الى الاخوة الاعزاء / اليكم قصة واحد توه متعلم بلوت المهم ما ابي اطول في المقدمة واسمعوا القصة :
هذا سلمكم الله واحد دايم يسمع عن البلوت والبلوت انه وانه المهم كان هو ما يعرف ويسوي نفسه فاهم واكثر من مرة يروح مجالس ويالله يالله يعزمون فيه الربع واخونا في الله عامل فيها ثقل وما يبي يعني اني وهو طبعا انا خابره ما في راسه المهم ذيك المرة قرر انه يتعلم مثله مثل كل الشعب الاوربي ,, وابتدا رحلة التعلم من الالف هذي اسمها شيرا وهذي هاص وهذي سبين وهذي ديمن المهم اتكل على الله وصار يطقطق وبعد جهد جهيد عرف يفرق بين الصن والحكم واسماء الورق وكعادة العالم العربي المتعلم ما تنزل ورقته من جيبه وين ماراح وين ما جاء في جيبه الورق ؟ حتى مرة في الصلاة احتاج منديل وطلع ماحصل الا ( ) الديمن والمهم دبر فيها عمره ,,,ما عليه حالة خاصة ,,,,,,,, المهم صاحبنا صار يسهر سهرات طويلة على باله مستمتع وهو مسكين دائما بجنب القده اي خارج الطابور ,,, وصار على هالحال الين كفشه ابوه لانه هو يطلع بعد ما ينام الشايب طبعا و,, وفي احدى المرات العديدة انكفش الرجال انه خارج الطابور لان الشايب اخذ التكميل ذيك الليلة وعندما عاد صاحبنا حصل الباب مزرفل اي ( مصكر بالمزلاج) والمفتاح ما ينفع وسطح خوينا على باله ناقز الحوش الا بالشايب موجود واعطاه ما الله به عليم المهم انه نام وهو يشاهد كل انواع النجوم وعندها اخونا في الله قرر قرار خطير جدا وهو تحريم البلوت طبعا لا بل العكس الاستمرار لان لكل نجاح ضريبه كما يتوقع ,,, بعدها بفترة صارت جلسات البيوت ما تخارج معه وصار يكشت كشتات اي يطلع طلعات مع ربعه واخواياه وفي مرة من المراريت وتحديدا تحت كبري العمارية طلع هو وشلة من ربعه واخوانه بعد معه ,,,, المهم وكالعادة اخينا في الله المدمن البلوت ورقته في جيبه ومدهر على باله فلتة زمانه ,,, المهم بدا اللعب وكان خويه وقبيله اخوي واحد من ربعه والفريق المنافس واحد من اخوانه واخوي قبيله او خويه ( ادري ما راح تفهمون المهم ان كل واحد منهم خوي للثاني ) وبدا اللعب وخوينا من امس يتحدى وبعد ما غلبهم الفريق المنافس اثر خوينا شالها في صدرة ونوى يخرب الجلسة لانه انهزم المسكين وش سوى انطلق وشغل موتره وعيا لا يشتغل تدرون ليه ناوي يخرب ويدعسهم من زود الحرة يعني بالله معقوله كل ذا قهر ورجع جلس وقام يلعن ويسب ويهدون فيه الربع منا ومنا دون فايدة المهم في الاخير تصافق هو وواحد من الشلة واتنهت الطلعة حزايني والدعوة خربت ما علينا انتهت السهرة ,, ويوم رجع البيت وجد المصير المحتوم واخذ حقه المعتاد وزيادة وبعدها فكر صاحبنا مليا وجيدا تفكير زي الاوادم وحرم اللعب تحريم نهائي والله اعلم,,,,,,,,,,,,,,,,,,,
===========================================
اخوكم الصغير / البركان

ههههههههههههههههههه

من جد حلوه يا بركان هههه واللي احلى منها انه قام بيخرب الجلسه بالسياره والله اللي من جد يبي يفوز الله يكفينا شره لا وفوق هذا ما استانس لين تهاوش عسى المطقوق مو اخوك بس ههههههههههههههه

والله شكله اخوك علشان كذا حافظ القصة من كثر ما يرددها ههههههههههه ترى امزح معك لا تزعل وتحقد علي بكره جايك في الليل ابي اجيك وانت مبسوط مو متضايق ونلعب بلوت علشانك بعد هههههه

_________________

اخوي طويل العمر / جاسي
لا تخاف والله انه مب اخوي بس القصة بعد ماهي بعيدة مني لاني كنت متواجد في الحدث , المهم حبيب البي حياك الله في اي وقت وحتى لو كنت متكدر واشوف وجهك الصبوح اكيد بينقلب حالي الى البهجة والسعادة والانس والسرور لاني التقي معك طال عمرك فاهلا وسهلا ملايين الملايين وحللت اهلا ووطأت سهلا ,,, بس اسمع اذا لعبنا بلوت وصار مهاوش لا تزعل زهب عمرك تراني بعد محرم بس عشانك احلل واكفر يمين هههههههههههههههههههه ارحبببببببببببببببببببوااا بس تكفى تراك انت ماقلت انك جاي الا انت عسى بتخلي خويك فلان ادمي والا اه تذكرت جاهز الوضع خصوصا انه يقدر سكان الدور الثاني ههههههههههههه حميدانوه حبيب البي لا تنساه تكفى ,,,,,,,,,,, جبه معك هو وعفشه وعلى فكرة الهدية اللي معكم لي غيروها ما ابي اخسركم شوفو لي ايوه من هذيك عليك نور لانها ارخص ,,,,, هههههههههه
=========================================
اخوك / البركان

بركان ....

من جد قصه رائعة ومثيرة .. خاصه يوم انه نقز من وراء السور

ههههههههههههههه .. ننتظر المزيد ..

شواقه

_________________
راح الونيس وقال تصبح على خير ..
ما يدري أن مع روحته راح الخير ..

الله يسامحه ..!؟!؟!

هههههههه يابركاااان
والله تذكرني اول ماتعلمت البلوووووت
هههههه
بس تدري طرى على بالي موقف واحد بس اخف من موقف خووويكم ذا
هذا الله يسلمك تووه متعلم والدور عليه قبل اخوووه
وجته اربع مييه
والله يطييير من الفرح قال اربع ميه
وم جا الدور اخوه قال خمسميه

قال انت دايم وراي وراي
هههههه
صدق ان فيه خمسميه
ههههههههه
مشكوووووور على كل شي يابركان