|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
08-31-2008, 02:29 AM
| ||||
| ||||
 آنـت نقــ(ط)ــة ضـ ع ــفي ‘ ولو أحـب ثـآنـي / أحبك .... خطييرة   أهليين كلكم ما راح أطول عليكم  البارت الأول : كانت رنيم منسجمه مع فلم P.S I Love You ودموعها تمر على خدها وظايق صدرها مرره مع الفلم رنيم : اهئ يالله مسكينه زوجها مات وخلاها لوني منها ما اتحملت يوم بدونه اهئ اهئ غاده : ايه صحيح ان الفلم يحزن بس مو لدرجه الصياح تراه فلم خرافي رنيم : اسكتي بس تخربين على جويي , خليني اناظر الفلم (رنيم كانت بنت مرره حساسه ورمانسيه لابعد الحدود عندها الرومانسيه كل شي بالحياه كانت ملامح رنيم نعوومه مره وشعرها كان بني لحد نص ظهرها وعيونها كانت عسليه وعمرها 18 سنه بتدخل اول سنه جامعه ) (غاده اخت رنيم عمرها 25 سنه رومانسيه لاكن مو مثل اختها ملامحها حلوه وحاده بعض الشي شعرها اسود فوق الكتف ) خلص الفلم ورنيم كانت في قمه التاثر .. رنيم بحزن : يالله الله لا يحطني بموقفها المسكينه غاده اخذت الريموت وسكرت التلفيزون .. وناظرت الساعه لقتها 3 الفجر غاده : يالله كله منك لازم اعدل نومي زواجي بعد 3 ايام وانتي مخليتني اسهر رنيم : يالله ياغاده بتتزوجين وتتركيني غاده : عقبالك ان شاء الله رنيم : ايه ان شاء الله بتزوج عن حب واعيش حياه مليانه رومانسيه غاده : هييه انتي اصحي وش تتزوجين عن حب وتعيشين حياه رومانسيه ترانا في كوكب الارض مو كوكب الاحلام رنيم : يووه منكم لازم تصيرون متشائمين ,, اصلا احلى شي بالحيااه انك تحبين واحد وهو يحبك بعد غاده : ايه ما قلنا شي بس انتي ماخذه الدنيا بسهوله الواحد ما يقدر يحب وينحب بهل السهوله رنيم : يووه منك لازم تطلعيني من جووي غاده : ههههههه والله انك هبله رنيم : يالله يا اختي الجميله بروح اصلي و انام الحين غاده : اوكي مي تو طلعت رنيم لغرفتها وقامت تناظر من الشباك .. كان الجو حلوو وهادي .. ابتسمت رنيم .. وقامت تطالع الشارع الفاضي .. " يالله متى ترسل لي الشخص الي يحبني واحبه " .. تنهدت رنيم .. ومشت عن الشباك .. توضت وصلت .. ونامت .. قامت رنيم على صوت الجوال .. رنيم بصوت نعسان : الوو .. : الوو يا دبه كيفك رنيم : في احد يتصل بهل الوقت مها ؟! مها : هههههههه اي وقت الساعه الحين 2 بعد الظهر ,, وبعدين كنت طفشانه مره وابي اسولف رنيم وهي تتثاوب : ايه اخبارك ؟ مها : والله تمام انتي ؟! رنيم : كويسه ,, مهاا شفت لك فلم امس مرره يصيح مها : هههههههه بدينا بهلوستك كل ما شفتي فلم صحتي رنيم : يختي وش اسوي حرام زوجها مات مها : ههههههه طيب يا شيخه مسكينه يا حراام رنيم ورافعه حاجب : تتطنزين ؟! مها : هههههههه لا وش دعوى رنيم : تصدقين مها الى الان مو مصدقه ان اختي بتتزوج مها : ايه غاده يا حبي لها هل الخبله احسها ابد ما تنفع زواج رنيم : ههههههههههه من جد خبله هل البنت مها : اقوول رنيموه امي تناديني تبيني اقووم اخوي فواز ,, تبين شي ؟! رنيم : يوووه الله يعينك ,, لا سلامتك مها : يلا بااي رنيم : باي ( مها كانت صديقه رنيم الروح بالروح ,, كانوا دائما مع بعض من يومهم صغار واسرارهم دائما عند بعض ومستحيل يخبون عن بعض شي ,, مها كانت حلوه عيونها سودا و بشرتها حنطيه ,, شعرها تحت الكتف بشوي ) دخلت مها غرفت فواز .. وناظرت الحوسه والفوضى الي بغرفته .."يالله هذا تزوج كيف بتصبر زوجته عليه .. الله يعينها مسكينه" .. مها وهي تهز فواز : فواااااز فواازووه قووم فواز : اممم وش تبين انتي ؟! مها : ماما تقول لك قووم يلاا فواز وهو يغطي راسه باللحاف : طيب برا تكفين مها بعصبيه : فوااااااز قووووووم فواز : يووه طيب انقلعي بقوم مها وهي تمشي للباب : ايه شاطر رمى فواز المخده على مها .. مها : اي خيير ؟! فواز : عشان ما تقوميني من النوم مره ثانيه مها : افف يا شينك (فواز زي ماقلت هو اخو مها .. الرومانسيه بجهه وهو بجهه ثانيه ... ما يعرف يتعامل مع البنات ابد .. فواز كان حلو واسمر .. عيونه وساع وبنيه .. وعمره 23 سنه يدرس اداره اعمال) فواز جلس على السرير .. وقام يتمغط .. شاف جواله .. المكالمه ال10 .. تنهد فواز وقفل جواله .. "الله يلعنك يا مشعل يوم تعطيها رقمي" .. قام فواز من السرير.. ولبس وصلى.. وراح للصاله عند امه .. فواز : صبحك الله بالخير يمه الام : اي صباح الساعه الحين حول 3 فواز : ايه وش اسوي نظام حياتي متلخبط الام : اييه ,, لو انك متزوج كان ماتلخبطت حياتك فواز : ههههههه يعني ان تزوجت ماتلخبطت حياتي ؟! الام : ايه تصير عندك مسؤوليات واشغال بدال هل الفراغ الي انت عايش فيه فواز : هههههههه المهم يمه وش مقومتني له ؟! الام : والله ياولدي انت عارف انا وابوك كبرناونبي نشوف عيالك فواز : الله يطول عمركم وتشوفونهم ان شاء الله الام : وانا مقومتك اليوم عشان اتكلم معك بهل الموضوع ,, ابيك ياولدي تتزوج وتستقر فواز : اتزوج ؟! الحين ؟! الام : ايه ليش لا ,, اصلا هذا عمر الزواج الحين ولازم تخليني اروح ادور لك بنت الحلال الي بتقوم فيك فواز : بس انا يمه لسا ادرس وتوني بادي الشغل في شركه ابوي يعني احس توني على الزواج الام : لا ياا ولدي دراستك مابقى عليها الا سنه والشغل انت ظامنه عند ابوك مافيه مانع لك انك تتزوج ابد فواز ماحب يكسر بخاطر امه .. فواز وهو يتنهد : الي تشوفينه يا يمه الام : صدق يا ولدي ,, ياهي الساعه المباركه من بكرا بدور لك على بنت الحلال فواز بابتسامه : طيب يمه انا استاذن الام: وين يا ولدي ؟! فواز : والله مواعد صديقي اتغدا معه اليوم الام : ايه في حفظ الله يا ولدي فواز وهو يبوس راس امه : يلا يمه السلامه طلع فواز من البيت وهو يتنهد .. "زواج ,, هاه" .. الحقيقه فواز ماكان يهتم بالزواج وهو وافق بس عشان رغبه امه ,,فواز كان من النوع البارد نوعا ما .. رومانسيته كانت صفر .. في الحقيقه فواز مايعترف بشي اسمه رومانسيه .. مع انه كلم بنت من قبل وحبها .. لاكنه ماكان يعبر لها ابدا .. كان يكتفي بالسكوت .. مما خلاها تطفش منه.. ركب فواز سيارته .. وراح للمطعم الي مواعد فيه صديقه .. ياترى ايش بتكون تتطورات هل القصه ؟! وهل بتلقى رنيم الانسان الي يحبها وتحبه ؟! ومين راح تكون زوجه فواز المستقبليه ؟! كل هذا بالبارت الثاني .. ولاتحرموني من الردود  و انشالله البارت الثاني بالطريق  منقول اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
08-31-2008, 06:01 PM
| ||||
| ||||
| رد: آنـت نقــ(ط)ــة ضـ ع ــفي ‘ ولو أحـب ثـآنـي / أحبك .... خطييرة
-------------------------------------------------------------------------------- البارت الثاني ............. يوم زواج غاده.............. في القاعه الام : رنيمووووووه يلا امشي بيوصلون المعازيم وانتي ما خلصتي رنيم : يلا يلا خلصت غاده : يلا روحي قبل ما تجلطين امي رنيم : خلصت انتي الثانيه اووف نزلت رنيم للقاعه وكان شكلها روعه كانت لابسه فستان اسود قصير (ستراب لس) وكانت حاطه مكياج ناعم ومسويه شعرها وايفي .. رنيم : نزلت يا ماما وبعدين فيه احد يجي الحين تونا بدري الام : لا لازم نكون متجهزين قبل بوقت رنيم : طيب طيب جو المعازيم .. وجو بنات عم رنيم .. فهده وليان .. رنيم وهي تحضن فهده : اهليييييييين فهده : هلاا والله ,, يالله رنيموه شكلك مرره حلو يا دووبه رنيم : وانتي بعد شكل ياخذ العقل ليان : وانا ؟! رنيم : هههههههه وانتي بعد (فهده وليان هم بنات عم رنيم فهده عمرها 22 سنه هبله مرره ومرحه .. ليان عمرها 17 سنه هاديه نوعا ما ,, وهم عندهم اخو اسمه اياد راح يظهر في القصه بعدين) رنيم كانت مشغوله مع المعازيم تسلم وتروح وتجي .. وفجاءه حست باحد يطقها مع ظهرها .. لفت ولقت مها مقابلتها بابتسامه عريضه .. مها : اهلين يا قميل رنيم : اااااه مهااااااا البنات حضنوا بعض من الفرحه .. رنيم : وينك يا دووبه تاخرتوا مره مها : وش اسوي امي وحركاتها لازم تجي متاخر رنيم : ايه على الطاري وين امك ابي اسلم عليها مها : ايه تعالي هي اصلا تدور عليك راحوا البنات لام مها .. الي كانت تسولف مع الحريم .. مها : ماما هاذي رنيم صديقتي الصدوقه ام مها : ماشاء الله هاذي رنيم ,, اهلين حبيبتي كيفك .. محلوه رنيم ووجها انصبغ احمر : هلاا خاله ,, انا كويسه الحمد الله ام مها قعدت تناظر رنيم طول السهره .. كانت مره عاجبتها رنيم .. كملت السهره بالضحك والرقص .. وانزفت غاده وطبعا كان شكلها مره روعه .. ورنيم قامت تبكي وتسوي افلام .. والبنات يهدونها .. خصلت السهره على الساعه 6 .. ورجعت رنيم وامها واخوانها فيصل وسلمان للبيت .. رنيم وهي تدخل البيت : اهئ اهئ غاده راحت وخلتني فيصل : حشى الي يقول ماتت رنيم وهي تظرب كتف فيصل : بعيد الشر فيصل : الله طلع الحب يوم راحت ههههههه رنيم : اسكت بس والي يسلمك (فيصل اخو رنيم ,, طيوب وراعي مزح وسوالف عمره 24 سنه ) طلعت رنيم لغرفتها .. غيرت ملابسها وانسدحت على السرير .. تنهدت .. نزلت دمعه من عينها .. صحيح ان رنيم وغاده كانوا يتظاربون يوميا وقليل حالات السلام بينهم .. لكن بالاخير تظل غاده اختها وعزيزه عليها وصعب عيها فواقها .. نامت رنيم بعد تفكير طويل .. اليوم الثاني في بيت ابو فواز قام فواز بعد صراع مع مها ..ناظر جواله لقى كم مكالمه منها .. " يالله متى بتفهم ذي" .. قفل فواز جواله ونزل تحت .. شاف مها قاعده على التلفيزون تناظر فلم وامها كانت تكلم بالتليفون .. قعد فواز جنب مها .. فواز : وش تناظرين ؟! مها : فلم فواز : ايه ادري بس وش قصته ؟! مها : رومانسي فواز : ايه اقول غيري القناه حطي على الرياضيه مها : الحين مع كل تلفيزونات البيت مالقيت ترتز الا عندي فواز : هههههه ايه مها : والله اني داريه بس ما رح اغير سكرت ام فواز التليفون .. وقام فواز وحب راسها .. فواز : كيفك يمه ؟! ام فواز : الحمد الله بخير فواز : كيف الزواج امس ؟! ام فواز : والله حلو ,, وشفت لك بنت حلوه بعد فواز بدون اهتمام : صدق ؟! مها انتبهت على كلامهم : مين ماما ؟! ام فواز بابتسامه : وحده مها : لااا احسبها واحد ام فواز : اقول بس عن الطناز وقومي عن وجهي مها : اوكي ,, ياخبر اليوم بفلوس بكرا ببلاش راحت مها لغرفتها .. ام فواز : ايه يا ولدي متى تبيني اخطبها ؟! فواز : بس يا يمه مو لازم تسالين عنها بالاول ؟! ام فواز : البنت كويسه واعرفها زين هي اصلا رنيم صديقه مهاا فواز بدون اهتمام : اهاااا , طيب ابوي وش رايه ؟! ام فواز : ابوك موافق ووده تتزوج اليوم قبل بكرا فواز ومومهتم : طيب الي تشوفونه ام فواز : خلاص انا راح اكلمهم الاسبوع الجاي ان شاء الله فواز : خلاص براحتك بعد مرور يومين في بيت ابو سلمان كانت رنيم قاعده في غرفتها ترتب سيدياتها .. دق جوالها فجاءه .. رنيم : اهليين فهده فهده : هلا رنييم كيفك من بعد غاده ؟! رنيم : والله ماشي الحال بس تصدقين طفش بدونها فهده : ههههه دقت عليكم ؟! رنيم : ايه دقت علينا وطمنتنا عن نفسها وزوجها فهده : اهاا , اقوول رنيم تعالي بيتنا اليوم رنيم : اصبري اشوف مامتي ----- راحت رنيم تسال امها ------------ رنيم : فهده واافقت ماما فهده : احلفيي ونااسه اوكي انتظرك رنيم : اوكي بروح البس لبست رنيم توب اسود وجينز .. حطت كحل وقلوس .. ولبست عبايتها وراحت لبيت فهده .. فهده : اهلا اهلا رنيم : هلا هلا ضمتها فهده : يا كلبه كويس انك جيتي يختي كنا بنموت من الطفش رنيم : وش تقولين عني انا في البيت وحده اخواني كلهم طالعين وامي تقول مالها خلقي مدري وين اروح فهده : ههههههه المهم انك جيتي راحوا البنات للصاله وقعدوا يسولفون ويرقصون ويستهبلون .. فهده : هاه رنيم تبين تشوفين فلم ؟! رنيم : ايييه تكفين فهده : بس كل شي ولا رومانسي اخاف تسوين لي مناحه هنا رنيم : يووه فهده الافلام الرومانسيه احلى شي فهده : لا المرعبه احلى شي هاهاهاها رنيم : لا والي يعافيك ما ابي شي مرعب اخاف فهده : هههه طيب يا دلوعه رومانسي رومانسي حطت فهده فلم رومانسي وقعدوا يناظرونه .. رنيم طبعا ماقعدت دون دموع .. لازم على الاقل تنزل دمعتين ولا ثلاثه .. فجاءه دخل عليهم اخو فهده اياد .. اياد : اوووه رنيم عندنا اليوم رنيم وهي تمسح دموعها : هلا اياد اياد شاف دموع رنيم انهبل : رنييم !! فيك شي ؟! ليش تبكين ؟! احد مزعلك ؟! فهده : ههههههههههههههههههههههههه اياد يا حبي لك لا بس الفلم كان رومانسي شوي ورنيم طبعا لازم تتفاعل معهم رنيم ووجها احمر : ايه اياد مافيني شي بس الفلم شوي مأثر فيني اياد حس براحه واخذ علبه المناديل وعطاها رنيم وابتسم لها : لعد اشوف هل الدموع مره ثانيه , اوكي ؟ رنيم ووجها احمر : ان شاء الله فهده كانت تناظر بتامل والوضع كان عاجبها .. تصرفات اياد مع رنيم تثبت لها ان اياد عنده مشاعر لرنيم .. بس هو كعاده مو راضي يقول .. فهده : الله الله اياد حس بنفسه : اقول فهيده لايكثر فهده : هههههههههههههه اياد : يلا رنيم انا استاذن وزي ماقلت لك ما ابي دموع اوكي ؟! رنيم بابتسامه : اوكي ( اياد اخو فهده زي ماقلت عمره 24 سنه ,, حبوب ورومانسي مررره ) فهده : يالله رنيم ليش تروحين الحين ؟! رنيم : وش اسوي ماما داقه علي تقول تعالي مايصير اتاخر عندكم فهده : وش دعوه يختي احنا بنات عام رنيم : معليش فهده مه ثانيه ان شاء الله فهده : طيب رنيم وهي تضم فهده : اوكي يلا باي ياقلبي فهده : باااي كان اياد قاعد بالحوش .. شاف رنيم وهي تطلع .. اياد من غير ما يحس بنفسه : رنيم !! لفت رنيم على صوت اياد : ااه اياد اياد بحزن : بتروحين ؟! رنيم : ايه ماما داقه علي تبيني اجي اياد : اهاا , خساره كان ودي تقعدين اكثر رنيم كانت مرتبكه ما تدري وش تسوي .. اياد وهو يمسك شعر رنيم : ااه يا رنيم لو يتحقق حلمي رنيم : امم اياد : انك تكونين لي .. رنيم انصدمت من كلام اياد صحيح انه كان طيب معاها وكانت تحس انه له مشاعر تجاهها .. لاكن ما عمرها تصورت انه راح يملك الجرئه انه يقول لها شي صريح مثل كذا .. رنيم بارتباك : أ .. أنا .. لازم اروح تاخرت مشت رنيم مسرعه للسياره .. وقلبها كان يدق بجنون .. "اياد!!" .. رجعت رنيم البيت ودخلت غرفتها .. انسدحت على سريرها وهي لسا تحس بالصدمه من كلام اياد .. ومن جهه ثانيه اياد كان نادم على الكلام الي قاله لرنيم .. " غبي غبي انا كيف تركت نفسي اقول لها الي قلته .. الحين البنت هربت مني .. " تسند اياد على الجدار وتنهد .. "بس كيف الوم نفسي .. انا كل ما شفتها انسى نفسي و العالم كله .." ياترا ايش راح تكون تطورا هل القصه ؟! وكيف راح تتعامل رنيم مع مشاعر اياد ؟! ومين البنت الي تلاحق فواز ؟! وهل بيظل على طبيعته البارده ؟! كل هذا بالبارت الجاي .. لاتحرموني من الردود .. اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
09-05-2008, 06:53 AM
| ||||
| ||||
| رد: آنـت نقــ(ط)ــة ضـ ع ــفي ‘ ولو أحـب ثـآنـي / أحبك .... خطييرة البارت الثالث بعد مرور اسبوع في بيت ابو سلمان كانت رنيم قاعده في غرفتها تناظر من الشباك .. طول هل الاسبوع كلام اياد ماراح عن بالها .. تنهدت رنيم وانسدحت على سريرها .. سمعت صوت طق خفيف على الباب .. رنيم : ادخل ام رنيم : رنيم رنيم : نعم ماما ام رنيم : ابيك بموضوع رنيم وهي تعدل جلستها : اوكي ام رنيم وهي تقعد جنب رنيم : حبيبتي في احد متقدم لك رنيم وهي منصدمه : نعم !! مين !! ام رنيم : فواز اخو صديقتك مهاا رنيم : فـ.. فواز ام رنيم : ايه امه اتصلت علي قبل شوي وقالت لي .. راح نحدد موعد الشوفه اذا انتي موافقه رنيم: امم بفكر شوي ام رنيم : براحتك بس طلعت ام رنيم وخلت وراها رنيم .. كانت رنيم مصدومه .. "فواز .. متقدم لي .. بس .. مو هو مو ناوي على الزواج .. مها قد قالت لي انه ما يفكر بالزواج .. ايه صح مها !! لازم اكلمها .." اخذت رنيم جوالها ودقت على مها .. مها : الوو رنيم : مهااااااا اخووووووووك تقدم لي مها : اييييش ؟! رنيم : زي ما قلت لك اخوك متقدم لي مها : اهاااااااا اجل انتي الي امي خاقه معها هههههه رنيم : هاذي السالفه مو مزح وش اسوي مها : هاه .. اممم طيب استخيري رنيم : رايك يعني ؟! مها : اكيييد اصلا لازم تستخيرين ربك بكل كبيره وصغيره رنيم : صادقه .. مها : بس تدرين رنيموه رنيم : امم مها : بيصير وناسه اذا تزوجتي اخوي رنيم : من جد بنصير نشوف بعض كثير ههههه مها : ههههههه من جد .. اوكي رنيم انا بروح عند ماما رنيم : اوكي مها اكلمك بعدين مها : اوكي مر اسبوع ورنيم كانت تصلي صلاه الاستخاره .. اخيرا رنيم وافقت وقالت لامها .. فحددوا موعد الشوفه يوم الخميس .. كانت رنيم متحمسه للشوفه لسبب غريب .. مع ان كلام زياد مافارقها .. بس كانت متحمسه ليوم الخميس .. كانت رنيم قاعده في الصاله .. وكالعاده متحمسه مع فلم رومانسي .. دق جوالها .. رنيم : الوو .. : الو اهلين رنيم رنيم : هلا فهده كيفك ؟! فهده : والله تمام انتي كيفك ؟ رنيم : والله تماام , فهده .. فهده : هلاا رنيم : انا انخطبت فهده مصدومه : نعم !! مين !! رنيم : اخو صديقتي ووافقت عليه فهده : اهاا ,, وانا احسب انك انتي واياد بتتزوجون ,, هههه المهم الله يوفقك رنيم : وش تبين انتي ؟! فهده : هههههههه امزح ,, بس متى الشوفه ؟! رنيم : يوم الخميس فهده : اااه بعد بكرا وما قلتي لي يالظالمه رنيم : اصلا توني موافقه ,, وبعدين اهل العريس مستعجلين على الزواج فهده : اهاا طيب ليش مستعجلين رنيم : يقولون ان الولد مستعجل على الزواج فهده : اهاا اوكي حبيبتي انا بروح الحين تبين شي من السوق رنيم : لا سلامتك فهده : اوكي يا قمر اكلمك بعدين باي رنيم : باي سكرت فهده الجوال وتنهدت .. " الحين رنيم انخطبت .. لو يدري اياد وش بيسوي .." .. سمعت فهده صوت الباب ينفتح .. لفت فهده ولقت اياد قدامها .. وكانت على وجهه علامات الصدمه .. فهده : اياد ؟! اياد وهومنزل راسه بصوت واطي : رنيم انخطبت ؟! فهده : اياد .. اياد بصوت مبحوح : ردي علي يا فهده رنيم انخطبت ؟! فهده وهي منزله راسها : ايه .. نزلت دمعه من عين اياد وطلع من غرفه فهده ..انتظرت شوي فهده و لحقته .. لكن فات الاوان .. اياد طلع من البيت .. يوم الشوفه ابو رنيم : رنييم !! يا رنيم رنيم : نعم بابا ابو رنيم : ماخلصتي ؟! رنيم : الا بابا خلصت ابو رنيم : اوكي يلا ادخلي الولد ينتظرك جوا رنيم بارتباك : او .. و .. كي دخلت رنيم الصاله .. ونبضات قلبها تتسارع .."رنيم .. اهدي لاتطيحين وتفشلين نفسك" .. رنيم كانت منزله راسها .. جلست رنيم .. ورفعت نظرها لفواز .. كان فواز يناظرها نظرات مو مفهومه .. تقريبا بارده .. استغربت رنيم .. بس ماعطت للموضوع اهميه .. رنيم كانت كانت خاقه مع فواز .. ملامحه الرجوليه كانت شادتها .. ابتسمت رنيم ابتسامه خفيفه مع نفسها .. من جهه ثانيه فواز كانت منجذب لرنيم .. ملامحها البريئه كانت ساحرته .."ماتوقعت رنيم تكون حلوه كذا .. بس .." .. عدت الشوفه كله ولا واحد منهم تكلم .. دخل ابو رنيم وناداها .. طلعت رنيم لغرفتها .. وهي مستغربه ان فواز ما حاكاها " يمكن مستحي .. هههه يا حليله اخو مها مستحي مني " .. فتح فواز باب البيت .. دخل الصاله لقى امه بانتظاره .. ام فواز : هاه يا ولدي كيف شفت البنت فواز وهو يتذكر رنيم وابتسم ابتسامه خفيفه : حلوه ام فواز : خلاص نحدد موعد الملكه ؟! فواز بدون اهتمام : ايه سوو الي تبون دخل فواز غرفته .. وغير ملابسه .. انسدح على سريره واسترجع الشوفه كلها .. رن جواله .. شاف مين المتصل .. ورد .. ..: الووو فواز وهو مبتسم : هلا والله بمشعل مشعل : هلاا ياخي هاه طمنا البنت زينه ؟! فواز بلا اهتمام : ايه ما عليها مشعل : وش فيك مو مهتم .. تراها بتكون زوجتك المستقبليه فواز : طيب ؟! مشعل : على الاقل تحمس شوي وش هل البرود الي فيك فواز : اصلا الزواج كله عشان امي ولا انا ما اهتميت اصلا مشعل : لاحوول يالي مسوي لي فيها بار في والدينه .. ياخي انت اذا البنت مو عاجبتك لا تاخذها فواز : قلت لك البنت ما عليها مشعل : الله يهديك بس فواز : المهم تعال كنت ابيك بسالفه مشعل : امر فواز : الحين انا كل ما اغير رقمي تعطيه لها .. مشعل : وش اسوي ياخي علتني في كل مكان داقه علي تبي رقمك .. وبعدين ياخي انت اشرح لها الوضع قول لها ان علاقتكم انتهت عشان ما تسبب لنا قلق البنت تبي جواب فواز : جوابي هي عارفته من زمان .. انا مستحيل ارجع للي باعني مشعل : طيب ليش ما تقول لها كذا .. بدال ما تغير رقمك كل شوي .. موب احسن لك ولها ؟ فواز وهو يتنهد : والله ماني عارف وش الاحسن لي .. احس كل شي يمشي بسرعه .. مشعل : ياخي تعوذ من ابليس وامش حبه حبه .. واولها فهم البنت انك مستحيل ترجعلها فواز وهو يتنهد : امري لله مشعل : اوكي الحين انا طالع مع الربع منتب جاي ؟! فواز : لا والله مالي خلق مشعل : خلاص كيفك اكلمك بكرا مع السلامه فواز : مع السلامه سكر فواز من مشعل .. وقام يدور في الارقام الوارده .. لقا رقمها .. ودق عليها .. .. : الوو فواز ؟! فواز : رنا هي كلمتين لعد تدقين علي رنا : بس يا فواز انا احبك فواز وهو يضحك بسخريه : تحبيني ؟! .. تحبيني بعد ما بعتيني .. على مين تلعبين انتي ؟! رنا : بس انا ماعرفت غلاك الا لما فقدك فواز ببرود : ايوه قلتيها انتي السبب في انك فقدتيني .. انتي الي تخليتي عني يوم اني كنت احبك .. والحين انا مستحيل ارجع للي باعني ولو سمحتي على هل الرقم ورقم مشعل لا تدقين هذا جوابك الي بغيتيه قلته ماله داعي تدقين .. رنا : بس فواز .. طوووووووط سكر فواز جواله .. وانسدح على سريره .. فواز كان يحب رنا من زمان لكن رنا تركته لانه ماكان من النوع الرومانسي الي يبين حبه بالكلام .. فواز من النوع الهادي الي يبين حبه من افعاله .. وقليل يبين بالكلام .. تنهد فواز .. وتذكر رنيم .. وابتسم .. انتبه فواز على نفسه .. " لا ما ابي اتعلق في رنيم .. لانها كلها سالفه وقت وراح تتركني .. مثل .. رنا".. كانت رنيم قاعده في غرفتها طفشانه .. "افف مافيه شي ينتسوى في هل البيت" .. سمعت صوت طق خفيف على الباب .. رنيم : ميين ؟! ام رنيم : رنيم انتي قايمه ؟! رنيم : ايه ماما ام رنيم : رنيم ترا بكرا عزيمه في مزرعه عمك رنيم : والله ؟! ام رنيم : ايه والله رنيم : الله وناسه ام رنيم : ايه بس دخلت اقولك لاني ماني رايحه بكرا رنيم : ليش ؟! ام رنيم : والله تعبانه ومالي خلق روحي انتي مع ابوك واخوك رنيم : اووكي ام رنيم : يلا تصبحين على خير رنيم : وانتي من اهله يوم العزيمه نزلت رنيم من السياره .. ودخلت تسلم على الحريم وبنات عمانها .. كانت شكل رنيم مره كيوت .. كانت لابسه تنوره جينز سودا قصيره وتحتها (Tight) اسود وكانت لابسه تي شيرت اسود في كتابات بيضا .. وكانت مسويه شعرها سترايت وحاطه كحل اسود وقلوس احمر .. شكله كانت كيوت مره .. فهده : اهليين يا دبه ليش تاخرتوا .. وين امك !! رنيم : اولا : تاخرنا عشان اخوي ضيع الطريق وابوي عطاه تهزيئه محترمه مما اخرتنا زياده ثانيا: ماما تعبانه وماقدرت تجي .. نورا: رنيمووه اشوى جيتوا كنا شوي وبنطلع نلعب بالدبابات رنيم : الله قولي قسم فيه دبابات نورا : ايه نواف جابها لنا (نورا بنت عم رنيم 23 سنه ولها اخت اسمها سارا 19 سنه) رنيم : الله فله ريما : يلا مادامنا اكتملنا خل نروح نلعب (ريما بنت عم رنيم 20 سنه) الكل : اووكي طلعوا البنات برا الخيمه .. ومشوا للساحه الكبيره الي فيها الدبابات .. طبعا كان ظلام والبنات تقريبا كانوا خايفيين .. لان ما فيه الا انوار قليله وبيضا مما يعطي جو يخوف شوي .. سارا : اممم بنات خلونا نرجع فهده وهي شوي خايفه : وش تبين انتي احنا ما صدقنا يجبون لنا دبابات تبينا نرجع ؟! ريما : بس فهده ظلام ؟! فهده وهي مرتبكه : يلا بس امشوا بلا حركات بزران فجاءه طلع قدامهم احد وصرخ في وجههم .. البنات كلهم قاموا يصارخون .. وبعضهم انحاش .. ..: هههههههههههههههههههه الله يقطع ابليسكم فطستوني ضحك نورا : نووويف يالخايس هاذي حركه تسويها ؟! نواف : وش اسوي ماقدرت اقاوم هههههههههههههه (نواف ولد عم رنيم 24 سنه اخو نورا وسارا) فهده : نويف يالحمار بغت تجيني سكته قلبيه والسبه انت نواف : ياليت كان نخلص من هل الوجه فهده : نعم !!!!!!!!! ان شاء الله انت قبلي ريما : خلاص خلاص بلاش تقلبونها هواش فهده : شوفيه هل الخايس نواف : من زينك يالهبله فهده : انا هبلللله !! انا اوريك نواف : ههههههههههههه وش بتسوين بتظربيني مثلا اقول لايكثر رنيم : نواااف عطنا الدبابات اول بعدين انت وفهده موتوا بعض المهم الدبابات (فهده ونواف ما كان فيه اتفاق بينهم من يومهم صغار لازم يتظاربون ويسوون مشاكل) نواف : يلا شوفوا الدببات هناك راحوا البنات بيركبون .. الا ورن جوال رنيم فجاءه .. شافت المتصله مها .. رنيم : اممم بنات بروح اكلم وارجع اوكي فهده : رنيم طنشي العبي اول نواف : لا رنيم روحي كلمي لا تسمعين كلام فهده فهده : وش دخلك انت روح عند الرجال يلا رنيم : خلاص انت وياها بلا حركات بزران .. بروح ارد على المكالمه راحت رنيم مكان بعدي ودقت على مها .. مها : الوو ليش مارديتي علي رنيم : كنت مع بنات عمي وش كنتي تبغين مها : ماكلمتيني على الشوفه رنيم : ايه صح ما قلت لك عنها انا ........................... مها : رنيم ؟! رنيم ؟! رنيم : مها اكلمك بعدين طووووط رنيم كانت منصدمه .. اياد كان قدامها .. وعلامات الغضب في وجهه .. رنيم حست بالخوف .. اول مره تشوف اياد بهل الشكل .. رنيم : اياد .. اياد بصوت واطي : ليش ..يا رنيم .. رنيم : ..... اياد وهو معصب : تكلمي رنيم !! ليش قبلتي في واحد غيري .. رنيم ماعرفت وش تقول فمشت بتهرب من اياد لكن يد اياد كانت اسرع .. مسك يدينها ودف ظهرها على الجدار .. اياد : لا تهربين مني .. جاوبيني ليش وافقتي ؟! رنيم : اياد .. انت تعورني .. اتركني اياد حس بنفسه وترك رنيم وعطاها ظهره .. اياد ويده على وجهه : رنيم .. انا اسف راح اياد وترك وره رنيم الي كانت راح يغمى عليها من الخوف .. نبضات قلبها كانت تتسارع ..جلست رنيم على الارض مصدومه "معقوله ... اياد ؟! .. " ارئكم وتوقعاتكم .. لا تحرموني من الردود اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
09-05-2008, 08:07 AM
| ||||
| ||||
| رد: آنـت نقــ(ط)ــة ضـ ع ــفي ‘ ولو أحـب ثـآنـي / أحبك .... خطييرة
كملييييييييها بليز
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
09-05-2008, 03:55 PM
| ||||
| ||||
| رد: آنـت نقــ(ط)ــة ضـ ع ــفي ‘ ولو أحـب ثـآنـي / أحبك .... خطييرة
ههههههههههههههههههههههههه والله انتم فضين هههه هع هع خخخخخ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
