.. مـــواقف العجـــايز ..


العجــــايز والســــوق (( 1 ))


هذي عجيز راحت للسوق ودخلت محل وأعجبتها قطعه وراحت للمحاسب >>> عاد هنا يبدا شغل المكاسر للحريم
قالت له بكم تعطيني اياها قال : بهالسعر (( وحدد لها سعر ))
قالت : لا لا ياولدي غاليه .. لازم تراعيني بالسعر انا دايم اجي لعندك و.....
تو بيتكلم الرجال يبي يقول : بس ياخــــ ...
ألاّ قاطعته و قالت له : من غير لاتبسبس علينا ولاتقاطعني أنا كل ماجيت لعندكم أشتري وما اقصر بمحلكم
قال لها : بـس ياخاله حنا أمس كنا مسويين إفتتاح للمحل ..!!!
قالت هاه ... قلتلي كم حسابك ...؟!!! >>> وهقها ..


العجـــايز والســـوق (( 2 ))


عجيز ثانيه رايحه مع بنتها للسوق وبنتها عندها بنت كتكوته وحاطتها بالعربيه وتدفها ..
كان تجي العجيز وهي يادوووب تدف عمرها وتقول انا بأدف عنك وخري عني وتاخذ العربيه وتدفها ألين ما أوصلو عند السلم المتحرك
هنا توهقت خالتنا بالعربيه ...!!!
وتجلس تلف يمين ويسار وتحاول من هنا ومن هنا الين ماركبتها ومشى فيهم السلّم ويوم وصلو لنهاية السلم
كان تعلق العربه مدري وين فمسكينه العجوز وهي تبي تفك العربه ومن غير لامقدمات ولايحزنون كان تلف عبايتها مع السلم وهي تشد عبايتها
والسلم يشد هو الثاني
العجيز المسكينه طوول الوقت وهي تجاهد الين ما اوصلت رقبتها للأرض وهي تسحب وتسحب وبنتها مو عارفه شنو تسوي كان يجي رجال ويسحب العبايه
بقوه فلما قامت المسكينه من الارض وتناظر بشكلها كان تشوف العبايه صارت جاكيــــت كـلها تقطعت

فجات وامسكت بنتها من اذانيها وقالت لها ذا الحين تشترين لي عبايه جديده انتي فاهمه ؟؟ وبنتك دوري من يدفها غيري ... >>> وانتي من قالك دفيها من البدايه ..


العجـــايز والمستشفـــى

وعجيز ثالثه اسمعو سالفتها بالمستشفى
اقول لكم ذاك اليوم جا ولدها وقال يايمه ترى باكر عندك موعد بالمستشفى فخلك جاهزه
قالتله ان شاءالله ياوليدي
فجا اليوم الثاني وركبت للسياره وودوها للمستشفى
فهناك استلموها وقامو يسحبون فيها من غرفه لغرفه ويسوون لها تحاليل واشعه ومدري شنو
فلما خلصت كل شي جات ودخلت على الدكتور ...
السلام عليكم ..
الدكتور وعليكم السلام واخذ ملفها >> مقابله شخصيه حق وظيفه !!!
فلما مسك الدكتور الاشعه جلس يناظر شمال ويمين وفوق وتحت ويقلبها و هو عاقد حواجبه
قال اي ده ..؟!!
عاد هي قامت تناظر فيه وهي خايفه قالت له وش فيه دكتور عسى ماشر
قال خير ان شاءالله خير يا امي ..
فراح الرجال يبي يتأكد من نتيجة التحليل شاف كل شي اوكي ورجع ومسك الاشعه بس مو قادر يحدد شي ..!!!
يعني القفص الصدري كله مو باين وكأنه شي كبير كذا مغطيه وخافي معالمه

قال يا امي يمكن اشوي اكشف عليك ....
فلما قرب ورفع الشيله عشان يحط السماعات كان يشوف الطامه الكبرى
تعرفون شنو شاف ..؟!!

شافها حاطه كيلو ذهب على صدرها >>> العجيز لابسه طقم ذهب رشرش ومتكشخه فيه ورايحه للمستشفى

فعشاان كذا الأشعه ماطلعت واضحه لأنه الذهب مغطي على كل شي