مكان بس ماطليهم
لمياء : بحاول بس لازم ترجعين باسرع وقت
فهده : ايه ان شاء الله
سكرت فهده الجوال ولفت على نواف ..
فهده : نواف بسرعه رجعني للمزرعه
نواف : ليش ؟!
فهده : اهلي بيرجعون البيت وهم قالبين الدنيا علي
نواف : طيب طيب اوكي



دخل اياد المزرعه مره ثانيه .. "تذكرت اني لازم اخذ اهلي معي .. ابوي تعبان ومو قادر يسوق .. بس بحاول اتجنب رنيم قد ما اقدر" .. نزل من سيارته ودخل مجلس العيال ..
سلطان : وين كنت فيه اياد الله يهيدك ابوك كان يدورك من زمان
(سلطان 25 سنه ولد عم رنيم و اخو ريما الوحيد)
اياد : معليش بس كنت طالع اخذ نفس .. حسيت ان المزرعه خانقتني
سلطان وهو يتنهد : بسبتها صح
اياد وهو يتنهد : اجل فيه غيرها في قلبي
سلطان : ياخي خلاص البنت بتتزوج قريب حاول تنساها
اياد : احاول انساها ؟! تحسب هل الموضوع بهل السهوله يصير ؟! .. قول لي سلطان .. قد حبيت من قبل ؟! قد حسيت بالشعور الي انا حاس فيه الحين
سلطان وهو منزل راسه : لا والله
اياد : اجل لا تقول لي احاول انساها بهل السهوله .. انت موب فاهم الي انا حاس فيه
سلطان : بس يا اياد الدنيا تمشي ما يصلح تكون متعلق بها طول العمر
اياد : زي ما قلت .. مارح تفهم شعوري الا اذا حبيت صدق





فهده : ااااه اخيرا وصلنا
نواف : ياربيه منك انتي الله يعين الي بياخذك
فهده : اسكت بس والي يعافيك .. لو عندي وقت كان تصرفت معاك بس مادام الاسره الغاليه تدورني ما اقدر اتصرف معك
نواف : لااا يمه صراحه انتي تخوفين
فهده : يا ثقل دمك يا شيخ

نزلت فهده من السياره وهي تمشي باتجاه مجلس الحريم ..
..: وينك يالهبله ؟!
فهده وهي تشهق : الله ياخذك يا لمياء روعتيني
لمياء : هاذي عمله تعملينها فيني انتي عارفه كم مره امك سالتني عنك وقمت اطلع لها كل تصريفات العالم عشانك ؟!
فهده : معليش لمياء ان شاء الله اردها .. يا حبي لك يالهبله
لمياء : ايه ايه بس يالمصلحجيه .. المهم ترا اياد رجع
فهده : نعم اياد رجع !! وكل هل الروحه كانت على الفاضي ؟!
لمياء : يلاا وسعتي صدرك مع نواف ههههههههههه
فهده : اقول بس لا تحومين كبدي نواف قال يختي هل الولد اثقل دم في العالم الله يعين الي بتاخذه
لمياء : ههههههههههههههه يا حليلكم


لبست رنيم عبايتها .. وطلعت من مجلس الحريم لموقف السيارات .. صادفت اياد قاعد عند سيارته .. اياد ناظر لجهه ثانيه .. ورنيم نزلت راسها وركبت السياره .. "الحين .. كيف بحط وجههي بوجه رنيم ؟!"


ارائكم وتوقعاتكم .. لاتحرموني من الردود
منقوول

_________________
في هالزمن حتى الصديق الي تثق فيه
>>>>> أحذره