أفضل قصيدة غزلية @@@@@@@@@@@@

قصيدة اذا قريتها ودي اكتب شعر

انا اشهد انها شعر

اتمنى تعجبكم واتمنى اللي يعرف شاعرها يعلمنا بسمه
انا سمعت انها للشاعر خالد الكسر


الله يا بــرق ٍ سمر حــــــال دونــه ...... ناس ٍ حدوني عن حراويه لا أنصاه .

يا مل عين ٍ كـــــــن يلعب بـ نونــه ..... راموس لاح بـ داخل الجفن و أعماه .

أمس الضــــحى لي ماقـف ٍ تعلمونه ... حار الـقـــدم في ماقـفـي ما أتــعــدّاه .

أخيل بــــــرّاق ٍ تـلاعـج إمـزونــه .... يا ليت من يقطع ظما الكبد من مــــاه .

هاضـــني ورع ٍ ضواحك إسنونه ... درّ ٍ و ياقوت ٍ تـضـمــــــّـه شـفـاياه .

تكفون يا أهل الـــورع لا تنهرونــه ... خــــلـّـوه ياقـف لين يكمل مراعـــاه .

أنا هـــواي إصغيـّـر ٍ ما يجونــــــه .... ورع ٍ عذاب اللي براســـــه مماراه .

الف صباح الخير قـزّت إعــيــونــه .... و الف صباح الخير مـفـلـّـجــات ٍ ثـنـاياه .

والف صباح الخير صـــفـّـة إقرونه .... و الف صباح الخير وصفه و حلياه .

زملوق عشب ٍ ناعمات ٍ غـصـــــونه ..... من وقـع سيله ما وطت به رعـايـاه

وسلامتكم