من الابتدائي للثانويه 00فضايح ميه ميه ^_^

بسم الله الرحمن الرحيم

السلام عليكم
يداتي انستي سادتي انتم على موعد الان مع محدثتكم
الوقه مع اهبل سلسله فضائحيه في العالم
لاي عضو او عضوه ملقوف اوغير ملقوف
اليكم هده الفضائح او المواقف اللي سارتتلي في مراحلي
العمريه المختلفه والتي لازالت باقيه في مخي
يا الله على بركة الله سرينا :

الفضيح الاولى في سنه اولى
والله كنت مسخره هههههههه انا كنت مع ماما في المدرسه
حقتها وكانت تدرسني علوم في سنه اولى >>يرحم ايام العلوم مو دحين احياء واموات
وكنت لمن اشارك زي البنات البنات يقولو انا ابله
انا اقول انا ماما >>خخخخ دلخه من صغري
وبنت خالي كانت معايا كانت تقول انا عمه ههههه
من جد مسخره

اما في الصرفه كنت استناها عالدرج اتربع وافسخ
الجزمه الله يكرمكم والبكلات وكل شي مضايقني
يعني تحسوو شكلي واحد في القهوه مو ناقصني غير الارجيله هع
واممممممممم مااتذكر اشياء كتير في الابتدائي
خلينا نروح للفضيحه التانيه

الفضيحه التانيه في المتوسط
صراحه كانت المتوسطه شييي
خليني اول شي احكيكم عن ابلاتي
طبعا في هدي السن كتيير بنات يحبوو ابلات وكده
عاد انا ماخليت ابله ماحبيتها هع
وكنا دايما نتضارب مين احسن ابله
ومين اكتر ابله تستاهل >> ب00لا00ه00ه
وانا ايام الاختبارات كنت ادعي يارب تراقب
علينا ابله مدري مين وما تراقب ابله مدري مين
يعني الناس تدعي ربنا يوفقها وانا ادعي كده هع هع

وكنا دايما نتكلم عن الانديه والفرق وايش نشجع
انا والبنات الخطيرين زيي هع
وايت نادي احسن >> طبعا الهلال يبغالها كلام ؟؟

وطبعا كنا نجيب صور للفنانين واللاعبين من الجرايد ولمجلات
وكان سوق ياسر ديكه الايام هع ودحين مهند >> ما اخس من قديد الا عسفان هع

طبعا احلى هروج كانت لمن نتكلم عن العيال والمعاكسات
في النت والطبيعه والشات
مثلا وحده بتحكي عن واحد حلو شافتوو :
والله شفتي داك الكاشير اللي في سوق ما ادري ايش
اوووف يجنن ياحظ اللي تاخذه
التانيه تقلها اقول اسكتي شفته والله انه اخويه
الشيفه احلى منه هههههههههه

او وحده تقلنا عن العيال اللي في الشات
وانهم مو مصدقين انها بنت لانها فلاويه زيي هع وهما
مو مصدقين انه في بنت فلاويه ؟؟
وهدا واحد منهم >> الحوار فيه شوية تاليفات من عندي لاني مني متذكرته مزبوط
هو:يابو شنب اخلص علينا والله منت بنيه
هي:ليه طيب؟؟
هو:ياخي البنات ماصلات ودمهم ثقيل وانت بصراحه محشش
هي:يعني لازم اسوي نفسي تقيلة دم عشان تصدق اني بنت
هو:لا انا عندي حل سمعنا صوتك
هي :هههههههههه لا ياشيخ كان غيرك اشطر
هو :تكفين بس اعطيني الو واذا ما ودك بالتلفون خليها بالمايك
بس عشان اتاكد انك بنت
هي:عنك ماصدقت ياحبيبي
هو :اخخخخخ عورني قلبي على هالكلمه خلاص صدقت انك بنت
هو:طيب باسالك سؤال باتاكد منه انك بنت
هي :اسال ياعملي الردي
هو :ركبك سود ولا بيض؟؟
هي : ههههههههه حلو طيب انا باسالك سؤال باتاكد منه انك
ولد
هو: اسالي يابعد عمري
هي:اظافر رجولك سودا ولا بيضا ؟؟
هو:هههههه قويه وش دراك عاد هده ماركتنا المسجله
هي :شايف كيف قال ركب سودا قال روحو شوفو بلاويكوو
بعدين اتكلموو >>وربي خطييره هع ميه ميه

اووه بغيت انسى اهم شي صاحباتي
كنت مطلعه لكل وحده منهم لقب هع يا الله نسري :
تقى =طق طق >>مركز التحميل هع
اشواق =شكشوكه
اسماء=سمسومه
ريم =رمانه
ابرار=برايه
بشاير=بشرى العالم
وطبعا كنا نشرد دايم من الحصص خصوصا اذا كان علينا ابله خروطيه هع
تلاقي احيانا نص الفصل داشر برره

اااااااه ياربي تعبت من الكتابه والله واكيد انتو
تعبتو عاد انا باوقف دحين
واكمل الباقي مره تانيه ان شا الله
بس اذا لقيت ردود تبيض الوجه هاااا
ترى باقي فضايح كذا
نكملها لاحقا
احوووووووووبكوووم ماااااااااره
سلااااااااااااااااااااااااااااااام