من مشطك لكحلـك لفستانـك المُلقـى ,, على غديرك .. لمكياجـك وتسريحـه

يحملني الهاجـس ل آخـر مـدى وألقـى=للخـوف بيبـان .. وفراقـك مفاتيـحـه
تشقـى دروبـي ورى خطواتـي وأشقـى=ورى زمانـي .. وتلميحـه وتجريـحـه
صحيح عشتك ( أمـل ) وأحلامنـا وُثقـى=لكن خطـاي الأمـل وأزريـت تصحيحـه
أحبـك : إن قلتهـا ، تذبحنـي الفـرقـا=ما أبيك : وإن قلتها ، كيف آمن الطيحه ؟
لي عام / عامين : بين أبقى ومـا أبقـى=أرسمك / وأحلمك / في ممسى وتصبيحه ..
من مشطك ل كحلـك ل فستانـك المُلقـى=على غديرك .. ل مكياجـك وتسريحـه ..
منها اكتشفت إنْ حتـى مْرايتـك تُسقـى=من ريقك وتاخـذ أنفاسـك لهـا ريحـه
وآنا ب شكواي هالغرفـه غـدت غرقـا=تصدّعـت كـل جدرانـي ب أثـر صيحـه
تفنّن الحزن فـي وجهـي وهـو يرقـى=من قلبـي .. وينـزل الدمـع بْمراجيحـه
يا سيّدة كل هذا الـورد .. كيـف ألقـى :=ليلٍ تغرّد علـى " الزفـة " مصابيحـه ؟
إن ضاقت الأرض فينـا : غـرّدت ورقـا=هالكوكب يدور .. من حسـرة مجاريحـه