السلام عليكم ورحمة الله وبركاته
ومبارك عليكم شهر الخير




صدفه لقيت الشعر في قسم الأعصاب0000 يبـي يشـق الثـوب ومحجزيـنــــــــه
وأسمع وراه بغرفته صوت وطـــلاب0000 أحد(ن) يبي يحماه وأحـد(ن) يدينــــه
وسئلت عنه أهل العنايـه والأطبـــــاب0000 وش صاب حال العود يـا معالجينـه
قالوا مريض ودخّل أشهار منصـــاب0000 والظاهـر انـه مقفيات(ن)سنيـنــــــه
قلت أبا زوره عجلـوا فكـوا البـــــــاب0000 قالوا مريض ويزعجـك فـي ونينـــه
قلت أن هجرته عمد يلحقني أعتــاب0000 تكفـون لا تقفـون بينـي وبيـنـــــــــــه
قالوا تفضـل دون تقييـد وحســــــــاب0000 لو كان حـال العـود ماهـي بزينـــــه
وجيته وهو من ضجة الناس مرتــاب0000 وقام وتنهض فـي وقـار وسكينــــه
عليه مـن لبـس العيـادات جلبـــــــــاب0000 وسلك المغـذي رابطـه فـي يمينــــه
وحبيت خشمه وأقبل الدمـع سكــــاب0000 وأبطـى يطالعنـي بعين(ن)حزيـنــــه
جسمه نحيف ولحيتـه كلهـا تــــــــراب0000 وبعض الكوايا واسمـات(ن) جبينـه
معروف ما بين القرايـب والأجنــــــاب0000 شكل بدوي معـروف ملـه وطينــه
قلت انت وشلونك عسى ما بك أسباب0000 وقـام يتلقـف عبرتـه فـي يدينـــــــه
قلت أنت لا تبكي ترى عندك أقـــــراب0000 قرابـة المولـود مــن والديـنـــــــه
ومش الدموع وقال ويش أنت يا شاب0000 فـلان وبـن فـلان وفـلان وينــــــه
ناس(ن) ثنوا من دون حقي ولاغاب0000 يـوم إنهـم حيـيـن متوارثيـنــــــــــه
متوارثين الصيت والصيت ما خــاب0000 ياطيـب صيتـي عندهـم حافظينــــــه
حامينني من كـل جاهـل وغصـــــاب0000 مـن مـد كفـه للعبـث خاصمينـــــــه
واليوم شـوّه سمعتـي كـل مغتـــــــاب0000 يلعب على الحبلين محـد(ن) يهينـه
إلاّ قليل(ن) من كثير العــــرب طـاب0000 تالي رجايـه عقـب ذقـت الغبينـــــه
لعلهـم يبنـون بيتـي بـلا اطنـــــــــــاب0000 في وجـه صلفـات الليـال المتينـــــه
وحقي عليهم ذبـح تسعيـن كــــــذاب0000 ومن فوق هـذا شرهتـي بالثمينـــه
وإن ما فعلوا هذا فأنا مالي أصحاب0000 بكره تبي تصبـح عضامــــي دفينـه
بلغ لي الشعـار فـي كـل الأشعــــــاب0000 تـراك فـي حـــــكـم الوصيـه رهينـه
وأنته تنوب وكل شاعـر ليــــــا نـاب0000 يصبح كما الربـان فـوق الســفينـه
إما طلع و ألاّ هفـى هفيـــــة غـراب0000 والشعر ماهـــــو شـي لـولا سمينـه
بلغ شواعير النبـط تصـدر كتـــــاب 0000عن عالم(ن) شعــــر النبـط ظالمينـه
قلت الوصيه واصله مابهـا أطـــلاب0000 أبـداً تطمـــــــــن والمـراسـل أميـنـه
وقام وتلحف وأنسدح وأغلق البـاب0000 وبعد المرض عادت عليـه السكينـه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي